مال الحب إلا الانتصار

البارت 15

محمد : منو تكلمين ؟
عائشه : خويتي 
محمد : عائشه فيج شي
عائشه بارتباك : لا ، ليش
محمد : انتي مو على بعضج
عائشه الي خافت تعلمه : يمكن ما نمت عدل
محمد : النوم ماله شغل قولي شفيج
عائشه : محمد الحين ما اقدر اقولك لا يشوفونا مع بعض وعد بليل اقول لك او اول ما نرجع
محمد : خلاص بليل نتكلم ان شاء الله
عائشه : ان شاء الله
راحوا عائشه ومحمد شافوا الجبل معاهم وطلعوا راحوا مسجد قباء يصلون المغرب والعشاء  فيه بعدها خلصوا وراحو يتعشوا ورجعوا للفندق ينامون الكل كان تعبان 
محمد ارسل لعائشه
محمد : عائشه شنو الي شاغل بالج
عائشه الي قعدت تفكر شترد عليه
خزنه : عائشه تعالي سولفي معانا
عائشه : لا مابي بتكلم بتلفوني
خزنه : لا يكون جابر
عائشه : شكو، فيه خير يدز رساله
قامت ترف وراحت لعائشه
ترف : صح عواش غريبه جابر ما له صوت دزلج شي
عائشه : ترف الصراحه اهو من جينا مكه واهو يرسل لي وانا احاول ما ارد واليوم دز لي يوم كنا بالجبل ورحت برد عليه شافني محمد وسألني منو تكلمين واني مو على بعضي حاولت اجذب ما صدق قال قولي شفيج وقلت وعد بليل أكلمك والحين دزلي ك شنو الي شاغل بالج اخاف اقوله وسوي شي بجابر
ترف : ما عليج محمد متفهم قولي له لان إذا جذبتي بالأخير بعرف وبيزعل عليج
عائشه : اوك ، ادز له او اطلع اكلمه عادي
ترف : قولي بروح لامي وروحي تحت تكلمي مع محمد
عائشه ردت على محمد
عائشه : هلا محمد يصير ننزل تحت نتكلم الكل نايم والبنات عندهم ترف
محمد : اوك دقيقه واطلعي
عائشه : اوك
لبست عائشه عبايتها وجت بتطلع
خزنه : على وين الناس بليل
عائشه : بروح لامي قاعده
خزنه : اوك
طلعت عائشه وشافت محمد ونزلوا تحت
محمد : شفيج ؟ شالي شاغل بالج ؟
عائشه : محمد اوعدني انك تسمعني لين الاخير وما تسوي شي
محمد الي حاول يمسك أعصابه : عائشه تكلمي
عائشه : لا ، اوعدني اول
محمد : وعد تكلمي
عائشه : أنا كنت مراح اقول لحد ما ابي أتسبب بمشاكل لخوالي ولا لك بس انت سألتني وما احب اجذب عليك اولي كان جابر داز لي رساله وترى بمكه بعد دز لي شلون تروحين مكه دون علم زوجج دزيت له لوسمحت لا عاد تدز لي وطلقني وقال
طلاق مراح اطلق واذا رديتي قولي لأهلج بروح لزوجي ولا مراح يحصل لج طيب ورديت قلت رده مراح ارجع بشوف شبتسوي قال لي لا تخليني ارتكب فيج جريمه عدلي اسلوبج معاي واليوم دز لي ليش ما ارد على رسايله قلت له أنا ما ابي اقول لاهلي انك تكلمي عشان ما اسبب مشاكل لك ولهم وخلاص لعاد تدز الي بينا انتهى قال انه مو بكيفي وان بالنسبه له ما انتهى شي
محمد الي ما قدر يمسك أعصابه : عائشه ليه ما قلتي لي من الاول وليش خليتيني اوعدج اهو لازم أوقفه عند حده هالمره بسكت لاني وعدتج بس أوعديني إذا دز لج مره ثانيه تعلميني واتفاهم معاه
عائشه : ليش تبي تكلمه تبي يصير فيك شي هذا مجنون ويتعاطى وانا اخاف يسوي شي لك ولخوالي خلها للمحكمه إذا ردينا بلش فيها
محمد : اهي ان شاء الله بتروح للمحكمه بس اهو مراح يوقف رسايل لج يا ان تغيرين رقمج او تعطينه بلوك
عائشه: ودي اعطيه بلوك بس اخاف يسوي شي ودي اغير رقمي بس فيه كل شي يلزمني
محمد : خلاص انسي الموضوع ونامي ارتاحي بس أوعديني اذا  دز لج تقولين لي
عائشه : وعد
محمد : عواش موضوع عمر الي قاله عن امج لا تقولينه لحد لأن إذا احد درى يمكن ياخذ فكره غلط وامج راح تتضايق ومراح تخليج تتواصلين مع اخوانج الباقين
عائشه : ان شاء الله ، مشكور على كل شي
محمد ببتسامه : اقل شي اسويه لوحده احبها من قلبي
عائشه ببتسامه : يالله نصعد قبل احد يشوفنا
محمد : يالله
راحت عائشه الغرفه عند البنات وكان الكل نايم إلا ترف راحت عندها عائشه
ترف : قلتي له
عائشه : اي ، احس ارتحت
ترف : شنو كانت ردت فعله ؟
عائشه : الحمدالله انه وعدني قبل ما اقول ولا كان بسوي شي ثاني
ترف : زين ، يالله نامي وراج رجعه لديره
عائشه : مدري شلون حياتي لو انتي ومحمد مو فيها صج اخواني وأكثر
ترف ببتسامه : إذا احنا ما كنا لعواش بنكون لمنو خزنه يعني
عائشه بضحكه : نامي لا تسمعج
ناموا وقعدوا كلهم الصبح الساعه ٨ تريقوا وراحوا السيارات
للديره وصلوا الديره على صلاة العصر راح الجد والرياجيل المسجد شافهم ابو سالم
ابو سالم : السلام عليكم شلونك يابو ناصر
الجد : ياهلا وعليكم السلام شلونك وشلون الأهل
ابو سالم : طيبين الحمدالله اليوم عشاكم عندنا على سلامتكم
الجد : ليه كلفت على نفسك
ابو سالم : مامن كلف وانتو جيرانا حق واجب
الجد : ما تقصر يا ابو سالم
رجع الجد للبيت وشاف حريم عياله وحنان
الجد : لا تسوون عشاء اليوم
سارا : ليه ياعمي
الجد : يوم طلعت من المسجد عزمني ابو سالم وقال ان مسوين عشاء لنا كلنا على سلامتنا
حنان : ما يقصر لا اهو ولا ام سالم
الجد : وحده منكم تروح للبنات تقول لهم يتجهزون ولا وحده تقعد عيب بحقنا
منيره : أنا بروح ياعمي
صعدت منيره وراح لترف
منيره : تروف
ترف : هلا يمه
منيره : جدكم يقول قولي للبنات اليوم العشاء عند ابو سالم والكل لازم يروح
ترف : يوه عاد مالي خلق
منير ه : خلي الخلق يولي وقومي قولي للبنات
ترف الي قالت للبنات يتجهزون ..........