بسم الله الرحمن الرحيم
بيت الجد فيصل دخلو من وصلو المعازيم والعيال راحو عند الرجاجيل قامو البنات من شافو نجود ورهف
هدى: ماشاءالله جاين بدري
نجود: وش اسوي صحيت متأخره
هدى: انتي دايم تصحين متأخره
هدى: طيب وانتي ليش جايه متأخره
رهف: لا بس رحنا نفطر وكذا
دانه: بنات وش فيكم هدو خلينا نروح الصاله الثانيه
راحو سلمو عالحريم وراحو الصاله الثانيه يجلسون
ليال: احسن شي نفتك من الحريم
هدى: حتى انا مايعجبني سوالف الحريم
رهف: بنات بقول لكم شي
دانه: قولي
رهف: والله محمد الغثيث يقول بنسافر لندن
هدى: وش فيك عالولد يحليله بيوديك شهر العسل
رهف: قصدك شهر البصل ترا نروح للأبد
وعد: وش قصدك
رهف: يعني ماادري متى اشوفكم
دانه: قصدك رح تعيشين في لندن
رهف: اي وتدرين ابوي موافق وانا ما ودي اروح
وعد: ياخي اخوي مره غثيث وشايف نفسه
رهف في نفسها لو تدرين اخوك وش مسوي رح تنصدمي
دانه: وانتي نجود ليه ساكته
نجود: وش اقول يعني
دانه: وش فيك عصبتي
نجود: وش فيك امزح معك
دانه: يالغثيثه
نجود: افا انا غثيثه
دانه: امزح معك
نجود: ادري
ريوف: دانه قومي ارقصي لنا
دانه: وليه ان شاءلله انا اللي ارقص
هدى: دايم احنا اللي نرقص
رهف: صادقه
دانه: يعني تبون ارقص لكم
وعد:اي يلا دودو
قامت دانه جابت السماعه وشغلت اغنيه اخذت الشماغ اللي عالكنبه جاهله من هو صاحب الشماغ ربطت الشماغ على خصرها وطلعت فوق الكنبه وبدات تهز خصرها وتتمايل باحترافيه
"ناس تخوني وناس تبيعني"
"آه لو لعبت يازهره"
"وإتبدلت الأحوال"
"وركبت أول موجة"
"في سكه الأموال"
والبنات يعززون لها وهي كانت وتهز خصرها وتتمايل
عند حازم كان جاي ياخذ شماغه اللي كان ناسيه في الصاله وتصنم من شاف بنت ترقص وتتمايل وعرف انها دانه والبنات انتبهو لي حازم وسكتو وهي استغربت في كانت ترقص ولاهمها بعد مده لفت وشافت حازم اللي كان يناظرها وسرحان فيها وصرخت وهو استوعب على
نفسه
هدى: صد يا ولد
صد حازم وهي كانت متفشله وصار وجهها احمر من الاحراج
دانه: وش فيك جاي هنا
حازم: اسف يابنت العم بس جيت اخذ شماغي اللي رابطيه على خصرك
استوعبت دانه انها رابطه شماغه على خصرها واتفشلت والبنات فطسو ضحكه فكت الشماغ من خصرها وعطته
وهو راح
دانه: بنات فشله
وعد وهي تضحك: لا تكفين له ساعه سرحان فيك وقاعد يناظر
نجود: الولد طاح ومحد سمه عليه
دانه: ليه مانبهتوني
رهف: وش نسوي كنا مصدومين
دانه: الحين وش بيقول عني
ريوف: هذا اللي هامك اكيد بيقول وش زين زوجتي المستقبليه
دانه: لا والله وانتي وش درك
ريوف: يابنت ترا كلهم يدرون وهو اصلا قايل بيخطبك قريب
دانه: اقول انطمي
وعد: يعني انتي تدرين انو بيخطبك
دانه: اي
رهف: يالخسيسه ليه ما قلتي لنا
دانه: مدري
عند العيال جا حازم وعقله مو براسه وجلس عند العيال
رائد: وش في وجهك قالب كذا
حازم: لا ولا شي بس قررت اخطب دانه
رعد: ياخي مره بدري
حازم في نفسه بعد اللي شفته مابي البنت تروح من يدي
رائد: اي والله مره بدري
حازم: لا مهو بدري بخطبها بعد اسبوع
اسيف: وش اللي خلاك تجيب طاري الزواج
حازم: لا بس كذا جات في ما عندي شي انا انسان عندي شغل وبيت وباقي العروسه
ريان: شكل البنت ماخذه عقلك
حازم: صح عليك
ريان: ياخي اعرفك
حازم: وانتي متى رح تتزوج
ريان: انا والله كانت وحده في بالي بس راحت علي
رائد: طالع تحب وحنا ماندري
رعد: مسوي نفسك محد يجيب راسك وفالاخير طحت ومحد سم عليك
ريان: عاد شكوى لله الحب يجي وانت ماتحس
محمد: الله يعينك ويرزقك بنت الحلال
ريان: امين الله يسمع منك
رائد: ياعيال قومو نروح الاسطبل
رعد: يلا تم
قامو العيال وراحو الاسطبل وشافو البنات عند الاسطبل
رائد: ياليل انتو وش جابكم في كل مكان نشوفكم
هدى: وانت وش دخلك مين اللي جا اول احنا
رائد: اقول اسكتي اسكتي صوتك
هدى: من زينك عشان اسمعك صوتي
ريان: هذول دايم كذا يتهاوشون
نجود: اي دايم كذا يتهاوشون
ذاب ريان من سمع صوتها مايدري كيف هالمخلوقه اخذت قلبه ولا مره حب احد لذي الدرجه
حازم: وش جاين تسون
دانه: جينا نركب الخيول
حازم: اها طيب اركبو
ركبو البنات الخيول يبون يتسابقون ركبت نجود وهي خايفه تطيح لانها اول مره تركب ووعد ماركبت لانها ما تعرف
رعد: وش فيك ماركبتي
وعد: تبي الصراحه مااعرف اركب
رعد: ماعليك انا بعلمك
وعد: صدق تعلمني كان خاطري فيه
رعد: اي
بدا رعد يعلم وعد كيف تركب الخيل والعيال جالسين يحشون فيهم وريان مو معهم كان مع اللي ماخذه قلبه وعقله بدو البنات يتسابقون ونجود كانت خايفه تطيح
لكنه طاحت بدون ماتحس على نفسها ومحست الا مغمى عليها والبناتت شهقو من شافوها طاحت من الخيل فز ريان لها وكان خايف عليها وكان خايف يصير لها شي شالها بين ذرعه وتوجه للسياره تحت انظار الكل اللي كانو مصدومين من ردت فعله عليها عند ريان ركب السياره وجا اسيف معه عبايه لي نجود ولبسها وركب السياره متجوهين للمستشفى ولحقوهم العيال والبنات وهم خايفين على نجود
أنت تقرأ
ياسعود والله مابعد زينها زين انا اعتبرها عبرتاً من عبرها 🥹🌷
Mystery / Thrillerروايتي الثانيه اتمناه تعجبكم 🦋 وتدعموني روايه بنت تكره الزواج بعد تجربتها الاول وتنجبر تتزوج اكبر تاجر ممنو*عات وتقع في حبه وو*🌷
