مال الحب إلا الانتصار

البارت 29

محمد : يمه
منيره : تعال
محمد : يمه والله مو قصدي اني أوفق لجدي وانتي ما رديتي لي خبر خفت اقول لا معاد يوافق
منيره : محمد يا قلبي أنا ازعل من الكل إلا انت انت اول عيالي واغلاهم واعزهم عندي انت تاخذ مطلقه وترف تاخذ مطلق ادري انه عادي بس شنو بيقولون الناس عني وعن أبوك محد رضى بعيالهم إلا المطلقين واحنا نعرف سبب طلاق خالد أما عائشه محد تكلم بسبب طلاقها يمكن اهي الغلطانه
محمد : يمه كلام الناس مايهمنا الناس تتكلم عن الزين والشين وطلاق خالد البعض يعرفه مو الكل وعائشه نفس خالد البعض عرف سبب طلاقها مو الكل عماني وجدي وانا نعرفه
منيره : إذا أنت صدق تبيها أنا مراح أوقف بطريقك
محمد : إذا انتي مو راضيه مراح أتزوجها
منيره الي تبيه ياخذ الي يبها بس ماتبي تضايقه نفس ما اهي متضايقه : أنا راضيه ،انت تزوجها وان شاء الله أشوفك مستانس معاها هذا اهم شي عندي
محمد : ان شاءالله أنا بروح تبين شي
منيره : سلامتك انتبه على نفسك
محمد : ابشري
منيره : تبشر بالجنه
                               المدرسه
مرت الحصص الاولى وبدت الفسحه
عائشه : لو ادري ان فجر ووسن وريناد بيغيبون غبت
ترف : هذا وانا اول يوم بداوم مفروض يداومون يستقبلوني
عائشه : اي استقبال ترى مدرس
ترف : وذا رفيجتهم مداومه بعد عطله
فاطمه : سلام
عائشه : وعليكم السلام
فاطمه : ريناد ليش غايبه ؟
عائشه : كانت الفكره الكل يغيب وبس ترف قالت بدوام داومي معاي
فاطمه : اوك اجل اروح مع خوتي باي
ترف : باي
عائشه : باي
عائشه : ترف ؟
ترف واهي سرحانه : ها
عائشه : شعندج من قعدنا تفكرين
ترف : عندي شي لازم اسويه اليوم
عائشه : وشنو الشي الي لازم تسوينه اليوم
ترف : إذا تم اقولج
عائشه : الله معاج
ترف :اللهم امين 
رجعوا البنات البيت وصعدوا يبدلون
ترف : عائشه
عائشه : هلا
ترف : أنا مراح انزل على الغدا بنام
عائشه : اوك
دخلت ترف الغرفه تنطر خالد بعد نص ساعه دخل وراح الحمام (يكرمكم الله) قامت ترف تقفل الباب و خشت المفتاح ورجعت مكانها بدل خالد وجا بيطلع شاف الباب مقفول
خالد : ترف
ترف : هلا
خالد : وين المفتاح ؟
ترف : مدري
خالد : تستعبطين منو غيرج بالغرفه
ترف : معاي بس مراح تطلع لين ما تسمعني
خالد : ترف اخلصي علي طلعي المفتاح
ترف : اسمعني اول بعدين اطلعه
قعد خالد على القعده وكانت ايدينه ببعض و يحرك رجوله وجت ترف جلست جنبه
ترف : قبل سنتين كنا أنا وخزنه عند باب المدرسه ننطر احد يجينا وكانت خزنه مواعده حبيبها ويوم جا شافني مع خزنه ودخل علي و دزلي ان معجب فيني وقلت  له ان هذي مو سوالفي واني من عائله محترمه وبعدها حاول يتواصل معاي  ما رديت عليه وغير رقمه عشان ارد عليه ويمكن وصل له خبر عرسي من خزنه ويبي يخرب علي بس والله اني ما حبيته ولا حبيت احد بحياتي كلها
خالد : خلصتي افتحي الباب
ترف : على كيفك اهو مراح افتح الباب لين ما تقول لي شي
خالد : عطني وقتي أفكر
ترف : خلاص أنا بروح السرير احل واجباتي وانت لك القعده فكر لين ما تخلص
طق الباب عبدالعزيز
عبدالعزيز: خالد
خالد برتباك : هلا
عبدالعزيز: عماني بالعزبه يقولون عندهم عشا اليوم وانا وجدي تحت بنروح معاك
ترف بصوت خفيف : قول له انك مطول
خالد : عبدالعزيز 10 دقايق ونمشي
عبدالعزيز : أنا تحت أنطرك
خالد الي راح عند ترف : عطني المفتاح
ترف : مـــــا راح أعـــــطــــيـــــك
خالد بعصبيه : تررررف عطيني المفتاح
ترف الي فزت : اوك بس ترجع معاك خبر انك فهمتي وبتكمل معاي او ارجع لاهلي
لمن لف خالد يبي يروح
ترف : لك ساعتين لا تطول
خالد الي لف يناظرها وطلع شاف عائشه والجد بالحوش يسولفون اخذ عبدالعزيز ونطروا الجد بالسياره
الجد : ها عواش موافقه على محمد ؟
عائشه : موافقه
الجد : الله يوفقج يا بنتي ويتمم على خير
عائشه : اللهم امين
الجد : يالله ساعدهم بالعشا
عائشه : تم وابشر من عيوني
الجد : تبشرين بالجنه
نزلت ترف الي غايبه عن البيت من الظهر وما نزلت إلا وقت العشا
عائشه : هذا كله نوم !
ترف ببتسامه : لا ياقلبي أنا متزوجه عندي التزامات وأشغال
عائشه : الله على الإلتزامات
ترف : أنا اقول امشي خلينا نساعدهم
عائشه : امشي
العزبه
الجد : يا الربع
كانت الردود : هلا يا ابو ناصر ، سم يا ابوناصر ، اسلم ، امر يبا
الجد : ان شاء الله بعد يومين ملكة ولدي محمد على بنتي حياكم الله
خالد الي ابتسم لمحمد: الله يوفقك
محمد : اجمعين
ابو فاطمه : مبروك يا ولدي
محمد : الله يبارك فيك
سالم : مبروك يا محمد
محمد : الله يبارك فيك
سعود : مبروك والله يوفقك وعقبال متعب
محمد : اللهم امين
متعب الي ضاق من هالكلمه (لان كان يحب وحده وخطبها ويوم حددوا العرس ماتت قبل العرس بيوم ومن بعدها كره الزواج وطاريه)
الجد : امين
بيت ابو ناصر
طق باب البيت وقامت تفتحه حنان كانوا محمد وخالد وسعد الي جاين ياخذون العشا دخلوا المطبخ مع عمتهم وكان خالد الي يناظر ترف الي قالت له لك ساعتين وخلصت الساعتين توترت ترف خافت انها ترجع لاهلها
سعد : ابشرج عمه
حنان : اسلم
سعد : اليوم جدي خطب عائشه لمحمد وقال الملكة بعد يومين
حنان : مبروك يا محمد والله يتمم لكم على خير
محمد : الله يبارك فيج اللهم امين
اخذوا العشا وطلعوا كان محمد يطالع عائشه ببتسامه ودخلوا البنات يساعدون حنان بعشا الحريم
قعدوا يتعشون بالحوش
حنان : سعد يقول ان ابوي خطب محمد لعائشه والملكة بعد يومين
مضاوي : مبروك عواش والله يتمم على خير
عائشه : الله يبارك فيج
قامت خزنه بضيقه وصعدت غرفتها ما كملت أكلها
بعدها الكل راح غرفته وترف الي تنطر خالد وسارا الي راحت لخزنه
سارا : ليش رحتي ما كملتي أكلج ؟
خزنه : مو مشتهيه ممكن تخليني بروحي
سارا : وليه زعلانه ؟
خزنه : ماني زعلانه دايخه
سارا : ماشاء الله على الي اصغر منج تزوجوا حتى المطلقه تزوجت اقولج امشي معاي لام سالم يمكن ياخذج سالم بس انتي ما تفهمين
خزنه : ومنو قال اني ابيه لوسمحتي اطلعي وخليني
سارا : بطلع
طلعت سارا وراحت غرفتها وخالد الي دخل على ترف

خالد.............