عبدالله قرب من نوره ومسك كتفها : نوير عدلي أسلوبج معاي رايح أنا الحين ما تدرين برجع عايش ولا ميت ادعيلي
هني نوره ما قدرت تمسك دموعها : عبدالله كيف تباني اعدل أسلوبي معاك ان تعرف شو قلت أنا نوره بنت محمد خل محمد بنت عمك أنا كيف جي فكرت فيني
عبدالله وهو كله ندم : اعذريني والله اعذريني ما فكرت فيها وهم عطوني اسمج كامل بس اوعدج إني اكلمهم
نوره : شو الفايده من خذتني وأنت بس تسب وتضرب واسوي عمري طبيعيه
عبدالله باس رأسها : اسف ياقلبي والله اسف
نوره بعدته : ليت الاسف يفيد
بيت اليد
بعد ما راحو الحريم كلهم اجتمعو ف الصاله
مهره بصوت عالي : يشهد التاريخ اول مره تمر عزيمه وما يتواقعون
كلهو ضحكو
اليده : هيه والله
ام عبدالله : طول ما أنا قاعده عيني على حصه و مها لا يقومون على منيره وشوق
ام منصور : والله ما الومهم اذا ام شوق بكبرها تلوع الجبد
ام فارس : ما اقدر ابلعها
ضحك اليد : استغفرالله العظيم ما تقدرون تقعدون بدون حش ف الناس
ابو عبدالله : أبوي ما تشوف البنات طالعين على منو على امهاتهم ويدتهم
اليده رفعت مسباحها : من الصبح قاعده استغفرالله ما حشيت معاهم
ناصر : تعجبيني يدوه الدين عندج ميه ميه
ضحكت مهره : انت جلبت بنقالي
ناصر : عموه اعترفي احلى بنقالي
ضحك سيف : امي طوفيله مسكين يتحراها مدحه
مها : عادي شو فيهم البنقال
طاح يضحك خالد : من قدك تدافع عنك بعد
ساره دقتها : لا يالخبله لا تدافعين زين جي
مها عطتها نظره : شدخل عمي سعيد شوف ولدك
ابو منصور : خالد كلمه زياده ياويلك
طاح ناصر يضحك عليه وسكته اليد بتهديد
شيخه بهمس البنات : شو رايكم بعد ما يرقدون نطلع برا نيلس ف القعده الجو برا يجننن
حصه بصوت عالي : اللله تحمست
اليده : حصوه تعالي تعالي
يت حصه تقعد عدال اليده : ها يدوه شو تبين بعد
ام عبدالله : حصه عيب عدلي لسانج
حصه : زين زين
اليده : اقول حصه خبرني حق شو تحمستي
حصه : حق المدرسه يدوه شو فيج
اليده : لالا شيخه شو قالتلج
حصه ما عرفت شو تقول : يدوه واقعتني تباني انام
مهره ضحكت : ماشاءالله عشان جي متحمسه
ضرب رأسه ناصر : اختي واعرفج ما تعرفين تجذبين
حصه : هيه هيه برقد تاخر الاوقت اصلاً
قامو كلهم غرفهم والبنات راحو فوق يبدلون يلبسون بجايم شي مريح والي خذت قهوتها والي خذت شاهي احمر
شيخه : اششش شوي شوي نزلو
مها : اذا حد قام يدوس بطنكم
سلامه : امشي قدامي أشوف بيقومون من صوتج ماشاءالله راديو
بعد ما خلصو حش وضحك دخلت عليهم مهره منصدمه : شو تسون انتو هني ما قلتو بترقدون
ساره : عموه الله يخليج اسكتي لا تفضحينا
شيخه : هيه والله يعني بنسهر شوي ما يضر
رفعت حاجبها مهره ولفت على حصه : انتي ما قلتي انج متحمسه تنامين
حصه : هيه هيه بس صار النوم خلاص
مها : امي الله يخليج خلينا شوي
مهره شافت مها : خلاص زين شوي ها لا تطولون
نقزت حصه : من عيوني
اول ما طلعت مهره طلعو السبيكر
سلامه شهقت : شو هذا
مها : شو فيج بس شوي عشان نطلع الطاقه الي فينا
ساره : والله انج تفهمين لازم
حصه : يلا يلا حطو مصري
يا بتاع النعناع يا منعنع يا منعنع يا منعنع
هات هدية للمتدلع اتدلع اتدلع
اللي سايب قلبي يولع وبعذاب قلبي بيتمتع
وأما اجي اقوله اقابلك يتمنع يتمنع
وهز من الآخر الي ترجع ظهرها لين ورا والي تهز لعب مصري على اصوله
يابتاع النعناع يا منعنع يا منعنع انت يا منعنع
نور عيني قلبي من جوه مين غيره وغيره مين هو
ده تاعبني وبرضو عجبني ولا حول ليا ولا قوة
يا بتاع السكر يا مسكر يا مسكر يا مسكر
ليل نهار في حبيبي بفكر يا مسكر يا مسكر
قعدت حصه بتعب : اهخ ياليت نوره معانا
مها : هيه والله عاد نوره صدق بتبدع
شيخه : اوف ياخي يلا قومو اغنيه ثانيه
ساره : جب جب خلاص تعبت قومي رقصي حق منصور دام فيج طاقه
شهقت شيخه : صدق ما تستحين
سلامه طاحت تضحك : هيه والله قومي رقصيله
______________
انتهى البارت ادعموني بنجمة وكومنت عشان اتحفز اكملكم 🤍
