﮼تەم‌وتۆلە

پـەڕەی نـۆزدەیەمـ

گەر لەو دونیای داهاتووتۆم بینیەوە
سەیری چاوەکانت دەکەم و دەڵێم
' بیرم دەکردیت '

❀❀❀❀❀ ❀❀❀❀❀❀❀❀❀❀❀❀❀ ❀❀❀

جـۆنـکووکـ

لە بەرامبەری لەسەر زەوییەکە دانیشتووم
هەموو شتێک پارچەیەکە لە شێواوی

هێشتا نازانم کێ بوێری ئەوەی هەبوو ئێمان بهێنێتە نێو ئاهەنگەکە
هەموو شتێک بەتەواوی تێک چوو

سەیرم دەکرد و دڵم بۆی دەلەرزی
بەزەیم پێدا دەهاتەوە ' دەمویست لەم هەموو شێواویە دەری بکەم

جگەرەکەم کێشا و هەستام و چوومە لای

کلیلەکانم هێنا و زنجیرەکان و ئاسنەکانم لە دەست و قاچی کردەوە

قژەکانیم لەسەر ڕووخساری لادا و برمە سەر جێگاکە

جلی سەمای لەبەردایە هێشتا

توڕەم دەکات

لە خوارەوەی هێزم دایە و دڕاندم ' لەبەرم کردەوە

ڕۆشتمە ژووری کچەکان و جلێکی ئاساییم بۆی هێنا

منی گەمژە خەریکم باوکایەتی بۆ کێ دەکەم !

جلەکانم بۆی لەبەرکرد و سەرچەفەکەم پێدا دا

تەنها ڕووخساری بەدیارما
ڕووخسارە شێواوە بێ هیواکەی

ئێمان ....
گەر تۆ ئەو کارەت نەکردبا
گەر من تۆڵەم نەویستبا
ئێستا لە کوێی ژیان دەبوویت ؟

چ شتێک دەبووە گەورەترین خەمت ؟

بە هێواشی ماچێکی نێوچەوانیم کرد و ڕۆشتمەوە سەر زەوییەکە

ناوێرم بڕۆم دەترسم هەوڵی خۆکوشتن بدات

کات درەنگ بوو دونیا تاریک و خامۆش
تەنانەت نێو ژوورەکە کاتژمێریشی لێ نەبوو تاکو دەنگی بێت