عند عبدالله
الفريق عمر طلع اسم نوره وطلع غلط ما عرف كيف يقول حق عبدالله : عبدالله اسمعني
عبدالله : تفضل قول
عمر : اعذرني طلعت مغلط
عبدالله بصدمه : شوو
عمر : اعذرني والله نفس الاسم بس القبيله غير
عبدالله : انت ما تدري انا شو سويت فيها آخر شي تقول انك غلطان ؟؟؟؟
عمر : اعذرني والله حقك علي
عبدالله نزلت منه دمعه ما كان يباها تنزل : عمر انا دمرت حياتها قلت بتزوجها بستر عليها بس كنت أعايرها وهي ما تدري شو السبب تحسب ان السبب بس عشان الاتصلات ما تدري إني كنت شاك فيها أنها تطلع مع شباب يا عمر كنت أضربها كان أسلوبي معاها خايس كنت قاسي معاها وانا احبها ليش ياعمر ليشش
فز عمر يمسك عبدالله ويقعدون على الأرض : عبدالله اسف أبوس راسك سامحني غلطت بالاسم كان لازم اتأكد تقدر تكلم فريق الأول عني ويفصلني
وقف عبدالله : لا والله ما اقول تستهبل بيني وبينك عشره بس ساعدني ياعمر
عمر : والله لو تبي عيوني عطيتك امر كيف تباني أساعدك
عبدالله : كلمها
عمر رفع حواجبه : كيفف
عبدالله : كرهتني تباني اطلقها وانا احبها مستحيل اطلقها فاهمم دبرها قولها انك غلطان ف الاسم
عمر : من عيوني لا تحاتي باجر ان شاءالله بتتعدل الامور
بيت عبدالله
البنات صلو الفجر وكل وحده رقدت من التعب إلا نوره ما قدرت ترقد وهي تفكر في عبدالله وفي آخر كلامه معاها : كيف جي يسوي فيني وانا احبه كيفف جي يفكر كيف يضربني كيف أنا نوره جي صرت واسكتله بعد أرويك يا عبدالله انت حديتني على جي الحين حسيت بعد شو بعد اهانات وضرب ان ما عيشتك بعذاب ما أكون نوره
ثاني يوم قامو البنات العصر وصلو كل ما فاتهم
نوره : بنروح للمحل الي صوبنا وبناخذ سويت وبنروح بيت يدي
مها : اهخ يوعانه
سلامه : اسكتي بتاكلين تراج
ساره : اسكتي عنها شوي وتاكلج
حصه تمسك كتف نوره وتكلمها بهمس : نوير شوفي شيخوه كيف تتكلم ف التلفون وتبتسم
ضحكت نوره : هيه حبيبتي تكلم حبيب القلب
لفت عليهم شيخه : هي انتو شو تقولون
لفت حصه : ماشي كملي سوالفج مع صوصو
شيخه : ما ارضى بس أنا اناديه صوصو لو سمحتو
ضحكت ساره : راحت هيبت اخوي والله
سلامه : يلا يلا نروح قبل لا تموت علينا مها
مها بصوت عالي : جب اسكتي
بيت اليد
قاعدين من الصبح والدخون والقران مشتغل ف البيت يوم جمعه وهو يوم فضيل والعصر ما يحلى الا ف كيكه ام منصور الي كل جمعه تسويها كيكه الجزر و القرفه وريحت القرفه فكل البيت
اليده : الله لا يحرمني منكم عيالي
الكل من غير استثناء : امين
اليد : الا وين بناتي تاخرو
منصور : تلاقيهم راقدين
ناصر : هيه مب نحن ما تخلونا نرقد
ابو عبدالله : تبا ترقد عن صلاه الجمعه يلي ما تستحي
ناصر : صلينا يابوي لازم ارجع ارقد عشان ارجع طاقتي
ابو فارس : لا الله يخليج هذا وأنت ما فيك طاقه جي سويت اذا فيك طاقه شو بتسوي كلهم ضحكو
اليد : الا يا منصور مب كانه طولتو العرس
منصور : والله انشغلنا بس كلشي جاهز والعرس بعد أسبوعين على طلب شيخه
ابو منصور : على الراحات لا تستعيل
اليده : زين ما سويت ياولدي
وكملو سوالف
عند الحريم
قاعدين في ميلس الداخلي عشان يأخذون راحتهم اكثر
مهره : هيا خبريني شو تستعملين حق بشرتج
ام فارس : ماشي يا مهره واقي شمس طالبته لي نوره ومرطب
ام منصور : وما تخبرينا يمكن نحن بعد نبا الواقي اليديد الي خذتي
ضحكت ام فارس : تم من اتي نوره بخبرها تطلبلكم
ام عبدالله : هيه وانا معاكم
ام فارس : كيف تنساج عاد انتي ام ريلها اذا ما خذتلج المحل بكبره
قعدو ضحك وسوالف
وصلو البنات وقعد اليد يآخذ اخبارهم
مها : خلاص يا يدي تحقيق يوعانه انقلعي نوره افتحي الأكل ضيفيني
ابو فارس : بنتي ضيفه قومي انتي هاتي حق عمرج الأكل
اليد : لا بناتي تعبانات ناصر قوم ضيفهم
وسع عيونه ناصر : نعمم يدي
ابو عبدالله : قول ان شاءالله
ناصر بدون نفس : ان شاءالله يدي من عيوني بس اول شي أنا باكل
مها بصوت عالي : لااااا والله أنا آكل اول لقمه
سيف : حوه انتي وين عايشه شوي شوي
ناصر وهو يقدم الأكل حق مها ومها تأخذ ثلاث حبات : مها خلاص خلصتي الاكل
ابو منصور : خلها تأكل مسكينه الا يانوره ما تأكلينها في بيتكم
نوره : لا والله ياعمي إنها تأكل الأخضر واليابس
مها وهي تمثل : لا ما تأكلني تقول موتي ما اباج
اليده : نوره كيف جي تقولين
نوره بصدمه : يدوه تراها قاعده تمثل
قعدو يضحكون ودخلو الحريم وكانت لمه بسيطه وخفيفه
ثاني يوم بيت عبدالله
قامت نوره تجهزت للمدرسه وجهزت أغراضها عشان تقعد ف بيت يدها عند امها و ابوها لان محد ف البيت
بيت اليد البنات جاهزين والكل قاعد يأكل ف طاوله الطعام
ابو فارس : الا يافارس كيف نوره ردت البيت بروحها محد عندها
فارس : أبوي ما طاعت تقول بتجهز أغراضها وبتي اليوم بعد المدرسه وتقعد هني خلاص لين ما يرجع عبدالله
ابو منصور : عبدالله أكيد بيي حق عرس اخته صح
ابو عبدالله : والله قال بيحاول ما اضن يسمحون
اليد : لا ان شاءالله بيي وبيحضر وبيستانس عاد تولهت عليه والله
اليده : توه من راح يومين
اليد : عاد عبدالله غير
اليده : انشهد انه غير
خلصو من الريوق وراح الكل لدوامه والي راح للمدرسه
ف المدرسه
ميثه: نوره تولهت عليجج
نوره : والله انا بعد
حصه : شدعوه ميثه ما تتولهين علي
ميثه : عاد تعرفين انتي ونوره عندي غيرر
( ميثه تصير ربيعت نوره و حصه من سنين وحضرت عرس نوره ربيعت عمرها )
حصه باست خذها : امزح معاج والله ندري
ميثه : يانوره لو تدرين تعرفين الشله القرمبع
نوره : هي هي اذكرهم
ميثه : إلا ويعرفون انتو يا حفيدات عبدالله ليش غايبين طول ها الوقت
حصه بصوت عالي : صدق ملاقيف
ساره و مها توهم واصلين : هي منو الملاقيف
نوره : ايلسو واسمعو شو تقول
________________
انتهى البارت ادعموني بنجمة وكومنت عشان اتحفز اكملكم 🤍
