الحب ألمنتضر

part 31

بقلمي رواية الحب ألمنتضر
الحب ألمنتضر

﴿وَٱصْبِرْ عَلَىٰ مَا يَقُولُونَ وَٱهْجُرْهُمْ هَجْرًا جَمِيلًا﴾

أيام بحواف زجاجية

°°°°°°°°°°°°°°°°°°°°°
شمس :- شن شنو يعني خطيبتة السابقة شو ما حجالي وليش كالي اختي يدري بية اكرة الشخص الي يجذب

وردة :: والله مادري بس صدكيني بدر مستحيل يجذب عليج مجرد خطيبتة السابقة وهسة منفصلين

شمس :- سكتت ما حجيت شي طلعت هية من الغرفة قفلت الباب وراها نزلن دموعي بس مسحتهن مستحيل ابجي لا مستحيل
طلعت تلفوني بحثت على اقرب مستشفى
لكيت مستشفى تبعد من الشقة 20 كيلو
اتصلت على زهراء ما ردت انزعجت كلش
اخذت فاليوم ونمت كعدت الصبح على ضوة شمس
تذكرت البارحة اني اخذت موعد
لبست فستان اسود قصير مشطت شعري تعطرت وطلعت ما لكيت بدر طلعت من البيت توجهت للمستشفى حسب الموقع نص الطريق وشفت مطعم كلش حلو دخلت تريكت وطلعت وصلت المستشفى
بل وقت المناسب بسرعة دخلت سوالي تحاليل
جان لازم العصر اجي اخذهن
طلعت من المستشفى ضليت أفتر تيهت نوب حتى المكان الي ساكنة بي ماعرفة طلعت الموقع النت خلصان حاولت اتذكر الطريق الي اجيت بي
وصلت نفس المطعم دخلت مرة ثانية طلبت كروسان
وقهوة كلش أسعارهم غالية يمكن الكروسان بل عراقي بألف هنا ب5 لآف اكلت وطلعت دك تليفوني بدر ما جاوبت فوك ما يجذب علية عبالة اني ما اكشفة والله يا الله دك مرة ثانية هم ما جاوبت دك بثالثة قفلت الفون

زهراء:- رفعت راسي اريد إنتبة للباب شفت امي وياها عماد وشرطة هم اجة الشرطي متقدم بتجاهنا

:- عدنا أمر بألقاء القبض على كل من الكسندر غرهام المصطفى ونارين المصطفى بتهمة الخطف ولأبتزاز
المدعوة زهراء محمد

زهراء:- الكسندر لا لا والله جذب كلشي مسوالي والله
أباوع الكسندر ونارين ولا مهتمين واني متت خوف

الكسندر :- وياك الضابط الكسندر غرهام المصطفى

زهراء:- أباوع الكسندر طلع جنسيتة شوفة للشرطي دكلو تحية نارين تبتسم بأستفزاز وتناضر امي

نارين :- واني دكتورة النفسية المختصة بعلاج زهراء محمد

الشرطي :- اني اسف لازم تجي ويانا تقدم أفادتك

الكسندر :- من اي مركز انتٰ

الشرطي :- مركز ال-------

الكسندر :- انتضرني اتصل على العميد أركان ال-----
اشوف يقبل تعتقل الغرهام

نارين :- اي اتصل ليش لا

زهراء:- يحجون بثقة كلش اجة شخص  لابس مثل زي الكسندر شاف الكسندر واحد دك الثاني تحية

الكسندر :- اهلن محمود شگد صار ما شفتك من تخرجنا لليوم

محمود :- القدر فرقنة شگد مشتاقلك