أكتساح الدَيـجور

أعُـــتراف || part 7

بسمهِ تعالى
مُلاحظة مهُمة: البَارت أهـداء
لـصديقتي أزل💜.
____________

وأنـي روحـي
بـغيبَتك چَـوادر
نـصبت
- فاطمة حسين
_____________

- سُـكر :

- ناظرلي وعيونه حزينة وحمره تكلم
وهـوَ منزل راسـة
ثـعلب: خـسرت والخـسارة چَـبيرة وأخذت
ثلـثين من حيـلي البـاد

- ما عاد فهمت شي جُـملتة غريبـة
لكن سُـرعان ما فهمتها ولطمت
على راسـي

رحت بـسرعة على بيـتة اللي بـيّ أريـام
وأنصـدمت أكثر وأكثر البنت وجهها ذبلان
وبي كدمات وإيديها كذلك

ما حچيت شي ولا حـاولت أفهم لأنُ
البنية مـصدومة ولا تتكلم ولا فد شي
فقدت النُطق كُليًا وفقدت المشاعر

صارت باردة لا تتكلم وكُل شغلها تسوي
ببـرود وبدون كلام ولا تتناقش ولا فد شي

مـرت فترة على هذا الوضع وما تغير شي
ولا حتى رجعت تتكلم أو تضحك تعجبت
شنو اللي صار وهالگد قوي حتى خلة

حالتها هـيچ سكتت وما حاولت أفهم
كاليوم أروح يمها بعد ما أرجع من الدوام
وأحاول أخليها تضحك أو تتكلم ولا إبد

ماكو بلشت أفكر أفهم اللي صار بَس
إبد ماكو حتى الثـعلب يحاول وخطية
همل شغلة وحتى نفسة وصحتة بلشت
تتأزم وملتهي وياها عبالك بنتة

- هستوني طلعت من يمها وصادفت
الثـعلب واگف يم الغُرفة ويشرب
جگاير من طلعت ذب الجگارة وتكلم

ثـعلب: هـا سُكر شصار

- هزيت راسي ميأسة وتكلمت
سُـكر: ماكو شي نفس حالتها
حاولت أحچيها ماكو

- هز راسـة وتكلم بتساؤل
ثـعلب: وهـسَ هـيَ گاعدة؟

- ناظرتلة وتكلمت بـسرعة
سُـكر: لا لا نايمة

- هز راسة وطلع من البيت وأستمر الحال
هيـچ وصـار ٣ شهور هـيَ هيـچ وصوتها
حارمتنة منـة بَس عاذريها لأنُ أكيد اللي
صار بيها قوي

ودائمًـا ثـعلب يگول :-
ثـعلب: كُل اللي صار بسببي لو
ما طالع ما صار كُل هذا

- يلوم بـنفسة وذاب كُل الصوچ بيّ
بلشت الأمتحانات وألتهيت عنها وعنة
وبلشت أقرى وهـيَ تروح للدروس حتى
تمتحن ويراجعولها المواد حتى تضبطهُم

نضفت البيت وعدلتة وفرشتة لأنُ
كانت عندنا عزيمة

طـلعت قُرأن وبلشت أمسح بالبيت وأردد
ويَ القُرأن وأمسـح

خلصت كُلشي وگعدت أشتهيت حلويات
گمت حتى أروح أشتري دا أمشي
وشفت حشاكُم كلب وعلي گلبي وگف
 
ضليت بمكاني خايفة دقايق وأجة ولد
ناظرلي وضحك شال طابوگة وشمر بيها
الكلب