( قصر حمدان )
صحت تحط يدها على رأسها من التعب رفعت رأسها تشوف البنات نايمين فتحت الشباك تتأمل الجو بعدها أخذت لها ملابس تتروش طلعت وشافت غزل ترتب سريرها
ريناد : غزل
غزل : هلا
ريناد : وين أنغام وسهام
غزل : نزلو يساعدون ماما وعمتي ف المطبخ
هزت رأسها تنزل دخلت المطبخ واستغربت ان ماكان فيه احد موجود وتقول : أمي أنغام عمتي مناهل الوو وي فينهم
طلعت للمجلس وانصدمت تشوف أمها تبكي وعمتها مناهل وعمانها تقدمت تبعدهم وتصنمت مكانها من شافت سعود طايح على الأرض ورأسه ينزف دم ثبتت مكانها وماكانت قادرة تتكلم ناظرها نواف وتقدم يحضنها ويقول : سعود بخير الحين يجي الإسعاف
وابعدته ريناد وقبل تتقدم لاخوها طاحت مغمى عليها صرخت نوره
ونطق نواف : مافيها شي أغمى عليها بس
بعد دقايق وصل الإسعاف وأخذ سعود و ريناد وطلع معهم نواف
يتوجهون للمستشفى
عند غزل الي سمعت صوت الإسعاف واستغربت نزلت وقبل تطلع استوقفوها اخوانها نادر وناصر
ناصر : غزل أبي ساندويش جوعان
نادر : توك مأكل
دقه ناصر وفهم نادر قصده وقال : اي وانا بعد جيعان ما اكلنا كثير
غزل : بس فيه صوت اسعاف برا تسمعون
نادر : لا مافيه مافيه يلا يلا أبي ساندويش جوعانننن
سحبوها للمطبخ يلهونها عن الموجود برا بحكم أنها تخاف ويخافون يجيها شي
___________
( فالمستشفى )
نزلهم الإسعاف ونقلو سعود بسرعه لغرفه العمليات اما ريناد ف أخذوها لغرفة الطوارئ
طلع دكتور ومعه فريقه ينطق : أنا بستلم حالته ولازم له عمليه جراحيه بأسرع وقت من فيكم أبوه
عبدالله : أنا
الدكتور : أبيك توقع هنا بس قبل توقع بقولك ان العمليه الي بنجريها لولدك احتمال ماتنجح ونسبت نجاحها ٤٠٪ لان إصابته خطيره وممكن إذا نجحت العمليه ينصاب بشلل نصفي لان الاصابه جت فرأسه وصار فيه نزيف حاد جدا وتذكر ان البقاء لله وهذا قضاء الله وقدره
عبدالله : إلا اله إلا الله
وقع وتقدم نواف بعد ما سمع كلام الدكتور ينطق : لو سمحت يا دكتور ....
الدكتور : مشاري
نواف : دكتور مشاري أنا طالب طب وف آخر سنه لي وعندي الخبره الكافيه اني ادخل غرفه عمليات ف إذا سمحت اقدر ادخل معكم
مشاري فكر شوي وقال : تمام تعال معي عشان نجهزك تدخل معنا
عند ريناد الي فتحت عيونها تشوف المغذيه ف يدها التفتت تشوف أمها وأخوها فهد وقالت : سعود وينه
فهد : رنوده حبيبتي سعود .....
مسكته نوره من انه يتكلم ويقول لها حالة سعود ونطقت والدمعه ف عينها : سعود بخير
ريناد بعد ماتمرد الدمع عليها تنطق بصوت مبحوح : أمي تكفين لا تكذبين علي علميني الصدق سعود بخير ؟
بكت نوره وحضنها فهد ينطق : سعود بغرفه العمليات عنده نزيف حاد واخذوه وقال الدكتور ان نسبه نجاح العمليه ٤٠٪ وممكن ينصاب بشلل نصفي ودخل نواف معهم لاتخافين رنوده
ريناد رجعت رأسها لورا سعود اخوها اقرب اخوانها والي كان يدافع عنها ولا تهون عليه دمعتها والي دايم كان يساعدها ماتخيلت ف يوم أن ممكن تخسره
دخل عبدالله ودخل وراه حمدان وعبدالرحمن
ريناد : بابا سعود بخير صح ؟
عبدالله : ادعي ادعي يا ريناد ادعي
جلسو وقامت ريناد ونطق فهد : وين رايحه
التفتت ريناد له والدموع مغطيه عيونها : بطلع برا أشوف اخوي
هز فهد رأسه يطلع معها وطلعو كلهم يجلسون ف الانتظار بعد ربع ساعه طلع نواف
فزت ريناد : نواف نواف سعود
نواف الي حضن ريناد وبدا يبكي ويقول : نجحت نجحت يا ريناد
فرحو وحضن حمدان عبدالله ويحمدون الله ابتسمت ريناد تنطق : الحمدلله
طلع الدكتور مشاري يقول : الحمدلله نجحت العمليه بس ننتظره يصحى
ريناد : اقدر أشوفه
هز مشاري رأسه بالنفي ينطق : لا مو الحين
هزت رأسها وطلعت للمصلى توضت وصلت ركعتين وجلست تبكي تحمد ربها انه بخير
عند مشاري الي كان منبهر بمهارة نواف كيف انه كان عارف كل شي ونطق لواحد من طاقمه : محمود تعرف الولد الي سوا معنا العمليه ناديه لمكتبي
طلع محمود وتوجه لمكان وجوهم ونطق : أخ نواف الدكتور مشاري يبيك
مشى معه نواف ودخلو لمكتب مشاري
مشاري : تفضل نواف اجلس
نواف : سم وش بغيت
مشاري : بصراحه يانواف انا معجب ف مهارتك هاذي ماهي اول عمليه لك صح
نواف ببتسامه : للأسف إنها اول مره
ابتسم مشاري بذهول : مشاءالله عليك آخر سنه صح
نواف : اي
مشاري : طيب بعطيك عرض وش رأيك تجي تتوظف عندي وبصراحه يا نواف أعجبتني وانا اقدر الي مثلك وش رأيك
نواف : والله ودي يادكتور بس زي ماتعرف هاذي آخر سنه لي وانا ماني من أهل الرياض
مشاري : اها من وين
نواف : من أبها
مشاري : ونعم فيك
نواف : ينعم بحالك اجل أنا استأذنك
طلع عند أهله زفر من ماشاف ريناد ينطق : وين ريناد ؟
فهد : شفتها تصلي
نواف : تمام بروح أشوف إذا يمدينا نشوف سعود ولا لا
حمدان : عبدالله طمنت الباقي على سعود
عبدالله: اي يبه لا تخاف
عند ريناد كانت جالسه على السجاده تقول : الحين ورا مايدخلوني أشوف اخوي على أساس اني باكله
جتها فكره وهي أنها تدخل بدون محد يشوفها وفعلا توجهت للغرفه الي فيها سعود شافت عنده ممرضه ومارح تقدر تدخل جلست تفكر وشافت مستودع ابتسمت بخبث تتجه له وفتحته ريناد : يسسسس مفتوح بوريكم الحين الدكتوره ريناد
دخلت ولقت سكراب ولابكوت بدلت ملابسها مع انه كان كبير عليها الي أنها قدرت تخفي حجمه الكبير ولبست من فوقه الابكوت واخذت كمام تطلع من المستودع
عند امير وشاكر الي توهم وصلو المستشفى
شاكر : امير بتنزل
امير : لا بنتظرك بس عجل علي
نزل شاكر يتوجه لمكتب أبوه دخل يسلم
شاكر : السلام عليكم
مشاري : وعليكم السلام الله جابك تعال
شاكر : سم يبه وش بغيت ؟
مشاري : سم الله عدوك بنغير الاجازه حقك بتصير تداوم الجمعه بعد وبتأخذ الخميس اجازه تمام
شاكر : تمام ماعندي مشكله
مشاري : طيب اسمع معك شغله الحين
شاكر : لا
مشاري : الي يشرف على التبرع غايب وأبيك تمسك مكانه
شاكر : ابشر بس بقول لا امير لا ينتظرني لأنه هو الي وصلني
هز مشاري رأسه وتوجه للخارج شاكر يتصل على امير يبلغه
عند ريناد الي بعد ماطلعت توجهت للغرفه الي فيها سعود ومالقته وعرفت أنهم نقلوه ابتلشت بدت دور عليه وضاعت بحكم ان المستشفى كان كبير
ريناد : اففففف ياربي الحين وين ألقاه
طلعت برا المستشفى للمتنزه وشافت ( دانكن دونتس ) ابتسمت وتوجهت له
عند امير : تمام تمام خلاص قفل ينطق : والله اني جوعان لف وشاف بقاله ونزل لها
عند ريناد بعد ما طلبت دونات وقهوة ومشت وصلتها رساله على جوالها ومسكته تشوفها كانت عينها على الجوال وضربت فيه ونكبت قهوتها على ثوبه
ريناد : يويليييي اسفه اسفه
امير : ماصار شي
رفع عينه يشوفها وهي تناظره صنمو الاثنين من عرفو بعض وجت بينهم لحظة صمت كسرها امير ينطق : بنت عبدالله
ريناد: السايكو المزيون
امير : قلنا اسمي امير
ريناد : الي يكون اسفه مره ثانيه مدري ليه حظي زفت لذي الدرجه وكل ما زانت صقعت فيك
امير : افا
ريناد : الزبده وخر بروح
استوقفها أمير : سلامات وش تسوين هنا
تذكرت ريناد سعود وبدت عيونها تدمع وتمردت دموعها عليها تأخذ مجراها على خدها
حس امير بغصه من شافها تبكي وماهو عارف السبب ماوده يشوف دموعها ويحسها غاليه ونطق : وش بلاك تبكين من بكاك جعل يومه قبل يومك
ضربته ريناد على ظهره تنطق : وجع لا تدعي على اخوي
امير : اخوك ؟
رجعت ريناد تبكي زياده وتقول : سعود اخوي كان مصاب وخذوه للمستشفى وسوو له عمليه وما خلوني أشوفه وجيت بشوفه ضيعت
امير : سلامته ما يشوف شر تبيني أساعدك ندور عليه اعرف المستشفى عمي المدير
ريناد : صدق اي تكفى سمعت انك صديق سعودي بيفرح إذا شافك
امير : مشينا بعدين ليه لابسه كذا
ريناد : عيوو يدخلوني ف قلت اتنكر عشان ادخل
ابتسم امير ودخلو يدورن مسكت ريناد الدونات الي فيدها وقسمتها وتعطي منها لأمير
ريناد : خذ
امير : وش ذا
ريناد : دونات
اخذها امير وابتسم من مشاركتها له الدونات حقها وده لو يشاركها حياتها كلها
كانت أنظار الجميع عليهم لأنها كانت لابسه الابكوت وتمشي مع امير الي كان لابس ثوب ونصه بني من القهوه الي انكبت عليه ناظرته ريناد تنطق : شكلك لا صراحه تعال أعدلك أخذته تدخله المستودع وتعطيه ملابس يبدال طلع لها بالابكوت وكان شكله يجنن سرحت فيه ونطق : كيف
ريناد : تهبل
امير : هاه
ريناد : حلو حلو تعال نلبسك كمام
طلعو مسوين نفسهم دكاتره ووقفت ريناد احدى الممرضات تنطق : لو سمحتي
امير بهمس : مايقولون لو سمحتي أنتي دكتوره المفروض تعرفين
ريناد بهمس : صح وش أقول طيب إلا إلا اعرف صبر وش أسم عمك مدي خالك المدير
امير : مشاري
ريناد : احممم وين غرفة المريض سعود الي طلع توه من عمليه جراحيه أرسلني الدكتور مشاري له
الممرضه تعالي معي وصلتها للغرفه الي كان فيها سعود دخلت ريناد وخلفها امير ابتسمت تشوف اخوها تقدمت له تحضنه وتنطق : الله لا يحرمني منك ي سعود
امير الي كان يشوف حنيت ريناد وحبها لاخوها حس بالغيره يتمنى لو أنها ملكه
ريناد : سعود حبيبي وش جاك علمني لا تخليني كذا خوفتني عليك يا حيوان
كانت تنتظر منه رد مس بدون فايده تشوف الأسلاك الي كانت حوله ماتخيلت فيوم تشوفه كذا هو كان سندها وعزوتها واقرب واحد لها نزلت رأسها تسمح لدموعها تنزل
تقدم لها امير ينطق : خلاص لا تبكين تحسبين انه بيكون فرحان لو شافك تبكين بس خلاص
كانت خايفه وزاد بكاءها وبدون وعي منها حضنت أمير تقول : خايفه خايفه يصير له شي خايفه معد أشوفه شوف حالته كيف ماكان كذا ماابي اخسره
كان امير مصدوم من حضنها وكان متردد يبادلها بس لما شافها تدفن نفسها بحضنه وتبكي استسلم وبادلها ينطق : لا تاخافين سعود رجال ما ينخاف عليه الحين شوي ويفيق وتشوفينه لاتبكين
رفع رأسها يناظر عيونها ونطق : خليك قويه لا أشوفك تبكين خلاص وش تبين سعود يقول لا قام اختي بكايه لا والله امسحي دموعك يابنت عبدالله
ابتسمت ريناد له ولفت لسعود وقالت بخجل : شكرا
امير : ما سوينا إلا الواجب اهلك هنا ؟
ريناد : اي
أمير: اجل انا استأذن بس أوعديني قبل اطلع يا بنت عبدالله
ريناد: وش
امير : وعد ماتبكين
ريناد ببتسامه : وعد بس ماتبي تشوف سعود
امير : مشغول بشوفه بعدين لاتخافين
ريناد : تمام
ابتسم امير يطلع من الغرفه يتوجه لسيارته ويحرك يطلع من المستشفى
عند فهد
فهد : بروح أشوف ريناد تأخرت
نواف : يقولون نقدر نشوف سعود الحين
فهد : ريناد ......
رجع لهم ينطق : يمه ريناد جت مالقيتها
نوره : والله ماجت
نواف : ماهو وقتها الحين وين راحت بدال ما نتطمن على سعود نبتلش فيها
فهد : صبر بدورها مابتروح بعيد
رح فهد يدور ريناد وتوجهو نواف والباقي مع الدكتور مشاري يشوفون سعود
تقدم مشاري للغرفه واستغرب من شاف ممرضه داخل وهو مانع اي احد يدخل عنده فتح الباب ونطق : من أنتي ؟ ووش جابك أنا منعت اي احد يدخل
ويناد بربكه : ك كنت أشوف حالته
مشاري : أنا منعت احد يشوف حالته من أنتي
ريناد لفت وشافت أبوها وجدها وامها وتعرف عليها عبدالرحمن ونواف ونطقو بوقت واحد : ريناددد
ريناد : سمو
مشاري : تعرفونها
عبدالله هو كاتم ضحكته : هذي بنتنا
مشاري وهو يناظر هيأتها : بنتكم دكتوره
نواف : بنتنا مسويه نفسها دكتوره ولا هي حتى الجامعه توها اول سنه
مشاري بعد ما فهم أنها سوت نفسها دكتوره عشان تشوف سعود
وقال : طيب ماتقدرين تصبرين تجين معهم
ريناد : لا بعدين انتو مانعينا نشوفه حسستوني أننا بناكله
ضحك مشاري ودق نواف على فهد يقوله إنها عندهم دخل فهد
يقول : اخخخخ يا ريناد خليتني لفيت المستشفى كله أدورك وفي الاخير
هنا
ريناد : اسفه فهودي
فهد : سامحتك والله
ضحكو ونطق سعود : ماشاءالله جالسين تتضحكون فوق راسي وين حقوق المريض دكتور تكفى طلعهم أنا إذا ما جا اجلي من الاصابه بجي منهم
ضحك مشاري وقامت ريناد بتنط فوقه وطار سعود من فوق الكرسي يهرب قبل توصل له
ضحكو ونطق مشاري والدموع فعينه بسبب الضحك : لا لا الحمدلله ولدكم بخير دامه نط النطه ذي
ريناد : معليك حصان سعود ما يجيه شي يلا روحنا
توسعت عيونه وصاح يمثل الألم
سعود : ااااايييي يدي رجولي تعورني تكفى يادكتور لا تخليني ارجع باقي اتألم
ريناد : بسم الله عليك اخوي ترا الأصابه فرأسك مو رجولك ويدينك ركز
سعود : اي صح اااااييييي راسيييييي
فطس مشاري ضحك وقال : هههههه لا لا ماينفع تأخذونه لازم يجلس عندنا حول يومين نشوف حالته
ريناد : صدق ولا عشان تنقذه مننا
مشاري : لا لا صدق
يقدر واحد بس منكم يجلس معه
ريناد ونواف بوقت واحد : أنا
نواف: قال واحد بس
ريناد : اي وهو أنا
عبدالله : بس أنت وياها
ريناد : بابا جدو تكفوننننن أبي اجلس معه
نطقو نواف وسعود وفهد على جمب بوقت واحد : اشتغل السلاح الفتاك بيخلونها تقعد
فهد : اطلب الله ي نواف والله انك معنا
نواف : أنا ادري من بابا وجدو هذي ما لقينا خير
عبدالله : نواف خلها تجلس عنده اليوم وأنت بكره
نواف : تمام
ريناد : يسسسسسس
مشاري : تمام أنا استأذنكم
طلع مشاري وطلعو وراه حمدان وعياله تستوقفت ريناد اخوانها نواف وسعود تنطق : جيبو لي أغراضي معكم برسل لوحده من البنات تعطيكم تعالو على الساعه ١١ انتظركم
فهد : وليه ١١ وش بتسوين
ابتسم نواف لأنه عارف اخته : عشان تدخلنا ي ذكي
فهد : وليه نجي بكره
ريناد : سعود اخونا وحنا لازم نكون سند له وذا مالقانا وراه بأصعب أوقاته متى بيلقانا اجل
ابتسمو من الاثنين من اهتمام أختهم وطلعو يتوجهون لسياراتهم
دخلت واخذت جوالها تدق على أنغام الي كانت لاهيه عن جوالها ولا لاحظت زفرت بغضب من ماردت ورجعت تدق على سهام الي وصلها صوتها تنطق : عيوني
ريناد : اعشقها اسمعي
سهام : سمي
ريناد : سم الله عدوك برسلك الأغراض الي احتاجها وأبيك تحطينها لي فشنطه وتحطينها عند الباب تمام
سهام : تمام بس ليش ؟
ريناد : بجلس عند سعود اليوم
سهام : الله يقويك
ريناد: آمين
قفلت ولفت من نطق سعود طفشان امشي نطلع كافي نتقهوى
ريناد : أقول اقعد قال قهوه قال
سعود : أقولك نكته
ريناد : أسمعك
سعود : فيه نمل متجمعين على غطا مويه ليه ؟
ريناد : ليه ؟
سعود : مستأجرين شاليه ههههههههههه
ضحكت ريناد وقال سعود : امانه ما تضحك والله إنها ضحكتني
ريناد بضيقت عيونها ونطقت بحزن : أدي انك تتألم يسعود ما تخدعني كذا لا تضحك وتحاول تبين ان مافيه شي وإنك ما تتألم مدري من هو قليل الخاتمه الي كان السبب في الي صار ولكن والله ما يجيه خير وانا أخت سعود وبنت عبدالله حمدان ولا امسح فيه البلاط وقول ريناد ماقالت
سعود : المشكله من بين الكل واني قادر اخدعهم إلا عيونك ماقدرت اخدعها جعل يومي قبل يومك
ريناد : عمري وعمرك طويل انشاءالله
وتقدمت تحضنه مسك سعود دموعه بصعوبه كيف انه قدر يخدع الكل ولكنه انهزم عند عيون اخته وحبها له وكيف قدرت تعرف الي بخاطره وألمه من غير ما ينطق بحرف ونطق بصوت مهزوز : أخ يا ريناد
ريناد وهي تشد عليه بحضنها : ابكي ي سعودي موب عيب البكى ابكي وانا أختك وشد فيني ماني بغريبه وانا بكون مخزن أسرارك ومتى ماحسيت الدنيا ضاقت فيك تعالني ويديني مفتوحه لك دايم تضمك لها ولا تخاف صح اني اصغر وحده فيكم ولكن يدي مفتوحه لكم وشدو فيني
كان كلامها ذا كافي ف انه يخلي سعود ينفجر ويطلع الي بداخله ويشكي لها وهو يبكي بحضنها الي كان اشبه بحضن أمه ولا كان خايف لأنه يدري أنها عن ألف شخص وأنها بتكون له فعلا مخزن الاسرار
بعد مده من المواساه والبكاء
ريناد : والله انه كلب صدق غدر فيكم وهرب
سعود : هه وين بيروح وانا موجود والله لا أجيبه عند رجولي بطلع بس واروح أنا وعمي عبدالرحمن ويا أنا ياهو
ريناد : كفو اخوي كفو
__________
( قصر حمدان )
خلصت تحط إلا غراض حقتها وتنزل تحت للمجلس وهي تمشي طاحت الشنطه منها بالغلط وانتثرت أغراض ريناد ونطقت بتأفف : يوههه وقتك الحين وهي تلم الأغراض وتشوف جراده كبيره وانخرشت منها تصرخ وتهرب
عند نواف الي كان جوعان يتجه للباب لأجل يطلب أمه تعطيه أكل وتضرب رأسها فيه ويطيحون ع الأرض ناظر نواف يشوف صاحبت الشعر الأسود المتوسط للحظه سرح بجمالها وصد من نطقت : وجع تناظر وش صد لا اصد عينك الحين
قمت تنفض ملابسها وصاحت تنط فوقه وتتعلق فيه من شافت الجراده لا زقه فيها وتتسلق لفوق
انلخم نواف من حركتها وصرخت تنطق : أبعدها عنييييي
مسكها نواف ونطق : وشووو
سهام : الجراده
مسكها نواف وقال : بعدتها
حست سهام براحه ونطقت : شكرا كنت بموت
ضحك نواف وهو صاد عنها : تخافين من جراده جتنا ريناد الثانيه ويمد الجراده لها
سهام : لا أبعدها اي اخاف منها وش عندك
نواف : هه لا ابد بس ماودك تدخلين داخل
سهام شهقت ما استوعبت أنها مو محجبه ودخلت وتذكرت أغراض ريناد ترجع تقول : أغراض ريناد عند المجلس طاحت مني بالغلط
خذها
هز نواف رأسه بالإيجاب ونطق : تمام شوفي أمي بالله قولي لها نواف يبيك
دخلت سهام تنادي عمتها نوره وطلعت نوره لنواف الي نطق : يمه جوعان بموت ساندويتش على السريع عشان بروح أعطي ريناد أغراضها
هزت رأسها تدخل تسوي له ساندويتش ومشى نواف للمجلس وشاف أغراض ريناد على الأرض وقال : اخوك ي ريناد وش مسويه ذي ههه والله مهي منها من الجراده
لم الأغراض ورجع ياخد الساندويتش ومشى يركب السياره مع فهد يتوجهون للمستشفى
نهايه البارت اسفه فقدت الشغف فتره وطارت افكاري ف المعذره وبحاول التزم بوقت التنزيل أشوفكم بالبارتات الجايه 🤍🙈
