أجاذبك الهوى وأطرب وأغنّي وأبادلك الغرام بكل فنّي

{ ٣ }

(الرياض مساءً بيت مقرن )
رجعو تعبانين بسبب روحتهم لرياض كل منهم يتجه لبيته لأجل يريح
دخل غرفته ينطق ياحنين صحيني على صلاه الفجر
ردت حنين الجالسه ف الصاله : طيب
سحر : حنين حبيبتي جوالك يدق
حنين : ذي رزان
فتحت الخط وابتسمت تسمع صوت رزان تقول : سويت حلا اطلعي الحوش نجلس ناكل ونلعب
حنين : يلا طالعه
______________
( الرياض قصر حمدان صباحاً )
فتحت عيونها على صوت أنغام الي تنادي عليهم يقومون
أنغام : ريناد سهام وغزل قومو أنتي وياها تحركو
سهام : اخخخ طيب طيب وش فيك تصارخين من صباح الله خير
بنقوم أف
وقفت تتجه للحمام وسبقتها غزل تدخل صارخت سهام تقول : غزل وجع انشاءالله
أنغام : خلصو وتعالو ساعدوني تحت
ريناد : صبر أنا جايه معك
نزلو اتجهت ريناد للمغسله الي ف الحوش تمسح وجهها وتقوم بروتينها خلصت تدخل تساعد أمها وعمتها ف المطبخ
ريناد : وش أساعدكم فيه
نوره : تعالي سوي حلا
مناهل : أي تكفين عاد الحلا من يدك حلو
ريناد : احبككك معليك الحين يجيكم حلا تأكلون أصابعكم وراه
نوره : لا مشكوره نبي أصابعنا كامله
ضحكت تتجه لدولاب تطلع المكونات الي تحتاجها وتبدا تخلط
___________
( لندن المطار )
طلع من الشقه يتجه لسيارته يركبها ويتجه للمطار عشان مايتأخر على الرحله فتح جواله يبتسم من شاف اخته مصوره جمعتهم تقول ماناقصنا الا فهودي ضغط زر الاتصال يتصل عليها وابتسم يسمع صوتها تقول : حي الله فهودي وش ذي القطعه وما تدق علي
فهد : ياعمري يا رنود والله إني مشغول
ريناد : ادري بس ماطرا لك تأخذ اجازه وتجي تزورنا ولا خلاص معد تبينا
فهد : اعقب وش ما أبيكم إلا هذاني جاااااا
ريناد : جا وش
فهد من استوعب انه بيفضح المفاجأة حقته وبيجي عندهم بعد طول غياب ينطق : يلا يلا وصلت المطار عندي رحله مع السلامه
ريناد : صبر وش كنت بتقول
فهد : مع السلامه سلمي لي على أمي وخواني والباقي
ريناد : صبر
زفرت بغضب من قفل ف وجهها تقول : أف منك زعلت
__________
( الرياض بيت مقرن )
جالسين على السفره يأكلون بأمان الله وفزو كلهم من سمعو صوت صراخ حريمهم وقامو يركضون وجت رزان تركض وتضرب ف عمها عبدالعزيز تنطق : فيه فيه رجال دخل علينا
طارت عيونهم يركضون متجهين لداخل يحاصرون الموجود داخل البيت وهرب من شافهم يتجه لشباك وفلحظه انقض عليه نايف يمسك رجوله ف حين ان امير طلع من برا البيت عشان يحاصره من الجهه الثانيه مسكوه واخذوه يربطونه برا مسك مقرن رأسه ينطق بعصبيه :
اجلدو الحيوان هذا لين يعض الأرض وقبل يطلع مسك يد ولده عبدالعزيز يقول : وخلوه يعترف من الي أرسله
هز رأسه بالإيجاب يقول : ابشر
مسك صقر حزامه يتجه للمربوط ف النخل يقول : نربي بن الكلب ذا
ابتعدو امير ونايف من طريق عمهم وانصدم من شاف وجه الرجال
واضح ان امير ونايف ماخلو ف خاطر احد وربوه قبل الباقي
التفتو على عبدالعزيز الي يقول : خلوه يعترف من أرسله
صقر : متاكدين فيه احد أرسله يمكن طامر علينا يسرق
عبدالعزيز : مااتوقع لان لو كان زي ماتقول كان سرق من غير ما احد يحس عليه ولو افترضنا بيروح لحلالنا مو يدخل عند حريمنا
صقر يلف له ويرجع نظره لإخوه ينطق : أغمى عليه من ظربهم
مشاري : أنا شوري ندخل لين يفيق ونرجع نستجوبه وإذا ما نفع نستخدم الطريقه ب
شاكر : أنا شوري من شور ابوي ندخل ما بتستفيدون  شي إذا وقفتو على رأسه
صقر : طيب احد يجلس عنده لا يهرب وحنا غافلين
مشاري : ناظر فيه تشوف فيه حيل يهرب واصلا شوف كيف مربط والله لا يجلس العمر كله حاول يفك نفسه على بربطهم
نايف : على الربط لا تخاف تاكدت انه مابيقدر يفكها
ضحك صقرعلى ربط نايف وامير له وكيف خلوه كنه ذبيحه
ومشو يتجهون للمجلس
واتجه امير يشوف اخته وأمه ويشيك عليهم
______________
( الرياض قصر حمدان المغرب )
ينتظرون الأذان عشان يصلون ويفطرون بحكم أنهم صايمين التطوع
وهاذي عاده عندهم توجهت نوره الي بيدها صحن التمر تقول : ريناد بنتي خذي التمر وحطيه عند الرجال
ريناد : حاضر
أخذت الصحن تتوجه لمجلس الرجال ابتسمت من شافت سعود تقول : سعودي
سعود : ادري إني سعودي وش بتخليني يعني مصري
ريناد : هيهيهي ماتضحك خذ التمر حطه على السفره الله لايهينك
سعود : طيب سويتي حلا ؟
ريناد : أي تبي ؟
سعود: أي تكفين
ريناد : ارقد وتحلم اجل
سعود : افا اصبري نتفاهم
مشت تركض لداخل تجلس بين البنات على السفره ينتظرون الأذان
لحظات وسمعو الأذان وبدو يسمون بالله وياكلون
____________
( مطار الرياض )
نزل من الطايره يسحب شنطته خلفه فتح جواله يطلب سياره لأجل يتجه لبيت جده هو يحس انه بيطير من الفرحه وليه مايفرح وهو ماقد شافهم من أربع سنوات وكان يكتفي بمكالمات الفيديو معهم والحين بيشوفهم ويسلم عليهم ويحضن أمه وابوه واخوانه الي انحرم منهم بسبب شغله
وصلت السياره وركب يقول لسائق يتجه للوقع الموجود
__________
( الرياض قصر حمدان )
قامو بعد الأكل يرفعون السفره ويغسلون المواعين التفتت ريناد على سهام الي نطقت تقول : ريناد الواعين ولا تنظفين الرخام وتمسحين الأرض
ريناد : نعمممم هذا وأنا ضيفه
سهام : ضيفه اجل أقول عجلي المواعين ولا الرخام والأرض
ريناد : الرخام والأرض
سهام : يلا اجل نظفي
ريناد : حسبي الله
والتفتو على أنغام الي جايبه جبل المواعين
نطقت سهام بصدمه : وش ذا والله لو أننا مفطرين الرياض كلها
ريناد بسخريه : ههههه يلا يلا غسلي
أنغام : غسلي وأنتي ساكته ولا روحي نظفي الحوش
سهام : لا خلاص بغسلها
ريناد : هههههه تتخطين حبي
سهام : مسحي وأنتي ساكته
ريناد بضحك : سمي طال عمرك
سهام : هههههه احبك
ريناد : أكثر
خلصت ريناد وطلعت تأخذ دش وتغير ملابسها نزلت تشوفهم متجمعين حول بعض يحلون وجلست بينهم تحلي معهم واخذت قطعه تحطها ف الصحن وتنادي ناصر ونادر الي جواها يركضون باستهم تقول : بالله عطو سعود
ناصر : ابشري
آخذ الصحن يركض للمجلس ونطقت أنغام : الله يقلعهم وأنا يوم طلبتهم عيو إلا أعطيهم فلوس
ريناد : هههههه أنا عنصر محايد
أنغام تأخذ ورق عنب وترميه بفمها : كلي كلي
انصدمت من دخلت ورق العنب بفمها وهي مأكله حلا قبله تنطق : حالي وحامض بيجيني حرقان
أنغام : احسن
كملت أكل والتفتت من وصلت رساله على جوالها مسكت الجوال تقراها فتحت عيونها بصدمه تقرا المكتوب وماهي مصدقه لمعت عيونها ونزلت دموعها التفتت عليها سهام تنطق : وش فيك ؟
لفو لها يناظرون فيها ورفعت عيونها عليهم تصيح وتقول : يمه يمه انقبلت انقبلت ماني مصدقه انقبلت بكليه أحلامي بصير دكتوره
هللت نوره بفرح تقول : ألف الصلاه والسلام عليك ياحبيب الله محمد
ضحكت ريناد تقول : يمه ماهو عرس والله
نوره : عقبال العرس يمه
حضنتها عمتها تبارك لها وبناتها بالمثل وابتسمت غزل تقول : مبروك دكتورتنا
ريناد : يبارك فيك حبيبتي عقبالك
نوره : نطي علمي أبوك وجدك
ريناد : رايحه اعلمهم
طلعت تركض تتجه للمجلس تحس الدنيا ماهي شايلتها من الفرحه
حلمها من الطفوله على وشك انه يتحقق ماهي مصدقه أنها بتلبس الابكوت الأبيض لبس أحلامها دخلت المجلس ترمي نفسها بحظن أبوها وجدها الجالسين جمب بعض متجاهله كايد الي أنصدم من دخولها المفاجئ واخذ يغطي وجهه خلف ظهر نواف تصرخ بصوت عالي تقول : باركولي بنتكم بتصير دكتوره انقبلت بكليه الطب وبصير دكتوره يبه
ابتسم جدها يرفعها لفوق وهو يضحك ويقول : أي هذي دكتورتي هذي هي رنودتنا
نزلها تحظن أبوها الي بدوره ضحك يبارك لها يقول : مبروك يروح بابا
وابتسم سعود يحضنها : مبروك حبيبتي رنوده
تبسم الجد ينطق : وش خاطرك فيه يا ريناد دندني
ريناد : امممم أبي حفله
الجد : ابشري ماطلبتي شي
ريناد : ف البر أبيها ف البر من زمان ماكشتنا اشتقت للكشتات والضحك والوناسه هناك
الجد : سمي انقزي عندهم وبلغيهم بكره بنروح للبر
ريناد : احبك جدوووو
نطق نواف يقول : الله ي الدنيا بدال ماتتغطى منه هي هو يتغطى
واستوعبو وجود كايد بينهم شهقت ريناد من نست انه موجود تقول : اسفه ماشفته
نواف : أي ماشافته طول وعرض وماشافته
ريناد : تعرف تنطم
نواف : لا
مشت تشمق له وتطلع تبلغ الباقي يستعدون للبر بكره
دخلت تنطق : اسمعوووووو والحاضر يعلم الغايبببببب بنطلع بكره للبر بنسوي حلفه بمناسبه قبوليييي تسمعون تجهزو
نطقت سهام : يسسسسس اخيرا بنطلع حماس بروح اجهز شنطتي
أنغام : وأنا بعد
غزل : وأنا
ريناد : حلوه ذي انتظروني
نوره : بشويش لا تطيحون
مناهل : بروح اعلم شجون
نوره : يلا بروح معك
مشو يتجهون لبيت شجون يطقون الباب وابتسمو من فتحت لهم مروج
تقول : نعم
نوره : وين أمك
مروج : امييييي خالتي نوره تبغاك
نزلت شجون تنطق : وش ماعندكم ملح بعد
مناهل : وش ملحه جايين نقولك إننا بنطلع بكره للبر عمي مسوي حفله بمناسبه قبول ريناد بكليه الطب
نطت أسيل تقول : سلامات ليه ماسوو لي لما انقبلت مثلها
شجون : انقلعي فوق
طلعت تبكي ونطقت شجون : طيب خلاص يلا تفظلو برا
طلعو تنطق نوره : وش قله الأدب ذي طردتنا ولا سلمت حتى
مناهل : تعودت عليها هي كذا ماعليك منها
(بيت شجون )
طلعت دخل على بنتها تنطق : تشوفين ماقلت لك تقربي من جدك يا بقره شوفي الحين ذي الي اسمها ريناد اليوم مدلعها وسوي لها حفله بكره بيعطيها أملاكه كلها وتنقلعين أنتي كذا ولا بتكملين دراستك
قلت لك تشوفين انه من مصلحتك انك تتقربين منه بدال جلستك على المسلسلات التركيه حقتك خليها تنفعك يافاشله
(عند البنات )
خلصت تنزل للحوش لأجل تغير جو وتشم هوا والتفتت على بوابه البيت الي انفتحت ودخلو منها اثنين وتشوف سعود يسلم ويقول :هلا والله بالغايبين عننا
فتحت عيونها بصدمه من شافت اخوها فهد وعمها عبدالرحمن يسلمون وراحت تركض لهم شافها فهد يركض لها ويحضنها تبكي وتقول : فهودي ماني مصدقه
فهد : ياعمري صدقي حبيبتي اشتقت لك مره كبرتي وصرتي قدي
ريناد : هههه وش تبيني اجلس صغيره
عبدالرحمن : ماشاءالله وأنا مسحوب علي
ريناد تضمه لهم وتنطق : اشتقت لك أنت بعد لا تزعل
عبدالرحمن : مالي وجهه ازعل منك
ضحكت تقول : انقبلت ف الجامعه بصير دكتوره
فهد ببتسامه : الله دكتورتنا مبروك
عبدالرحمن : مبروك ياروح عمك
ريناد : يبارك فيكم وبكره بنروح البر ونسوي حفله
عبدالرحمن : عشتو وحفله بعد
ريناد : أي أبي هديه لا تنسى
عبدالرحمن : ابشري
ركضت لداخل تنادي أمها تشوفها ف المطبخ جت من ورها تحط يدها على عيونها ونطقت نوره تقول : وش فيك ؟
ريناد : بوريك شي امشي وانتي بعد عمتي مناهل
مشو وراها وشهقت مناهل من شافت فهد وابعدت ريناد يدها تقول :تراااااااااه
دمعت عيونها تشوف ضناها وأول عيالها بعد غياب يوقف قدامها
حضنته وماهي مصدقه وانحنى يقبل رأسها وينطق بنبره مهزوزه : ليه الدموع ياروح فهد ليه
بكت تشده لحضنها وتنطق : على أساس انك ماتبكي
هربت ابتسامه من ثغره كيف ان دموعه تمردت عليه بدون مايحس حضن أمه الي فقده من أربع سنوات وعاش مغترب عنهم قبل كتفها ينطق : الله يهديك يمه خليتيني ابكي الحين كيف أواجه أبوي واخواني تبينهم يقولون إني بكايه زي الي وراك
نطقت : بدينا بسم الله لا تخربها بينا الحين
ضحك من سمع أمه تقول :  بلعن خيره الي يقول عنك بكايه
ريناد : أي عشانه ولدك الكبير
فهد : تشوفينها يمه تغار مني
ريناد : أقول انقلع عند الرجال بس البنات بينزلون
فهد : طيب ماسلمت على عمتي مناهل
تقدم يسلم عليها ويطلع يتجه لمجلس الرجال
___________
( الرياض بيت مقرن )
طلعو يشوفون المربوط برا وأخذ امير علبه المويه يرشه فيها
زفر من مافتح عيونه ينطق : ادري انك صاحي اسمع بفكك بس بشرط علمني من أرسلك
الرجال : ماحد أرسلني جيت بسرق فكني فكني واوعدك ماارجع
نايف : حلوه ذي داخل على حريمنا وتقول فكني بعدين العبها على واحد ثاني من أرسلك تكلم
الرجال :محد أرسلني
صقر : مافيه اجل أنا بخليك تتكلم
مسك الملعقه يحميها على النار ويقول : والله لو ماتتكلم لا اخليها تتغدى من جلدك
بدأ الرجال يصرخ ويقول فكوني وأخذ صقر الملعقه يحطها على جسمه لأجل يتكلم ولاكن مافاد ورجع الرجال يفقد وعيه مره ثانيه
(الحوش من الجهه الثانيه )
جالسين بصمت وانكسر من نطقت رزان : والله حزني شفتي وش سوو فيه
حنين : يستاهل ما شفتي كيف دخل علينا قليل الأدب
رزان : طيب ليه مايسلمونه لشرطه ؟
حنين : لان جدي شاك ان احد أرسله ويبي يعرف من
رزان : وش عرفك ؟
حنين : سمعت امير
رزان : طيب وش الي يثبت ان احد أرسله يمكن يسرق
حنين : أنا برضو ما أتوقع انه يسرق لان لو بيسرق كان راح للحلال
ولا كنه جا عندنا
رزان : طيب وش الحين
حنين : بيجلس لين يعترف ولا بيقتلونه
رزان : يارب يعترف يفكنا ويفك نفسه
حنين : آمين
(المجلس )
جالسين حول أبوهم يعلمونه بالي صار وانه رافض يعترف
سكت شوي وبعدين مرر نظره ل نايف وامير الجالسين على جوالاتهم ينطق : امير أنت ونايف طفشانين صح ؟
نايف : هاه
مقرن : خذوه من البيت لان صراخه مزعج جت عندي غرور قبل شوي تقول صراخه ازعجهم خذوه ولا ترجعون إلا وهو معترف من الي أرسله معكم يومين
نايف : وإذا ما اعترف خلال اليومين
مقرن : اقتلوه
امير : تمام يلا ودعناكم الله
نايف : صبر خلها بكره
امير هو يسحبه من شماغه : تحرك ما أبي بن الكلب هذا ف البيت عندنا
نايف : أف طيب
شاكر : صبر خذوني معكم
مقرن : لا أنت خلك هنا
فتح عيونه بصدمه ينطق : لا تكفى
نايف بسخريه : اقعد يا شاكر اسمع كلام جدك
شاكر : انطم
مقرن : كلمتي ماتتغير يا شاكر
نايف بضحك : الله يعوضك
شاكر : أقول رح بس
طلعو من المجلس يتوجهون للمربوط ف النخله مسكوه يفكونه من النخله ويربطون يدينه مع رجوله ويحطونه ف الهايلوكس حقت نايف التفت امير لنايف من نطق : هاه وين نروح
امير : البر احسن مكان ومحد حولنا
نايف : توكلنا على الله اجل بروح اجيب سلاحي واجيك
امير : لا تتأخر
مشى نايف يأخذ سلاحه ويرجع يركب يتجهون للبر

نهايه البارت أتمنى يعجبكم اسفين طولنا شوي على الأبطال بس بيتقابلون ف البارت الجاي ادعموني بنجمه وكومنت عشان أتحفز انزل لكم البارت الجاي وشكرا 🤍🙈