نظرت ليداها انها نسيت الأمر ، لا تعلم ما تقول الآن هي لا تريد أن يعرف حقيقة الأمر ابدا
انها متأكده انه ان عرف كل المشاكل التي حدثت ستكون كارثه بمعنى الكلمه ، قالت له
-خ..خاتم ايه؟
-انتي عندك كام خاتم يعني يا حور؟ خاتم خطوبتك فين؟
- عادي يعني يا بابا مش متعوده اني افضل لبساه و بقلعه قبل ما انام كمان
كان ينظر لها نظرة تفهمها جيدا نظرة عدم الاقتناع ، لتسمعه يقول
-طب قومي البسي الخاتم يا حور
هي قررت أن تقلب الطاوله عليه هو وتقول
-في اي يا بابا ؟
-في اني مش واقع علي ودني يا حور وانتي اكتر وحده عارفه قد اي انا مش بحب الكذب ، اي إلي حصل بينك وبين كريم؟
تنهدت و قالت
-عادي يعني يا بابا مشاكل بين اي اتنين مرتبطين
-وهي اي مشاكل تحصل بنكم تقومي راميه الدبله في وشه؟
-اكيد لا يعني يا بابا يعني بس...
صمتت لا تريد أن يعرف كل ما حدث هي متأكده ان الأمر يمر بسهوله أبدا ليقول والدها
-بس ايه بقي يا حور ؟ ايه إلي حصل خلاكي تقلعي الدبله وتبقى معاه؟ حور انتي اكيد اعقل بكتير انك تقلعي الدبله علي شيء تافهه ، فهميني يا حور اي إلي حصل
تنهدت حور تنهيده عميقه لتقول
-بابا انا اسفه بس معتقدش ان حاجه حلوه أن كل حاجه في علاقتي بكريم المفروض حضرتك وماما تبقوا عارفينها ، دي مهما كان دي مشاكلنا و المفروض نحلها لوحدنا من غير ما حد يدخل فيها
لم يكن يتوقع رد هكذا ابدا لا يعلم لماذا ولكنه لم يكن يعتقد ان حور لديها هذا التفكير ابدا ليقول
-معاكي حق يا حبيبتي بس افتكري اني دايما جنبك و معاكي ولو احتاجتي اي حاجه قوليلي انتي بنتي الوحيدة يا حور انا معنديش أغلى منك يا حبيبتي
ابتسمت حور ابتسامه مطمئنه له لتقول
-عارفه يا بابا وانا والله اول ما احتاجك هجري عليك اكيد
ابتسم بهدوء ليقبل راسها ويقول
-بلاش تكذبي عليا تاني ها
ضحكت لتقول
-اول واخر مره والله
ضحك أيضا ليقول
-تصبحي علي خير
ثم خرج من الغرفه وهي بعدها استلقت علي السرير باطمانان حقيقي تدعي ربها أن كل شيء يصبح بخير
___________________
قالت نرمين بعيون مليئه بنظرات الشر
-يلا نبدأ الموضوع بقى
YOU ARE READING
حًـوُرَ عَيّنٌ(مكتمله)
Romanceحياة الناس كلها فيها ابتلائات، بس هل فكرنا المريض النفسي بيتعامل مع ظروف الحياة ازاي؟ "Adhd" مرض اضطراب التركيز و فرط الحركه و الي ممكن يشقلب حياة طفل بسبب عدم استطاعته علي التركيز و بسبب المجتمع السطحي عمرنا ما فكرنا ان معظم اسباب عدم تركيز الأطفا...
