بسم الله الرحمن الرحيم
عند رهف بعد ما محمد ضمد لها جرحها كان يكلمها
وهي مو سامعه شي وكانت بعالم ثاني وتهوجس
محمد: رهف رهف
استوعبت رهف على نفسها: ها
محمد: سمعتي وش قلت لك
رهف: وش قلت
محمد: اوف منك لي ساعه اتكلم وانتي في عالم ثاني
رهف: طيب قول وش قلت
محمد وهو معصب: لي ساعه اقلك كيف تهتمي لي جرحك
رهف: طيب لاتعصب ماني بزره عشان تعلمني كيف اهتم في جرحي وبعدين انا اعرف اهتم لي جرحي
محمد: واضح انك تهتمي في جرحك
رهف: وش قصدك
محمد: ولا شي المهم اسمعي انا طالع عند الرجال
رهف: تمام
محمد: وكمان لا تطلعي من الغرفه ولا تتحركي كثير عشان جرحك
رهف: تمام
طلع هو من الغرفه وهي جالس عالكنبه ورجعت تهوجس فيه وفي حنيته لها وفي نفسها يابنت ليكون حبيتيه لا لا كيف احب شخص كذا بس عشانه حن علي لا والله والله اني خفيفه بس ماينفع احب شخص زي كذا ويصير نفس الغلطه صحت على نفسها وقامت دخلت الحمام (الله يكرم القارى) مسحت ميكبها ولبست بجامه وطلعت انسدحت عالسرير وغفت عند محمد دخل الغرفه وشافها نايمه كان يبي يصحيها عشان يرحون الفندق لاكن شافها نايمه بتعب وماحب يزعجها قام يفكر وين ينام لانهم ولا مره نامو في غرفه وحده هو مايقدر ينام عالكنبه لانه صغير وما يكفيه بعد طول تفكير انسخد عالسرير من الجهه الثانيه ونام
عند دانه بعد ما المعازيم راحو دخلت الغرفه وغيرت فستانها وجلست تفكر باحداث اليوم وتحس بفراشات في بطنها كانت مبسوطه انها رح تتزوج الشخص اللي تحبه قاطع تفكيرها من جاها اتصال من حازم اتوترت دانه وردت عالاتصال
دانه: هلا وش بغيت
حازم: مره وحده وش بغيت مافي سلام ولا هلا بزوجي
دانه: لا مافي هذا ان شاءلله بقولك بعد ما نتزوج
حازم وهو يضحك: هيي تراني زوجك
دانه: طيب وش تبي
حازم: اتجهزي انا تحت انتظرك
دانه: ليه وش فيه
حازم: لا بس بوديك مكان حلو يعني حرام اطلع زوجتي
دانه: لا لا مو حرام الحين بنزل
حازم: وش فيك طايره
دانه: لا بس طفش فالبيت وانت جيت بالوقت الصح
حازم: تمام يلا انا انتظرك تحت
قامت وبدلت لبسها ونزلت تحت وشافته قاعد في السياره يتظرها وهي ركبت السياره
دانه: على وين
حازم: مفاجأة
دانه: تكفى قولي على وين
حازم: قلت لك مفاجأة
دانه بزعل: طيب
عند هدى دخلت غرفتها وبدلت فستانها وجلست عالسرير تتابع مسلسلها سمعت صوت دق عالشباك وخافت
هدى: اكيد اتخيل لاني ما نمت
زاد الدق عالشباك وهي خافت قامت من مكانها وراحت عند الشباك
هدى بخوف: من تكفى لاتسوى شي لو انت حرمي
رائد: يالمهبوله افتحي انا رائد
فتحت هدى الشباك وشافت رائد اللي كان مصفوق
هدى: رائد صدق انك مجنون
رائد: لي وش فيه
هدى: وبعدين ليه جاي من شباك غرفتي
رائد: بقولك بس خليني اتخبى عندك
هدى: ليه وش مسوي
دخل رائد غرفتها وهي راحت جابت له علبه مويه
شرب رائد الماء
هدى: قول وش مسوي
رائد: اتضاربت مع اخوان حبيبتي
هدى: ها
رائد: امزح بس تضاربت مع عيال الحاره
هدى: والله مزحك بايخ وبعدين لي تتضارب مع العيال الحين الاهل مبسوطين وانت رح تخرب فرحتهم بمصايبك
رائد: مايهم بكون عندك ثلاث ايام على بال ماينسون السالفه ادري الحين هم بيرحون لي اهلي عشاني
هدى: تستهبل صح وش اللي تكون عندي لو شافوك اهلي مارح تشوف خير
رائد: لا ماقصدي كذا
هدى: طيب وش قصدك
رائد: يعني بكون في بيتكم
هدى: اها تمام
رائد: اجل بروح انام بالصاله
هدى: اوكي
طلع رائد من غرفتها بدون ما احد ينتبهون وراح للصاله وانسدح عالكنبه
أنت تقرأ
ياسعود والله مابعد زينها زين انا اعتبرها عبرتاً من عبرها 🥹🌷
Mystery / Thrillerروايتي الثانيه اتمناه تعجبكم 🦋 وتدعموني روايه بنت تكره الزواج بعد تجربتها الاول وتنجبر تتزوج اكبر تاجر ممنو*عات وتقع في حبه وو*🌷
