لا تنسون التصويت+التعليق بين الفقرات لُطفاً
#مُهجة_الاوس
#بقلمي_مريم_نجم
﴿ وَلَسَوْفَ يُعْطِيكَ رَبُّكَ فَتَرْضَى ﴾
𝗂𝗇𝗍𝖾𝗋𝖾𝗌𝗍𝗂𝗇𝗀:its_mr0o
Telegram:its_mroy
︵‿︵‿︵‿︵‿︵‿︵‿
و أذهبُ إليك
كما يذهبُ منفيٌ
إلى وطنه
لا شيء
غير حُضنك أرتجي .
رند
طلع ليث سلمت عليه من بعيد ،بقو هو و يوسف يم الباب انـي دخلت شفتهـم كاعدين على مسلسل
سلمت على جدو و بيبي و عمتي و رغُـم همَ يعرفون بـموضوعي بس كعدو يسئلون و اني اجاوب
لحـد ما كلش باليـل كاعده يمهم ،
اردفت عمتي
- كومي يمه ارتاحي ،
ماكلت لا كمت اخذت جهازي و طلعت من غرفـة جدو
وكفت بـنص الصالـه أتأملها ، بيت جـدو طابقين و بالـنص الصالـه جبيره كلش و بنصها الدرج جوه غرفه جدو و بصفها عمتي ،قريب من الدرج
غرفتي صارت جوه ، فوك غرفتين غرفـه مخلين بيها شغلات و مثـل المخزن ،
و حديقه الي بيهـا كل البـلاوي و طرمه
طلعت عمـتي شافتني بعدني واكفه
حجت بأبتسامه على ثُغرها
- تعاي نامي يمي اليـوم على ما نرتب هاي الغرفـه الـﭻ
رحت بس غسلت و رجعت لكيتها فارشه رميت نفسي أحتضني الفراش من تعب اليـوم
و بده عقلي يشتغل و يفكر و يفكر و كأن اخر اليل ينفتحلـه المجالٌ
لحد ما تعبت و نمت ماحسيت ع الوقت الا لـ ثاني يوم الظهر كعدت جسمي متكسر كمت طلعت ،
لكيتهم بالمطبخ كلهم صبحت عليهم
و صاح ليث يريد يتمشكـل
- كعدت العروس
رد عليه جدو قبل لا ارد عليه
-ليث ما عليك بيها
انطيت بوسه لـ جدو بالهوى
شافني و رجع صاح
ليث: يمعوده كورونا
باوعتله بـطرف عيني
ضحك على نظرتي ، رحت غسلت و سويت
لفة جبن
و انـي افـكر هاي بداية جديده و خلص لازم ادوس على نفسي و انسى كل شي مر و انسئ غفـار ،
لازم انظـف الغرفـه لازم ارجع ادرس و اخذ شهادتي ، بعدني صافنـه افكر
فززني صوت ليث يصيح صياح مو بهدوء
- ام صابر
و من كل عقلي حجيت
رند: ها
ليث: بيمن تكفرين بـ ابو صابر
رند: ليث اسكت عني
سكت صفن رجع حجه
ليث: اني هم مطي احجي وياج
رند: رحم الله أمـرئ من عرف قدر نفسه
كملت كلامي و ضحكت بصوت
اردف بأبتسامـه
ليث: علمود ضحكتج راح اعمل نفسي ميت
أنت تقرأ
مُهجة الاوس
Action| مُهْجَة الأَوْس | حَقيقيـة واقعيه شَتَّانَ مَا بَيْنَ شرّ وَعشِق وَحياةٌ مُخادِعةٌ وَتَعَلُّق غَفـارٌ كَذُوب وَالأَوْس الحَبيب زُواجٌ أفَّاك وَمَكَّار أَحتجزتُ خلفَ قُضبانُهُ وَتجردت منِّي الأَحلامُ كيف أَتخطىٰ وَأَصمدُ؟ هَلْ مِنْ مُنْجِد أَينَ...
