හෙන ගහන්න වගේ සිද්ධි දාමයක් සිද්ධ වෙලා ඉවර උන නිසා ලැබුවාවු සති අන්තය අති උත්කුස්ට අනර්ග අනගිබවනිය විදියට ගත කරමින් තමා මම හිටියේ. ඇඳට වෙලා ලැප් එකත් දිග ඇරගෙන ඇනිමියක් බලපු මගේ දැහැන එක පාරට බිදුනේ සුදුදෝණිගේ ලතෝනියකට.
"චූටි බබා.... චූටි බබා"
හත්තික්කේඒ හත්තික්කේඒ දෝණිගේ මිහිරි නාදය නේද ඒ ඇහෙන්නේ. මොකක් හරි ජිරිබිරිස් වැඩක්වත් කරගෙනද දන්නැ මම නැතිව. දෝණිගේ සද්දේ ඇහෙද්දි තමා මට මතක් උනේ එයා මට වැහි පීල්ල සුද්ද කරන්න කිවා නේද කියලා. මම පොතේම ඇලිලා ඉන්න නිසා අන්තිමට දෝණිම ඒක සුද්ද කරන්න වහලට නැගලද දන්නෑ මේ කෑගහන්නේ. මම පුටුවෙන් නැගිට්ටා නෙවෙයි පැන්නා. සොනික්ටත් වඩා වේගෙන් පහලට රූටලා ගියේ හදිසියක්වත්ද කියලා බලන්න උනත් මම යද්දි මෙන්න ඉන්නවා මෙයා හොදට කකුල් දෙකත් පද්ද පද්ද දෝණිගේ සුදු මහත්තයා එක්ක වීඩියෝ කෝල් එකක. තලෙලු පැහැ මුසු සුදු පැහැති සමේ වර්ණයක් ඇති දෑස් මද වශයෙන් කාට හෝ නෙලන්නට යෑමට මෙන් පියා සිටින සාමාන්‍ය ප්‍රමාණයේ උසක් සහ මහතක් සහිතව නාසය මදක් විශාල කොට අංශක 80 වක පමණ කෝණයක් එන විදියට අත්දෙක ඉනේ තබා කකුල් මදක් ලං කොට මද කේන්ති මුහුණක් සහිතව බලා සිටින පාකිස්තානු ජාතිකයාගේ ඡායාරූපය වගේ මම ගිහින් දෝණිගේ ඉස්සරහින් හිටගත්තා.
Oops! This image does not follow our content guidelines. To continue publishing, please remove it or upload a different image.
"මොකෑ දෝණි බෙරිහන් දුන්නේ? මම මේ පණ බයේ දුවන් ආවා මොකක් හරි ජිංගිබිරිස් එකක්වත් කරගෙන කියලා"
"ජිංගිබිරිස් එකක් නැ බබා. මේ ඔයාගේ තාත්තාට ඔයාට කතා කරන්න ඕනලුනේ"
"අප්පටසිරි කෝ කෝ දෙන්න බලන්න"
තාත්තා කියන චරිතේ එක්ක මං මගේ ජීවිතේ ගත කරපු කාලේ සෑහෙන්න අඩුයි. එයා තායිලන්ඩ්වල හිටපු නිසා වෙන්නැති ඒ. තාත්තා ලංකාවට එන්නේ හරිම අඩුවෙන්. එයාට අපිව බලන්න, අපි එක්ක කාලේ ගතකරන්න ඕන උනාම අපිව තායිලන්ඩ් වලට ගෙන්න ගන්නවා. මං ආසයි එහේ යන්න. ඒත් ඊටත් වඩා ආසයි තාත්තා කෙනෙක්ගේ උණුහුම මගේ ලග ඉදන්ම විඳින්න. කොහොමහරි තාත්තා අපි එක්ක කතා බහ කරපු එකත් අඩුවෙන් තමා කලේ. එයාට ඒ තරමටම වැඩ. ඇත්ත තමා ඉතින් වැඩ වෙන්න එපැයී. ඉන්ටර්නැශනල් ජෙම්ස් කම්පැනි එකක CEO වෙනවා කියන එක ලේසි පහසු වැඩක් නෙවෙයිනේ. එයා මගේ ෆෝන් එකට කෝල් කරන්නෙත් අඩුවෙන්. හුගක් වෙලාවට අම්මා කතා කරද්දි ම තමා මං එක්ක කතා කරන්නේ. මම වැඩ වගේ නං එයා ඒ කතා කරන්නෙත් නෑ මං එක්ක. අම්මා එක්ක කත කරලා කෝල් එක තියනවා. ඉතින් මේ වෙලාවේ තාත්තාට මට කතා කරන්න ඕන කියල අම්මා කීවම මට මාර සතුටු හිතුනා. මම හනික ෆෝන් එක අරන් මට දෙන්න පුලුවන් ලස්සනම හිනාව තාත්තට දුන්නා.
YOU ARE READING
Aster Monarch (කැළෑමලට ආදරෙන්)
Non-Fiction.... ශ්‍රි කියලා කියන්නේ "මම ඔයාට ආදරෙයි ශේනූ අයියේ, ඒත්" කියලා කියන කෙනෙක් නෙවෙයි. "මම ඔයාට ආදරෙයි ශේනූ අයියේ, එච්චරයි " කියලා කියන කෙනෙක්. ජීවිතේ කොයිතරම් අමාරූ දවසක උනත් ඔයා මට ඉන්නවනේ කියලා දැනෙන එක පට්ට ෆීලින්ග් එකක්. විස්වාස කරන්න, ඒක තමයි මම...
