متنساش النجمه بتاعتي يسكر منك ليها ★♥
*ـ بنات المنشاوي جــ٢♥️🍒↻≯♡゙ُ))*
تابع قناة HÖÖR NÖVELS༺☆🥂📓♡)) في واتساب: https://whatsapp.com/channel/0029Vafc8vILo4hb3IvGXz3Y
🔴🔴🔴🔴🔴🔴🔴🔴🔴🔴
🟣🟣🟣🟣🟣🟣🟣🟣🟣🟣
التفاعل قبل متقراي يا جميله🍂🤎
الحلقة 25 ♥️🍒↻≯♡゙ُ))
الحلقة 26 ♥️🍒↻≯♡゙ُ))
الحلقة 27 ♥️🍒↻≯♡゙ُ))
التفاعل يا جميله🍂🤎
الحلقة 25
اعتدلت آيه في جلستها سريعا وامسكت بفرحه علبه الدوناتس ونظرت بداخلها بفرحه تملاء عيناها وهي تهمس:دة بجد!! ....آسف ياآيه.... ماشي اما اشوف اخرتها معاك ياسيف
وضعت العلبه بجانبها وهبطت من السرير متوجهه لخارج الغرفه تبحث عنه بعيناها ليستوقفها حديثه علي الهاتف بالغرفه المجاورة
سيف:لا انا مش ناوي ارجع الوقتي..... يعني هفضل هنا كام يوم لحد ماتنسي ال حصل واطمن عليها وبعدين هنرجع..... لا لا مفيش داعي.... عملتي ذي ماقلتلك.... والله دي انسب فرصه ننفذ ال اتفقنا عليه من غير ماآيه تحس بحاجه.....لا منا مش هفضل مخبي عليها كتير ........ مش هنتكشف دي عبيطه ومش هتاخد بالها ..... انا مش متأكد اوي بس هو احساس .......يعني هيكون مين غيرهم يعني .....طيب .....لا هي نايمه الوقتي انا قلت اكلمك اشوف ايه الأخبار ......تمام سلميلي عليه ....سلام
اغلق الهاتف ووضعته بجيب بنطاله الچينز الذي يرتديه واستدار ليهم بالخروج ليتفاجئ بوقوفها علي باب الغرفه تنظر له بحيرة ليهتف بأبتسامه:أيوو حبيبتي كنت لسه جايلك علشان اصحيكي
ثم خطي نحوها وقبل جبينها وكفي يديها ثم نظر لها بأشتياق:كل دة نوم وحشتيني اووي
آيه:كنت بتكلم مين؟
سيف: سيبك مني خالص وركزي عليكي انتي بقالك اكتر من اربع ساعات نايمه وضيعتي صلاة العصر والمغرب وحرماني منك كمان وشكلك كدة لازم تتعاقبي علشان متعمليش كدة تاني
آيه:هروح اتوضي واصلي ... انت اتعشيت؟
سيف:ينفع اكل لوحدي ونصي التاني نايم وسايبني
آيه :عادي يعني
سيف بوجه عابث:عادي اذاي... ياأيو انتي مش حته من قلبي لا انتي قلبي كله ومفيش حاجه في الدنيا كلها ليها طعم وانتي بعيدة عني وجودك هو ال بيلون الدنيا وبخليلها طعم ومعني ومن غيرك اضيع
آيه بلغه هادرة: طيب هروح انا علشان الحق اصلي
القت كلماتها وعادت لغرفتها بينما امسك هو بقوة خصلات شعره الحريريه وارجعها للخلف بقوة وهو يضغط علي رأسه لتمضي فترة ويلحقها لغرفتها فيجدها تصلي مرتديه إسدال الصلاة فجلس علي طرف السرير يتأملها لحين انتهائها فأشار اليها بالجلوس بقربه ففعلت بهدوء
سيف وهو ينظر لها بأعجاب وهي مرتديه الحجاب:بسم الله مشاء الله تعرفي انك قمورة اوي بالحجاب
آيه بأعتياديه:الله يخليك
سيف بفرحه:بجد والله مش كلام ... ايه رايك لو تتحجبي
آيه بدهشه:أيه!! اتحجب
سيف:ايوة تتحجبي انتي كدة كدة لبسك كله محتشم لا بتلبسي قصير ولا عريان فمش هيبقي صعب عليكي تتحجبي
آيه:طب ماتنقبني بالمرة
سيف بأبتسامه:ياريت والله انا نفسي اخبيكي عن عيون الناس كلها ومحدش يشوفك غيري
آيه: سيف انا مش ناقصه خنقه
سيف:انا مش بفرض عليكي حاجه براحتك ياقلبي بس انا بجد حابب انك تتحجبي هفرح اوي لو عملتي كدة
آيه:ربنا يسهل
سيف وهو يمسك بيديها:فكري فيها هتلاقي ربنا حببك فيه واقتنعتي بيه وفي كل حالاتك انتي قمر وخاطفه قلبي وواخدة تركيزي وفرضه سيطرتك علي كل حته فيا
آيه وهي تسحب يديها من بين انامله:ربنا يخليك ياسيف
سيف:علي فكرة انا مبعضش علشان كل مااققرب منك تبعدي كدة
آيه:انا مبعدتش انا جمبك اهوة
سيف وهو يمسد علي خصلات شعرها بحنو:ربنا يهديكي ليا ياحبيبه قلبي انتي لو تعرفي وحشاني قد ايه هصعب عليكي والله
آيه:احم ... كنت يعني حابه اشكرك علي الدوناتس ميرسي انك افتكرت طلبي
سيف:طلبك بالنسبالي أمر واجب التنفيذ يايويتي
آيه:الأمر لله وحدة
اقترب منها وطبع قبله حانيه علي وجنتها وهمس:بحبك ياعشق سيف وقلبه
أحمرت وجنتي آيه واخفضت بصرها أرضا بينما جذبها من يديها لتقف برفقته ويتجه نحو المرآه ويقف خلفها وهو يحتضنها
سيف:عاوز بنت قلبي تلبس وتتشيك ذي عادتها وتنزل تحت علشان مستنيها نتعشي سوا ومجهزلك سهرة هتعجبك اوي
آيه:معلش ياسيف انا تعبانه وعايزة انام خليها وقت تاني
سيف:هتتعشي وقت تاني اذاي يعني وبعدين الواد ابني يقول عليا أيه مبأكلش أمه ويزعل مني ويعيط واء واء
آيه:بس___
سيف مقاطعا:مبسش ومتتأخريش علشان هموت من الجوع
القي جملته الأخيرة ودلف لخارج الغرفه واغلق الباب خلفه بينما اتجهت لخزانه الملابس لتنتقي فستان ناعم ذو لون أرجواني مزين بورود ناعمه واطلقت العنان لخصلات شعرها الطويله وارتدت كوتشي ذو لون أبيض وهبطت للأسفل تبحث عنه بعيناها حتي أستقرت عليه يتجه نحوها بخطوات واثقه ينظر اليها بهيام ليمسك بيديها ويخطو بجوارها للخارج لتجد الشموع المضاءة وموضوعه علي الرمال من امام الشاليه وصولا لطاوله بالقرب من الشاطئ موضوع عليها العشاء في اجواء رومانسية ... أبتسمت آيه ونظرت له هاتفه بنبرة فرحه:انت ال عملت دة كله علشاني؟
سيف:وعلشانك اعيش عمري كله بحاول أرضيكي واسعدك
آيه:ربنا يخليك ليا ياسيف
سيف:ويخليكي لقلبي ياجنتي
مضي برفقتها حتي وصلا للطاوله وسحب كرسيها واجلسها عليه والتف للجهه الأخري وجلس برفقتها ينظر لها بسعادة
سيف:ايه بس الجمال دة كله ياربي
آيه:عنيك هي ال حلوة
سيف:عنيا لو حلوة هتشوف كل حاجه حلوة بس ال بيحصل العكس انا مبشوفش حلو غيرك انتي وبس
ابتسمت بهدوء ولم تتحدث ليكمل هو:انتي زعلانه علشان سمعتيني بتكلم في التليفون صح
آيه:عادي ... هسألك وتقولي مظلوم وثقي فيا والموضوع يختم بخناقه واتعب ذي كل مرة ... يبقي ليه مش مستاهله انت راجل وواعي للبتعمله وانا اديتك اخر فرصه وانت حر فيها
سيف بضيق يجاهد لأخفائه:انا كنت بكلم فرح مكنتش بعمل ال في دماغك
آيه:وهو ايه ال يخليك تكلم فرح في اوضه تانيه بعيد عني وتقولها آيه مش هتاخد بالها و___
سيف مقاطعا:انا دخلت اوضه تانيه علشان صوتي ميقلقش نومك واظن مش فرض عليا ابررلك كل حاجه بعملها او بتكلم فيها مع حد ومع ذلك هقولك انا كنت اققصد ايه ... انا اتفقت مع فرح تراقب ناس انا شاكك فيهم واكيد ليهم دخل في ال بيحصل بينا دة وهي الوحيدة ال تقدر تعمل كدة ولحد الوقتي مقدرتش توصل لحاجه وبالنسبه ليكي فكنا بنحضرلك مفاجئه تفرحك لما نروح ومش هقولك عليها واحرقها ثالثا بقي ودة الأهم عاوزك تريحي اعصابك وتهدي نفسك خالص مش كل نفس هتحسبيه عليا وتشكي فيا انا بحاول اطلع بيكي من المشاكل دي بأققل خسارة فساعديني ياآيه وبلاش تضغطي عليا انا اعصابي تعبت ذيك بالظبط دايما شايف في عنيكي نظرات الشك ونبرة العتاب واللوم ال دايما في صوتك أسلوبك دة بيقتلني بالبطئ ولما بشوفك تعبانه ببقي نفسي اجيب ال وصلنا للمرحله دي وادفنه في مكانه ... ساعديني ياآيه بالله عليكي اققفي جمبي وادعميني حسسيني بثقتك فيا وارجعي آيه بتاعه زمان ال ضحكتها مبتفارقش وشها وبتملي الدنيا حيويه ولعب وجري
كانت تستمع لحديثه وبداخلها تتلاطم امواج الحيرة مابين لومها لنفسها علي تغيرها الكبير معه ومابين تصديق ما رأته بعينها الفترة الأخيرة
سيف:هاااي روحتي فين
آيه:هه معاك اهوة ... احم .. هو احنا هنفضل نتكلم كتير الأكل برد
سيف:بالهنا والعافيه علي قلبك يابنوتي
بداء كلاهما في تناول طعامه واختلاس النظرات للأخر ولم يخلو العشاء من المداعبات والهمسات وعبرات الغزل التي يمطرها سيف بها...
__________________
في قصر المنشاوي تحديدا بغرفه هناء
هناء بسعادة بلغت عنان السماء:انا مش مصدقه ياورد انا بحلم ولا دي حقيقه انا بجد هتجوز زياد حد يقرصني يابنات
ورد:يابنتي اهمدي بقي روشتيني بقالنا كام ساعه بنقنع فيكي مش مصدقه ليه
دعاء:سبيها تتچلع علي راحتها ياورد البنيه ممصدقاش ياعيني باينه معشش چوات قلبها وعشچاه
صفيه:كانك بتتحدتي عن حالك يابتي
دعاء بخجل:اباي عليكي عاد يما
ام عاصم:هي دعاء كانت بتحب فارس من زمان كدة ياام سليم
صفيه:وة دي متربيه علي يدة من يوم ماولدتها امها الله يرحمها وهو شالها بين ايديه وقال دي عروستي يما محدش غيري عيتچوزها ومسك بكلمته يانضري لحد ماوفي بيها واتچوزها
ام عاصم:ربنا يهنيهم علي وش بعض فارس طيب وابن حلال
هناء بمشاكسه:الله يعني دعاء مش بنت حلال ولا ايه
ورد:بس يابوتجاز ٦٥شعله انتي
دعاء:لاة وانتي الصادچه دي اشعال ذاتي
صفيه:البت غزال چالها عريس كيف لهطه القشطه يقول للقمر چوم واققعد موطرحك
هناء:قليل الذوق يعني
انفجر جميعهم ضحكا علي أثر كلمات هناء الممازحه ليدلف عاصم للغرفه بعدما طرق الباب ⚡⚡
ام عاصم:تعالي ياضنايا ادخل
عاصم: السلام عليكم .. متجمعين عند النبي
جميعهم: وعليكم السلام ورحمه الله وبركاته
ام عاصم:ونكون صحبه ياحبيبي
عاصم:اللهم امين.... ريان صحي وبيعيط يادعاء
دعاء بلهفه:ياحبه عيني عن اذنكم ياچماعه
صفيه:اذنك معاكي يانضري
عاصم:مش يلا ياورد نلحق ننام ومنال نعسانه ولا ايه؟
ورد بتقل:لا خليني قاعدة مع الجماعه شويه روح نام انت
صفيه:وة چومي فزي روحي مع چوزك كيف تسبيه ينام لحاله چومي
ام عاصم:سيبي منال تبات معايا النهاردة ياحبيبه قلبي
عاصم:ربنا ميحرمنا منك ابدا ياست الكل
هناء:ايوة ياعم يسهلووو
عاصم وهو يدنو منها:وكتاب الله لو فكر بس يهوب ناحيه اوضتك لهقتله المرة دى فاهمه انتي وهو ولا اعيد تاني
ابتلعت مافي حلقها بغصه وهتفت:مفهوم ياقلب اختك مفهوم
عاصم:تصبحو علي خير
جميعهم:تلاقي الخير
مضي عاصم وورد لغرفتهم سويا ثم دلفو للداخل واتجهت ورد للمرحاض سريعا بينما اغلق عاصم الباب خلفه وبدل ملابسه وجلس في انتظارها لتدلف للغرفه بعد دقائق وتتجه نحو السرير تصف الوسائد بالمنتصف كعادتها في الأيام الماضيه ليجلس عاصم علي الجهه الاخري امامها يلقي بالوسائد ارضا واحدة تلو الأخرى بعدما تضعها ورد
ورد:ايه ال بتعمله دة انت اتجننت
عاصم:انا ابقي مجنون لو فضلت سايبهم حرام عليكي يامفتريه
ورد وهي تضع سبباتها في وجهه:عاصم لوسمحت
عاصم:نزلي ايدك تحت بس كدة وخلينا نتفاهم
ورد:نتفاهم علي ايه؟
عاصم:علي ال انتي بتعمليه معايا دة بذمتك مش حرام عليكي
ورد:هو انا كلمتك يابني
عاصم:مهو المشكله انك مبتكلميش وسيباني مع نفسي
ورد:ياحرام تصدق صعبت عليا بس اعملك ايه انا بقي مهو الانسان ال متسرع ولسانه طويل
عاصم :كانت شوره سودة منك لله ياهناء انتي وسي زفت خطييك ال بليتيني بيه
قهقهت ورد علي استياء عاصم لينظر لها بهيام ويحتضنها لتسكت شهرزاد عن الكلام المباح...
اما بالغرفه المجاورة فكانت تجلس وحيدة تعبث بهاتفها بملل حتي قاطعها صوت طرقات متفاوته علي باب التراس لتهرول نحوة سريعا وتفتحه لتصتدم برأسها حصاه صغيرة قذفها زياد بأتجههاها دون قصد منه
هناء:ااااه
زياد: نؤة حبيبتي انا أسف والله حقك عليا
هناء وهي تدلك جبهتها:ايه ال بتعمله دة
زياد: اعمل ايه بس حكم القوي منا مش عارف اوصلك
هناء:كلمني في التليفون بدل ماحد يشوفك كدة ولا يسمعنا
زياد:مهو الظالم اخوكي سحب مني تليفوني ليوم كتب الكتاب اعمل ايه بس حسبي الله ونعم الوكيل
ضحكت هناء بشدة علي قله حيلته وهتفت:بس كدة مش أمان انت ناسي ان اوضته جمبي ولو فتح باب بلكونته هيشوفك
زياد:يشوفني ذي مايشوفني وربنا لما اكتب كتابي لهطلع عليه البلا الازرق كله
هناء:طب ايه بقي
زياد: بحبك ياجبنه ياكيري يامعذبه كياني وتفكيري
هناء:ياربي يعني انا انتشلك من الخضروات والفاكهه تدخل تقعد جوة تلاجه دة أيه الحب النباتي دة
زياد:اعمل ايه منا مش عارف احب فيكي في الهوا كدة منك لله يلي في بالي
هناء:فات الكتير يابيبي
زياد:طب وعهد الله مامصبرني علي اخوكي وقرفه غير كلمه بيبي دي بتجيب أجلي
هناء:بعد الشر عليك ياروحي
زياد:اااااه
هناء:مالك يازيزو انت كويس
زياد:انا عمري مكنت كويس غير وانا معاكي
هناء:ربنا يخليني ليك يابيبي
________________________
علي الشاطئ مساءا كانت تمشي بجوارة مثلما تحب وهو يبادلها نظرات عاشقه يتمني لو يحتضنها بقوة ويخفيها عن العالم
آيه: الجو النهاردة حلو اوي
سيف:كل مكان بتكوني فيه لازم يبقي جميل
آيه:أشمعنا يعني
سيف:هو كدة من غير اشمعنا
أبتسمت بعفويه بينما أكمل هو:بحب اوي اخرج معاكي ونروح اماكن كتيرة نسيب فيها ذكريات حلوة نفتكرها سوا لما نروحها تاني وتعدي عليها سنين ونروحها تاني مع ولادنا لما يكبرو ونحكيلهم عنها وعن السعادة ال بنعيشها سوا
آيه:حساك بتجيبني نفس الاماكن وتفكرني بذكرياتنا فيها
سيف:بالظبط كدة عاوزك تطلعي من المود ابن الجذمه دة
آيه بتلقائيه:فاكر البلالين ال كنت جبتهالي هنا
سيف:ايوة وانتي لسه محتفظه بيها لحد دلوقتي
آيه بأبتسامه:بحب كل حاجه منك او ليك أثر فيها بحبها علشانك انت وعلشان افتكرتني بيها
سيف:انا مبفتكرش غيرك انتي اصلا .... قوليلي بقي مختارتيش اسم للواد الشقي دة
آيه:بردو مصمم انه ولد
سيف:احساسي عمرة مكدب عليا
آيه:ياعم الواثق
سيف:دي اققل حاجه عندي
آيه مكمله:وأغلي حاجه في السوق 😂
سيف:حفظاني
آيه بحب:بكل تفصيله فيك عشقاك ودايبه فيك نظرة رضا منك بتخليني أعيش في جنه وتنسيني اي حاجه وحشه في الدنيا وجودك في حياتي نساني كل المرار ال شفته قبلك وخدتني دنيا حلوة اوي بكل مافيها انا بحبك اوي ياسيف ومش متخيله ممكن ابقي عامله اذاي لو بعدت عنك
انهت حديثها بقبله سريعه طبعها هو علي شفتيها يبثها حبه وشوقه لها .....
أنت تقرأ
HÖÖR NÖVELS༺☆🥂📓♡)) ♡قصص متنوعه ♡
Aventuraاهلا بيكم يقمرات في قصص حكايه وروايات الحور القناة هينزل عليها كل انواع روايات{رعب♡رومنسي♡صعيدي♡♡اكشن♡كوميدي♡ديني♡مصاص دماء} اهم شي التفاعل يا حلوين عاوزين القناة اكبر بيكم وهنزلكو روايه كل يومين كمان مـآلگهہ آلقصٍصٍ♡
