طلعو منصور و شيخه من الدكتوره وضحكة منصور تملي المكان
منصور لف عليها : الحمدلله يارب الحين انتي صدق في بطنج بيبي
شيخه بابتسامه : هي شفت كيف قتلك خل إيمانك بالله قوي
غمز لها : شفتي في يوم واحد حملتي
ضربت كتفه باحراج: منصوررررر
ضحك منصور بصوت عالي : امزح امزح
بيت اليد
كلهم راحو الدوامات والمدارس إلا حصه والأمهات قاعدين ف الصاله قدامهم قهوتهم وقاعدين يسولفون
اليده : حصوه ليش ما رحتي المدرسه
ام عبدالله : حايلتها والله ما طاعت
ام منصور : مب زين يأثر على درجاتج
حصه : خلاص باجر بداوم
قامت بتروح تيلس ورا البيت تشم هوا تحس بضيق لفت تسمع يدتها تناديها : هلا يدوه
اليده : وين بتروحين تعالي
حصه : بروح امشي وبرجع
ام عبدالله : الله يحفظج
طلعت تقعد على واحد من الكراسي الي ورا البيت وبيدها v60 غمضت عيونها يوم يتها لفحه هوا تنهدت بضيق
فارس كان راجع من الدوام بدري وهو دوم يدخل البيت من الباب الخلفي دخل وهو يلمح بنت قاعده لف ويهه كانه يتهيأله لانه يعرف البنات ف المدارس والي ف الجامعات قرب ولا يشوف حصه قعد على الكرسي الي عدالها لفت حصه بخوف وهي كانت مغمضه عيونها : بسم الله روعتني
ضحك فارس : بسم الله عليج انتي روعتيني والله شو تسوين هني ليش ما رحتي المدرسه
تنهدت : مابا
ناظرها فارس : افا كيف ماشي باقي على التخرج لازم تشدين حيلج
حصه : ادري مابا أداوم خلاص لا تقعدون تسألوني
فارس بعناد : لا انا يحق لي اسال
حصه : اخاف
فارس : من شو
حصه : اخاف يرجع يصيرلي نفس الموقف
فارس وقف وقعد عدالها بنفس الكرسي: ما تخافين وانتي بنت احمد وانا ولد عمج افا عليج يخسون يسون شي مره ثانيه حبيبتي تراهم ف قسم الشرطه الحين
حصه : يعني ما بيصير لي شي
فارس : لا طبعاً وهذايج البنت ترا بنكلم ابوها ايي واتي معاه لازم نحقق معاها لا تنسين ترا البنات متوعدين فيها ساره و مها يعني الله وكيلج بتتكفخ
ضحكت حصه : تستاهل والله كان ودي انا اكفخها فديتهم ساروه و مها
فارس بابتسامه: وانا
حصه : وانت شو
فارس : ولا شي يلا بقوم
حصه مسكت ايده : لا تقوم
رفع حاجبه : ليش
حصه : شكراً فارس على وقفتك معاي والله ما بنساها لك طول عمري وان شاءالله ارد لك جميلك
فارس : تبين تردينه مابا منج شي غير موافقتج
حصه مافهمت : اوافق على شو
فارس : عقب بتعرفين
ف امريكا
قامت نوره وهي ميته تعب بعد ما خذت الكيماوي شافها عبدالله فتحت عيونها : صح النوممم
نوره : صح بدنك عبدالله عادي توقفني ابا اروح الحمام ( اكرمكم الله ) بغسل ويهي وبتسبح
عبدالله : ادخل معاج انا
نوره : لااا
عبدالله غمز لها : لا ابا ادخل
ضربته على الخفيف : عبود بدون استهبال يلا عاد
قومها عبدالله
نوره وهي تتذكر لبس الي عطوها المستشفى مفتوح من ورا وقفت بسرعه بصوت عالي : عبدالله لا تشوفف
عبدالله بخوف لف عليها : اشوف شو
نوره وهي مستحيه : البس مفتوح من ورا
ضحك عبدالله : انزين شفتج تراني
نوره ضربت ريلها على الأرض : قلتلك لا تشوف غمض عيونك
عبدالله : كيف تبيني امشيج
نوره : عادي لا تشوف
عجز منها سكر عيونه وبدا يمشيها شوي شوي وصلت الحمام : عبود ناد لي الممرضه تساعدني
عبدالله : عيون عبود حاضر
