مال الحب إلا الانتصار

البارت 18

ترف بصدمه : شلون! متى يمديني أجهز
عائشه : الصراحه مايمدي بس بنحاول نخلص
ترف :شفتي محمد اليوم ؟
عائشه : لا يمكن مداوم
ترف دقت على محمد
ترف : الو محمد
محمد : لبيه
ترف : وينك ؟
محمد : طالع مع رفيقي ، تبين شي ؟
ترف : جدي قال ان بعد يومين ملكتي و ابي اروح المول
محمد : الله يهديه جدي ليه مستعجل ؟
ترف : والله ما ادري توديني ؟
محمد : خلاص بعد ساعه اكون موجود
ترف : ان شاء الله
عائشه : شقال ؟
ترف : يقول ساعه وبيجي ، تروحين معاي
عائشه : بكلم امي وانتي شوفي ريناد
ترف : طيب
راحت ترف لامها عشان تعلمها طقت الباب
منيره : منو
ترف : يمه أنا
منيره : تعالي
ترف : يمه جدي حدد الملكه بعد يومين
منيره : ليش عمي مستعجل لهدرجه ؟
ترف : ما ادري بس كلمت محمد وقال بيجي بعد ساعه تروحين معاي انا وعائشه
منيره : لا عندي الي اللبسه روحي شوفي اختج إذا بتروح معاكم
طلعت ترف راحت لنوره
ترف : نوره
نوره : هلا
ترف : ترا أنا وافقت على خالد وجدي يقول الملكه بعد يومين تروحين معاي المول مع محمد
نوره : الف مبروك ياروح اختج ، ابشري
ترف الي طلعت وراحت غرفتها تدق على ريناد
ترف: الو ريناد
ريناد : هلا تروف
ترف : جدي حدد الملكه بعد يومين ومحمد بوديني المول امشي معاي
ريناد : اسمحيلي احس نفسي تعبانه
ترف : مسموحه
عائشه الي نزلت عند امها
عائشه : يمه
حنان : هلا
عائشه : ترف تبيني اروح معاها المول يصير اروح ؟
حنان : منو بيوديكم ؟
عائشه : محمد
حنان : روحي بس انتبهي على نفسج
صعدت عائشه غرفتها جهزت ترف و راحت لعائشه
ترف : خلصتي ؟
عائشه : اي
نزلوا ترف و عائشه ونوره ( يوسف )
دز محمد لترف
محمد : أنا موجود برا
ترف : اوك
طلعوا ترف و عائشه و نوره ( يوسف ) وركبوا مع محمد وصلوا المول ونزلوا
بدت ترف تجهز لملكتها لمن خلصوا
ترف : أنا خلصت
ركبوا السياره ورجعوا البيت
لمن دخلوا البيت كانوا الحريم بالمجلس
خزنه : ماشاء الله ما يمدي جهزتي
حنان : عليها بالعافيه
محمد الي صعد يبدل عشان عنده دوام
                                العزبه
الجد : ياعيال ترى ملكة خالد بعد يومين
ناصر : ماشاء الله توه مطلق لا يظلم بنات الناس معاه
سعود : ما اخذنا له من بناتك وانت ما تعرف سبب الطلاق لا تقعد تقط اللوم على ولدي
الجد : خلاص هذا مو موضوعي الي أبيكم فيه شصار على طلاق عائشه
يوسف : يبا أنا اليوم رحت المحكمه ان شاء الله الجلسه الاول بعد اسبوع
الجد : ماتقصر يبومحمد
يوسف : ما سويت شي عائشه بنتي
الجد : وانت يا ناصر مالك حق إلا بعيالك شعليك من خالد وعائشه
ناصر : أنا مالي حق عليهم ادري بس اخاف على سمعتكم
الجد : خلك بعيالك وزوجتك
بعد مرور يومين
الملكه
كانوا الحريم بالمطبخ يجهزون للملكه وخالد الي وصل من دوامه الفجر ونام قعدت عائشه وفكرت ان ترف قاعده تجهز دخلت الحمام ( يكرمكم الله ) اخذت شور وطلعت لبست وراحت لترف طقت الباب
عائشه : ترف
ما ردت ترف دخلت عائشه شافت ترف نايمه وحاولت تقعدها
عائشه : قومي اليوم ملكتك
ترف : الساعه كم ؟
عائشه : 12
ترف : ليش ما قعدتيني مبجر
عائشه : توقعت انج قاعده
قعدت ترف تاخذ شور دقت عائشه على ريناد
عائشه : الو ريناد
ريناد : هلا
عائشه : وينج تعالي غرفة ترف قاعدين نتجهز
ريناد : يالله دقايق واجي
عائشه : اوك
طلعت ترف وبدت تتجهز مع البنات وكانت مسويه شعرها ويفي ولابسه فستانها الابيض وخلصوا البنات التجهيزات ونزلوا
الجد : سعود
سعود : هلا يبا
الجد : الشيخ وينه
سعود : توني داق عليه يقول دقايق ويكون عند الباب         
يوسف الي كان برا دخل ودخل معاه الشيخ
الشيخ : السلام وعليكم
الكل : وعليكم السلام
متعب الي عطى القهوه لشيخ
متعب : سم يا شيخ
الشيخ : سلمت
الجد : شلونك يا شيخ
الشيخ : الحمدالله ، وين المعرس
الجد : خالد
الشيخ : الله يوفقك يا ولدي
خالد : اللهم امين
الشيخ : ابو العروس وينه ؟
يوسف : موجود يا شيخ
الشيخ : نملك؟
الجد : توكل على الله
الشيخ : تعال يولدي يساري وتعال يبو العروس يمني
يوسف : ابشر
الشيخ : قول وراي يابو العروس ، زوجتك
يوسف : زوجتك
الشيخ : ابنتي
يوسف : ابنتي
الشيخ : على ما يرضي الله ويرضي رسوله
يوسف : على مايرضي الله ويرضي رسوله
الشيخ : وانت يا ولدي قول وراي ، قبلت الزواج
خالد : قبلت الزواج
الشيخ : منها لنفسي
خالد : منها لنفسي
الشيخ : على كتاب الله وسنة رسوله صلى الله عليه وسلم
خالد : على كتاب الله وسنة رسوله صلى الله عليه وسلم
الشيخ : وقعوا على الكتاب ، وين الشهود
الجد : متعب ومحمد
قاموا متعب ومحمد ووقعوا
الشيخ : الف مبروك والله يوفقهم
طلع الشيخ دقت حنان على يوسف
يوسف : هلا
حنان : جيب المعرس نبي نقص الكيكه
يوسف : يالله جايين
يوسف : يالله يا المعرس ينطرونك داخل تقص الكيكه
خالد : أنا ؟
محمد : لا سعد
يوسف : اي انت امش
دخلوا خالد ومحمد والجد وأعمام ترف كانوا الحريم موجودات والبنات فوق
جابت حنان الكيكه وانزلت ترف من فوق
الجد : ياهلا ويا مرحبا بالترف كله
يوسف الي تقدم ومسك يد بنته وسلم عليها
يوسف : الف مبروك يا عين ابوج
ترف ببتسامه وخجلت : الله يبارك فيك
تقدمت وسلمت على جدها وعمانها ومحمد والحريم
محمد : الف مبروك يا قلبي
منيره : الف مبروك ياروح امج
متعب : مبروك تروف
سعود : الف مبروك يا بنتي والله بوفقج
مضاوي : الف مبروك يا الغالين والله يسعدكم
ترف بصوت خفيف : الله يبارك فيكم 
تقدم الجد وحط يد ترف بيد خالد
مضاوي : خالد يمه قصوا  كيكتكم
بعدها طلعوا الرياجيل ونزلوا البنات يباركون لترف
نوره (يوسف) : الف الف مبروك يا روحي
عائشه : حظ من فاز فيج تروف
ريناد : الف مبروك يقلبي
ريماس : الف مبروك والله يوفقج
نوره (سعود) : الف مبروك
ترف : الله يبارك فيكم

بعد مرور شهر...........