الطب النفسي
وصل محمد ودخل وطق الباب على المدير
المدير : تفضل
محمد : زاد فضلك بغيت اسال عن جابر محسن موجود
المدير: اي موجود
محمد : يصير أشوفه
المدير : انت من اهله
محمد : لا
المدير : اعتذر منك لان مسموحه الزياره للأهل فقط
محمد : اهو طليق زوجتي وزوجتي مفقوده يمكن يدري وينها او له يد بالموضوع
المدير : ان شاء الله اكلمهم يجيبونه
طلع المدير ومتوقع ان جابر موجود سال الممرضه وقالت انه من الصبح واهم يدورون عليه ومو محصلينه
المدير: شلون مريض ينحاش منكم وين عيونكم وين الحراس
سمع محمد صوت المدير على طلع
محمد : عسى ما شر
المدير : اعتذر استاذ محمد بس المريض مو موجود مو محصلينه من الصبح
محمد : إذا ودكم بالمريض تعالوا معاي
عند بيت جابر
طلع محمد وتوجه لبيت جابر طق الباب وفتح له محسن
محمد : عائشه وين ؟
محسن : استهدي بالله عائشه ماهي موجوده
محمد : طلع لي عائشه لا والله اهد البيت بالي فيه
غرفة جابر وعائشه
سمع جابر صوت محمد وحاول ياخذ عائشه وينحاش لان إذا راحت هذي المره مراح ترجع له شاف امه
جابر : يمه
مريم : شتسوي هني
جابر : أنقذني ولا والله اروح السجن
مريم انصدمت لمن شافت عائشه : عائشه شتسوي هني
جابر : جبتها من اهلها عشان أتزوجها
عائشه : خاله تكفين ساعديني أنا متزوجه
جابر : صوت انتي
عائشه : أنا قلت له امس بليل ردني ما ابي اسبب له مشكله بس اهو مو راضي يفهم اني متزوجه
تقدم جابر وحط يده على رقبت عائشه : أنا متوهق بالي تحت ماني ناقص كلامج
عند باب بيت جابر
محسن : محمد جابر بالطب النفسي
المدير : استاذ ولدك من الصبح مفقود
محسن : شلون يطلع وينكم عنه
محمد : هذا مو موضوعي ولا يهمني اخلص علي جيب لي عائشه لا ادخل واتسبب على ولدك
صعد محسن وشاف جابر وعائشه ومريم
غرفه جابر وعائشه
محسن : انت شسويت سودت وجيهنا وشوهت سمعتنا البنت وماعاد تبيك شتبي فيها
جابر : احبها افهم تكفون أنقذوني أنا وياها
محسن : انت اسكت وانتي يا بنتي انزلي تحت زوجك موجود
جابر حط يده قدامها : ما تنزل عائشه لي
محمد الي حس انهم طولوا وصعدت ودخل عليهم شافته عائشه وركضت له واحضنته
محمد : سوا لج شي
عائشه : لا بس تكفى اخذني
محمد : لا تخافين أنا موجود ، ما انتهى حسابي معاك يا رخمه
مسك يدها محمد وطلعوا وخذوا جابر الطب النفسي
ركبوا السياره محمد وعائشه وكانت سياره الطب النفسي قدامهم
عائشه : والله حرام يكسر الخاطر ليش اهله خلوه في الطب النفسي
محمد : ما عليج منه خيولي
دق محمد على حنان
حنان : هلا محمد عائشه معاك ؟
محمد : اي معاي وجنبي تسمعج
حنان : عواش امي فيج شي
عائشه : لا يمه أنا زينه ومافيني شي
حنان : الحمدالله ، وين كانت ؟
محمد : عمه إذا جيت أقولكم كل السالفه
حنان : ان شاءالله
صكرت حنان
حنان : أبشركم محمد لقى عائشه
الجد : الحمدالله الله يسترعليهم
متعب : الحمدالله
سعود : شلونها
حنان : زينه وجايين
يوسف : ما قالج وين كانت
حنان : لا قال إذا جا بيقول كل شي
ريماس : خزنه
خزنه : شتبين
ريماس : ماشاء الله محمد وعائشه علاقتهم حلوه ابي احد يحبني نفس حب محمد لعائشه
خزنه : ومنو قال ان محمد يحبها
ريماس : هذا كله ومو حب محد عرف اهي وين إلا اهو
خزنه : اقول اسكتي ماني فاضيه لج
خالد : ترف
ترف : هلا
خالد : احس كلامج صح لقاها عند جابر
ترف : يارب تكون بخير بس
وصلوا عائشه ومحمد ونزلوا راحت عائشه لامها احضنتها
حنان : وين رحتي ؟
عائشه : امس بليل عطشت رحت اشرب ماي لمن دخلت المطبخ دخل وراي جابر وماحسيت عليه وحط المسدس على راسي وهددني يا اروح معاه او يذبحني
خزنه بهمس لنفسها : ليته ذبحج
حنان : هذا مجنون الله ياخذه سوى لج شي
عائشه : لا
الجد : هذا ما ينسكت عنه
عائشه : لا تكفى جدي خله يولي مسكين
متعب : هذا مو مسكين هذا لازم نوقفه
عائشه : اهو اصلن بالطب النفسي ومنحاش
يوسف : لا يا بنتي هذي المره نحش وسلمتي المره الجاي ماندري شنو بسوي
الجد : خلوكم من طاري هالمجنون بعدين ان شاء الله نتفاهم معاه استأنسوا ان شاء الله نتغدى و نمشي وأبشركم حددنا عرس محمد وعائشه بعد أسبوعين
بعدها راحوا ترف وعائشه وريناد مع بعض يتمشون والرياجيل راحوا عن النياق والحريم والباقي البنات جلسوا يجهزون الغدا
عند ترف وعائشه وريناد
ترف : عواش ؟
عائشه : هلا
ترف : سوى لج شي جابر
عائشه : لا بس قال انه قاعد يتعدل عشاني واني تزوجت وما نطرته وان ما حب احد بحياته غيري حتى الي كان يكلمها عندي ما يحبها وكان مكلم الملاج يجي بيتهم ونتزوج قلت له اني متزوجه بس ما يفهم على باله اني ملك له
ترف : الحمدالله الله فكج منه مجنون
ريناد : اي والله والحمدالله حدد عرسكم عشان يفهم انج معادج له
ترف : يمديج تتجهزين ؟
عائشه : يمدي ان شاءالله
عند الرياجيل
محمد : انا بمشي تآمرون على شي
يوسف : وين
محمد : بروح المول مع الربع بنشتري لسفره
الجد : تغدا وبعدها روح
محمد : لا عليكم بالعافيه بتغدا معاهم
يوسف : حافظك الله
ناصر : وين بتسافر
محمد : لندن
ناصر : روح استانس وراك مشاكل
سعد : ياحظك ودي اروح معاك
خالد : اذكر ربك
يوسف : روح محمد وانتبه على الدرب
محمد : ان شاء الله
طلع محمد ودز لعائشه
محمد : انتبهي على نفسج ولا تروحين بعيد وخليج مع البنات
عائشه : ان شاء الله
بعد ما تغدا الكل ركبوا سياراتهم بيرجعون للبيت
منيره : يوسف
يوسف : هلا
منيره : محمد وينه الكل هني إلا هو
يوسف : راح المول مع ربعه يشترون لسفرتهم
ترف : يبا وين بروح ؟
يوسف : لندن
ترف : الله ، يروح ويرجع بالسلامه
بيت ابو ناصر
وصلوا البيت والكل راح غرفته يرتبها وبدوا البنات يذاكرون لامتحانهم
سارا : أنا بروح لام سالم مشتاقه لها تروحون معاي بناتي
ريماس : لا أنا برتب غرفتي
خزنه : اوك
طلعوا سارا وخزنه وراحوا
بيت ابو سالم
وصلوا ودخلوا وكان سالم الي بيطلع
سارا : شافج
خزنه : مدري عنه
سارا : شلونج يام سالم
ام سالم : الحمدالله وانتي
سارا : الحمدالله زين أنا ردينا من العزبه اشتقت لج والله يومين كانّها سنتين
ام سالم : تشتاقلج العافيه
ريم : خزنه تروحين معاي نخليهم بروحهم ؟
خزنه : اوك
ام سالم : والله يام سعد تونا نكلم سالم أنا وريم نقول له تزوج الي بكبرك معهم عيال قال افكر ان شاء الله يوافق
سارا : ان شاء الله يوافق حدد عمي اليوم عرس محمد وعائشه
ام سالم : مبروك متى ان شاءالله ؟
سارا : بعد أسبوعين ان شاء الله انتي لقيت لسالم ولا بدورين
ام سالم : والله مافي راسي احد إذا وافق بنات الديره واجد
سارا : اي والله
غرفة ريم
ريم : ها خزنه ناويه تدخلين شنو ؟
خزنه : والله يا ريم أنا الحين مو يم الجامعه
ريم : افا ليش
خزنه : والله ما لقيت احد يكون معاي رفايقي بزران والبيت كله مع عائشه شسوي
ريم : معاها بشنو ؟
خزنه : أنا احب محمد من يوم انه صغير واهو يحبني وعائشه حبته وحاولت تبعده عني وتزوجت عائشه قلت بخلص منها بس تطلقت وعرسها من محمد بعد اسبوعين
ريم : ليش تسوي جذي واهي تدري انج تحبينه
خزنه : أنانيه ما تحب إلا نفسها
ريم : نصيحه يا خزنه إذا انتي تحبينه واهو يحبج لا تخلينها تاخذه منج يمكن زعلان منج واجهيه
خزنه : شلون!؟
ريم : حاولي تكلمينه وتقولين له كلام حب وتكونين مكلمه عائشه قبلها تسمعكم وتشوفكم وتثبتين لها انه يحبج
خزنه : ما طرت علي بحاول اكثر من مره لازم يرجع ما اتحمل اشوفه مع غيري
ريم : إذا احتجتي شي تعالي البيت جنب البيت إذا رجع لج سافروا ادرسي برا او اطلعوا بيت بروحكم لا تخلينها معاه بنفس البيت
خزنه : اكيد ، مشكوره ما قصرتي أنا لازم اروح يمكن محمد الحين بالبيت اهي وياه
ريم : ما سويت شي ما حبيت اشوفج متضايقه وما اساعدج
نزلت خزنه وطلعوا اهي وسارا ورجعوا البيت
بيت ابو ناصر
دخلوا خزنه وسارا وكانوا الحريم بالحوش
خزنه : البنات وين ؟
منيره : عندهم امتحان وكل وحده بغرفتها تدرس
خزنه : أوك أنا بصعد
صعدت خزنه وطقت الباب على عائشه
خزنه ...............
أنت تقرأ
مال الحب إلا الانتصار
عشوائيبعد وفاة ابو عائشه قررت حنان تاخذ بنتها وتروح لاخوانها وبدت علاقه محمد وعائشه من الصغر واجهت عائشه مشاكل من اخوانها إلا ان تزوجت حب الطفوله 👩❤️💋👨
