ثاني يوم
عبدالله وصل البيت الكل كان راقد وحمدلله أنهم راقدين عشان يشوف نوره راح فوق شوي شوي عشان محد يقوم دخل غرفه نوره شافها في سابع نومه وفي حضنها القطوه تسبح و بدل وراح يرقد عدالها وهو يدري لو تدري نوره انه موجود ما بتخليه ينسدح عدالها سحب نوره لحضنه مشتاق والشوق الفف ما خلى مكان ما باسها فيه :اهخ يا نوير شو سويتي فيني
الساعه عشر الصبح الكل موجود تحت يتريقون إلا عبدالله و نوره
ابو عبدالله : عيال ما شفتو عبدالله وهو ياي
فارس : لا والله ياعمي بس شفت سيارته برا
اليده : اكيد تعبان راح يرقد شوي خلوه
سيف : امي ترا بنطلع اليوم لا تحسبون حسابنا ف العشا
اليده : ليش انتو قد مره قعدتو نفس الناس
ناصر : بنطلع نغير جو واحد من الشباب عازمنا
مهره : زين روحو
ابو منصور : الله يحفظكم
مها : امي بعد نحن بنطلع
اليده : وين ان شاءالله
مها : يدوه الله يخليج قاعده اكلم امي
الكل ضحك لان هاذي عادت اليده فاطمه
ابو فارس : وين تبين يابنتي من عيوني
مها وهي تحب حد يقولها بنتي يدخل اعماق قلبها : احبكك والله
ضحك سيف : شو يفكك من مها الحين
مها : يلا عاد عمي نبا نسير عند ربيعتنا
مهره : ممنوع انتو مب مفصولين
حصه : عموه شو فيج لازم نطلع نغير جو
فارس : هيه عمتي خليهم يطلعون
ابو عبدالله : لا بيطلعون وبيستانسون بس فارس انت وصلهم
حصه : لااا أبوي مابا
ام عبدالله : منو تبين يوصلج حضره جنابج
ساره : عمتي بتوصلنا شيخه ولا سلامه
اليد : زين يابنتي ما اوصيكم
ساره و مها : لا تحاتي
عند نوره
قامت من النوم وتحس شي ماسكنها ويعورها لفت ولا تشوف عبدالله انصدمت وخافت حاولت تقوم بس ما قدرت عبدالله وهو يحس فيها فتح عيونها وخلاها تحته : ها يانوره وين تبين تشردين بعدد
نوره : قوم عني عيب شو هالحركات
عبدالله : ليش زوجتي تراج وانا مشتاق
نوره : خل شوقك لك انا اباك تطلقني وانت تقول مشتاق
عبدالله : نوره جاريني شوي
نوره : خلصني قوم وقول شو تبا مني لأني بطلع
عبدالله مسكها من كل الجهات : لا وين تبين تطلعين مافي ارقدي بحظني
نوره منصدمه من حركاته : قوم مب وقتك
عبدالله : اسمعيني انزين اسف اسف اعتذر من كل قلبي والله
نوره نزلت دموعها : عبدالله خلني الله يخليك تعذبني انت جي
عبدالله باس خدها قريب من شفايفها: اسف يا قلبي اسف
حط رأسه على صدرها : العبي ف شعري ريحيني شوي
سكتت نوره وهي تلعب ف شعره
غفى عبدالله نوره بصوت واطي :
بلاها ارجوك هـالـجيــات ترى فيها تعذبنـي
تجي قصدك تطفي الـنـار وانت فيها تـحرقنـي
تحرك عبدالله وهو كان واعي من الأساس: الحين انا اعذبج
نوره : قوم
عبدالله : ما بقوم
نوره بصوت عالي : قوم عني ولا والله اخبر فارس من باجر تطلقني تسمع سكت عنك وايد
عبدالله : نوره لا تكسريني
نوره بدموع : بس انت كسرتني ودمرتني
عبدالله : الله يخليج فكري والله ما ايي صوبج لين عرس شيخه اختي فكري زين
نوره : اطلع برا اطلع
بدل عبدالله ونزل تحت وقامت نوره تتسبح ولبست مخور وتمكيجت مكياج خفيف ونزلت تحت
الميلس تحت
عبدالله : افا يدوه كيف تتريقون بدوني
اليده بهمس : شو نسوي عاد انت ما صبرت سيده رحت عند القلب تروي ضماك
فتح عيونه عبدالله مصدوم : استغفرالله يدوه منو معلمنج هالكلام
ضحكت اليده
نزلت نوره والبنات بيروحون عند ميثه ربيعتهم
ام فارس : بنتي شاورتي ريلج
نوره : عن شو
ام فارس بهمس : عيب لازم قبل لا تطلعين تقوليله تأخذين رأيه
نوره : بطقاق ما همني
سمعها عبدالله وكتبلها ف سناب : على وين ؟؟؟
ردت عليه نوره : بسير عند ربيعتي
عبدالله : الله يحفظج ما اوصيج بعدين ليش تقولين بطقاق خلي الكلام الي بينا يكون بينا
ردت عليه نوره بدون نفس : زين زين
اليد : شيخه شوي شوي ف الدرب
شيخه : من عيوني لا تحاتي
سياره شيخه
مطولين على الاغاني وكل وحده تختار اغنيه
حصه : دوري الحين
نوره : حصوه حطي عراقي
حصه : اوف جويييي
سلامه : يع صدق يهال
ساره : انتي شو عرفج
مها : اكيد ما تعرف عيوز
شيخه : مها بصفعج
مها : ترا حتى انتي عيوز لا تسوين طالعه منها
نوره : اصص خلاص شغلو الاغنيه
ليه هيج بيا صار طار طير الحب طار
هذا حظي بختصار شفت انا فيه العجب
اكو يوم وقصرت اعوفك ما فكرت
ها ياعيني تذكرت شقد جنتي مدليله
مو قلتلي ما تخون
كلهم يغنون بصوت عالي شيخه وسلامه يضحكون على هبالهم
بعد اسبوعين
_______________
انتهى البارت ادعموني بنجمة وكومنت عشان اتحفز اكملكم 🤍
