مال الحب إلا الانتصار

البارت 21

حنان : اسمعي أنا ما ابي أفرقج عن اخوانج تواصلي معاهم اوك اما انج تروحين لبيتهم لا الي يبيج يجي وانا مو ناقصه اخسرج بسبب جابر وخالته ولا تجيبين طاري قدام جدج
عائشه : يمه اسف بس كنت بشوف رايج لان نواف تعرفينه انتي غير
حنان : ادري بس الباقي مو نفس نواف
سمعوا صوت ريناد
حنان : خلاص  سكري الموضوع
ريناد : عائشه كنت ادورج
عائشه : هلا
ريناد : أنا ناقصني اقلام قلت أشوف يمكن ناقصج شي اخلي ابوي يجيب لج معاي
عائشه : لا ياقلبي كل شي عندي
ريناد : اوك
طلعت عائشه من المطبخ بتروح لغرفتها محمد نازل بيروح الدوام صدم عائشه على الدرج
عائشه : اسفه ما شفتك
محمد : ولا يهمج شفيج ؟
عائشه : مافيني شي بتروح الدوام
محمد : اي تكلمي شفيج
عائشه : والله مافيني شي إذا فيني شي بقولك دربالك على نفسك
محمد : عواش إذا فيج شي دقي اوك
عائشه ببتسامه : اوك
دخلت عائشه غرفتها ضاق خلقها على امها انها خايفه عليها وان جابر مسبب رعب لاهلها بسببها
جا العصر ونزلوا البنات يسون حلا ويجهزون القعده
خزنه : وينها ام فاطمه عيت لا تجي
سارا : بتجي
طق الباب وكانت عائشه نازله من فوق
عائشه : أنا أفتح
فتحت عائشه
ام فاطمه : السلام عليكم
عائشه : وعليكم السلام حياكم ينطرونكم داخل
حنان : ياهلا
ام فاطمه : ياهلا فيج
منيره : حياكم
سارا : شلونج يا قلبي
ام فاطمه : الحمدالله
سارا : ماعندج غير فاطمه احد
ام فاطمه : اي
سارا : الله يخليها لج
ام فاطمه : جزاج الله خير
قامت سارا دقت على ام سالم
سارا : شلونج ام سالم
ام سالم : هلا ام سعد
سارا : هلا فيج تجين عندنا جيرانا الجديدين بنسوي لهم عشا اليوم
ام سالم : خلاص ان شاء الله ساعه واجي
سارا : حياج الله
عند البنات الي قاعدين بروحهم
ريناد : شلونج فاطمه
فاطمه : تمام الحمدالله
خزنه : كم عمرج
فاطمه : 17
خزنه : يعني كبر ترف وريناد
ترف : وعائشه
فاطمه : اي
عائشه : سجلتي بالمدرسه هالسنه
فاطمه : قلت لابوي قال بكلم احد هني يعرف لان ابوي ما يعرف
ترف : إذا احتجتي شي قولي لنا نساعدج
فاطمه : ما تقصرون
دخلت ريم بنت ام سالم 
ريم : سلام
البنات : وعليكم السلام حياج
خزنه : نتكلم عن المدرسه انتي طالبه ولا جامعيه
ريم : لا انا جامعيه سنه ان شاء الله وبروح برا اكمل دراستي نفس سالم
خزنه : ماشاء الله ، عاجبتني الفكره يمكن إذا ما انخطبت اروح معاج ، اكمل فاطمه أنا تخرجت العام الي طاف وعندي خوياتي بالمدرسه وحده اصغر مني ووحده عايدتها بكلمهم يتمشون معاج ما تكونين بروحج
فاطمه : مشكوره
ريناد : احنا بالمدرسه إذا ما عجبوج تقدرين تمشين معانا
فاطمه ببتسامه : تمام
ترف : ياخي مالي خلق بكرا دوام احس مو مستعده
عائشه : ولا انا
ريناد : انتو داوموا وبلشي عائشه مشاكل وعززيلها ترف بتستعدون ويصير لكم خلق
عائشه : يعني انتي مو معانا
ريناد : مراح أتحمس
عائشه : الي إذا تحمست بعدوا عنها  فجر
خزنه : منو هذي
عائشه : خويتي ليش تبي خوياتج يتهاوشون معها
خزنه : والله إذا تعرضت لخوياتي مراح يسكتون
جا وقت العشا وراحوا البنات يتعشون ردوا فاطمه وامها البيت
                               بيت ابو فاطمه
ام فاطمه : شلون البنات
فاطمه : زينات وكل وحده شخصيه وانتي يمه شلون الحريم
ام فاطمه : زينات بس وحده اسمها سارا ما ابي اخذ عنها فكره بس شكلها شايفه نفسها ، خليج منهم روحي نامي وراج مدرسه 
بيت ابو ناصر
ناموا الكل وقعدوا الصبح حنان الي صعدت تقعد عائشه
حنان : عواش يالله قومي لا تتاخرين
عائشه : يالله بقوم
عائشه الي قامت وخذت شور وبعدها سوت شعرها ويفي وحطت مكياج خفيف وأخذ شنطتها مرت ترف تشوفها كانت تسوي شعرها ستريت
عائشه : تروف خلصتي
ترف : اي باخذ شنطتي وانزل
عائشه : ريناد كلمتج
ترف : اي توها جتني وقالت انها بتنزل
عائشه : أجل أنا بنزل
نزلت عائشه وكانت ريناد وعبدالعزيز وسالم تحت يتريقون مع عمتهم حنان
حنان : باقي ترف وينها
عائشه : نازله
دخل محمد
محمد : السلام عليكم
الكل : وعليكم السلام
محمد : يا حرام أنا بروح انام وانتو داوموا
عبدالعزيز : هانت باقي 4 سنين
محمد : ترى 4 سنين مو يومين يالله ما عليه داموا العلم نور
حنان : محمد قبل لا تنام ود البنات المدرسه والعيال يروحون برجولهم
محمد : مطولين دايخ
حنان : لا 5 دقايق
ترف الي نزلت
حنان : يالله يا ترف محمد بنام
ترف : يا حظك يصير تداوم بدالي
محمد : داومت وخلصت ومو وقت سوالف اخلصي بوديكم وارد أنا تكيف 18 مو شمس ودرس
ترف : ياخي تقهر
عائشه : أنا خلصت
ريناد : وانا بعد
حنان : عائشه اخذي مصروفك من الغرفه
عائشه : طيب
حنان : ريناد ترف عبدالعزيز سالم معاكم مصروف
الكل : اي
محمد : نمشي
ترف : يالله
حنان : موفقين ما نبي مشاكل من اول يوم ياعيال
طلعوا البنات بيركبون مع محمد وشافوا ابو فاطمه بيوديها
ترف : محمد يصير نأخذها حرام ابوها كبير ودرب
محمد : اي يصير بكلمه
راح محمد عند سياره ابو فاطمه
محمد : شلونك ياعم
ابو فاطمه : هلا يا محمد طيب وانت
محمد : الحمدالله ، أنا بودي البنات للمدرسه وقالوا كلم ابو فاطمه ناخدها معانا حرام يتعب ابوها
ابو فاطمه : ماتقصر يا محمد
محمد : ماسويت شي
راح محمد ونزلت فاطمه وركبت مع البنات وصلوا المدرسه نزلت ريناد وفاطمه وبعدهم ترف وعائشه دخلوا المدرسه ترف وعائشه يعرفون خويات خزنه واهم بعد يعرفونهم كانوا مع خزنه ضد البنات شافوا الكشف وطلعوا كلهم نفس الفصل دخلو فاطمه وترف وعائشه وريناد وقعدوا فاطمه وريناد وراهم ترف وعائشه وراهم فجر خويته عائشه ووسن خويته ترف
وسن : احس من زمان عندكم
ترف : وانتو بعد
فجر : تدرون من معانا بالفصل
عائشه : من ؟
فجر : خويات الزفت خزنه
دخلوا لين و زينب ......