ف الصالون
حصه : بعدني مب مصدقه انه شيخه بتتزوج
مها : عادي صدقي المهم في عرس
ضحكت ساره : صح والله المهم في عرس
عند شيخه ف القاعه
شيخه : امي والله اني متوتره خلاص مابا عرس
ضحكت ام عبدالله : لا يصيدج منصور جي تقولين
ضحكت شيخه
بعد كم دقيقه دخلو البنات
حصه على طول ركضت تحضن شيخه : بتتزوجين وبتخليني وبعدين بسرق من منو ملابس و مكياج بتخليني مع المفهيه ميره
شيخه : حصه والله ترا بصيح
حصه هدتها و طلعت قعدت تصيح
ام عبدالله : نوره روحي عندها انتي الوحيده الي تعرفين كيف توقفين صياحها
شيخه وهي تمسح دموعها : الله يخسها تعرف تلعب في مشاعري
سلامه : شيخه لا تتزوجين
ساره ضربت راسها : ياغبيه بتتزوج اخوج
سلامه وهي تمسك مكان الضربه : نسيت والله لا يصيدني منصور جي اقول
ضحكو كلهم
عند نوره و حصه
نوره : خلاص انا بعيش عندج بس لا تصيحين المكياج بيخترب
حصه : عشان عبدالله يفصل علي و عليج
ضحكت نوره
نوره : خلاص انزين عيشي معاي والله بنسوي جدول
حصه : فكره الصراحه
وقعدو يسولفون ويت ساره ومها ونزلو تحت يشوفون المعازيم يسلمون ويضحكون
بعد ساعه
مها : نوره و ساره و حصه تعالو نرقص نحرق عليهم
قامو البنات يرقصون
فديتك انا انا
يا ريتك هنا وياي وياي
حياتي انا الله
عذاب وهنا
وقربك منى دنياي
يا يا يا عمري انا
فديتك انا
يا ريتك هنا وياي
حياتي انا
عذاب وهنا
وقربك منى دنياي
نوره : الله يقلعج تعبت والله
مها : احح شدخلني
نوره : ليش تخليني ارقص بروحه الكعب يعورني
ساره : ياخي نوره الله يعينج
نوره استغربت : على شو
ساره بضحكه : من عبدالله كم وحده هني مكلمين امج وعمتي مريم يبون يخطبونج
نوره : يلا بس يلا ما بيعرف وبعدين شو هالناس ما يشوفون الخاتم في أيدي
حصه رفعت حاجبها : بس انتي مب لابسه الدبله من أسبوعين ولا ترقدين مع عبدالله
نوره : ما يخصج
كلهم ضحكو
عرس الريايل
كانت القاعه متروسه من الريايل من كبيرهم لين صغيرهم الكل كان حاضر وفرحت اليد ما تنوصف
عبدالله : يلا يالمعرس قوم معانا
منصور : لا بعدين بعدين
ابو منصور : يلا يا منصور كلنا بنقوم معاك
رد الغشاء يازين عني
ما اروم اطالعك في شبابگ
نظرات عينك عطلّني
من قبل لا ترخي اهدابگ
ان كان قصدك تمتحني
سكرت بالمفتاح بابگ
صحيح لي قلب يحني
لكن ما يتبع سرابگ
سيف وهو طايح يضحك : شوي شوي ناصر
ناصر : مستأنس مستأنس
خالد : انا شو مقعدني عند خبلان
سيف : اح اكيد ما يقصدنا قوم فشلتنا
ناصر : زين زين يلا ادخل معاي
سيف : لا الله يخليج تفشل شو هالحركات
ناصر : لعبتي هاي شو فيك
قاعه الحريم وقت الزفه
شيخه وهي تدخل على زفة
ارحبي يللي بحضورك تمتلي الدنيا جمال
والقمر ينساب ضيّه فوق ممشاك و يسيل
مـقـبـله وما كـنّـك الّا من أميـرات الخيـال
والسحايب خيل وتردف موكب النور الطويل
في زفافك لو تـهنـّيي الأرض نجمات الليال
سلامه وهي ترتب فستان شيخه عشان تقعد
شيخه : كيف دخلتي
سلامه : ماشاءالله عليج والله دخلتي بثقه ومب مبين انج متوتره لانه اذا بيني الصراحه ما بتطلع زفتج حلوه بصفعج
شيخه ابتسمت : الحمدلله
بعد ما خلصو الحريم يسلمون على شيخه ويباركون لها راحو البنات يتصورون كلهم مع شيخه حق الذكره
ودعوها وطلعت مع منصور قابلهم ابو عبدالله : منصور ياولدي ما اوصيك على شيخه
منصور : من عيوني عمي لا تحاتي
عبدالله : والله ان سمعت اختي تشتكي امي لا وديك بستين داهيه
ناصر : هيه تحمل
ضحك منصور : قتلكم من عيوني وهي عيوني اصلاً
ودعوها وحركو
بعد ما خلص العرس و نوره و البنات كانو ف القاعه
سلامه : يأنا بروح الي بي معاي يلا
ساره : انا و حصه و نوره بنرجع معاج
نوره : انا ما برجع معاكم برجع مع عبدالله
حصه غمزت حق نوره : حركات من ورانا شكله شكله تراضيتو
نوره صفقت رأسها على الخفيف : اسكتي لا تتفلسفين بعدين نحن مب زعلانين
مها مهب تأكل معجنات : لا واضح مب زعلانين
نوره : كنت في فتره نقاها فقط
ساره : هيه هيه صدقناج
بعد نص ساعه الكل طلع من القاعه
ف سيارة عبدالله
عبدالله : واخيراً رجعتي
نوره عطته بنظره و سكتت
عبدالله ابتسم : سمعي ها البارت من الغنيه اهداء حقج
تبقى بمكان و يطلع البدر بمكان
و إذا طلعت يضيع ✨نوره✨ بهيبتك
ما انت بلون الشمس وقت المسيّان
استغفر الله الشمس بالنور صبتك
نوره ابتسمت
عبدالله : اتفاهم معاج ف البيت حبيبتي
نوره : ليش ما سويت شي
عبدالله ضحك : على طول قلتي ما سويت شي
ضحكت نوره : لازم اجحد
عبدالله ضحك و كمل يغني و ماسك ايدها
سياره منصور
منصور بصوت عالي : واخيراً خذتجج والله لا ارويج يوم اقولج اطلعي تقولين مابا ثلاث أسابيع حارمتني منج
ضحكت شيخه : احسن عشان تشتاقلي
منصور مسك ويها : يلا بوسيني
ضحكت شيخه بصدمه : لا ما اتفقنا جي
منصور وهو يغمز : اوكي ارويج
بيت اليد
خالد وهو حاط راسه على فخذ علي : علي والله اني احبك ياحظ زوجتك
ضحك علي : تعرف إذا تزوجت ما بقعد معاك
خالد: احح خلاص لا تتزوج
ناصر :الحمدلله ارتحنا من المعقدين ف العائله
ضحك سيف : باقي فارس
ناصر :احح ها نسيته خلاص لازم يتزوج كلنا بندعي له
خالد : اقولكم شو رايكم بس نحن نحجز شاليه على البحر وجدولل
الشباب كلهم قالو تم و جدول صدق
سيف : أنا بحجز الشاليه و انتو عليكم الشياء الثانيه
ناصر : أنا بطلب أكل
خالد : أنا المشروبات
علي : أنا التان
قعدو يخططون و يدورون شاليه
ف الفندق
منصور : تبيني اطلب ماك او من الفندق
شيخه : طبعا ماك
منصور : انزين غيري على بال ما يوصل واذا احتجتي شي قوليلي ....
_______________
انتهى البارت ادعموني بنجمة وكومنت عشان اتحفز اكملكم 🤍
