لا تنسون التصويت+ التعليق بين الفقرات لُطفاً
الأمام علي بن أبي طالب "عليه السلام" يقول:
⊰كُلّ الديوان تدفعونها من جيوبكُم الا ديون أعراض الناس تدفعونها من أعراضكُم⊱
𝗂𝗇𝗍𝖾𝗋𝖾𝗌𝗍𝗂𝗇𝗀:its_mr0o
︵‿︵‿︵‿︵‿︵‿︵‿
رنـد
يحرك بيدي بكل قوه طفرت اريد افهم شي منـه ماكو غير كلمه،
غفار: كومي كومي بسرعه
كعدت بـ اعصاب و حركان كَلب صحت بيَّ
رند: شتريد مني شتريد؟؟؟
بسرعة سد حلكي اختنكت ما اكدر اتنفس وهو ايده على حلكي،
يتلفت ، همس
غفار: سمعوججج بس لا سمعوج
عافني و طلع يركض للـديوان طلعت ورا اريد اشوف منو الي سمعوني؟ اسمع صوت شباب هوايـة سوالف وضحك ,طلع اجاني سحب شعري بكل قوه و منزل راسي ،سحلني للمطبخ حجه بهمس ،
غفار: جهزي كلشي عندج بسرعه
باوعتله مستغربـه !
رند: شنو هذول ؟
غفار: كوا*** ابوج
صحت بوجهَ
رند: كوا** لا تجيب طاري بابا على لـسانك
نزل غلط عليه و على ابوي طنشته كام من يمي
قبل لا يطلع باوعتله وحجيت بقرف ،
رند: وصلت بيك قذارتك تجيبها لبيتك ؟
باوعلي و طلع ما حجه شي ، و ما عندي شي أسوي غير الـدموع لو اهلي يمي و يعرفون مايخلونـي ساعه يمه ،
رحت لـ غرفتي و اسمع أصواتهم عاليـه و صوت الاغاني، حاولت انام حتى اخلص من هالكابوس ،
بعد ما شفته للصبح طلعت شفته نايم بالديوان و بقى يكرر هالشي يوميه جايب اصدقائه يشربون ونفس الاصوات والهوسه ، و اني؟ مابيدي شي و لا اكدر اطلع حتى اخلص منه
بـحكم هوَ زوجي ،
يحبني؟ و يأذيني، أي حُب يُدعى هذا !!.
و من غير كراتين الشرب بـالبيت و اجت رأس السنه و اني بس أتواصل ويا اهلي وبين فتره وفتره اروح لـ عمامي و ميـار جانت ما تخليني احجي ماجنت اعرف شنو السبب بس اسمع كلامها ،
و اكبر غلط سويته من بعد زواجي من غفـار ثقيت بيها !
شهد اجوها ناس و بيوم خطوبتها طلبت مني شهد اني اروح وياها لـصالون لأن حفلتها بالقاعه، اخذانـا غفار صعدت يمه بالصدر علمود يوصلنه طول الطريق تنتاقش اني و شهد و بنت خالتهم هيج نختار مكياج و هيج تسريحة و نستفسر على خطوبه ،
أنت تقرأ
مُهجة الاوس
Action| مُهْجَة الأَوْس | حَقيقيـة واقعيه شَتَّانَ مَا بَيْنَ شرّ وَعشِق وَحياةٌ مُخادِعةٌ وَتَعَلُّق غَفـارٌ كَذُوب وَالأَوْس الحَبيب زُواجٌ أفَّاك وَمَكَّار أَحتجزتُ خلفَ قُضبانُهُ وَتجردت منِّي الأَحلامُ كيف أَتخطىٰ وَأَصمدُ؟ هَلْ مِنْ مُنْجِد أَينَ...
