مال الحب إلا الانتصار

البارت31

الصبح قامت عائشه دخلت الحمام واخذت شور( يكرمكم الله )
وبعدها طلعت راحت لغرفة خالها متعب طقت الباب
عائشه : خالي متعب قاعد ؟
متعب : اي تعالي
عائشه : يصير أطلبك طلب ؟
متعب : امري كلي لج
عائشه : ما يأمر عليك عدو ، الحين الكل نايم ودي اروح مكان بس امانه لحد يدري اني رحت للمكان هذا
متعب : وين ؟
عائشه : إذا ركبنا السياره أقولك
متعب : اجل البس وننزل
عائشه : اوك
طلعوا متعب وعائشه
متعب : يالله وين تبين تروحين ؟
عائشه : المقبره بس مو الي بالديره
متعب : ليش
عائشه : ابي اروح قبر ابوي
متعب : اليوم ملكتج ليش تبين تحزنين
تضايقت عائشه الي ما تدري شترد
متعب : ابشري
وصلوا المقبره
عائشه : يصير انزل بروحي
متعب : اوك بس المكان فاضي لا تطولين
عائشه : اوك
نزلت عائشه وراحت لقبر ابوها
عائشه : السلام عليكم شلونك يبا اليوم ملكتي على محمد ولد خالي يوسف كنت اتمنى انك تكون موجود معاي بهذا اليوم لا تزعل من اخواني انهم زوجوني جابر غصب اهم مالهم شغل لا تخاف علي أنا بين امي و خوالي وانت لا تخاف علي لان بتزوج محمد يحبني ومراح يزعلني
حس متعب ان عائشه طولت دخل المقبره وراح عند قبر ابوها وشافها الي تسولف عليه وقف يسمعها
عائشه : ان شاء الله إذا الله رزقني بولد بسميه فيصل نفسك رجال قوي وشجاع أنا طولت على خالي متعب لازم اروح بس ان شاء الله مراح اطول بجي كل ما اشتقت لك
قامت عائشه الي انصدمت ان كان وراها متعب وهي ماتدري إذا سمع الكلام او لا
عائشه : من متى وانت هني !؟
متعب : توني جيت شفتج طولتي قلت اجي اشوفج خلصتي
عائشه : اي خل نرجع قبل يقعدون
متعب : يالله نمشي
ركبوا السياره وتوجهوا للبيت
بيت ابو ناصر
دخلوا البيت وراحت عائشه تتجهز طق الباب عليها
عائشه : منو
ترف : احنا
عائشه : تعالوا
دخلوا وانصدموا ان عائشه لين الحين ما تجهزت
ريناد بصدمه : ليش ما جهزتي لين الحين
عائشه : تو الناس
ترف : من صجج شنو تو الناس
عائشه : يالله الحين اقوم اجهز
بدوا يتجهزون البنات وصلت رساله لترف
خالد : وينج
ترف : عند عائشه نتجهز
خالد : اوك
ترف : بنات أنا بروح خالد توه وصل من الدوام يمكن يبي شي
ريناد : مرت اخوي السنعه
طلعت ترف وشافت محمد
ترف : حي الله معرسنا الحمدالله شفتك صارلي يومين ما شفتك ما تسال عن أختك
محمد : الله يحيج والله شغل
ترف : عساك على القوه
محمد : الله يقويج
غرفه خالد وترف
دخلت ترف الي كانت حاطه مكياج ورافعه شعرها ولابسه بجامتها
ترف : قواك الله
خالد : الله يقويك
ترف : تغديت او اروح اسويلك
خالد : لا ما تغديت بس هالكشخه مو حق مطبخ بروح اجيب لنا
اكل واجي
ترف : شكلك تعبان
خالد : لا عادي المطعم قريب بروح بسرعه واجي
ترف : اوك ، اجل بلبس على ما تجي
خالد : اوك
غرفة عائشه
دخلت حنان وشافت عائشه الي كانت مسويه شعرها ستريت ولابسه فستانها الابيض
حنان : بسم الله ما شاء الله تبارك الله
عائشه : شكلي زين
حنان : اي تهبلين
نزلوا البنات والحريم وقعدت عائشه بروحها بغرفتها
المجلس
الجد : ياهلا بضيوفنا
ابوسالم : يا هلا فيك
ابو فاطمه : هلا فيك يا ابو ناصر
دخلوا نايف وفيصل مع محمد
محمد : هذول ربعي
نايف : السلام عليكم
فيصل : السلام عليكم
يوسف : وعليكم السلام ياهلا وسهلا فيكم
الجد : وعليكم السلام حياكم
نايف : الله يحيكم
غرفه خزنه
طقت سارا الباب
خزنه : منو ؟
سارا : أنا
خزنه : تعالي
سارا : ليش ما جهزتي ؟
خزنه : ومن قال بجهز
سارا : وليش ان شاء الله
خزنه : أنا كنت ابي محمد انزل واهو ماخذ وحده غيري
سارا : مو من زينه عاد ، اقول انزلي خلي ام سالم تشوفج
خزنه : يمه لو تموتين مراح اخذ سالم تبينه خلي ريماس تاخذه
سارا : حاصل لج مالت ازوجه ريماس احسن له ولها
عند مجلس الحريم
ام فاطمه : شلونكم
مضاوي : الحمدالله طيبين وانتي شلونج
ام فاطمه : الحمدالله
حنان : وانتي يا فاطمه شلون الدراسه معاج
فاطمه : الحمدالله زينه
دخلت ام سالم وريم
سارا : ياهلا حياكم
ام سالم : هلا فيج
ريم : هلا فيج
مضاوي بهمس : منور
منيره : هلا
مضاوي : ابي اعرف شنو الي تخطط عليه سارا
منيره : تبي سالم لوحده من بناتها
مضاوي : اي والله ما طرت علي
نوره (يوسف) : يمه
منيره : هلا
نوره (يوسف) : ما توقعت ان محمد ياخذ عائشه
منيره : ولا أنا بس الله يوفقهم النصيب
ريم : ريماس
ريماس: هلا
ريم : وين خزنه ؟
ريماس : فوق
ريم : مراح تنزل
ريماس : والله مدري
ريم : اوك
نزلت عائشه بدت تسلم على الكل
ام فاطمه بهمس : فاطمه
فاطمه : هلا
ام فاطمه : ماشاء الله تهبل
فاطمه : اي ماشاء الله
سارا : ام سالم المكياج يزين ماشاء الله
ام سالم : اي والله بس عائشه شايفتها بدون مكياج تهبل
سارا بقهر : اي
ريماس : تهبلين عواش
عائشه : قلبي انتي
عند مجلس الرياجيل
دخل الملاج مع محمد
محمد : تفضل يا شيخ
الشيخ : زاد فضلك
قام سعد يقدم القهوه لشيخ
سعد : سم يا شيخ
الشيخ : سلمت
الشيخ : المعرس وين وابو العروس
الجد : المعرس موجود وانا جد العروس ابوها متوفي
الشيخ : يرحمه الله
دخلوا اخوان عائشه
عمر: السلام عليكم
الكل : وعليكم السلام
الجد : حياكم
نواف : الله يحيك
الشيخ : تفضلوا ابو ناصر والمعرس قول وراي يا ابو ناصر
متعب الي حب يوثق اللقطه وبدا يصور فيديو لمحمد
الشيخ : زوجتك ابنتي عائشه
الجد : زوجتك ابنتي عائشه
الشيخ : على كتاب الله وسنه رسوله صلى الله عليه وسلم
الجد : على كتاب الله وسنه رسوله صلى الله عليه وسلم
الشيخ : قول يا معرسنا قبلت بهذا العقد
محمد : قبلت بهذا العقد
الشيخ : وقبلت بهذا الزواج ورضيت به
محمد : وقبلت بهذا الزواج ورضيت به وانا قبلت بها ورضيت بها واخترتها من بعد الله ملجا دائما وملاكا ثابتا وحضنا يحتويني بعد المشقه والتعب
الشيخ ببتسامه : وقعوا على الكتاب وين الشهود
محمد : نايف وفيصل ولا يهونون الجميع
الشيخ : الله يوفقكم
محمد : تفضل يا شيخ واصلك
الشيخ : أنا استأذنكم
طلع الشيخ ومسك يد محمد
الشيخ : ياولد
محمد : سم
الشيخ : شكلك تحبها حافظ على بيتك
محمد ببتسامه : لا توصي
                          عند مجلس الحريم
حنان : مبروك يا قلبي
منيره : الف مبروك والله يوفقج
ترف : عسى ربي يكتب لج الخير وعسى السعاده ما تفارقج
ريناد : ياحظ من نالج وسعد عينه وهنيه
نوره (يوسف ) : الف مبروك والله يوفقج يا روحي
ريماس : مبروك عواش
مضاوي : الله يتمم لكم على خير
فاطمه : الف مبروك عواش
ريم : مبروك
عائشه : الله يبارك فيكم ماقصرتوا
                            عند مجلس الرياجيل
عمر: يا عم
الجد : سم
عمر : سم الله عدوك احنا مستعجلين بس ودنا نسلم على عائشه ونمشي
الجد : اي ابشر بناديها لكم بالمجلس الثاني
عمر : ماتقصر
طلع الجد ينادي على عائشه
الجد : عواش
عائشه : هلا
الجد : تعالي المجلس هذا اخوانج يبون سلمون عليج
عائشه : اوك
دخلت عائشه وشافت خوانها وسلمت عليهم
عمر : الله يتمم لج على خير والله يوفقج
راكان : الف مبروك
عبدالرحمن : الف مبروك عائشه
نواف : الف مبروك يا قلبي والله يوفقج
عائشه : الله يبارك فيكم وماقصرتوا على الجيه
عمر : ما سوينا شي احنا نستاذنج بنمشي
نواف : يصير تنادين عمتي حنان نسلم عليها
عائشه : اي الحين أناديها
راكان : شتبي بامها
نواف : احترم نفسك
دخلت حنان وسلمت عليهم وطلعوا وبعدها جت منيره
منيره : لازم تقصون كيكتكم المجلس الثاني فيه حريم بدق على محمد يجي
منيره : محمد تعال المجلس عشان تقط الكيكه مع عائشه
محمد : ابشري الحين جاي

دخل محمد وشاف عائشه...............