متنساش النجمه بتاعتي يسكر منك ليها ★♥
*ـ بنات المنشاوي جــ٢♥️🍒↻≯♡゙ُ))*
تابع قناة HÖÖR NÖVELS༺☆🥂📓♡)) في واتساب: https://whatsapp.com/channel/0029Vafc8vILo4hb3IvGXz3Y
🔴🔴🔴🔴🔴🔴🔴🔴🔴🔴
🟣🟣🟣🟣🟣🟣🟣🟣🟣🟣
التفاعل قبل متقراي يا جميله🍂🤎
الحلقة 43
سيف:هتنطقي وتقولي انتي مين ولا اشوف شغلي معاكي
اقتربت منه آيه وأمسكت بكف يدة ووضعت يدها الأخري علي صدرة أمام قلبه ونظرت له بحب قائله:لو انت بجد مش عارف انا مين أكيد دة حاسس بيا
أطال سيف النظر اليها ثم ابعد يديها عنه وتحدث بجمود قائلا:احترمي نفسك ياأبله انتي وروحي شوفي شغلك
آيه :أنت شغلي
سيف:يوووة انتي دماغك طقه يابت انتي ولا ظروفك ايه
آيه:لا والله انا بحاول افهمك براحه اني مراتك حبيبتك ام ابنك ال في بطني دة
نظر لها سيف بدهشة واسدل بنظرة نحو بطنها المنتفخه ثم ابتعد عنها متوجهها لداخل الغرفه قائلا بنبرة مرتفعه:مراتي مين وابني ايه دة ال حامل فيه انتي اتجننتي انا معرفكيش اصلا انا معرفش غير ريهام مراتي وحبيبتي وهي ال حامل مني
آيه وهي تتجه نحوة:لا ياحبيبي ريهام ماتت من سنين طويله وانت اتجوزتني انا وبتحبني وبتعشقني كمان
سيف بحدة:اخرسي ايه الجنان ال بتقوليه دة اذاي تقولي علي مراتي كدة اطلعي برة
آيه :دي الحقيقه ال لازم تصدقها ..ثم اقتربت منه بحنو مكمله:انت عملت حادثه ياحبيبي ونسيت اخر كام سنه فاتو وال فيهم انا وانت اتقابلنا بعد ماريهام اتوفت وهي حامل منك وبعدين اتجوزنا وعدي ٣سنين وبقيت حامل في اخر الشهر السادس كمان حامل في ابنك ال بتتمناه من ربنا واوعدك اني هفضل جمبك لحد متخف وترجع احسن من الاول كمان ومش هتخلي عنك تاني مهما كان السبب
سيف :انتي عبيطه ولا شكلك هو ال كدة حتي لو كلامك صح انا سيف الحديدي يوم مااتجوز اتجوزك انتي
القي كلمته الأخيرة وهو يشير بأصبعه نحوها من الاعلي الي الأسفل لتصبح ملامح وجهها عابثه وتصيح قائله:وانا مالي بقي انشاء الله يااستاذ انت
سيف :متبصي لنفسك في المرايه ولا معندكوش مرآيات في بيتكو ياشاطرة
آيه بمحاوله السيطرة على غضبها:ماشي ياسيف انا مش هعاتبك علي كلامك دة بس انا والله مراتك ومش بكدب عليك
سيف :اثبتي
نظرت آيه بحيرة في الغرفه وظلت واقفه بمكانها ليكمل هو بأبتسامه جانبيه:هه متثبتي ياهانم انك مراتي ولا هو رمي بلاء وخلاص... لو انتي مراتي فين هدومك هنا اتفضلي طلعيها من الدولاب لو انتي مراتي ذي مابتقولي مفيش اي حاجه تخصك هنا ليه .. طلعيلي اي حاجه هنا تثبت وجودك في حياتي
آيه بتوتر:انااا
سيف بحزم:انتي هتروحي في ستين داهيه ولا فاكرة كدبتك دى هتعدي بالساهل انا هطلبلك البوليس ياخدك الوقتي حالا ويشوف شغله معاكي
آيه بقلق:استني بس ياسيف طب اديني فرصه والله هثبتلك
سيف بحدة:شيفاني عيل معاكي ولا ايه نظامك !
اتجهت سريعا نحو مكتبه وعبثت بأحدي ادراجه لتخرج منه ألبوم صور خاص بهما يضم العديد من اللقطات المتنوعه لهم وقامت بفتحه امام سيف وبدات بشرح تفاصيل كل صورة
آيه بلهفه:اهوة صدقتني دى صورة فرحنا انا وانت ودي واحنا في شهر العسل ودي يوم عيد ميلادي والصورة دى في فرح دعاء اختي ودي كمان كنا خارجين برة في يوم وو
سيف : سكتي ليه! وايه كل الصور المتقطعه دى
نظرت آيه لبعض الصور الخاصه بهم التي قامت بتمزيقهم بتلك الليله اللعينه ولم تدري بأن سيف قد اعاد اصلاحهم ووضعهم مرة أخرى بداخل الألبوم لتلمع عيناها ببريق الدموع المحتجزة
سيف:دول صور متركبه اي حد يعرف يعملهم
آيه:طب لو كلامك صح كنت هعرف احطهم جوة مكتبك اذاي؟
سيف وهو يهز كتفه بأستنكار:عادي ال عايز يوصل لحاجه هيوصلها
آيه بعجز عن الرد:طب .. طب .. انا ممكن اشغلك فيديو فرحنا
سيف:معاكي قثيمه جواز تثبت كلامك
ابتلعت آيه مافي حلقها بغصه وهتفت:ها.... اااه .. معايا بس
سيف بجمود:فين وريهالي
آيه:مهو... اصل...
سيف:قلتلك انك واحدة كدابه ونصابه
آيه :استني بس والله انا مراتك اسمعني بس ياسيف
أمسك بها سيف وجذبها للخارج وصاح بقوة:ساااامر
اتجهه سامر نحوة وتبعته فرح سريعا ليتوقفو امام غرفه سيف
فرح:ايه ياسيف مالك في ايه
سامر:براحه ياسيف مش كدة
سيف بجمود:البت دى نصابه كانت بتسرق اوضتي ولما مسكتها بتقولي انها مراتي وحامل مني
نظرت له فرح بحيرة وهتفت:مهي فعلا مراتك ياسيف
سيف:انتو عايزين تجننوني مراتي ريهام وبس دى انا معرفهاش ومش عايز اعرفها هاتولي ريهام وحشتني اوي نفسي اطمن بوجودها جمبي انما دي غريبه عني بكرهها مش عاوزها في حياتي
آيه ببكاء:بس انا عيزاك ياسيف انا بحبك والله
سامر:خلاص ياآيه خديها اوضتنا يافرح وانا هتكلم مع سيف شويه
دلفت آيه برفقه فرح لغرفتها وهي تبكي بشدة
فرح:خلاص متزعليش نفسك ياآيه معلش الموضوع مش سهل ابدا
آيه :مكنتش اعرف ان الحكايه هتبقي صعبه اوي كدة دة فعلا مش عارفني دة نساني ونسي ابنه انا هموت يافرح
فرح:بعد ال شر عليكي يا حبيبه قلبي استهدي بالله بس
آيه:موجوعه من كلامه اوي دة بيفضل ريهام الله يرحمها عليا انا مش مصدقه ال بيحصل
فرح وهي تحتضنها وتربت علي كتفها:استهدي بالله ياآيه وكل حاجه هتتحل والله
آيه:😭😭😭😭😭
طرق سامر الباب ⚡⚡ ودلف للغرفه متجهها نحوهم
سامر:معلش ياآيه بس انتي لازم تفهمي انه مش فاكر اي حاجه خالص ولسه مش مستوعب موت ريهام
آيه ببكاء:طب انا ذنبي ايه يقهرني كدة
سامر:جوزك في محنه ياآيه ومحتاجلك جمبه وانتي بطريقتك دى مش هتنفعيه نهائي بالعكس هتخليه يكرهك وميفتكرش اي حاجه لازم تبقي قويه وصبورة علشان تقدرو تعدو المحنه دى سوا
فرح:امسحي دموعك دي ويلا علي أوضتك واصبري واحتسبي عند ربنا
آيه: حاضر
دلفت آيه لغرفتها فوجدته بدل ملابسه وارتدي منامته الستان واستعد للنوم
آيه:احم... هتنام الوقتي؟!
سيف بحزم:عندك مانع
آيه: لا مش قصدي انا بس مستغربه اننا لسه الضهر
اتجهه نحوها وتوقف بمحاذاتها وهو يطالعها بنظرات شرسه:بصي يابت انتي الحدوته بتاعتك دى انا مش مصدقها بس هسمع كلام اخويا وأمشي معاكي للأخر اما اشوف اخرتها معاكي ودة مش قله حيله مني لا وانما علشان الظروف ال انا فيها تشبه أني فعلا عملت حادثه وعدم وجود ريهام مخليني للأسف مضطر اصدقك كلامكو بس دة مش معناه اني مصدق انك مراتي فعلا
نظر لها بتقليل كالمرة السابقه وأكمل قائلا: الكنبه دى هتتخمدي عليها واياكي تقربي من السرير
آيه:بس انا حامل
سيف ببرود:مش مشكلتي
اتجهه نحو السرير واستلقي عليه وبسرعه غفي في نوم عميق اما هي فظلت تعبث بهدوء بين اغراضه التي اشتاقتها وبحثت بعنايه بين مقتنياته عن ما يثبت زواجهم لحين غلبها النعاس هي الاخري وغفت علي الأريكه الموضوعه بالقرب من السرير
في الغرفه المجاورة
فرح:سيف مكبر الموضوع اوي ياسامر
سامر: كل واحد حر في حياته وبعدين هي مراته وانتي مش هتخافي عليها اكتر منه
فرح:بس هي صعبانه عليا اووي
سامر:انشاء الله الموضوع مش هيطول وسيف هيسامحها وينسي كل ال فات
فرح:اتمني بجد انه ميطولش علشان لو شافت عربيه سيف سليمه هتقلب الدنيا عليه
سامر:اطمني احنا ودينا عربيته في مخزن الشركه يعني مش هتوصلها نهائي
فرح:ربنا يستر
مضي النهار واستيقظ سيف من نومه وهبط من السرير فوجدها مستغرقه في النوم علي الأريكة فأتجه نحوها وحملها بحنو ووضعها علي السرير ثم دثرها جيدا ودلف للمرحاض ثم بدل ملابسه وأدي فرضه وغادر المنزل بأكمله لتمضي ساعه أخري وتستيقظ هي من نومها وتعتدل في جلستها وتنظر حولها بتعجب
آيه:ايه ال جابني هنا!
ثم هبطت من السرير واتجهت نحو هاتفها ثم امسكت به تعبث به قليلا ثم دلفت نحو المرحاض وغابت فترة ثم امسكت بالمقبض وفتحت الباب ليتزامن خروجها بمرور سيف من امام الباب ليتوقف امامها وينظر لها بتعجب
سيف :ايه ال انتي لبساه دة
كانت آيه ترتدي بنطال قطنيا ذو لون أبيض وتيشرت أسود رجالي من خاصه سيف لتنظر له بأعتياديه قائله:عادي .. أخدت شاور ولبست من هدومك عما ورد تبعتلي شنطتي
سيف وهو يمسكها من تلابيب التيشرت:اول وأخر مرة الجرأه تاخدك وتلبسي من هدومي مش علي أخر الزمن واحدة ذيك تورثني بالحيا
آيه بلهفه:بعد الشر عنك انا لبست من هدومك عادي يعني وطول عمري كنت بعمل كدة وانت مسافر وانت عمرك مزعلت ولا مانعت
سيف: وزمان غير الوقتي سيف ال تعرفيه خلاص بح انا واحد تاني وبكرهك ومش طايق اشوفك قدامي حتي
شعرت آيه بالحزن الشديد فهاهي كلماتها التي لطالما القتها علي مسامعه الاشهر الماضيه تلقي اليها منه تهشم فؤادها الذي ينبض له عشقا لتهتف ببحه خفيفه:بس انا لسه آيه ال انت تعرفها ولو نسيتني انا هفكرك بيا وبكل لحظه حلوة جمعتنا سوا
رمقها بنظرات هادرة واتجه نحو غرفه الملابس وبداء بتبديل ملابسه بينما اتجهت هي لتصفيف شعرها و ارتدت عبائه رجاليه خاصه به وامسكت بسكارف وغطت شعرها وأدت الفروض التي فاتتها وهي نائمه وما ان انتهت حتي اتجهت بهدوء نحوة وجلست علي مقربه منه تتأمله وهو يعمل علي اللابتوب الخاص به لتحزم أمرها وتتحدث قائله:بتعمل ايه ياسيفو
سيف وهو يعقد حاجبيه:سيفو!! نعم يختي سيفو دة عيل بيلعب معاكي
آيه:انا متعودة ادلعك كدة
سيف :يامثبت العقل والدين يارب مقلتلك يابنت الناس انا مش عارف انتي مين اصلا هتدلعيني كمان
آيه:بس انا عرفاك واديني فرصه افكرك بيا وبأيامنا الحلوة سوا
أغلق سيف اللابتوب ونظر لها بجديه قائلا:ماشي .. موافق بس طالما انتي مراتي ذي مابتقولي تقدري تقوليلي كنتي فين لما عملت الحادثه وفوقت في المستشفي ؟
آيه:___
سيف:كنتي فين وجوزك نايم يومين بحالهم في غيبوبه ها؟ مش المفروض اول ماافوق الاقيكي جمبي ولا ايه النظام؟!
آيه:____
سيف بجدية:متنطقي
آيه بتوتر:انا.... اصل ....
سيف:عرفتي انك كدابه
آيه:والله مابكدب والله انا مراتك وبحبك وبتحبني وعمرك محبيت حد زيي بس .. بس.. هو يعني لما انت عملت الحادثه احنا كان في مابينا خلاف وكنت سايبه البيت
سيف بأهتمام:خلاف ايه دة؟
آيه:هحكيلك بعدين
سيف:ااه مهي حجه فاضيه تداري بيها علي كدبتك وطمعك فيا
آيه:نعم!! انا اطمع فيك انت لا ياحبيبي لو نسيت انا مراتك يبقي لازم تعرف انا مين وبنت مين
سيف بلا مبالاه: هتكوني بنت مين يعني
آيه بتنهيدة:بص ياسيف احنا هنبتدي مع بعض صفحه جديدة لحد ماذاكرتك ترجعلك والدكتور اكدلي ان الموضوع مش هيطول انشاء الله ومن هنا لوقتها ياريت تساعدني اني افكرك بحياتنا سوا ممكن
تنهد سيف بقله حيله ثم اردف قائلا:طب انا قابلتك اول مرة فين و عرفتك اذاي لدرجه اني اتجوزك ذي مابتقولي
آيه بهدوء:عرفتني في خناقه
سيف بدهشه:ايييه خناقه أنا كنت متأكد انك سوابق شكلك ميديش ابدا انك هاي كلاس
امسكت آيه برشدها بصعوبه فهي لا تريد تصعيب الامور ثم اكملت قائله :اولا انا قمر وأحلي بنوته في الدنيا ودة كلامك انت مش كلامي ثانيا انا مش سوابق انا هانم بنت هانم ثالثا بقي ودة الأهم الخناقه دى كانت بيني وبين موظف عندك في شركتك كان بيعاكسني وقل ادبه علي النهايه وانا رديت عليه بالطريقه ال تناسبه فهو علي صوته وانت سمعته وخرجت من مكتبك ومعاك شويه موظفين وابتديت تزعقلي ومصدقتش كلامي وصدقت الموظف وشبه طردتني من المكان بس انا مسكتش ورديت عليك واحرجتك وسط الموجودين وسبتك ومشيت
سيف وهو يحك ذقنه:لا بصراحه بدايه مبشرة أيه ال انا عملته في نفسي دة
آيه:اللهم طولك ياروح... انت مش ملاحظ انك عمال تغلط فيا وانا سكتالك من الصبح
سيف:ياشيخه دة انتي الغلط نفسه ايه البتاعه ال انتي لبساهه دى بتاعتك ولا بتاعه ابوكي ولا مستلفاهه من حد ولا نظامك ايه
آيه:دى بتاعتك انت انا فصلتهالك واحنا في البلد وخليتك تلبسها وانت رايح تصلي الجمعه وكانت حلوة عليك اووي
سيف:انا لبست عبايه!!
آيه:انت كنت بتعمل اي حاجه ترضيني ياسيف وعمرك في يوم مازعلتني
سيف: طب وانتي ايه ال خلاكي تيجي الشركه اصلا كنتي بتشتغلي عندي؟
آيه:لا دعاء اختي هي ال كانت بتشتغل عندك وانا كنت جيالها صدفه علشان هنخرج سوا بعد ماتخلص
سيف:البلد عندكو واختك موظفه عندي وتقوليلي هانم بنت هانم دة انتي علي الله حكايتك خالص
آيه بمحاوله التماسك:عارف المنشاوي جروب بتوع المزارع
سيف:عز المعرفه
آيه بتفاخر:اهو انا بقي واحدة من الورثه بتوعها
سيف وهو يشير نحوها بأصبعه:أنتي! انتي وريثه طايع بيه يامحاسن الصدف طب والله انا لو كنت شفتك عندهم كنت افتكرتك خدامه وهنروح بعيد ليه منا افتكرتك خدامه هنا بردو
شعرت آيه بالأهانه الشديدة من مزاحه الثقيل واحمرت وجنتيها ولمعت عيناها بالدموع المحتبسه لينتبه هو لها ويكمل :كملي ياآيه هانم وبعد الخناقه انا اتجوزتك اذاي بقي
آيه :دى حكايه طويله اوي هحكيهالك بس قولي اول انت كنت فين انا صحيت لقيتك نقلتني علي السرير وخرجت
سيف:وايه ال مخليكي متأكدة اني ال نقلتك ميمكن انتي بتمشي وانتي نايمه
آيه:طول عمرك بتشيلني وانا نايمه وتنقلني علي السرير حتي لو من العربيه
سيف:ياسلام
آيه وهي تعقد يديها امام صدرها:وبتشيلني وانا صاحيه كمان وعمرك مضيعت لحظه الا وفرحتني بيها بكلامك ونظراتك وافعالك
ابدي سيف ابتسامه جانبيه ثم اردف قائلا:شكلك واثقه من كلامك
آيه:جدا قولي بقي كنت فين
سيف :مع انه ملكيش فيه بس هقولك يمكن تحلي عني أنا كنت في المقابر روحت مدفن ريهام ازورها واشكيلها همي واحكيلها هي اد ايه وحشاني وبموت في بعدها عني فضلت احكيلها عن ال انا فيه لحد معيط ودموع فراقها بقت تحرق عنيا قد ايه البعد صعب خصوصا لما يكون مع حد متعلق بيه ثم نظر اليها مكملا:انا بحبها اوي ياآيه ومش قادر اصدق انها ماتت وسابتني لوحدي وسط حياه متنفعش تتعاش من غيرها
آيه بداخلها بوجع:يااااه ياسيف قد ايه بتدوس عليا بكلامك عنها وبتوجعني لما بتنطق اسمها بحنين وتقول انها وحشتك ليه بتعمل فيا كدة بتدوقني ال عملته فيك اضعاف بتكوي فيا ليه
سيف:انا مش مصدق انه في يوم وليله اخسرها وقلبي ينكسر من بعدها
آيه بدموع خانتها وتساقطت بهدوء علي خديها:انت مش لوحدك انا جمبك ومعاك
سيف :انتي !! هتعمليلي ايه هتقدري تعوضي وجودها وحبها ليا
آيه:انا حبيتك اضعاف حبها ليك ياسيف والأيام هتثبتلك دة اكيد
سيف:مفتكرش
آيه وهي تمحو دموعها:دة وعد مني .. ثم رسمت ابتسامه مزيفه علي شفتيها واكملت:ايه رأيك احكيلك حكايتنا
سيف : احكي
مرت فترة ليست بقصيرة قصت بها آيه حكايتهما سويا بأدق تفاصيلها وتعمدت المواقف الرومانسيه التي تفنن بها سيف بشتي طرق اسعادها واظهار كم الحب الذي يكنه لها ومبادلتها هي الأخري بنفس الحب والهيام
سيف:ياااه للدرجه دي كنت بحبك
آيه بفرحه:ولسه اما تتفرج علي فيديو فرحنا وتشوف نفسك كنت عامل اذاي
سيف بحماس: طب قومي شغليه بسرعه
قاطع نهوض آيه من مجلسها صوت طرقات الباب ⚡⚡
سيف :ادخل
دلفت الخادمه دلال وهي تحمل حقيبه ملابس آيه التي قامت ورد بأرسالها وهي تهتف:العشا جاهز وصالح بيه مستني نزولكم ياسيف بيه
سيف:ايه دي يادلال؟
دلال:دي شنطه هدوم آيه هانم
سيف:طب اتفضلي فضيها وحطي حجاتها مكانها
دلال:حاضر يا بيه
التفت سيف ل آيه:انا هنزل تحت وانتي غيري الشوال ال لبساه دة وحصليني
آيه بأبتسامه :حاضر
سيف:ولما اطلع ابقي كمليلي الحدوته بتاعتك دى
آيه:بتاعتنا مش بتاعتي لوحدي
سيف بلامبالاه:ايا كان خلينا نشوف اخرتها معاكي سلام
اتجه سيف لخارج الغرفه واغلق الباب خلفه بينما بدات دلال في افراغ محتويات الحقيبه لتتجه نحوها آيه وتنتقي فستانا بسيطا باللون الأزرق وتتجه نحو المرحاض ليستوقفها صوت دلال
دلال:ست آيه
التفتت لها آيه :ايوة يادلال عاوزة حاجه
دلال بتوتر:كنت يعني ياست هانم عاوزة اققولك كلمتين
آيه بأهتمام:اتفضلي يادلال
دلال بتوتر:قبل اي حاجه ياست هانم انا والله العظيم ندمانه وعرفت غلطي وتوبت لربنا وبدعيله يسامحني بس لازم انتي كمان تسامحيني
آيه:قلقتيني يادلال في ايه لكل دة
دلال:انا... انا ...اني يعني ياست هانم...
آيه:قولي يادلال متخافيش
دلال:احب علي يدك تسامحيني ياست آيه والله كانت وزة شيطان وراحت لحالها
آيه بعدم فهم:يادلال انا مش فاهمه اي حاجه
دلال بدموع:انا ال وقعت بينك وبين سيف بيه ومشيت ورا كلام حسين بيه اخو الدكتور طارق جوز الست ليان وبقيت ادخل اوضتك في غيابك وارش من ازازة الريحه ال هو ادهالي وانا ال حطيت قميص النوم في شنطه سيف بيه وانا مطلعاها لهنا لما كان جاي من السفر وانا ال بقيت اعمل كل حاجه تلاقيها عند سيف بيه وانا بردو ال عرفتهم ان البيه سهران في حفله الأستاذ بدر بيه بس والله حرمت ياست آيه وندمت قسما بالله وربنا يسامحني انا عملت كدة علشان بربي عيالي وكنت محتاجه الفلوس احب علي يدك ياست آيه تسامحيني والله انا فوقت وندمت والله علي كل ال عملته
آيه:😰😰😰😰
يتبع
التفاعل يا جميله🍂🤎
أنت تقرأ
HÖÖR NÖVELS༺☆🥂📓♡)) ♡قصص متنوعه ♡
Aventuraاهلا بيكم يقمرات في قصص حكايه وروايات الحور القناة هينزل عليها كل انواع روايات{رعب♡رومنسي♡صعيدي♡♡اكشن♡كوميدي♡ديني♡مصاص دماء} اهم شي التفاعل يا حلوين عاوزين القناة اكبر بيكم وهنزلكو روايه كل يومين كمان مـآلگهہ آلقصٍصٍ♡
