بسم الله الرحمن الرحيم
بيت الجد فيصل عند البنات في المطبخ كانو قاعدين يسون الفطور كانت دانه الابتسامه شاقه وجهها
هدى: يابنت وش فيك من الصبح وانتي الابتسامه شاقه
دانه: يعني حرام علي ابتسم وانتو حلال عليكم
هدى: لا ما قصدي بس غريبه
دانه: لا يعني شوفي انا الابتسامه شاقه عشان راح اعطي موافقتي لي حازم
ليال كانت جالسه عالطاوله وصرخت والبنات انصرعو
نجود: اعوذ بالله
ليال: شايفه شيطان عشان تتعوذي
دانه: لا والله يعني نسكت حتى ابليس انصرع من صراخك
ليال: هههههههه مايضحك
هدى: في احد يصرخ كذا وربي انك مجنونه لو الكل كانو بالبيت انصرعو
ليال بزعل: خلاص يابنات وش فيكم اخذتو السالفه بجديه بس صرخت عشان دانه وافقت
دانه: خلاص لا تزعلي كنا نمزح
هدى: اي
نجود: اي صح وين راحو الكل
هدى: مدري عنهم بس طلعو يغيرو جو وجدي قال جهزو السفره
خلصو وجهزو السفره على دخول الكل
فيصل: ماشاءالله عليكم انا بس طلبت منكم تجهزو السفره وجهزتوها
دانه: وش دعوه يجدي طلباتك اوامر
فيصل: يحليكم
جلسو الكل وبدو يفطرون والصمت سيد الموقف اما عند دانه ماتدري كيف تفتح الموضوع كانت مستحيه
دانه وهي مستحيه: جدي
فيصل: هلا بي دانو
دانه وهي ودها الارض تنشق وتبلعها: انا فكرة بخصوص كلام امس
فيصل: اي وش فكرتي
دانه: يعني انا فكرت كثير وحسيت حازم هو الشخص المناسب لي
فيصل: يعني موافقه
دانه وهي مستحيه: اي انا موافقه عليها
كان حازم مسوي نفسه مو مهتم لاكن لما سمع انها موافقه شرق في الاكل والكل فطسو ضحك عليه
فيصل: شوفو الولد لا يروح علينا
شربه رائد مويه وهو التنفس رجع له بصعوبة
ام حازم: وش فيك شرقت في الاكل
هدى: يمكن من الصدمه انها وافقت عليه
رائد: اي اي يمكن ماتوقع انها بتوافق عليه
حازم: بلا استهبال بس شرقت لانه اللقه كانت كبيره
رائد: لا لا مااتوقع دايم لما كنا نشتري اكل انت اول من تخلص بي لقمتين
حازم وهو متفشل: يازينك وانت ساكت
والبنات كاتمين ضحك على حازم اللي كان متفشل
فيصل: اجل الملكه بعد يومين جهزو انفسكم
حازم: تمام
قامو الكل والبنات شالو السفره وطلعو للسطبل
عند فرح وخالد صحى خالد على ريحته عطر فرح اللي هبت عليه هو يحب ريحة عطرها ويميزها من بين الكل
شافها قاعده تتزين كانت لابسها بنطال ابيض غريض وبلوزه بيبي بنك
خالد: على وين
فرح: يعني وين بالله اكيد بروح بيت جدي
خالد: وش السالفه
فرح: لا بس عشان دانه وافقت على حازم
خالد: بس عشان ذا السبب
فرح: اي بكون هناك الين يتزوجو
خالد: لا ماني موافق انك تبعدي عني هالمده
فرح: وش فيك بس اسبوع وانت هناك دايم بتشوفني
خالد: لا لا ماني موافق
فرح: طيب بما انك تبيني اكون بالبيت ماتلوم الا نفسك
خالد: خير انشاء الله وش بتسوين
فرح: مارح اكلمك اسبوع ولا رح اعبرك ولا رح اكل الاكل اللي بتسويه ولا رح انام معك
خالد: اح اح كل ذا والله انه كثير
فرح: تستاهل محد قالك تمنعني
خالد: اذا كل ذا بتسوينه انا مقدر امنعك روحي سوي اللي براسك على الاقل رح تكوني بوجهي اربعه عشرين ساعه
فرح:صدق والله انك طيب احلى شي فيك انك ما ترفض لي طلب
خالد: وش اسوي يلا روحي جهزي البنات
طلعت فرح من الغرفه وراحت غرفة البنات وقومتهم وجهزتهم
فرح: عاد الحين بتطقمو زي
زوهور: يعني نلبس زيك
فرح: اي
جود: ماتشي ماتشي
زوهور: طيب بابا رح يلبس زينا
فرح: طيب خلينا نروح نسأله
عند خالد دخل الحمام( الله يكرم القارى) واخذ شاور وطلع وهو لابس الروب وكان في وجهه فرح والبنات
خالد: وش صاير
فرح وهي تلف شعرها على اصبعها: ابي اطلبك طلب
خالد: وش طلبك يابعد عيني
فرح: تتطقم معنا
خالد: تستهبلي صح
فرح: ما استهبل
خالد: كيف البس وردي
فرح: والله انه كيوت وش فيها اللون الوردي
خالد: طول وهيبه واخرتها البس وردي حق البنات
جود: يعني الحين بترفض طلب ماما
خالد: لا لا انا ماقدر ارفض لامكم طلب لي عيون امكم رح البس وردي
فرح: يعني رح تتطقم معنا
خالد: اي
فرح: ياحظي فيك والله اني احبك
خالد: وانا اموت فيك ياحلوتي
أنت تقرأ
ياسعود والله مابعد زينها زين انا اعتبرها عبرتاً من عبرها 🥹🌷
Mystery / Thrillerروايتي الثانيه اتمناه تعجبكم 🦋 وتدعموني روايه بنت تكره الزواج بعد تجربتها الاول وتنجبر تتزوج اكبر تاجر ممنو*عات وتقع في حبه وو*🌷
