متنساش النجمه بتاعتي يسكر منك ليها ★♥
*ـ بنات المنشاوي جــ٢♥️🍒↻≯♡゙ُ))*
تابع قناة HÖÖR NÖVELS༺☆🥂📓♡)) في واتساب: https://whatsapp.com/channel/0029Vafc8vILo4hb3IvGXz3Y
🔴🔴🔴🔴🔴🔴🔴🔴🔴🔴
🟣🟣🟣🟣🟣🟣🟣🟣🟣🟣
التفاعل قبل متقراي يا جميله🍂🤎
الحلقة 40 ♥️🍒↻≯♡゙ُ))
الحلقة 41 ♥️🍒↻≯♡゙ُ))
الحلقة 42 ♥️🍒↻≯♡゙ُ))
التفاعل يا جميله🍂🤎
الحلقة 40
آيه:انا أسفه
حسين بعدم فهم:أسفه علي أيه
آيه:انا مش هقدر أكون ليك ولا لأي حد غيرك
حسين بضيق:أيه الجنان ال بتقوليه دة ياآيه أحنا مش اتفقنا ولا هو لعب عيال
عاصم:في أيه ياكابتن مش قالتلك فركش يبقي خلاص ورينا جمال خطوتك
حسين:خليك انت لليله الكبيرة يانجم واركن علي جمب
عاصم:هو انت مبتفهمش ولا واقع علي دماغك وانت صغير هي قالتلك مش هتكون ليك واقف لسه بتعمل أيه
حسين ملتفتا ل آيه:أعقلي ياآيه أنا بحبك ومش هسيبك أنتي أيه بس ال قلبك كدة مكنتي كويسه
آيه :انا كنت معميه بغضبي وال بعمله دة غلط في حق نفسي وحق أبني أنا أسفه ياحسين
حسين بغضب شديد:أسفه أعمل بيها ايه أسفه بتاعتك دى أصرفها فين أنتي عارفه انا عملت ايه علشان اوصلك تبقي عبيطه لو فكرتي اني هتنازل عنك بالساهل كدة
عاصم وهو يحول بينهم:انا لحد دلوقتي بكلمك بالذوق وأهي صاحبه الشأن قالتلك مرة واتنين انها مش عيزاك ف أمشي من سكات وسيبها في حالها
حسين بعصبيه:أسيب مين يبا دة انا بقالي شهور مستني اللحظه دى دة انا مكنتش بفكر غير فيها وهتجوزها يعني هتجوزها
زياد بحمقه:هو الجواز بالغصب ولا ايه ياعم انت ماقلنا الله يحنن ولا انت مبتفهمش غير بعد سنه
حسين بتوعد لها:انا مش هسيبك ياآيه ولازم تدفعي تمن عملتك دى علشان انا مش أكتع ولا عويل وهقف أتفرج عليكي وانتي لسه بتفكري في المحروس ومن هنا ورايح تخافي علي نفسك علشان انتي اتحديتي حسين الجبالي
عاصم وهو يمسك به من تلابيب قميصه:لاااااه دة انت زوتها اوي بتهددها قدامي ياروح امك
زياد:سيبه يمشي ياعاصم ميستاهلش تتعب نفسك علشانه
افلته عاصم من براثنه ليلقي نظرة متوعدة ل آيه ويغادر المكان تاركا أياها ترتعد من الخوف
ورد بفرحه:ايوة كدة أحمدك يارب
هناء:والله فرحتلك ياآيه الواد دة شكله مش مظبوط
ورد:الحمد لله انك فوقتي لنفسك ياآيه عقبال ماربنا يهديلك الحال
عاصم: مبقاش ينفع قعدتك هنا لوحدك ياآيه
آيه:لا متخافش عليا انا كويسه
عاصم:الواد دة مش هيعدي ال حصل بالساهل ومتنسيش ان أيدة طايله وأكيد هيحاول يأذيكي انتي لازم تيجي تقعدي معانا ونبقي حواليكي
آيه:اطمن انا هبقي هنا كويسه وكلها كام يوم وهرجع البلد
عاصم:بطلي مقاوحه وروحي لمي هدومك هتيجي معانا يعني هتيجي معانا
ام عاصم:اسمعي الكلام يابنتي احنا خايفين عليكي
أنصاعت آيه لرغباتهم بعد ألحاح شديد وبدات بحزم أغراضها اما علي الجانب الأخر فكان حسين يقود سيارته بغضب شديد ليتوقف بها في أحدي الأماكن وهو يضغط علي المقود بقوة ويمسك بهاتفه ليجد كم المكالمات الفائته الخاصه بلميس فأتصل بها سريعا
حسين بغيظ:ايوة يالميس
لميس بغضب:انت فين يابيه وسايبني أكلم نفسي من بدري
حسين:وتكلمي نفسك ليه امال فين عريس الغفله
لميس بحدة:انت بتقول فيها مهو فعلا عريس الغفله البيه مجاش ولا سأل عني وكلمته فين وفين عما عبرني ورد عليا وقالي انه مش متجوزني وارن دماغي انا في الحيطه وقبل ماارد كان قفل السكه في وشي
حسين بغيظ:ولاد ال***
لميس:انت عملت ايه
حسين: الهانم قالتلي الله يحنن وطردتني من بيتها بس وحيات ال خلفوها مهسيبها وهي ال بدأت الشر
لميس:دي مش صدفه أكيد انا ابتديت أشك انه طلقها أصلا
حسين :الموضوع فيه أنه وانا مش هسكت
لميس بحدة:احنا لازم نتقابل انا زهقت شغل التليفونات دة مبقاش ينفع
حسين:اهمدي يالميس ومتضيعيش الدنيا
لميس:قلتلك لازم نتقابل تضيع الدنيا ولا تولع انا خلاص زهقت ومش هسيب سيف مهما كان السبب فاهم واعمل حسابك بكرة هنتقابل في *****
حسين بضيق:ماشي
___________________________________
في منزل عاصم في غرفه الصالون كانت تجلس هناء برفقه زياد يتبادلون اطراف الحديث بعدما اتجهت آيه برفقه ورد وأم عاصم لأحدي الغرف لمواساتها وتهدئتها اما عاصم فكان يجري أتصالا هاتفيا يخبر فارس بما حدث
زياد:انا لحد الوقتي مش مصدق ال بيحصل
هناء:آيه صعبانه عليا اووي
زياد:آيه هي ال تاعبه نفسها بنفسها
هناء:اذاي كدة؟!
زياد:واضحه يابنتي آيه لسه بتحب سيف بس هو شكله عمل حاجه جرحتها فهي قررت تردهاله وتتجوز واحد غيرة وتثبتله انه مش في دماغها بس ال حصل العكس
هناء بأهتمام: كمل
زياد:ال حصل ياستي انها أثبتت لنفسها النهاردة ولينا كلنا أنها لسه بتحب سيف وانه قاعد في قلبها ومتربع وعمرها مهتقدر تنساه
هناء: صعبه اوي الحيرة ال هي فيها
زياد:هو الحب كدة
هناء:زيزو ياحلو ياجميل انت
زياد :امممم
هناء:انت عمرك مهتجرحني صح
زياد:أنتي عبيطه يابت هو انا عندي قدك ولا قلبي دق لغيرك قال أجرحك قال
هناء:ربنا يخليك ليا يازوز
زياد:ناشفه كدة
هناء ممازحه:لا عليها كاتشب هههههه
زياد:بايخاااه
هناء:الطمع وحش قلتلك أستني لما نتجوز
زياد:انتي عاوزة تجننيني صح ... محنا متجوزين ياهبله
هناء:تؤ تؤ مش الجواز دة انا قصدي الجواز ابو فستان أبيض وفرح وكدة
زياد:من عيوني الاتنين ياقمر هانت كلها شهرين وأعملك أحلي فرح انت بس تؤمر ياهنايا
أمسك بيدها يقبلها بنعومه بينما دلف عاصم للغرفه محمحما
عاصم:احم ... مش تروح تنام الوقت اتأخر ولا ناوي تبات هنا
زياد بمرح:ياريت والله
عاصم:نعم!
زياد:بقول أبدا والله مالك ياعصوم مش فاهمني صح ليه
عاصم:مهي المشكله اني فاهمك صح يازيزووو
زياد:احم طب أطير انا بقي سلامااات
عاصم:سلامات ياخويا متقطعش الجوابات
___________________________
في أحدي المستشفيات وأمام غرفه العنايه المركزه..
سامر:طمنا يادكتور والدي عامل ايه الوقتي
الطبيب:أطمن ياسامر بيه حاله صالح بيه مستقرة الوقتي وهيتنقل علي أوضه عاديه
سيف:هيفضل هنا قد ايه؟
الطبيب:بكرة بليل انشاء الله هكتبله علي خروج العمليه بسيطه ركبنا دعامه واحدة في القلب ونحمد ربنا انها جت على قد كدة
كلاهما: الحمدلله
____________________________
كانت تجلس برفقته بجناحهما يشاهدان التلفاز ويتناولان بعض المقبلات الي ان امتنعت عن تناولها
سعد:وة شبعتي ولا إيه
نعمه بتعب:لاة بس مطيقاش أحط بخشمي اي لقمه
سعد:ليه اكدة مكنتي زينه من شويه
نعمه:مغص چامد ببطني ياسعد ونفسي غامه عليا دلوك
سعد بقلق:وة أجيبلك الحكيم
نعمه بوهن:لاة ملهوشي عازة
سعد:وشك أصفر وخلصتي خالص مرة واحدة ليه اكدة ... استني اناديلك امي وابعت أچيب الحكيم
قاطعته نعمه بهرولتها سريعا ناحيه المرحاض واغلاق الباب خلفها ليلحقها سعد بقلق بالغ وتمضي فترة وتفتح الباب وتدلف للخارج بينما يحاوطها بزراعيه ليجلسها علي السرير ويساعدها في الأستلقاء
سعد :مالك ياقلبي أيه ال حوصل
نعمه:أديلي يومين علي حالي دة بكون زينه طول النهار وفچأه بطني توچعني ويحصلي أكدة
سعد وقد تهللت أساريرة:باينه حوصل عاد
نعمه بعدم فهم:هو ايه دة ال حوصل
سعد بفرحه:هتبقي أم يانعمه
نعمه بفرحه:وة صوح الحديت ياسعد
سعد:أني هبعت ورا الحكيم ياچي يبشرنا كلنا دلوك
نعمه:لاة أني بچيت زينه ابعت الصيدليه وچيبلي البتاع دة أسمه ايه!
سعد :اختبار الحمل
نعمه: ايوة هو دة
فعل سعد مثلما أخبرته وهبط للأسفل بنفسه واتجهه للصيدليه بسعادة غامرة وابتاع لها اثنين وعاد سريعا ودلف للغرفه وهو ينادي:نعومي أنتي وين
نعمه :اني اهه ياسعدي وهنايا
سعد وهو يقبل جبينها:خدي اهه وچومي يلا اوام
نعمه :حاضر يانن عيني
غابت لدقائق ثم عادت اليه تحمل الاختبار بين يديها وابتسامتها تزين ثغرها لتقف أمامه وتهتف:مبروك ياسعدودي أني حبله
سعد وهو يقف أمامها بسعادة:عن چد الحديت دة صوح يانعمه ال عتچوليه
اومئت نعمه برأسها ايجابا وهي تبتسم ليحتضنها بشدة ويقبل جبينها بسعادة ويمسكها من يديها ويتجهه بها نحو السرير
سعد:دلوك تنامي وترتاحي ومفيش طلعه برات البيت ليوم ماتولدي وهچيبلك الحكيمه لحد اهنيه اوعاكي اشوفك برات السرير فاهمه
نعمه بفرحه:حيلك امال مش اكدة
سعد:كدة وابو اكدة كمان أنتي متعرفيش فرحتي عامله كيف أني هنزل دلوك افرح أهل البيت دي الليله عيد
تركها سعد وتوجهه للأسفل وهي تبتسم بفرحه وتحمد الله علي مااعطاها من زوج محب وطفل ينبت بين أحشائها جبرانا لها بعد صبرها الطويل
_________________________
في اليوم التالي وفي وقت متأخر من الصباح استفاقت آيه من نومها علي صوت رنين هاتفها ⚡⚡⚡ وامسكت به بنعاس ونظرت للأسم الذي يضئ الشاشه وأجابت سريعا بفرحه
آيه:ألووووو وحشتيني ياسولي
سالي:وحشتك بردو دة انتي لازم تتاخدي مخالفه علي عمايلك دى
آيه بنعاس:طب انا عملت ايه بس
سالي:قولي معملتيش ايه دة انتي منفضالي ولا بترني ولا بتسألي ومعتزله سوشيال ميديا بقالك كتير لدرجه فكرتك هاجرتي قلت لازم أجيلك بنفسي أشوف الموضوع دة فطلبتك اشوفك في البيت ولا لا
آيه:لا متجيش البيت اصل انا عند ورد اليومين دول
سالي بتعجب:هو سيف مسافر ولا أيه؟
آيه :ها... لا انا بس تعبانه شويه وبرتاح عند ورد
سالي :مالك يايويو صوتك حزين ليه كدة
آيه:عادي مفيش حاجه
سالي: عادي اذاي هو انا مش عرفاكي يعني ابعتيلي لوكيشن بيت ورد وانا هجيلك
آيه:حاضر
سالي:أيه الطاعه دى لا دة فيه حاجه كبيرة اكيد بصي احنا نتقابل في المول نقعد نتكلم ونشرب لمون بالنعناع وكمان نعمل شوبينج للبيه الصغنن ال انتي أكيد لسه مشترتيش اي حاجه ليه
آيه بأبتسامه:طول عمرك حفظاني
سالي:طبعا يابنتي والله مفتقدة لمتنا اوي انا وانتي وليان ومي بقالنا كتير جدا متجمعناش فين أيام الجامعه وحلاوتها
آيه :ياريتها كانت دامت
سالي ممازحه:مهي دايمه معاك ياجميل ولا هتنكر داانتي اتجوزتي دكتور سيف بذات نفسه
أبتسمت آيه بمرار:ايوة فعلا
سالي:يلا بقي أجهزي نصايه ونتقابل في مول****
آيه : تمام
نهضت آيه من سريرها ودلفت للمرحاض ثم أدت فرضها وبدلت ملابسها وأخبرت ورد بخروجها وانطلقت لوجهتها برفقه هناء التي أصرت أم عاصم علي ذهابها معها للأطمئنان عليها
في المول بعد فترة كانت الفتيات بأحدي المحلات الخاصه بملابس الاطفال ينتقين من الثياب أفضلهم ويتنقلون من محل إلي أخر وظلو علي حالهم لفترة تجاوزت الساعتين
آيه:حرام عليكو انا خلاص مبقتش قادرة امشي
هناء: لسه هنجيب كمان كوفرته بيبي بلو وشويه لكلوكات
سالي :يابنتي اسمها لاكلليك
هناء:اي حاجه المهم انه يدفي رجلين البيبي
آيه:فين الليمون بالنعناع ال لعبتي عليا بيه وجرجرتيني لحد هنا علشانه
هناء:اللفه دى مستاهله المشروب القمر دة اه والله بينا علي الكافيه ال في الدور ال تحت عندهم منيو مشروبات حكايه
سالي:ايوة فعلا
آيه:لسه هننزل تحت انا خلاص رجلي وقفت حسو بيا بقي
سالي:يلا يابنتي بقي بلاش كسل
اتجهه ثلاثتهم للطابق الذي يوجد به الكافيه وبداخله يجلس حسين برفقه لميس علي أحدي الطاولات
لميس بحدة:ملييش فيه اتصرف
حسين بجمود: اعملك ايه يعني منا وانتي في نفس المركب
لميس:لا ياحبيبي انت هتعرف تتصرف معاها لكن انا مش هعرف أعمل اي حاجه لسيف وحتي موضوع الحمل دة مش هيأثر عليه انا هتجنن مش فاهمه ايه ال قلبه كدة فجأه
حسين:حسابهم هما الأتنين تقل قوي ولازم انتهي منهم
لميس:ناوي علي ايه
حسين :لسه مش عارف بس مستني فرصه تكون فيها لوحدها وساعتها يحصل ال يحصل هي وفلوسها ليا انا وبس
لميس:انت مراقبها
حسين:طبعا مراقبها امال هقعد اندب حظي ذي الولاايا
لميس:طب مهي قاعدة في شقتها ال علي النيل بتاعه سيف واكيد لوحدها متروحلها وتلعب عليها بكلمتين
حسين:هتفضلي تفكيرك محدود لحد امتي
لميس:واتش يور لانجوتش(حاسب علي كلامك)
حسين:يعني غلطت في اسمها ايه اتلهي واسكتي يالميس أمبارح راحت تقعد في بيت أختها ولسه مخرجتش من الصبح كمان شويه هكلم ال بيراقبها واعرف بتعمل ايه
لميس:شكلنا هنستني كتير
حسين:اتكلمي عن نفسك واعملي حسابك أني لحد هنا وعداني العيب وكل واحد يشيل شيلته
لميس :يعني ايه!
حسين:يعني انا هتصرف في ال ليا بمعرفتي وكفايه المصايب ال نازله ترف علي دماغي وانتي وشطارتك مع سي سيف وملكيش دعوة بيا
لميس:بقي كدة ياحسين
حسين:ايوة كدة
لميس بغيظ:مصايب ايه دي ال نازله علي دماغك
حسين بضيق:السكرتيرة الجديدة بنت ال***نيمتني في العسل ونفضت خزنه المكتب بال فيها وفص ملح وداب
لميس بشماته:اوووووة قلبي عندك ياحس
دلفت الفتيات للكافيه وجلسو علي طاوله بأحدي الأركان بأنتظار الويتر يتصفحون المنيو لتهتف سالي باندهاش:مش دي دكتورة لميس يا يويو
آيه بضيق شديد:فين دي
سالي:اهي هناك اهي ومين دة ال قاعد معاها جوزها دة
حاولت آيه عدم الألتفات لتفادي رؤيه من اعتقدت انه سيف وهتفت:ملناش دعوة شوفو هتشربو ايه من سكات خلينا نمشي بلا لميس بلا خميس
سالي مقهقهه:لسه ذي ماانتي متغيرتيش ... يااااه دة الواحد نسي الخنقات ال كانت بتخلينا نموت من الضحك دى
آيه بضيق:ماخلاص ياسالي بقي
هناء:الاة مش دى الست ال جتلك عندنا من فترة ياآيه!؟
آيه:يوووة أمشي واسيبلكو المكان علشان تسكتو
سالي :خلاص خلاص ياحبيبتي مالك بس
آيه:ماليش انا زهقانه وعايزة امشي من هنا
هناء:طب استني بس نشرب اي حاجه ونمشي علي طول
حاولت آيه تهدئه نفسها وتجنب الالتفات والنظر لطاوله لميس ولكن الفضول دفعها لأختلاس النظر لتتسع عيناها بصدمه شديدة عندما رأت حسين يجلس برفقتها ويتحدثان براحه كانهما يعرفان بعضهما منذ زمن لتعتدل سريعا في جلستها ويبدو عليها الارتباك والتوتر الذي لم تلاحظه سالي وهناء لأنشغالهم بألتقاط الصور التذكاريه لهما سويا بينما دارت آيه بذاكرتها لحديثها مع حسين وتصنعه عدم معرفه لميس والاندهاش مما حدث معها واصتدامها به بتلك الليله التي قلبت حياتها رأسا علي عقب لتربط الاحداث ببعضها وتغمض عيناها بألم شديد وهي تتمتم :ااااه ياقلبي جيت علي أكتر واحد صانك
ثم حملت حقيبتها وانسحبت سريعا من مقعدها وهي تغطي وجهها وتتجه للخارج لتلحقها الفتيات بقلق ويستوقفوها بالخارج
سالي:ايه يابنتي مالك خدتي في وشك ومشيتي كدة ليه
هناء:ايه ياآيه قومتي مرة واحدة كدة ليه
آيه بتوتر:معلش ياجماعه انا افتكرت حاجه مهمه اووي ولازم اعملها الوقتي
سالي:حاجه ايه دي؟
هناء:طب انا جيه معاكي
آيه برفض قاطع:لا خليكي مع سالي وخلصو براحتكو وهي هتوصلك بعربيتها للبيت وانا هخلص مشواري وأحصلك علي طول
هناء:في ايه ياآيه متفهميني
آيه:اسمعي الكلام انا لازم اروح المشوار دة ضروري بعد اذنكو
نظرت الفتاتان لبعضهما بعدم فهم بينما تركتهم هي مسرعه للأسفل لتستقر بداخل سيارتها وتنطلق بها لوجهتها وبداخلها صراع لا يستكين وضربات قلب متسارعه ومشاعر متضاربه لا تشعرها بالأطمئنان ولكن هنالك شرار لأحساس باهت بالفرحه تتمني لو يملئ كيانها مثلما كان سابق عهدها لتتوقف بسيارتها بعد فترة طويله امام مقر شركته وتصف سيارتها وتهبط منها وتدلف للداخل نحو مكتبه لتقتابلها السكرتيرة
روان:اهلا وسهلا يامدام
آيه:لو سمحتي ياروان انا عاوزة اققابل سيف بيه ضروري
روان: حاضر يامدام آيه بس حضرتك استني كام دقيقه لما يخلص مكالمه مهمه معاه علي التليفون
آيه:لا مش هينفع استني خالص
روان:يافندم كدة غلط مينفعش كدة
فتحت آيه باب المكتب عنوة ودلفت للداخل لينظر لها سيف بتفاجئ شديد ويشير لروان بالخروج من خلفها واغلاق الباب ليعاود حديثه في الهاتف وينهيه ثم يضع السماعه علي الهاتف وينظر لها بأستفسار ممزوج بالغضب :أفندم ... حضرتك داخله وكاله من غير بواب
تقدمت نحوة وتوقفت امام مكتبه بينما ظل هو جالسا بهيبته قائله:سيف في حاجه مهمه اوي انت لازم تعرفها
سيف برسميه: أسمي سيف بيه انا مش واحد معرفه علشان ترفعي الالقاب أسمي سيف ... بييييه فاهمه
آيه بحزن: ياسيف بيه في حاجه مهمه اوي لازم تعرفها
سيف:ايا كانت الحاجه المهمه ال لازم اعرفها كان لازم تحترمي المكان ال انتي موجودة فيه وتلتزمي بتعليمات السكرتيرة علشان دة مش مكتب السيد الوالد بتاع حضرتك
آيه :أنا اسفه بس لما تسمع ال عندي هتعرف اني كان عندي حق اعمل كدة
سيف بأهتمام:وهو ايه بقي ال عندك ومخليكي واثقه اني مش هزعل
آيه:انا كنت في كافيه النهاردة وبالصدفه شفت حسين أخو طارق قاعد مع لميس بيتكلمو كأنهم يعرفو بعض من زمان ولما فكرت لقيت ان كل ال حصلنا دة ممكن يكونو هما السبب فيه
سيف بتصنع اللا مبالاة:وهو ايه ال حصلنا مش واخد بالي
آيه :يعني المشاكل ال حصلت كلها وخيانتك ليا وطلاقنا سوا
سيف بجمود:المشاكل دى كلها بتحصل عادي بين اي اتنين متجوزين وخيانتي ليكي دة شئ طبيعي منا راجل خاين وخدعتك وضحكت عليكي سنين طويله وكنت بتسلي بيكي ومعرفتي بالنسبالك كانت غلطه عمرك كله وابني ال في بطنك هيفضل النقطه السودة ال بتربطك بيا
آيه بألم من حديثه:سيف علشان خاطري متعملش فيا كدة
سيف مكملا:وطلاقنا دة كان بناءاً على رغبتك انتي وكرهك ليا وكمان قضيه الخلع ال رفعتيها عليا
آيه:انا كنت فاهمه غلط
سيف:فاهمه غلط فاهمه صح كلامك دة لايعنيني في اي شئ وملهوش أي تفسير منطقي أحنا اتنين ناضجين بما فيه الكفايه وعندنا عقل نميز بيه الصح من الغلط وعندنا عنين مينفعش نكدب ال بتشوفه صح ولا ايه!
آيه بندم:أنا ممكن اكون اتسرعت بس__
سيف مقاطعا:ولا بس ولا غيرة ومش علشان شفتي اتنين مع بعض يبقي دة معناه ان ليهم علاقه بينا وياريت حضرتك تتفضلي برة من غير مطرود علشان مش فاضي للكلام الفارغ دة
شعرت آيه بالأنكسار الشديد ونظرت له بحزن وألم ثم حملت نفسها ودلفت للخارج بندم وانهزام تجر خلفها أذيال الخيبه لتنتهي بجلوسها بسيارتها تبكي خلف المقود بقهرة علي ماحدث معها لتمضي دقائق وهي علي حالها لتجفف دموعها وتدير المحرك وتنطلق بالسيارة عائدة للمنزل ولم تمضي سوي بضع دقائق حتي ظهرت سيارة من العدم تطاردها وتصتدم بها حتي أصبحت علي وشك الانقلاب من السيارة لتوقفها سريعا بينما التفت السيارة الاخري لتتوقف أمامها قاطعه عليها الطريق لتشعر هي بالخطر وتغلق السيارة اوتوماتيكيا وعيناها تتسع برعب شديد عندما رأت حسين يهبط من السيارة وملامحه لا تنذر بالخير
أنت تقرأ
HÖÖR NÖVELS༺☆🥂📓♡)) ♡قصص متنوعه ♡
Aventuraاهلا بيكم يقمرات في قصص حكايه وروايات الحور القناة هينزل عليها كل انواع روايات{رعب♡رومنسي♡صعيدي♡♡اكشن♡كوميدي♡ديني♡مصاص دماء} اهم شي التفاعل يا حلوين عاوزين القناة اكبر بيكم وهنزلكو روايه كل يومين كمان مـآلگهہ آلقصٍصٍ♡
