( بيت مقرن )
جالسين بالمجلس حول أبوهم ينصتون له ولحديثه والمواضيع المختلفه الي يناقشهم فيها ونطق مقرن : وين امير ؟
عبدالعزيز : مدري والله يابوي طلع مع شاكر ولا عاد رجع
نايف : شاكر برا جالس توي شايفه
صقر : دق عليه واسأله وينه فيه
نايف : طيب
دق نايف على امير الي كان لاهي عن جواله قفل بدون رد زفر نايف يرجع يتصل مره ثانيه وماهي إلا ثواني ويوصله صوت امير وهو يقول : ارحب
نايف : وينك ؟
امير : ف الرياض معي شغله أخلصها وجايكم تبي شي ؟
نايف : سلامتك بس استعجل جدي يسأل عنك
امير : تمام
قفل يدخل ونطق : يقول معه شغله يخلصها وجاي
مقرن : وش هي شغلته ؟
نايف هز رأسه بالنفي يقول : مدري والله يجد ما سالته
هز مقرن رأسه بمعنى " تمام " وكمل يسولف مع عياله
ف الرياض عند بطلنا
دخل يضرب تحيه ل للواء محمد اي كان طالبه للمركز
محمد : استرح يا امير
امير : امرني
محمد : ما يأمر عليك عدو اسمع معك مهمه تطلع لها الأسبوع الجاي بأمر من العميد زايد بتطلع لعرعر مع فريق اول برسل لك مع القائد يزيد ملف لباقي المعلومات
امير : تمام
محمد : في أمان الله
ضرب تحيه وطلع يتوجه لسيارته ونطق : ياليل وقتك ي المهام
شغل سيارته يتوجه للبيت
( المستشفى تحديدا بغرفه سعود )
قدرت تدخلهم وجالسين كلهم ع الأرض يسمعون لقصه سعود وكيف غدر فيهم خويهم ف المباحث وهرب
سعود : وجيت بلحق عليهم داخل السياره وقبل اقرب انفجرت وطرت
فهد : حسبي الله انقهرت أنا وأنا مال أمي صلاح الله يرحمهم
نواف وهو يأكل : آمين
ريناد ضربت رأسه : وأنت مغير تأكل ماتشبع ياخي
نواف : وش عليك مني بطني ولا بطنك
ريناد : انقلع
نواف : سمي
فهد : بس أنت وياها
نواف : ماقلنا شي
سعود : والله حقوق المريض رحت وش مجلسكم عندي انتو مضيعين البيت يلا اذلفو بنام
ريناد قامت وطفت النور : وأنا بعد سهرت بما فيه الكفايه ينام تصبحون على خير
وحطت رأسها على الكنب الموجود بجانب سرير سعود تعطيهم ظهرها وسعود بالمثل
لفو نواف وفهد يناظرون ف بعض ونطق نواف : ما كانهم سحبو علينا ؟
فهد : اي والله
نواف : مشينا نحاشرهم أنت سعود وأنا ريناد
فهد : اي والله مافيني حيل أسوق مشينا نرقد معهم
نواف : رينادددد
ريناد كانت نايمه وهمهمت تقول : همممم
نواف : وسعي شوي بنام عندك
ريناد ماردت
نواف : رينادددددد
فزت ريناد : هاه
نواف : وسعي
ريناد : أف وليش محاشرني أنت فيه فراش برا رح جبه ونام
نواف : ميت عليك وينه
ريناد : فيه مستودع قريب شفت فيه مفارش
طلع نواف وفعلا لقى مفرش وخذاها ويفرشه على الأرض وحط رأسه يغمض عيونه وفتحها من حس ب فهد وقال : وش تسوي
فهد : حرام أحاشره مصاب بنام معك
نواف : تمام
وماهي آلا دقايق ولحقو ريناد وسعود لعالم الأحلام
( بيت مقرن )
وقف سيارته يرتجل منها ودخل المجلس ونطق بصوت جهوري : السلام عليكم
قامو كلهم يردون عليه السلام وتقدم يسلم على راس جده وجلس بجمب أبوه ونطق : سم ي جد قال لي نايف انك تبيني
مقرن : كنت اسأل عنك وين غاطس مالك حس من الصباح
امير : ابد والله انشغلت
اكتفى هز مقرن رأسه وقال امير : بروح أريح تآمرون على شي ؟
عبدالعزيز : سلامتك ي ولدي
طلع امير لبيتهم فتح باب غرفته يرمي نفسه على السرير ويغمض عيونه وسرعان ما لمح طيفها يمر فخياله ونطق بهمس : اه يبنت عبدالله وش سويتي فيني معد عرفت هل أنا احبك ولا معجب فيك ولا أبي اظلمك معي رجع يغمض عيونه وينعش خياله فيها ويغفو بدون مايحس
( المستشفى ١٢ الظهر )
صحت تفرك عيونها من التعب ونزلت رجولها توقف وسرعان م فز يصارخ تحتها
نواف : ااااااااااا بطنييييييييييي
انفجعت ريناد من صوته وقامت تصارخ معه : يمهههه وش فيه وش فيه ؟
فزو فهد وسعود من صراخهم ونطق فهد : وش فيكم ؟
نواف وهو ماسك على بطنه يون من الألم : بطني بطنيييي
ريناد باقي ما استوعبت : وش فيه بطنك الله يفجعك فجعتني
نواف وهو ماسك على بطنه : انتي ي بقره انتي
ريناد : شف شف وش سويت أنا تحطها فوق راسي
نواف : انتي ي ثور طلعتي علي بطولي وعرضي ما شفتيني تحتك
ريناد : قلتها تحتي كيف بالله تبيني أشوفك بعدين عدمت الأماكن مالقيت تنام إلا تحتي تستأهل
نواف : امممممم بطنيييي
نزلت ريناد له وحطت يدها على رأسه وقالت : نوافي اسفه مقصدي والله ماشفتك
نواف : ماني زي سعود وفهد تدلعيني واستسلم لك وأسامحك
ريناد : نوافيييييي
نواف : بشرط
ريناد : قل
نواف : أبي برقر على حسابك وماتشا
ريناد : تمام
نواف : خلاص رضيت هههههه
ضحكو ودخلت الممرضه تقول : كل شي تمام ماما أنا يسمع صوت صوراخ
ريناد : لا كل شي تمام
طلعت الممرضه وفطس سعود يضحك وقال : والله ما ألومها حسب قنبله انفجرت من صراخهم
ريناد : ويننننن قنبله شكلك باقي عايش مع الي صار
فهد : ههههههههه تكفين
دخلت الممرضه وبيدها الفطور وحطته عندهم وطلعت
سعود : الله يديم النعمه ما أبي أكل المستشفى
ريناد : صادق طعمه معقم
نواف : ههههههههههه أنا أكله
سعود : وأنت ماشاءالله تأكل الأخضر واليابس معد بقى شي
فهد : طيب وش تبون
سعود : كبسه
ريناد : كبسه الحين بس يلا
فهد : صدق حتى أنا أبي كبسه
نواف : مالي رأي معكم
أخذ فهد مفتاح السياره وقال : يلا بروح اجيب لكم
طلع يتوجه لأقرب مطعم يأخذ لهم كبسه
( قصر حمدان )
كان واقف على أعصابه وزفر وبغضب بعد م قبل الاتصال بدون اي رد وقال : اففف ي فهد وينك أنت ونواف
علي : هاه عبدالله بشر عسى ردو عليك
عبدالله : لا والله ي خوي
عبدالرحمن : تلاقيهم مشغولين طيب خلهم شوي وارجع دق
عبدالله هز رأسه بالإيجاب ومشى يدخل معهم للمجلس
( عند فهد )
كان لاهي عن جواله وحاطه صامت نزل يطلب خلص وركب السياره يتوجه للمستشفى
( ف المستشفى )
نواف : جوووووووعاااااااااانننننننننننن
ريناد : اصه فضحتنا كنك بزر اصبر الحين يجي فهد
نواف : جوووووعععاااااااانننن
سعود : نواف والله لو ماتسكت لا ادخل المغذيه ذي بفمك
سكت نواف وضحكت ريناد تقول : تستأهل
نواف : اصه بس
دخل فهد معه الأكل وفز نواف يقول : عنك عنك
فهد : إلا عن بطنك امش بس
حطو الأكل وسمو بالله يأكلون دق جوال نواف وقام يطلعه من جيبه توسعت عيونه وقال : ابلش ذا أبوي
فهد : يوهههه شكله دق علي وأنا جوالي ف السياره رد بس لاتقول له إننا هنا
نواف : غبي أنا أقوله
رد وصله صوت أبوه ينطق بعصبيه : وينكككك هاه وين فهد ليه ادق عليه مايرد
نواف : هد يبوي هد ما فيه شي بس طلعنا أنا وفهد عند خوينا
عبدالله : ومن خويكم ذا نشاءالله الي رايحين عنده من صباح الله خير
نواف قمط وحطه ميوت وقال : البلشه وش أقوله الحين
فهد : قوله مسافر ورحنا نودعه
نواف : اي يذكي وشش أقوله إذا قال ليه مرجعتو بعد م ودعتوه
فهد : مدري طب قول تعطلت علينا السياره
ريناد : بيقول وينك بجيك
سعود : والله ياحبي أنت وياه مامعكم إلا إنكم تقولون له الحقيقه
نواف : حسبي الله بحاول أرقعها
عبدالله : الووو نواف أنت معي ؟
فتح نواف سبيكر: إيه يبه معك إيه
عبدالله: وينكم
ريناد الي شرقت بالأكل وقامت تكح وفزو اخوانها يسمون عليها
ونسى نواف أبوه على الخط يسمع كل شي
ريناد : يوهههه كنت بموت
عبدالله : نواففففف
فز نواف من تذكر انه على الخط وقال : سم يبه وش تسون بالمستشفى
وكيف دخلتو ؟
ريناد حطته ميوت وقالت : ياويلككككك تقول له أنا الي دخلتكم
نواف فتح الميوت وقال : يبه ريناد دخلتنا تهريب امس أنا وفهد
ضربته ريناد على رأسه وقالت : يحمار مالي دخل يبه هم قالو يبون يشوفون سعود
فهد : أبوك ي البجاحه كذابههههه
عبدالله : هين ان ماربيتكم كلهم ما أكون بكر حمدان
نواف : افففف والله رحنا فيها
سعود وهو يأكل : يبه أنا مالي دخل
عبدالله : أنت اول واحد
ريناد وفهد ونواف بوقت واحد : القممممممم
سعود : وش دخلني ماسويت شي أنا
ريناد : إلا مو أنت الي قلت تكفينننن اشتقت لخواني صح ولا لا ي فهد أنت ونواف
فهد ونواف : صححححححححح
سعود : وربي كذابيننننننننننن
عبدالله : كلكم بتتصفقون
نواف : سم يبه
سكر على صوت سعود وهو يسمع يقول : مالكم داعي ياخي تنكبوني وانا مريض
نواف : أقول اصه قال مريض قال
لف سعود على صوت جواله الي يدق ابتسم اول ماشاف اسمه واشر اخوانه يسكتون ونطق : ارحبببببببب
امير : البقى ي سعود سلامتك عساك بخير وآخر الأوجاع انشاءالله
سعود : الله يسلمك أشوف وصلك العلم
امير : اي والله عمي مشاري مدير المستشفى وصلني خبر منه ولزم علي جدي ادق عليك اعلمك أننا بنجي نزورك
سعود : ابد حياكم الله
ابتسم امير وقال : اجل بعد المغرب وحن عندكم
سعود : حياكم
قفل وناظر استغراب اخوانه وقالت ريناد : تعزم ف المستشفى ماهو ببيتنا ترا وشوفت عينك يالله يالله يكفينا المكان
سعود : ما عزمته بيزورني هو جده
فهد : من ؟
سعود : امير
ابتسمت ريناد لاشعوريا من تذكرت كلامه لها ونطق نواف الي يناظر فيها وقال : وش سر الابتسامه هاه ؟
ريناد استوعبت : خير محد يبتسم يعني أقول سعود دق عليه وقوله يجي بيتنا
سعود : ليه
ريناد ابتسمت وابتسم نواف من فهمها وقال : خطيرررههههه
ريناد : احبك ياخي تفهمني من نظره
فهد : وش العلم ؟
نواف : العلم طال عمرك بنهرب سعود نجلطهم مره وحده كذا كذا هي خربانه خربانه
سعود : تم ومليون تم مشينا
وبالفعل ركبو سعود الكرسي المتحرك بحكم انه مابيقدر يركض لو صار شي وطلعت ريناد تشوف الوضع برا وابتسمت بخبث تقول : مافيه احد
نواف : مشينا
طلعو يركضون ونواف يدف سعود الي كان اقل مايقال عنه شوي ويطير من الخوف وفهد وهو يضحك : حسبي الله عليكم وجه قلب ألوان
سعود : نواف هد هددددددددد
نواف : أحمد ربك جالس اركض فيك بشويش شف ريناد قدها عند الباب
وصلو ركبوه السياره ركب فهد يسوق بجمبه سعود وورا ريناد ونواف
نواف : ههههههههه تكفون بشوف وجه أبوي لا شاف سعود معنا
ريناد وهي ميته ضحك : هههههههه اي والله بينجلط
فهد : أنا مدري أبوي كيف مستحملتكم
سعود : وهو صادق
فهد التفت له وقال : اصه اصه مسوي نفسك طالع منها
سعود فز اول ماشاف السياره تنحرف وقال : فهدددددددد الطريققققققق
رجع فهد نظره لطريق بسرعه يعدل السياره
ريناد : يمهههه كنا بنموت أنا من قالي اروح معكم
فهد : احمدي ربك ولا اقعدي لوحدك بالمستشفى
سعود : هدوء بالله لا اسمع صوت بدق على امير
دق ووصله صوت امير وينطق : ارحب
سعود ابتسم ينطق : البقى بس بقولكم لا عاد تروحون للمستشفى كتبولي خروج تعالو بيتنا
امير كان عند البل وفز يصارخ بالم من دعس البل على يده وفز سعود معه وقال : اميررررررر اميرررر تسمعني وش فيك ؟؟؟
امير بألم : معك معك ي سعود مافيني شي بس دعست الناقه على يدي
سعود : سلامتك انكسرت ؟
ضحك امير وقال : شكلها
سعود : الله يأخذ العدو طيرت عقلي
ابتسم امير بتعب : اسفين
سعود : معليه عادي تأمر على شي ؟
امير : سلامتك
سعود : اجل ودعناك الله
امير : فأمان الله
قفل سعود وفز من نطت ريناد عليه تقول : وش فيه ؟؟؟
سعود : من
ريناد : امير
سعود رفع حواجبه ونطق : ووش مشغلك أنتي
ريناد بربكه : اا لا ولا شي بس اسأل عشان ابي خواته يجون بعد اسولف معهم
سعود : أقول دزي ورا
ريناد : ياكرهي لك
سعود : افاااا أنا
ريناد : لا أنا
سعود : اعقب زعلتي والله اني اسف
ريناد : بشرط
سعود : تدللي
ريناد : أبيك تطلعني وتشتري لي قهوه بارده وكوكيز
سعود : تم
ابتسمت تحضنه وتقول : لاخلا ولأعدم
( قصر حمدان )
جالسين بالمجلس حول أبوهم الي وصله اتصال من ( مقرن )
حمدان : ارحبببب ي الغالي
مقرن ابتسم ينطق : البقى البقى يبو عبدالله جاني العلم من ولدي ان سعود سوا عمليه وعساه بخير وآخر الأوجاع وابد والله قلت لازم أزوركم
حمدان : حياك الله ي مقرن وأبوابي مفتوحه لك دايم عساني ما انحرم منك يبو عبدالعزيز
مقرن : ولا منك اجل حنا جايينكم بعد المغرب فأمان الله
حمدان : مع السلامه
( بيت مقرن )
دخل البيت متوجه لغرفته واستوقفه صوت اخته وهي تقول : امير
امير : سمي
حنين : تكفى بطلبك طلب لا تقولي لا
امير : وشهو
حنين : قل تم
امير : والله انه تم وش
حنين : ابي معك
توسعت عيونه ينطق : وين ؟؟
حنين : مو بتروحون تزورن صديق جدي صح ؟
امير : صح
حنين : ابي معكم بنروح وأنا وامي تكفى
تنهد امير ينطق : طيب تجهزو
حنين بفرحه ونطت لحضنه : احبكككك يا أميري
امير : وأنا بعد يالله وابعدي خنقتيني
حنين : ورع
امير توسعت عيونه ينطق : اخو حنين من الورع ؟
حنين فزت تركض وهي تضحك وتقول : وأنا والله أنا
ابتسم يدخل غرفته ويأخذ دش ينعش فيه جسمه وذاكرته
( قصر حمدان )
طلع على دق الباب فتحه وتوسعت عيونه يشوف عيال اخوه كلهم عند الباب والابتسامه شاقه وجيهم طاح عبدالرحمن يضحك وينطق : هههههههه تعالو تعالو اجلطو أبوي وأبوكم
دخلو ودخل عبدالرحمن وراهم رفع فهد يده وقال : السلام عليكم
لفو حمدان وعبدالله وهم يردون السلام وسرعان ما طارت عيونهم من شافو سعود واقف ويبتسم
عبدالله : وش جابه ذاااا
فطس نواف يضحك ويقول : والله يبه ريناد الرأس المدبر
ريناد : نواف البرقر والماتشا تحلم فيها
نواف : لا ما اتفقنا على كذا
ريناد : اي حتى أنا ما اذكر اني وعدتك ولا حلفت لك 😊
سعود : القم تستاهل
نواف : مالك دخل
حمدان : بسسسس يا قيلي الحيا هاربين ولكم وجه تتهاوشون
عبدالله : اسغفرالله قومو يالله ريناد ادخلي داخل
ريناد : بشر
طلعت ريناد وشافت غزل ابتسمت تمشي من راها وقالت بصوت عالي : غزللللللللللللل
عند الغزل الي طار عقلها من الخوف وقالت : وجع وجع ي ريناد وبغيتي توقفين قلبي
ابتسمت ريناد تحضنها وقالت : بروحي عنك غزولي اسفه
غزل حاوطتها : حبيبتي
ريناد : يلا ندخل
دخلت ريناد وقالت : مامييييي
نوره : وش جابك انتي
ريناد حاوطت أمها وباست رأسها وقالت : هربنا سعود طفش من المستشفى
نوره قرصتها وقالت : ماتعقلين
ريناد بألم : ويمههههه وش دخلني أنا هم قالو
نوره : الحين تبين تقنعيني ان مالك يد ف السالفه
ريناد : افا عليك أنا العقل المدبر
توسعت عيونها وقالت : وبعد لك وجه
ضحكت وباستها تقول : ماميييي احبك
نوره : وانأ احبك يالله اطلعي فوق تجهزي بيجونا ضيوف
ريناد : جددد من ؟
نوره : دقت علي أم حنين قبل شوي تقول إنهم بيجون
ريناد : حنين أخت امير
نوره بستغراب : من امير
ريناد : هاه اااا اخوها صديق سعود يلا أنا بطلع اتروش باييي
طلعت ريناد ودخلت غرفتهم تطلع لها ملابس
ريناد : اففففف احترت وش البس ؟؟
طاحت عيونها على جينز سماوي وبلوزه ورديه ابتسمت تقول : ايهههه لقيته
أخذته تتوجه لتسريحه وتجهز أغراضها من مكياج وعطور وغيرها
خلصت تتوجه للحمام وتاخذ دش سريع
نهايه البارت
اسفه ي حلوين قلت بلتزم بموعد التنزيل وماقدرت انزل بحكم الدراسه والاختبارات والمشاريع ف اسفه وعوضتكم ببارت اليوم 😊😊
