ثاني يوم الكل يالس ف الصاله
اليد : فارس قلتلي تبغاني بكلمه قول
فارس لف على ابوه وهو قال حق ابوه من قبل : يدي الكلام حق عمي احمد
وقف ابو عبدالله : سم قول شو بغيت
فارس وقف : انا طالب القرب
حصه وقف الدم بعروقها
ابو عبدالله : أبركها من ساعه بس تعرف رأي البنت أولى
فارس : ابد خذو راحتكم
ابو فارس : هي خطبه العرس ان شاءالله بعد رجعه نوره وهي تكون مخلصه دراسه
اليد : صح كلامك يا محمد احسن بعد تكون حصه مخلصه دراسه
ميره بصوت عالي وهي تأشر على حصه : الحين هاذيييي بتتزوج
دانه : صديقه مها اكيد خبله بعد
ضحكو عليهم
اليده : هي انتو تعالو هني تعالو
ميره بصدمه : لالا
ام عبدالله : قومي عند يدتج عن الدلع
مهره : والله ان ما روحتو لا اقرصكم الحين
راحو عند اليده وهم يدرون أنهم بينهزبون
اليده : محد يعرف لكم غير مهره
ميره : اوف يدوه خلصي شو تبين
دانه : هي ترا تعبنا بنروح فوق
ابو عبدالله : احترمو امي ولا والله يا ميره انتي ودانه ما تطلعون من البيت شهر
كلهم ضحكو على صدمه ميره و دانه
طلع فارس من وصله اتصال من الدوام
: السلام عليكم
فارس : وعليكم السلام امرني
: ما يأمر عليك عدو تعال المركز ضروري
فارس : حاضر
دخل داخل بسرعه يلبس ونزل تحت
ام فارس : فارس وين رايح توك راجع من الدوام
قرب يحب رأسها : دقولي يبوني ضروري ان شاءالله مب مطول وراجع
اليد : الله يحفظك روح
ناصر بهمس لحصه : شوفي شوفي انتي الهيبه والله لو أني بنت وافقت على طول بدون لا اصلي بعد
ضحكت حصه : هذا الي ناقص وع اصلاً برفض
ناصر : مب على كيفج انا موافق
حصه : منو بيتزوج انا ولا انت
ناصر : طبعاً انتي بس انا بعيش معاكم
حصه بصوت عالي : ابوي شوف ناصر
ابو عبدالله قرب ومسكه من أذنه : قوم قوم أقولك بس تحب تغثهم
ابو منصور : يلا عيال اطلعو برا
سيف : اح طرده
اليد : هي هي خلو حفيداتي يأخذون راحتهم
خالد : الله عاد والراحه
ام منصور : لا تقعد ترادد واطلعو برا
علي : يلا بنطلع بنروح كوفي شو رأيكم
قامت سلامه : بنروححح
ام منصور : اقعدي مكانج وين تبين تروحين معاهم
سلامه حكت رأسها بفشله : امي قصدي مع البنات شو فيج
ضحك علي : يلا تعالو كلنا بنروح
اليد : ما أوصيك على البنات
ناصر : ف قلبي و عيوني و روحي لا تحاتي
ضحكت ام عبدالله : استح على ويهك عيب
مهره وهي تغمز لناصر: شو فيج خليه يحب البنات ولدج
ف امريكا
عبدالله يالس وقاعد يهوجس ونوره تشوفه تحس هي مضايقه عبدالله هي مثقله عليه تحسه مبتلش فيها دعمت عيونها وطلعت شهقتها الي ما تباها تطلع لف عليها عبدالله بسرعه قاطع تفكيره مسك صدره : خوفتيني
راح عندها ف السرير وحظنها وهي يحفظها يحس شوي وتدخل بين ضلوعه : افا يا نوره منو مضايقج
نوره رفعت راسها : اسفه
عبدالله مسح على ويها : ليش تتاسفين
نوره : ابلشتك فيني لو ما خذتني كان انت هناك ف البلاد ومستانس معاهم
عبدالله : تقولين اني انا مبتلش فيج ؟ لا والله اني احمد ربي يوم خذتج انتي تستهبلين اصلاً تبين الصدق تراني طماع مابا حد يشوف هالزين
نوره : لا تقعد تجاملني
عبدالله :
شروى جمالً فيك ما ريت
اقبلت ولا عطيت جافي
