هي الآن أمام وجهه، قلقه منه لا تعلم ما يدور برأسه
اما عنه فكان ينظر لها متأكد ان عودتها ستكون كارثه
أغلق الهاتف و وضعه بجيب بنطاله ، ليفسح لهم المجال بالدخول
أغلق الباب و جلسوا كان صامت ينظر لها ، نظراته تتحدث بالكثير و الكثير
الكثير من العتاب
الكثير من الألم
الكثير من اللوم
الكثير من الخوف
تنهد تنهيدة عميقة قبل أن يبدأ الحديث
-شوفي يا ستي انتي في بيتي وليكي احترامك و ضيفتك ، فريدة بنتك بس لو عرفت انك قولتي كلمة خليتي دموعها تنزل او هديتي إلي حاولت ابنيه بدل إلي هدتيه والله يا أمي والله كمان مره لهتشوفي وش مني عمرك ما شوفتيه لأن فريدة دي مش اختي دي بنتي إلي انتي كا امها متعرفيش عنها حاجه
كان يقول تلك الكلمات أمام الأطفال ، تنهدت هي تنهيده طويله لتقول
-هو احنا هنفضل نتعاتب في الماضي؟ وبعدين الولاد قاعدين
وضع كريم يده علي قلبها بتمثل درامي
-يا نهار ابيض! انتي خايفه علي مشاعر عيالك
ضحك بسخريه ثم اعتدل في جلسته ليقول
-او لا اسف انتي خايفه علي منظرك قدامهم صح ، انا بردو قولت ازاي هتعملي دور الطيبه ده
قالت ابنتها الصغيرة والتي كان يبدو عمرها 8 سنوات
-ماما هو ليه بيكلمك كده؟ مش انتي قولتي ان ده اخويا؟
تنهد كريم و نهض ليقترب من الصغيرة و نزل في مستوى مقعدها و ابتسم ابتسامه حنونه
-انتي اسمك ايه؟
-دنيا
ابتسم بحنان ثم نظر لاخيها الذي يبدو عمره 6 سنوات
-وانت اسمك ايه؟
ابتسم الصغير ليقول
-اسمي مازن
ابتسم كريم لينهض و يقول
-بصوا انتوا الاتنين انا اخوكم و انتوا تعتبروا في سن ولادي اصلا ، فريدة اختكم هي اكبر منك شوية صغيرة بس انا مش عايز انها تزعل منكم ولا تزعلكم ولو هي زعلتكم تعالوا قولولي و هي لو زعلت مني هتقولي تمام يا حبايبي؟
هززوا رأسهم بتفهم ليبتسم
-في هنا ثلاث اوض ، فريدة و دنيا في اوضه ، وانا و مازن في اوضه و مامتكم في اوضه تمام؟
هززوا راسهم مره اخري ليقول
-طيب اطلعوا انتوا بس دلوقتي في اوضة مامتكم ناموا شويه و لما فيري تصحى نبقى نظبط النومه ، الاوضه اول اوضه علي اليمين
في ظرف دقائق كانوا في الغرفة و أصبح المكان به هو وهي فقط
ليقول هو بابتسامه
-اعتقد عداني العيب مع عيالك ولا انتي اي رأيك؟
YOU ARE READING
حًـوُرَ عَيّنٌ(مكتمله)
Romanceحياة الناس كلها فيها ابتلائات، بس هل فكرنا المريض النفسي بيتعامل مع ظروف الحياة ازاي؟ "Adhd" مرض اضطراب التركيز و فرط الحركه و الي ممكن يشقلب حياة طفل بسبب عدم استطاعته علي التركيز و بسبب المجتمع السطحي عمرنا ما فكرنا ان معظم اسباب عدم تركيز الأطفا...
