ياسعود والله مابعد زينها زين انا اعتبرها عبرتاً من عبرها 🥹🌷

(3)

بسم الله الرحمن الرحيم

المكتب
سعد: وش الموضوع اللي تكلمني فيه
رعد: ادري انك مارح توافق بس بقولك
سعد: قول وش الموضوع
رعد: اليوم جتني مصممه في الشركه وعندها اخ عمره 35 كان متزوج وزوجته متوف*يه
سعد: قول وش تبي من الاخر
رعد: ابي رورو تتزوجه
سعد: انت تستهبل صح
رعد: ما استهبل هي لازم تكمل حياتها وتنسى ذاك وهو انسان زين ما فيه شي يعبيه
سعد: يعني رجال كلمك
رعد: لا ما كلمني بس انا بكلمه
سعد: ماني موافق على قرار هذا
رعد: يبه لازم رورو تشوف حياتها وتنسى ذاك وهذا الحل المناسب
سعد: بشوف موضوعك هذا بكره
رعد: يعني موافق
سعد: ماني موافق بس بشوف الولد بكره
رعد: ابشر بعزمه للشركة
سعد عارف انه ولده عنيد وذا رفض راح يحاول الين يوافق على قراره

محل الورد
دخلت محمد وواره وعد ورهف انتبهت للبنت اللي دخلت هي نفسها اللي جت للشركة وراحت لها
وعد انصدمت: رهف اخت رعد
رهف ضحكت: وش فيكي انصدمتي
وعد: لا بس عشان شفتك هنا انصدمت مو كنتي في الشركه
رهف: اي كنت بس انا اشتغل هنا ورعد طلب مني اروح معه الشركه عشان نقابلك وكذا
وعد: والله اني حبيتك اعطيني رقمك عشان نتواصل
عطت رهف رقمها لها كان محمد يراقبهم بصمت كانت عيونه على اللي واقفه جنب اخته ملامحها مميزه كانت لابسه عبايه ومتحجبه استوعب على نفسه وبعد انظاره عنها هو وعد نفسه مايحب احد غيرها ولا يناظر بنت غيرها

نرجع للماضي
تزوج محمد بنت عمه واللي حبه طفولته كانو يحبون بعض بجنون لاكن اكتشف انها خاينه وما تستحق حبه لها كانت تخونه مع ولد عمه واللي هو صديق الطفوله كان يكذب نفسه انها ماهي خاينه لاكن طلعت خاينه
من قهره منها قت*لها من بعدها صار ما يؤمن بالحب وصار يكره شي اسمه حب وصار انسان بارد وبدون مشاعر ووعد نفسه ما يحب احد غيرها ولا يناظر بنت غيرها
نرجع للواقع
اخذت وعد الورد
وعد: محمد وش فيك مفهي
محمد: ما فيني شي يلا نمشي
قامو وطلعو من المحل

في اليل قصر ال سعد
كانو يجهزو القصر عشان خالاتهم اللي من يوم ما تزوجت قطعو التواصل عنها بسبب المشاكل لكن تصالحو وقررت تزورهم
رهف: هذي خالتي ولا مره سمعت عنها
فرح: والله حتى انا بس يقولون عندها بنتين وولد بعمرنا
رهف: حماس ودي اتعرف على اولاد خالتي
اسيف: هاي قايز
كشرت فرح من سمعت صوته
فرح: وش تبي
اسيف: وش ذا السؤال
رهف: واضح انك تبي شي
اسيف: مابي شي جيت اسمع سوالفكم البايخه
فرح: سوالفنا بايخه لا والله سوالفك انت وحبيبتك البايخه
اسيف: وشو حبيبتي
فرح: لا تسوي نفسك غبي لما الكل ينامون تتكلم معها في الحوش وتدخن
اسيف: يالغثيثه قاعده تراقبيني
رهف: ما توقعت منك انو يكون عندك حبيبه
اسيف: عاد شكوى لله طحت ومحد سما علي
رهف: بالله قول وش اسم حبيبتك
اسيف: امم اتوقعي
رهف: بلا عباطه قول
اسيف: تبين تعرفين
رهف: اي
اسيف: اريام
فرح: ياخي وش ذا الاسم ما عجبني
اسيف: ادري انو مو عاجبك عشان صديقتك اريام
فرح: لا تكلمني عنها
رهف حست مشاعرها رجعت من بعد سمعت هالاسم كان سبب فراقهم كانت الدمعه تنزل من عيونها بدون ما تحس انتبه اسيف لها
اسيف: وش بك يا رورو
فرح: لا والله وبعد تسأل انت تعرف ليش تبكي
اسيف استوعب انو هالاسم نفسه اللي رهف تنجرح منه
اسيف: والله اسف ماقصدي
رهف مسحت دموعها: لا تعتذر انت مو غلطان انا الغلطانه كيف حبيت شخص كذا ماعنده احساس ولا ضمير
ضمها اسيف: لاتبكين وانا اخوك لاتفكرين فيه وانسيه احسن لك
رهف: اكيد بانساه وراح اكمل حياتي مارح اعيش على ذكره وابكي
فرح تبي تغير الموضوع: ياخي وش فيكم الحين بيوصلو
اسيف: ياخي نسيت اجيب العشاء
ضحكت رهف: ياخي نسيت روح جيب قبل لا يجون ولا تنسى المقبلات والحلا
اسيف: ارسلي واتس عشان لا انسى
رهف: اوكي

الجناح
صحى محمد على صوت جواله رد عاالاتصال
محمد: الوو
مزنه: محمد وينك لي ساعه اتصل
استوعب محمد انو امه اللي اتصلت وقام عدل جلسته
محمد: هلا يمه كنت نايم
مزنه: احنا جينا الرياض
محمد: انتم هنا
مزنه: اي
محمد: ليش جيتو
مزنه: راحين نزور خالتك
محمد: خالتي
مزنه: اي خالتك وقالت له سالفتهم
محمد: اجل جايكم انتو وين
مزنه: في المطار
محمد: ثواني واجيكم
وقفل الاتصال قام وراح الحمام (الله يكرم القارى) اخذ شاور عشان يصحصح وطلع لبس الثوب والشماغ وعطر
قام يفكرك اول مره يسمع انو عنده خاله راح غرفة وعد
وقام يصحيحا قامت وعد وهي معصبه
وعد: محمد مو وقتك تصحيني
محمد: قومي اقولك امي جات الرياض
وعد: ماما جات الرياض
محمد: اي واتجهزي البس شي زين عشان نروح بيت خالتي
وعد: خالتي
محمد قال لها السالفه وقالها تتجهز وطلع من الغرفه
قامت وعد ودخلت الحمام (الله يكرم القارى: واخذت شاور وطلع لبست فستان اخضر قصير تحت الركبه وسوت ميكب خفيف لبست عابيتها الجديده اول مره تلبس عبايه ناظرت المرايه وعجبها شكلها بالعبايه اخذت كم صور عالمرايه وراحت عند محمد وركبو السياره

قصر ال سعد
اتجهزو البنات ولبست رهف فستان ابيض
وسوت ميكب هادئ يمثل شخصيتها ولبست كعب اسود وفرح لبست بنطال اسود عريض وبلوزه لونه سكري باكمام منفوشه وسوت ميكب خفيف ولبست كعب بيج
اما زوهور وجود لبسو نفس الفساتين بس الوان مختلفه
نجود ازرق وزوهور وردي ورهف سوت لهم ميكب خفيف ونزلو تحت
رعد: عاد ما عرفتكم
رهف: اكيد مارح تعرفنا
اسيف: جايب كل شي في المطبخ رحو شوفو لو في شي ناقص
فرح: تمام بروح اشوف
ليلى: اختي تقول انهم وصلو
رهف: انا بروح اشوف
قام رهف وطلعت الحوش وفتحت الباب بانت الصدمه من وعد ووعد نفس الشي جا اسيف وراه وسلم على مزنه ودخلو كانو رهف ووعد يضمون بعد ورعد مصدوم من شاف وعد هي نفسها بنت خالته
وعد: يعني انتي بنت خالتي
رهف: اي
مزنه: الظاهر انكم تعرفو
وعد: انا انبقلت في شركتهم واعرفهم من هنا
محمد كان مصدوم بس ما عطى اي اهتمام للموضوع
ليال وهي تهمس لي نجود: شوفي ذا المزيون
نجود: وين
اشرت ليال على اسيف: والله شكله مزيون
نجود: انطمي استحي على وجهك
ليال: شكلك عجبك
نجود: بلا استهبال اسكتي
ليال: خلاص بسكت
وعد: والله ما توقعت اننا بنات خالات
رهف: حتى انا
جهزو الطاوله وجلسو الكل يتعشون بعد ما خلصو عشاء
قررو البنات ينامو في غرفة رهف والعيال كانو جالسين في الحوش يلعبون بلوت بعد ما لعبو والنوم اهلكهم راحو ينامون

المكتب
رعد: هلا يبه وش بغيت
سعد: امك كلمتني بخصوص رهف وقالت انو خالتك جات عشان تبي رهف لي ولدها محمد بس تحتاج موافقت ولدها
رعد: رهف مارح توافق بس راح نحاول عشان توافق
سعد: ماشاءالله الولد زين وما فيه شي بس ما تزوج من يوم ما زوجته اتوف*ت وامه تبي تزوجه عشان ينساها واحنا نبي نفس الشي نبي رهف تنساه
رعد: يعني انت موافق
سعد: اي

________________________________________

ادري اني سحبت عليكم 🫣
حسابي تيك توك :s_l.ot511
لاتنسو النجمة 🌟