الجد : خالد
خالد: هلا
الجد: السرعه الله يرضالي عليك واعرف الي معك قصر على الصوت
خالد : ان شاء الله
ريناد : اجل مافي جدول يا بنات خالد وفي واحد موصيه
ترف : اخوج هذا كلميه
ريناد : اخوي انتي تخافين منه تبيني اكلمه 😂
وخالد الي سمعهم ويضحك بداخله
خالد : تبوني اشغل لكم شي
ريناد الي لفت على ترف بصدمه : سمعنا
دق تلفون محمد : هلا عمي
ناصر : قول لخالد اول محطه وقفوا فيها
محمد: ابشر
محمد: خالد اول محطه وقف
خالد : اوك
وقفوا وكانوا كلهم عند البقاله
خالد : محمد أنا ابي خلطه ريدبول روح جيب وانا بدخل البقاله
محمد : اوكي وانتو يا بنات
عائشه : ريدبول
ترف : وانا بعد
خالد : توكم صغار عليه
محمد : بس هالمره ، يعني ٣ صح
البنات : اي
راح محمد وراح خالد والبنات فاتحين الدريشة طلع واحد من البقاله وشاف البنات بروحهم تقدم عند دريشه ترف
الولد : ياحلوه عطيني وجه
ترف الي خافت احد يشوف كانت بترفع الدريشة شاف الولد
خالد طالع من البقاله ونحش الولد
خالد : (سب الولد ) افمهوها 😂
خالد الي لف على ترف وعصب : ليش تكلمينه
ترف الي خافت ودمعت عينها : والله ما كلمته اهو جاني
ارفعوا درايشكم وهذا محمد جاي لا تجيبون طاري
ركب محمد وعطى خالد والبنات مشروباتهم ومشوا واستغرب من هدوءهم
عند ناصر وعياله
خزنه : يبا يوم سويت التقسيمات ليه ما خليتي مع البنات
ناصر:السياره ما تكفي إلا 3 كل واحد وأخته وعائشه ما كانت معهم اهم نادوها
خزنه : يبا كلم محمد خلهم يأخذوني طفشت
دق ناصر على محمد
ناصر : الو محمد
محمد : هلا عمي
ناصر : وقف على جنب اخذوا خزنه تبي البنات
محمد: ابشر ، خالد وقف بناخذ خزنه
خالد : شتبي
محمد : تبي البنات
ريناد : مو من حبها لنا شتبي
محمد : عمي كلمني وما قدرت أرده
خزنه الي ركبت معاها وقتها البنات معاد شغلو شي وكانت السياره هدوء
خزنه : محمد
محمد : هلا
خزنه : شغل شي
محمد : الي شابك خالد
خزنه : يوهه خالد نفسيه مراح يشغل
خالد الي عطها نظره
وصلو مكه
دخلوا الفندق وكل واحد راح غرفته
الغرفه الاولى( متعب ، الجد )
الغرفه الثانيه ( ناصر ، سارا)
الغرفه الثالثه ( سعود، مضاوي )
الغرفه الرابعه(يوسف، منيره )
الغرفه الخامسه (حنان ، ترف ، عائشه ، نوره يوسف)
الغرفه السادسه ( ريناد ، نوره سعود ، خزنه ، ريماس )
الغرفه السابعه ( خالد ، محمد ، سعد ، سالم ، عبدالعزيز)
ريحوا لين صلاه العشاء وبعدها نزلوا للحرم يتعمرون كانوا كلهم مع بعض ولمن خلصوا راحو الحريم للفندق والرياجيل للمطعم يجيبون لهم عشاء وتعشوا ناموا الرياجيل والحريم راحوا للحرم مع خالد ومحمد
دخلوا الحرم
حنان: يازين مكه
مضاوي : اي والله
والكل كان يدعي
عائشه : يارب انك تفكني أنا وأهلي من شر جابر
محمد وخالد اول ما دخلوا الحرم قعدوا بروحهم وكان خالد يفكر بموضوع جده
محمد : خالد علامك مو على بعضك من جينا
خالد : في موضوع شاغلي عقلي
محمد : تكلم
خالد : تذكر يوم كنا بالعزبه
محمد : اي
خالد : مسكني جدي بعد مارحت انت وسعد قال لي ان في احد متقدم لترف ويقول أنا ابي بنتي عندي بالبيت مايبي يصير لترف نفس ماصار لعائشه والله من وقتها أفكر أنا توني منفصل
يمكن ما اقدر أعطيها حقها معاي
محمد : انت لا تفكر بالانفصال الي صار هذي الحياه وانت كفو وانت ما تظلم حق احد والي تحسه زين سوه لا تفكر ان ترف راح تاخذ احد برا العائله وصار فيها شي تلوم نفسك وكلام جدي فكر بالي يقوله قلبك وعقلك
خالد : الله يخليك لي ويرزقك بالي تبيها
محمد : اللهم امين ويوفقك
صعدوا ينامون وقعدوا على صلاة الفجر نزلوا يصلون كلهم ولمن خلصوا راحوا يتريقون وبعدها الحريم راحوا السوق
نوره (يوسف): بنات شرايكم نروح كافيه
عائشه : اي
ترف : مالي خلق لسوق يالله نروح
نوره (يوسف): يمه احنا بروح الكافيه مانبي السوق
منيره : على راحتكم وقت الصلاه روحوا الحرم
راحوا البنات الكافيه ريناد وترف وعائشه ونوره (يوسف) وريماس اما خزنه ونوره ( سعود ) راحوا مع الحريم
وصلوا الكافيه وطلبوا جت رساله لعائشه من جابر
جابر : شلون تروحين مكه دون علم زوجج
عائشه : لوسمحت لا عاد تدز لي شي وطلقني
جابر : طلاق مراح اطلق واذا رديتي قولي لأهلج بروح لزوجي ولا مراح يحصل لج طيب
عائشه : رده مراح ارجع بشوف شبتسوي
جابر : لا تخليني ارتكب فيج جريمه عدلي اسلوبج معاي
عائشه الي ما ردت عليه وصكرت التلفون
محمد دز لها : وينج اليوم ما شفتج
عائشه : رحت مع البنات الكافيه
محمد : شعندكم رايحين بدون رجال؟
عائشه : عادي انتو حولنا
محمد : شسم الكافيه بنجي؟
عائشه : ********
محمد : يالله بنجي
عائشه : اوك
محمد : خالد خل نروح الكافيه
خالد : شتبي فيه
محمد : البنات هناك
خالد : بروحهم
محمد : اي
خالد : مالهم رياجيل يبلهم زفه
محمد : اركد يا رجال كلها كافيه انت حار على كل شي
خالد : امش يالله
محمد وخالد الي وصلو الكافيه
ريناد : بنات العيال جو
ترف : منو معلمهم
محمد : تطلعون ما تقولون عندنا رياجيل نكلمهم
ريماس : كلها كافيه عادي ، منو علمكم أن احنا اهني
محمد : درينا وخلاص
قعدوا محمد وخالد وكان خالد يطالع ترف متردد يوافق او لا
ترف كانت خايفه من خالد لانه زفها وما تحب احد يزفها
طلعوا كلهم من الكافيه بيروحون الحرم
ترف : محمد أنا بروح الفندق وارجع
محمد : خلاص خالد أنا بروح مع ترف وانت روح مع البنات
خالد : أنا بروح الفندق انت روح مع البنات وترف معاي
محمد الي كان تأشر له ترف بعيونها لا
محمد : اوك
ترف الي خافت وعصبت ان محمد خلاها تروح مع خالد
ترف وخالد الي راحوا ..........
أنت تقرأ
مال الحب إلا الانتصار
Diversosبعد وفاة ابو عائشه قررت حنان تاخذ بنتها وتروح لاخوانها وبدت علاقه محمد وعائشه من الصغر واجهت عائشه مشاكل من اخوانها إلا ان تزوجت حب الطفوله 👩❤️💋👨
