ياسعود والله مابعد زينها زين انا اعتبرها عبرتاً من عبرها 🥹🌷

(19)

بسم الله الرحمن الرحيم

<لا استبيح النقل او الاقتباس>
<لا استبيح بالقراء بدون ان تضع نجمه>

بيت العاصف
نجود اللي جلست تقلب بجوالها بعد ما طلع عاصف من الغرفه بعد مده طلعت من الغرفه ونزلت للمطبخ تسوي لها شي لانها مااكلت شي بالزواج شافت عاصف اللي كان طالع ناظرها وهي ناظرته
نجود: وين بتروح
عاصف: بدينا حركات المتزوجين
نجود بفشله: وش فيك كبرت الموضوع بس سألت
عاصف وهو يضحك: امزح والله طالع للبر تبين تروحين معي
نجود: اي ابي اروح
عاصف: تمام البسي شي دافي عشان الجو بارد
نجود: تمام
طلعت لي غرفتها ولبست شي دافي ونزلت طلعو من البيت وركبو السياره متوجهين للبر بعد مده وصلو نزلو ونزلو العزبه فرشو فرشه وجلسو عليها كانت نجود مستمتعه على الهواء البارد اللي يتخلل جسدها وتناظر السما اللي كان مليان نجوم وكانت مبتسمه ناظرها عاصف وهو هايمان فيها هو انعجب فيها لما شافها اول مره هي اول بنت حركت مشاعره بعد زوجته لاكن هي مستحيل تحبه لانها بس تزوجته على شان بنته ناظر المكان اللي كانت تناظره ناظر السما اللي مليانه نجوم وابتسم
ونطق بدون وعي منه:" صحيح غيرك فالعذراي مزاين لاكن وش جاب النجوم لقمرها "
نجود وهي مصدومه: ها
عاصف استوعب على نفسه: لا ولا شي
قام وراح وهو متوتر جاب الحطب وقام يشعل فيها وهي لسه مصدومه وفي نفسها هذا وش قصده بالقصيده ذي ناظرتع وهو يشعل الحطب
نجود: وش بتسوي
عاصف: شاهي تعرفين لها
نجود: اي
عاصف: مدام تعرفين لها صلحي لنا شاهي
قامت وبدات تصلح شاهي لهم وهو بس كان يناظرها ومستمتع بالاجوا بعد مده جت نجود وهي معها ابريق الشاهي والفناجيل جلست وصبت له وصبت لي نفسها وهو جاب الفصفص عشان يفصفص ذاق الشاهي وابتسم وهي ناظرته
نجود: كيف بالله
عاصف: يجنن تسلم يدك
نجود: الله يسلمك
كانو ساكتين ويشروب الشاهي وهي كانت تتذكر لحظاتها مع اسيف يوم كانو يسهرون ويشربون الشاهي ناظرها وهي كانت ترتجف من البرد قام من مكانه وطلع من السياره فروته وحطها عليها وهي كانت مصدومه وما قالت شي وهو فقط اكتفى بابتسامه اتلحفت بفروته اللي كان ريحته مابين العود والدخان بعد مده قامو وركبو السياره راجعين للبيت وصلو ونجود كانت نايمه ماحب يصحيها وقام حملها ودخل البيت طلع لي غرفتها وحطها عالسرير وطلع

لندن
الصباح قامت رهف من صوت جوالها اللي كان يفجر اتصالات ناظرت الرقم وشافتها هدى ردت عالاتصال وانصدمت يوم سمعت صوتها اللي كان واضح انها تبكي
رهف بخوف: وش فيك هدى
هدى ببكاء: جدي
رهف: وش جدي
هدى: طاح علينا واخذوه للمستشفى
رهف اللي طاح الجوال منها والدموع بدا ينزل من عيونها دخل محمد وشافها وانصدم
محمد: وش فيك
رهف والدموع بعيونها: جدي
محمد: وش فيه جدي
رهف: بالمستشفى
انصدم محمد وراح عندها وحضنها ومسح دموعها
محمد: لاتخافي بيكون بخير جهزي اغراضك بحجز لنا طياره
رهف: طيب
وهو طلع وهي اللي قامت بسرعه وتجهز الشنط وكانت منهاره وجلست عالارض وهي منهاره وكانت مخنوقه بعد مده دخل محمد
محمد: يلا مشينا
قامت بسرعه وهي تمسح دموعها لبست عبايتها ونزلو ركبو السياره متوجهين للمطار وصلو المطار وراحو ركبو طيارتهم