بقلمي : زينب صلـاح 🧡
لـ روايـة ﴿ دروب الإندِثار ﴾
في الـ part 17 ♡♡
لا تنسون التصويت + متابعة للحساب + التعليق بين الفقرات ☘️
أمْرأةٌ بَغدادَيةٌ تَحَيَّرَ فَيْ عَينَاها المَرءُ ⊰ .
•••••••••••••••••••••••••••♕•
ســاࢪة•
سانده راسي ؏ جام السيارة وعيوني سارحه بالناس والسيارات وضجة الازدحام! نزلت نظري للحلقة الي حاوطت اصبعي!! معقولة هسه اني صرت متزوجة؟؟
ومنو هُمام الانسان الي اكن اله مشاعر خفية بداخلي وهو فقط يريد يحميني وما ينظرلي غير نظره؟
غمضت عيوني اتذكر من گعدت الصُبـح ولگيته بالحديقة بس بدلت طلعنا اخذنا لشيخ واجو وراه أصدقاءه شهود وعقدنا وبعدها اخذني للمحكمة هم حل الموضوع بالواسطة وبسرعة خلصنا وطلعنا..
صرت زوجتـه شرعًا وقانونًا بطريقة بسيطة!
صف السيارة گدام بيت كليم ونزلنا ، توه قفل السيارة وشهگد من صارت سيارات سود وحده تصف وره الخ ونزلوا منها عمامي شايطين يردون ياگلوني اكل!!
هجم عليّ واحد منهم بسرعة دفعة هُمام..
هُمام- الزمها علمود اراويك الامهات شتجيب
جوبه عمي اريان لـ كبير..
اريان- انطينا بنتنا ولا تدخل
هُمام- تقصد مرتي؟
فتح عيونه وصرخ..
اريان- الفااااجرة تزوجتتت حتتتى اطممم عارهااااا
بلحظة شفته ؏ الارض وهُمام گاعد ؏ صدرة وشبعه بوكسات صرت اصرخ برعب لان هواي وخاف يأذونه ويصيرله شي بسببي! ؏ صوتي طلع كليم والولد وصارت هوسه والجيران كلها واگفه تتفرج!!!
كليم اتصل طالب دورية لان الظاهر عمامي ما ناوين ؏ خير..
بنص الهوسه واشوف شاب ركض عليّ لزم راسي وفلشه بجام السيارة وبعدها طفت الدنيا بعيني ما حاسه بشي!!
بعد فترة..
حسـيت بـ اصوات وكلام حولي بس ما عندي قوة افتح عيوني ، صرت احاول لحد ما فلت من عندي صوت اهات بسبب محاولتي للحركة براسي الي احس بي خدر مو طبيعي..
ايد خشنه تمررت ؏ خدي وبصعوبة التقطت صوته..
هُمام- سارة تسمعيني؟ ولج بويه هديتي حيلي!
هزيت راسي بـ اي رغم الوجع وحاولت بكل قوتي افتح عيوني ونجحت بس مغوشة ، دخلت الدكتور وصار يفحص عيوني ويسأل هواي اسأله لحد ما رجعت الممرضة ما اعرف شنو ضربتني حتى رجعت انام!!
أنت تقرأ
دروب الإِندِثار
General Fictionايدي ترجف واني لازمة القلم بيها عيوني تسيل دموعها بكثافة ، معقولة اكو انسان يوقع ؏ تدمير مستقبلة!! اي اني راح اسويها بس تحت التهديد تحت الامر الواقع علمود شخص.. اجاني صوته التعبان خلاني ارفع راسي واباوعله مقهورة عليه ومقهورة ؏ نفسي وموقفي الحقير...
