البَرْق يَبْرُقْ وَالتْرَفّ هَمْاَلِيٍ

▪︎33▪︎

صلى الله على نبينا محمد

- لا تلهيكم الرواية عن ذِكر الله وعبادته🌺

لاتنسوا التفاعل على الفصل ولو بنجمة وتعليق
{يهمّني ويحفزني تعليقكم}

______________________

▪︎في بيت الجد متعب :

فزّ رائد على صراخ خاله مطلق اللي دخل يصارخ وينادي ، طلع رائد من المجلس وفزّوا الكل على صراخه مستغربين ، هم اول مره يشوفون مطلق معصب كذا ، مطلق : وينه قليل الحيا وينه؟ ، تقدم مشعل مستغرب : منهو؟ ، مطلق بغضب : ياسر وينه؟؟ ، لف مطلق على رائد اللي هز راسه : ماندري ياخال ماجا .

لف مطلق بعصبيه يمشي يدخل للمجلس وشاف ابوه جالس يأشر له ، قرّب ينطق الجد متعب : وراك داخل بشّرك؟، مطلق : والله ان ماطلعتوا لي ياسر الحين لأدفنه يوم اني لقيته ، الجد متعب : ليه وش صاير؟ ، مطلق : مفشلني ومطيح وجهي بالتراب هاللي مايستحي ولا ينتخي ، بلع ريقه رائد بتوتر ولف من دخل محسن مستغرب يشوف حالة المجلس والفوضى كامله.

ناظره مطلق بحده : وينه ياسر ؟؟!! ، محسن : ما ادري ياعمي كنت مع اخوياه ، الكاسر : خير عساه خير؟! ، لفوا كلهم على الكاسر اللي دخل ونطق مطلق بغضب : طلعوّا لي ياسر من تحت الارض والان ، ناظره الكاسر : ليه ياعمي صاير شي؟ ، مطلق : لاتسألوني عنه طلعوه بسرعه ، بلل شفايفه الكاسر ولف رائد يطلع من مجلس الرجال ومشى بخطوات سريعه اول ماشاف امه واقفه قدام باب البيت تناظر رائد مستغربه وخايفه من الصراخ اللي يطلع .

تقدم لها رائد يدفعها بخفه عشان يدخلها ونطقت والبنات وراها : وش صاير وانا امك؟ وش كل هالصراخ؟ ، صد بعيونه رائد لايشوف البنات ونطق بحده : يمه ادخلي بس خالي هايج ومعصب ، شريفه : ايه وش صاير؟ ، رائد : ادخلي يايمه ماهو بوقته تفاهم الحين ، لف على دخول البرق اللي نطق له : رائد وينهه؟ ، بلع ريقه رائد وترك امه يتقدم لبرق ويدخل معه بالمجلس والصراخ والصوت العالي يطلع منه ، مشت ترف بسرعه تدخل لبيت الجد ولفوا كل البنات عليها اول مادخلت متجمهرين يبون يعرفون السالفه .

اسراء : وش صاير ياترف علامه ابوي يصارخ؟ ، بللت شفايفها ترف بوهقه ماودها تقول شي وتخاف هم مايبون يقولونه وهمست بصوت هادي : عمي مطلق تهاوش مع ياسر وهذا كل اللي صار ، لانت ملامح اسراء من فهمت الوضع والاغلب استغرب ليه يتهاوش معهم ، فزّت اسراء تمسك جوالها وقربت تطل عليهم من النافذه وتسمع صراخهم .

وعند برق اللي دخل وتقدم يحاوط كتوف ابوه ويحاول يهديه ، لف عليه مطلق يناظره بغضب ونطق : وينه اخوك الله يــ- ، قاطعه برق ينطق بصوت عالي : الله يصلحه يبا الله يصلحه انت ارتاح ، لف يناظره وأشر على صدره : هو بداخلي يالبرق!! اللي سوّاه بوجهي ، بلع ريقه برق من نظراتهم له ونطق : هدّ يايبا كل شي بينحل وانا احلف لك اني اجيبه لك بيديني ، بلع ريقه مطلق يمسح وجهه وسحب ابوه برق يجلسه بجنب جده ولف يسحب جواله يتأكد من المكالمات ونطق الكاسر : يمكن انه بحايل طيب؟! ، ناظره مطلق بتعب : انا تعبت مع هالولد ، برق : لاتحاتي يبا .