بيت اليد
دخلو فارس والبنات
ام عبدالله : عسى ما شر مب وقت رجعتكم الحين
مهره : حصه و ساره فيكم شي
مها بداخلها: انزين أنا بنتج حتى السوال مستصعبه تسألينه تنهدت وراحت فوق
ردت عليها حصه : اهخ عمو والله كنت بموت
ام عبدالله وقفت وحضنت بنتها : بسم الله عليج شو فيج
دخلو عيال عبدالله ابو عبدالله شاف بنته وعرف انه فيها شي قعدهم فارس وقالهم السالفه
ابو عبدالله : وينها هاي بنت الكلب اكيد هي متفقه معاهم ولا كيف كلهم بيكونون موجودين وليش اختارت حصه من بين البنات كلهم
ابو منصور : هد يا احمد ان شاءالله ما يصير إلا كل خير
ابو فارس : قوم ياولدي وشوف شو السالفه
اليده : قومي يا حصه ارتاحي
قامت حصه وراحت فوق وهي خايفه ومتقززه من المنظر الي شافته وحمدت ربها ان ياها فارس قبل لا يسون شي ما تقدر تقاومهم في وهم عدد كبير
تحت ف الصاله
كلهم طلعو ما غير الحريم وسيف وناصر
سيف قبل لا يطلع لف على امه: امي وين مها
لف ناصر يشوف عمته
مهره : وانا شو عرفني
ام فارس : مهره تراني سمعتج اول ما وصلو البنات سالتي عنهم وما سالتي عن مها
مهره : ليش اسال عنها ما فيها شي
ام منصور : والله مب زين
ام فارس : صدقيني بتدمين
سيف : امي تعالي معاي
طلعت معاه بمكان شوي بعيد
مهره : هلا عيوني شو بغيت
سيف : انتي ام ؟ تحسين بشعور الام لبنتها ؟ كيف قلبج يطاوعج تسوين كل هذا حق بنتج مب حق وحده غريبه بنتج ؟
تنهدت مهره : ما سويت شي شو فيكم انتو
سيف : صح ما سويتي شي استاذن
طلع وشافتها اليده وراحت عندها
مهره : الحين صدق أنا ما احس
اليده : لج ويه تسألين والله يا مهره حلفت ان ما رحتي عند مها وعدلتي غلطتج إني لا اتبرى منج ليوم القيامه
مهره : استهدي بالله ما يسوى
اليده بصوت عالي : لا يسوى أنا قد عاملتج جي
مهره نزلت راسها : لا
اليده : عيل كيف قلبج يقوى تسوين كل هذا في بنتج
مهره : والله ندمت بس ما اعرف كيف اعدل غلطتي اعرف اني ما خليتها تحس بحنان الأم ودوم احطمها من هي صغيره بس امي البنت الحين كبرت ما يطاوعني صدقيني ما بترضى
اليده : ما اشوفج سويتي شي ما حاولتي تعطينها شوي من الاهتمام
مهره : اوعدج خلاص
منصور و شيخه
قاعدين ف صاله الانتظار ينتظرون دورهم
منصور مسك أيدها : خايف
شيخه مسحت على ايده بحنيه : ياقلبي خل إيمانك بالله قوي ان شاءالله مافيك شي
منصور : إذا طلعت عقيم لا تخليني
شيخه : كيف اخلي روحي
منصور غمز بخبث: خلينا نرد البيت وبتفاهم معاج
دخلو عند الدكتور
منصور بتوتر : دكتور طمني
الدكتور وهو مبتسم : ممكن تقول: الحمد لله نتائج الفحوصات طلعت سليمه وما في شيء يدعو للقلق بخصوص العقم هذا خبر طيب وإن شاء الله تكون الأمور كلها تمام وتقدر تجيب بنوته أو ولد صغير
ابتسم منصور ابتسامه شاقه ويها : شكراً يارب وسجد شكر
طلع وهو ماسك يدها ركبو السياره لف عليها بسرعه وباس شفايفها وحط خشمه على خشمها : الحمدلله مافيني شي كنت خايف والله
ابتسم شيخه : الحمدلله قتلك مافيك شي ما تصدقني
ف امريكا
غرفة العناية المركزة نوره على السرير عيونها مفتحة بعد ما كانت غايبة عن الوعي لفترة عبد الله يالس عدالها ماسك يدها فيه لحظة صمت مليانة مشاعر
عبد الله:الحمد لله الحمد لله يا نوره أخيراً قمتي
كمل وهو صوته يرتجف كنت طول الوقت هني اترياج تقومين ما خليتج ولا ثانيه كل يوم اقول متى ترجعين لي
نوره بصوت ضعيف : عبد الله
تحاول تبتسم أنا هني معاك
عبد الله وهي تنزل دموعه بهدوء: كل يوم كنت عايش على امل انج تقوين وتصحين من المرض بس كنت دايم أقول لج انج أقوى منه وكنت واثق انج بتغلبينه
نوره بحب : كنت احس فيك حتى وانا بعيد عنك كنت دايم معاي
كملت وهي تشوفه : بس ادري انه الي ياي مب سهل
عبد الله : ما يهمني مهما كان اللي ياي صعب انا معاج نفس ما كنا دايماً مع بعض احنا مع بعض في كل خطوه وما في شي يقدر يوقفنا
كمل وهو ياخذ نفس عميق نوره انتي اللي عطيتيني القوه وما فيه شي بالدنيا يقدر يفرقنا
نوره ابتسمت بتعب : وانا معاك عبدالله بنكمل مع بعض خطوه خطوه
عبد الله يمسك يدها بقوه : خطوه خطوه نوره وما بنوقف
غرفه مها
مهره : مها يا بنتي بتكلم معاج عن شي مهم والله ادري إني ما كنت دوم الأم اللي تستحقينها قصّرت في حقج وايد واحس بندم كبير.
مها باستغراب : شو تقصدين تتكلمين هالكلام الحين؟
مهره :ادري ايام طفولتج كنت مشغولة دايماً وما عطيتج الحنان اللي تحتاجينه كنت افكر انج بتكبرين وتفهمين بس الحين يوم كبرتي احس اني بعدت عنج
مها وهي نزلت دموعه بالغصب :امي دوم كنتي تقولين كلام يعور قلبي بس انتي امي وما اقدر ألومج يمكن كنت صغيرة وما كنت أفهم شو كان يصير بس كنت دوم ابا قربج واباج تحنين علي ولو شوي
مهره : والله يا بنتي ما كنت أقصد اضايقج او ابعد عنج كنت طايشه وظنيت اني اتصرف صح بس كل يوم أقول لنفسي لو يرجع الزمن بكون غير
مها : امي انا مب زعلانة منج بس يمكن أثر فيني كنت احس انج بعيدة بس الحين احس انج تحاولين تتقربين
مهره : هيه يا مها هذا اللي اباه ابا نرجع مثل ما كنا او حتى احسن انا ندمانه على كل لحظة ضيّعتها بعيد عنج واتمنى تعطيني فرصه عشان اصلح
مها : احنا دوم نقدر نبدأ من يديد انا احتاج قربج ويمكن هالشي بيساعدنا نحن الثنتين
مهره بابتسامه : إن شاء الله بوعدج إني من هاللحظه أكون عدالج دوم احبج وايد يا مها وكل اللي اباه انج تكونين فرحانه
مها : وانا بعد احبج إن شاء الله كل شي بيتعدل
عند العيال ف الميلس
ناصر: لا تقعد تتحداه يا خالد، ترى فارس إذا تحمس يصير خطير صدقني
علي: يلا يا عيال ودي افوز عليكم اليوم
سيف بحماس : ها علي دورك لا تخاف
سيف يلعب الورقة بحركة قوية فجاه الورقة تطير وتضرب عين علي
علي: آااه عيني يا سيف شوي شوي الورقة يت في عيني
فارس: بطل عيونك اشوف
خالد: الله يستر علي تشوف ولا لا
ناصر بضحكه : سيف تراها لعبة مب حرب
سيف :والله اسف يا علي ما كنت أقصد والله
علي وهو يمسك عينه: اوف عيني تعورني بس عادي يا سيف المهم لا تعيدها هد شوي
فارس: ترى سيف دايماً متحمس وايد خلاص يا عيال نكمل لعب
خالد: بس قبل كل شي علي بخير
ناصر: خلاص علي تقدر تشوف ولا نروح المستشفى
علي: لا عادي بقدر ألعب بس سيف خلك اهدى شوي
ضحك سيف: تمام بوعدكم بلعب بهدوء من الحين
دخل عليهم ابو منصور : يلا أشوف قدامي كل واحد يروح غرفته ينام
ناصر : اوف ياخي بس شوي قيم واحد
فارس : هي هي أوعدك بسرعه بنخلص
ابو منصور : لا قدامي اشوف
_______________
انتهى البارت ادعموني بنجمة وكومنت عشان اتحفز اكملكم 🤍
