مال الحب إلا الانتصار

البارت22

زينب : هاي بنات
عائشه : هايات
لين : شلونكم
ترف : حيل طيبات
زينب : أنا هذا مكاني حبيت اكون قريبه منكم ( بينها وبين عائشه ممر)
لين : وانا جنبها اخترنا اماكنا بتمعن
عائشه : ببلش الطابور أنا ما ابي المشاكل فبعدوا عنا احسن للجميع
زينب : من قال نبي مشاكل
طلعوا البنات وما ردوا عليهم بلش الطابور تكلمت المديره
المديره : عام جديد وسعيد على الجميع مشاكل مانبي واهم شي منكم يا الخريجات اخر سنه خل نعديها على خير والحين الكل يقدر ينصرف للفصول
دخلوا البنات الفصل وكانت معاهم المعلمه الي مدرسه فصل عائشه وفصل لين العام الماضي
المعلمه : السلام عليكم
الكل : وعليكم السلام
المعلمه : ماشاء الله العام الماضي عائشه فصل ولين فصل وتتمشكلون والحين بصف واحد اتمنى اني ما أشوف مشاكل
لين : ان شاء الله
بدت تشرح المعلمه ولمن خلصت لفت عائشه على البنات
عائشه : بنات
ترف : هلا
فجر : هلا
وسن : هلا
عائشه : أنا بروح المديره
ترف : ليش من أولها مشاكل
عائشه : بقول لها تغير فصلي مابي مشاكل على اخر سنه ادري مراح يخلص العام إلا متسبب إذا كل وحده فصل بس مشاكل بسيطه مافيها اولياء أمور اما بنفس الفصل اولياء أمور محد بيجي من اهلي
ترف : معاج حق اطلعي قبل تجي المعلمه
طلعت عائشه وراحت للمديره طقت الباب
المديره : ادخل
عائشه : السلام عليكم
المديره : وعليكم السلام شبغيتي يا عائشه ؟
عائشه : يصير تغيرين لي الفصل حقي
المديره : ليش مو خوياتج معاج
عائشه : اي بس معاي لين و زينب إذا قعدت معاهم بسببون لي مشاكل
المديره : إذا المشكله منهم انتي مراح يصير لج شي
عائشه : إذا قربوا مني راح اتهاوش معاهم عشان جذي ابي ابعد عنهم
المديره : اسفه عائشه الفصول زحمه ولازم تتصالحين معاهم هذي اخر سنه
عائشه : اتصالح معاهم هذا حلم إذا المشكله الزحمه أنا أكلم بنت تبدل معاي
المديره : لا تكلمين احد مافي مشاكل ان شاء الله ردي فصلج
عائشه الي قهرتها المديره راحت للفصل بتدخل
المعلمه : وين كنتي
عائشه: عند المديره
المعلمه : شنو اسمك
عائشه : اسمي عائشه
المعلمه : تفضلي
زينب : من أولها مديره
عائشه : لا تخافين الموضوع ما يخصج أنا إذا ابي شي منج اخذه بيدي
المعلمه : هدوء
خلصت الحصه وطلعوا البنات للفسحه
فاطمه : عائشه
عائشه : هلا
فاطمه : زينب ولين بسببون لج مشاكل وانتي خريجه
عائشه : عشان جذي أنا رحت للمديره بغير صفي ما ابي اسبب مشاكل بس هذول اعرفهم حتى لو مو نفس الصف بسببون مشاكل
فجر : ما عليج منهم بنتسبب ونتخرج وزينب بتقعد بالمرحله سنه ثالث
ترف : استغفري فجر مو زين تقولين جذي
فجر : استغفرالله بس تحرني
عائشه : أنا بروح اجيب لي اكل تبون
ريناد : لا
فجر : أنا بروح معاج
عائشه : يالله
راحوا عائشه وفجر الفصل ياخذون أكلهم دخلت لين
لين : عائشه شصار على جابر
عائشه الي لفت : وانتي شكو
لين : أفا ليش سؤال بس
عائشه : أنا كافيه خيري شري ما ابي أتسبب بمشاكل ابعدي عني انتي وخويتج احسن لكم
لين : ليش عائشه هالكلام احنا صديقات
فجر : خل نمشي عائشه
طلعوا وقعدوا يسولفون مع البنات بعدها خلص الدوام لاول يوم طلعوا ترف وعائشه وريناد ينطرون برا منو يجي يأخذهم
فاطمه : بنات ابوي وصل تروحون معاي
ترف : لا يا قلبي مشكوره اكيد احد جاينا وماشفناه
فاطمه : اوك مع السلامه
ريناد : مع السلامه
عائشه : لا يكون نسونا
                               بيت ابو ناصر
الجد : البنات وينهم
حنان : ناصر(سعود) راح يجيبهم بس طولوا ليش
الجد : دقي عليه شوفيه 
دقت حنان على ناصر (سعود)
حنان : ناصر(سعود) وين البنات
ناصر (سعود): يوه يا عمه نسيتهم الحين اروح أجيبهم
حنان : الله يستر عليهم مقعدهم بالشمس نص ساعه
ناصر (سعود) : ما عليهم الشمس مفيده يالله بروح
                               عند المدرسه
عائشه : بنات بموت من الحر ابي اعرف منو الي المفروض يجي
ترف : لو جايبه تلفوني احسن ولا وقفنا كل هالوقفه
ريناد : بنات هذا ناصر اخوي
عائشه : اخيرا
ناصر : طولت عليكم نسيتكم الحمدالله ذكرتني عمتي
ريناد : زين ان احد ذكرك ولا كان متنا بالشمس
ناصر : هذا انتو ما متوا عادي
                             بيت ابو ناصر
دخلوا عائشه وترف وريناد ومعاهم ناصر
حنان : ياويلي عليكم حرقتكم الشمس
عائشه : دوام معاد بداوم إلا لمن احد يلتزم فينا
ترف : ولا تخلون تلفوناتنا معانا
الجد : ابشروا كل يوم بذكرهم واخلي احد ينطركم قبل لا تطلعون
ريناد : والله ان انت الكفو فيهم
حنان : روحوا بدلوا وتعالوا بحط لكم الغدا
عائشه : اوك
صعدوا البنات وبدلوا ونزلوا يتغدون وبعدها كل وحده حلت الواجبات وصلت رساله لعائشه
عمر : اشوف انتي ماخذه راحتج ما تسألين عن اخوانج وزوجج
عائشه : اسال عن الى يضربني صبح وليل وماخذني اخدمه وأخدم اهله ولا عن الي كذبوا علي  و دوروا  سبب تعاستي
عمر : إذا ضربك انتي غلطانه والخدمه لزوجج عادي والي كذبوا يبون مصلحتك
عائشه : مصلحتي مو بالكذب أنا نسيت الموضوع ولا تجمعكم بكلمة اخواني لان ان احس ان ما عندي اخو يحبني كثر نواف تعلموا منه والحين صارلي اكثر من الشهرين ما سالت توك تسال وتقول اخوي
عمر : هذا كله بقلبج ، لو صج نواف اخوج كان بلغج عن ملكته وحضرتي
عائشه : بلغني واعتذر بسببكم انتم وجابر وبقلبي أكثر بس خلني اسكت عشان ما نخسر بعض أكثر أنا وراي مذاكره مع السلامه
عمر : مع السلامه
قعد عمر يفكر وندم على الي سواه وفكرت بامانه ابوه
دق على راكان
راكان : هلا عمر
عمر : تعال المجلس أبيك ، عبدالرحمن وين
راكان : معاي
عمر : احسن تعالوا بسرعه
دخلوا راكان وعبدالرحمن
راكان : عمر فيك شي ؟
عمر : لا بس بسوي شي من غير علم امي وأعرفك يا راكان كل شي تقوله لها
راكان : تكلم
عبدالرحمن : عمر اخلص شفيك ؟
عمر : احنا غلطنا بحق أختنا وحيدتنا واهي امانه من أبونا
راكان : شغلطنا فيها عطينها احسن الرياجيل وماقصرنا معاها اهي مدلعتها امها وجدها
عمر : احسن الرياجيل ترضى يمد يده على أختك
عبدالرحمن : ارضى لان ما يمدها جابر إلا ان أختك قلت أدبها عليه
عمر : احترم نفسك شلون تفكر جذي أنا الي ما ادري شنو قالت له عائشه عشان يمد يده أختك مربيها أبوك وثاني شي عائشه على انها مدلعه إلا انها محترمه

دخل نواف ..........