بسم الله الرحمن الرحيم
<لا استبيح النقل او الاقتباس>
<لا استبيح بالقراء بدون ان تضع نجمه>
لندن
رهف فتحت عيونها وشافت حولها وما شافت محمد تنحدت وقامت من السرير وراحت تاخذ شاور طلعت لبست بنطال وبلوزه دخل محمد وهو مستعجل وناظرها وهي ناظرته وما قالت شي كانت بطلع من الغرفه لاكن قاطعها صوت ووقفت
محمد: البسي عبايتك
رهف: ليه البس عبايتي
محمد: اقول البسي ولا تكثري كلام
رهف بعناد: ماني لابسه
محمد يحاول يتحكم باعصابه: يعني تبينا نصير مثل امس
تذكرت رهف اللي وضاقت عليه الدينا وتاففت
رهف بهمس: يعع مادري على وش شايف نفسه على ذا الوجه
محمد؛ تراني سمعتك احسني الفاظك
طنشته وراحت لبست عبايتها وطلعو ركبو السياره
بريطانيا
دانه اللي كانت واقفه عند البلكونة وتناظر سقوط الثلج اتسعت ابتسامته لما حست بيد تحاوط خصرها يحتضنها ونطق: وليه لجئتي لدفى الرياض وهربتي من قسوة شتاء بريطانيا
ماردت وابتسمت وتنهدت وغمضت عيونها لثواني
وهي مستمتعه على الهواء البارد اللي يتخلل جسدها وبدفئ يدينه اللي محاوطها
ونتطقت: عادي نمدد سفرنا في بريطانيا
ابتسم حازم: اكيد ياروح حازم عاجبك المكان
دانه: اكيد عاجبني لان بريطانيا حلم طفولتي
حازم: طيب البسي خلنا نطلع
دانه: تمام
بيت عاصف
نجود اللي قامت وراسها مصدع اخذت شاور وطلعت وراحت لي غرفة وجد شافتها قايمه وتلعب راحت لها اول ما وجد شافتها ضحكت شالتها نجود وقامت تلاعبها نزلت وشافت الكل مجتمعين عالطاوله ويفطرون حست بانظار عاصف عليها وتوترت كانت تحاول تتحاش انظاره جلست وجات الخادمه ومدت لها اكل وجد ونجود قامت تاكلها عاصف ابتسم وناظر اهتمامها ببنته
عاصف: فكرتي
نجود بكذب: بوش
عاصف: اللي قلته امس
كان الكل يناظروهم بصمت نجود ما عندها غير انها توافق لانها حبت وجد واتعلقت فيها ونطقت: الصراحه فكرت بالموضوع وانا موافقه
غلا قامت وهي تصارخ وناظروها الكل وهي ما شافت نظراتهم اتفشلت
شمس: انتي على وش طايره
غلا بفشلها: يمه عادي تحمست شوي
عاصف قام يضحك عليها وناظرته نجود وابتسمت ووجد اول ما شافت يضحك ضحكت ناظروها وقامو يضحكون
شمس: اجل اتجهزو عشان زواجكم
غلا: عاصوفي ودنا السوق عشان نشتري فساتين
ضحك عاصف على كلمة عاصوفي ونطق: ابشرو
بيت فارس
وعد كانت جالسه وتفطر وتسولف مع ام فارس جا رعد وجلس معهم وقام يفطر ويسمع سوالفهم
وعد: واضح سوالفنا عاجبك
رعد: انتي كل شي بتنكدي عليا
وعد: انا لا لا حرام عليك تقول عني كذا
رعد: وش اللي حرام وبعدين يا حبيبتي انا انسان صريح
وعد: صراحتك مو عاجبني
رعد: عاجبك مو عاجبك مو شغلي
ام فارس وهي تضحك: خلاص هدو وش فيكم تتهاوشو
رعد: السموحه يا خاله
قامو وطلعو بعد ما فطرو ركبو السياره متجهين للشركه
لندن
نزلو من السياره ورهف ماهي داريه وش يصير ومستغربه
رهف: وش فيك جايبني هنا
محمد: لفي
لفت وشافت الناس اللي كانو واقفين عند محل ورد وهي استغربت
رهف: وش ذا
مسك يدها ومشى الى المحل وجت وحد ومدت لها المقص ناظرته وهي مستغربه اخذت المقص وناظرت محمد اللي ماسك يدها
محمد: قصي الشريط الاحمر
قصت الشريط وقامو الكل يصفقون لها وهي لحد الان مهو داريه وش اللي حاصل
محمد: ادري انك زعلانه مني على اللي صار وهذا المحل كاعتذار على اللي صار
ابتسمت رهف المحل ورجع ذكرياته لي ورا لي محلها اللي فالرياض
رهف: رح اقبل اعتذارك ذا
ابتسم محمد وحضنها وهي انصدمت وحست بمشاعر غربيه لاكن ضاقت عيونها يومشافت الماس بعدت عنه ناظر محمد للمكان اللي كانت تناظر فيها رهف وانصدم يوم شافها راح لها
وبهمس: وش جابك
الماس بهمس: وش فيك انا مثلي مثل الناس جيت اشوف اللي صاير
محمد: روحي من هنا مابي مشاكل
ناظرتهم رهف وهي مستغربه لاكن مااهتمت حست بشي غريب في داخلها لاكن مااهتمت للي صاير في داخلها
الماس طنشته وطلعت وهي ناوي لهم الشر وتفكر وش بتسوي عشان تخرب بينهم
محمد: ماعليك منها جت بس عشان تخرب فرحتك
رهف: مايهم
أنت تقرأ
ياسعود والله مابعد زينها زين انا اعتبرها عبرتاً من عبرها 🥹🌷
Mystery / Thrillerروايتي الثانيه اتمناه تعجبكم 🦋 وتدعموني روايه بنت تكره الزواج بعد تجربتها الاول وتنجبر تتزوج اكبر تاجر ممنو*عات وتقع في حبه وو*🌷
