الحب لعبة موت بيدين جهال

٢

بتال :كلم امك عنها
ملهم :لاوين امدا تو مخلص ثانويه خل القئ وظيفه واقولها احس احسن مره وحده
بتال :بكيفك
وأخذته السوالف لين جت الساعه 12:30
قام ملهم :يلا خلني اروح البيت تأخر الوقت
بتال :وين تو الوقت اجلس ماخلصنا سوالف
ضحك :لاتنتضر سوالفك تخلص حبيبي انت كل شوي زارع لك سالفه وابي اروح ارتاح من الصبح وانا علئ حيلي
بتال: زين الله معك وعطاه غمزه 😉 تتهنئ بأحلامك ياحبّيب
ضحك ملهم علئ سخافه خويه اللي علئ كل شي يطقطق مايفوت فرصه
'' '' '' '' '
دخل ملهم البيت ولقئ خواته جالسين برا
ملهم :السلام عليكم
مها :عليكم السلام وينك ماشفناك اليوم
ملهم يهمس بينه وبين نفسه الله والهولات ماكنها شافتني الصبح :ابد والله ياعيني كنت عند بتال سرقني الوقت تعرفين
مها:اجلس تقهو امي راحت تنام
ملهم وهو يناضر خواته :بجلس اكيد جلسه بها انتن ماجلس بهااا ا مستحيل اي شلخبار
فزت لميس :ابد والله مافيه غير ان فهد بيجلس هنا علطول ويترك الخُبر
انصدم ملهم :غبي هو وش يبي هنااا
مها:وش وش يبي يبي يعيش عند أهله
ملهم :ادري بس هنا مافيه إمكانيات عياله وين يكملون دراستهم الخبر احلا
لميس : عادي يجون يكملون هنا الثانوي ولاجاء وقت جامعتهم يروحون حايل قريبه لنا
ملهم :ايه بس مشوار وحرام يترك المدينه يجي لقريه مابها مستقبل واذا انه يبي يزورنا يجي بالاجازه لاجاء وقت الدوام يرجع الخبر حرام عليه
لميس : انت سجلت علئ الجامعات بس
ملهم : ماودي بجامعه ابي... مامدا يكمل لا وصرخت خواته تخرشه وجع وجع وش بلاكم
ليمس :وش اللي ماتبي جامعه تبي تجلس تسنتر عندنا لاشغل ولا مشغله
مها :هذا الدلع اللي دلعتيها امي اخرتها بيتسدح عندها كنه قربه
ليمس :وجع اي والله
ملهم من الصدمه مو قادر هو اصلا ماكمل كلامه علئ طول طارً فيه :ياشن اللقافه انتي وياها انا حتئ ماكملت كلامي خيرر انا قلت مابي جامعه وابي ادرس تقنيه احسن بس تدرون الخبل اللي يجلس عندكم علئ طول دخول بالنيات قام وهو زعلان
ناضرو مها ولميس بعض كلهن ندمانات :اللحين هذا صدق زعل
مها:مالومه شدينهااا شوي
ليمس بعدم اهتمام :عادي معليتس بكرا يرضئ

................. الصبح
خالي ملهم قوم خلاص والله تعبت وانا اصحي قوم
ملهم باستعباط : وععع اي قسم انا قلت الحين اصحا القا اني مو بحلم اصحا علئ وجه يفتح النفس اخرشي اصحي علئ وهو يقلد صوتها خالي قووم لا وما عرفت اني خالها الا الحين
ريم : ياويلي والله غيرك يتمنئ يصحئ علئ وجهي وصوتي 😉 وعطته غمزه وراحت تركض تعرف بيقوم يتوطئ ببطنها ملهم :يالله انك لاتبلاني وهو يرفع صوته والله اعلم مها ترا
قام نواف وه فاتح نص عين ملهم ورا ماتلبخ وتنقلع برا ازعجتني
ناضره ملهم :خير البيت بيت ابونا والقوم حاربونا غرفتي ومجازي ارفع صوتي اقصره كيفي امدا بيكمل نقره الا نواف معطيه ضهر
لا ومسويه علئ راسي انها الام المثاليه اللي تعرف تربي وممسكه علي ونست تربي جحوشها نواف :ترا اسمعك يابو التربيه
ملهم :وذا سمعت يعني وش اسويلك
طلع الحوش وهو مروق ماكنه قبل شوي رافعين ظغطه ريم ونواف :صبحهم بالخير وهو يبوس راس امه
امه:ياهلا ياهلا صبحك الله بالنور قومي يابنت جيبي لخوتس فطور خليه يفطر
لميس وهي بتظبط العلاقه :ابشري كم ملهم عندنا حنا
ناضر ملهم بها وهو مستغرب لنها بالعاده تتحلطم انها أكبر منه وتقوم عشانه : لا لا مابي وهذا اسلوبتس اخاف تحطين لي سم
بققت لميس عيونها :اقول ورا ماتكل تبن احمد ربك احد يتعامل معك بأسلوب انت وراسك
ملهم :لا انتي بذات مابي منتس اسلوب راضي بالحلطمه اللي دايم :ادري والله ماتستاهل بس حماره جاني تأنيب ضمير عشان البارحه ناضرها ملهم هو ناسي اصلا نقاش البارحه تو يتذكره منها:لااا خليتس علئ اسلوبتس بس سوي لي شاهي واسامحتس
لميس ناضرته بس شتسوي لازم تطيع عشان تأنيب الضمير وراحت تسوي له شاهي
علئ الضهر كانو كلهم صاحين وملتمين بالمجلس اللي برا نقزت ريم : خالي ملهم
ناضر ملهم :قولي اللي عندتس خالي ذي ماتجي غير وراها طلب
ضحكت ريم :ويلموني فيكك يافاهمني انت
ابي اروح اصيد ضبان فجأه كل المجلس يضحك :اش فيه ملهم :ابوتس البنات مايحبن الشمس عشان ماتخرب بشرتهن وانتي وهو يقلد صوتها :بروح اصيد ضبان
ريم وهي تكشر:قلتها البنات مو ريم فيه فرق مو لازم اسوي مثلهن
ملهم وه يناضر مها ويضحكككك
مهاا:اضحك اصلاً انا غاسله يدي منهااا
الجده شيمه: ياويلي عادي وش بها لاراحت حنا اول كذاا وش تغير وهي تنط ريم وتبوس راس جدتهاا :ياخي جعلني ماخلاااا منتس كفو جديده
ملهم :ايه يمه بس زمان اول تغير اللحين البنات يحبون الدلع
ريم وهي بتحشر له:وش عرفك انت كل البنات اللي هنا كنهم جعفر كيف عرفت الدلع هاه
ملهم بوهقه :طيب من الجوال اشوفهن
ريم : تشهق بتمثيل اف استغفر الله تشوف منكر بجوالك ملهم :اقوللللل انا بطلع لو بجلس هنا تخليني انحرف هالبنت اجل الله يعين لاجت توق عز الله فلحت
ضحكو عليه من قام بسرعه يبوس راس امه وهو يطلع
............................... اهل ميهاف
يمه قولي له تكفين حرام عليكمممم
ام سعود :يمه اخوتس يعرف مصلحتس لا تعصبينه علينا
قامت مهياف بأحباط هي ودها تصير زي أي بنت تكمل دراستها وتتوظف وتعتمد علئ نفسها بس سعود معند يقول البنت بالنهايه مالهااا الااااا بيت زوجهااا ماعندنا بنات يدرسون هي تفقد ابوهاااا حيل تفكر لو ابوها عايش بيخليها تعيش بعز ولا نفس الذل اللي اخوها معيشها كل ضيف يجي هي اللي تطبخ ذبيحته وهي اللي تشتغل بالبيت هي تعبت بس شتسوي غير انها تصبر هو لو بكيف اخوها كان ماخلاااها تدرس خير شر بس دايم تقول الخيره بما اختاره الله لك تصبر نفسهااا باالهجمله لعل وعسئ تطفي حرقه قلبها نامت وهي تبكي هي دايم كذا وتصحي وهي فيها باوررر مو طبيعي كنها مانامت وهي تبكي بالليله اللي قبلهااا
...............................
لا والله مارحت صاحي انتتتت
ملهم :انت ليه كذا ياخي عادي نزور جارنا ويش بهااا
بتال:يالطلي ياخفيف اقنعني انك بتزور سعود عشان خاطره
ملهم :يأبني انت ليه كذا نفسيه ترا فنجالين ونمشي
بتال انجلط :ياحمار وش نقول له لاجينا بيستغرب ذا النفسيه
ملهم :وش عليك انت انا بسولف
بتال: بروح معك انا بس والله لو تجيب بنا العيد ياويلك
ملهم:ازهل ماعليك
بتال :الله يستر قم يلااا
.........بيت اهل ملهم
سكرت الجوال بتوتر واضح
نواف باستغراب :وش فيتس
ريم بتوتر :مافيني شي ليه
نواف :مدري وجهتس قلب فجأه
ريم بترقيعه :اي شفت مقطع يلوع التسبد
ناضر فيها نواف وطلع هنا هي طاح قلبها ببطنها لن هي تعرف اخوها نواف زين مايتكلم بس نضره منه كفيله انها تنفضها نفض
دخلت مها:يلا ريم يمه روحي تجهزي قبل يجون الضيوف
ريم وهي مالها خلق ابد:من اللي بيجي من معارفنا
مها:مدري بس اتوقع ان بتجي بنت خالتي عذبه وبناتها
ريم كشرت من تذكرت شي: احس مالي خلق اطلع بنام
مها وهي تطير عيونهاااا:مافيه نوم بتقومين اللحين وتتجهزين وانتي شاطره ومابي جدال وهي تطلع
ياربيييي مستحيل تكون مها وام نواف اذا ما أعطت امر وطلعت بدون لاتاخاذ رأي المأمور
راحت تتجهز وهي تغني و مروقه كنها ماهي مغصوبه علئ شي جتها رساله بعصت ام المود *حنا جاينكم اليوم*
ريم :وش اسوي لك
خلف : ابي تصيرين سنعا عند امي عشان ما اتعب وانا اقردنها
ريم : خير انا سنعا بس عشانك وصيت بصير بنت رفلا واللحين دز امها عني ولو ارسلت مره ثانيه والله لعلم نواف انا ساكته الحين عشان خاطره مابي ينصدم برفيق عمره
خلف : انتي شفيتس زعلتي ماكنت اقصد شي والله اني ادري انتس انقئ من الماس بس انا ابيتس بحلال ربي واسف ادري غلطان واللحين ببلكتس واسف ثاني مره اني كنت اضايقتس.
تحس انها تكتب من وراء قلبهاااا : الله يستر عليك
وبلكته
هي ليه ندمت تحس انها تعودت عليه صح كان أول الايام كان يضايقها بس بعدين تعودت عليه هو مابينهم شي بس سؤال عن الحال
......................
ياخي طق الباب سريع تعبت وانا واقف كشخه والله كنك طلي امي
ملهم : صبر يلاااااا
طق الباب ماخذ شوي الااا وطلع سعود
سعود وهو يناضر هم بستغراب :ياهلاااا يالله حيهم
ملهم وهو يسلم عليه:الله يبقيك وشلونك عساك بخير
سعود :والله ابد علومك انت واخبارك
بتال وهو يهمس بينه وبين نفسه :طيب وعلوم المزهريه اللي وراكم ساحبين علي طليان صدق
سعود :ياهلا يالله حي بتال
بتال انصدم لنه جاه وهو مو يمه :هاه اا الله يبقيك وهو يسلم عليه دخلهم سعود وهو مستغرب اول مره يجونه
ملهم بكذب:الحمدلله علئ السلامه سمعت انك تعبان
كبح ضحكته بتال لن الكذبه واضحه
سعود : لا والله ماني تعبان ولا شي من قال
بتال بترقيع :ااا شسمه حنا كنا بالسوق وسمعناهم يقولون انك تعبان تعب قوي وقلنا نجي نتطمن عليك
ملهم وده يحب راس بتال لنه كذب كذبه مال
لها داعي اول مره بتال ينقذه وجلسو شوي وقامو
ملهم:جعله مجلس عامر توصي شي
بتال وهو منقهر منه لنه اعجبته الجلسه يبي يتعشاء عندهم لن يسمع ان طبخ اهل سعود فنان يبي يذوق
ودعو سعود وطلعو
بتال :خير ليه مشينا بدري
ملهم :ليه تطول علئ العرب
بتال:ياخي اول مره يضحك بوجهي ذا النفسيه وكنت بذوق طبخهم اسمع انه حلو
ملهم بنقد :بتالوه استح علئ وجهكك وش تبي تذوق
ضحك بتال :صح نسيت ان الحب هي الي تطبخ وبتغار ان اخوك المسكين بيذوق طبخهااا كل الناس ذاقته مسكت علئ بتال
ملهم عطاه نضره ومشاء
بتال وهو يضحك :الغيره عذروب خلي محلا عذروبه
ضحك ملهم :بتال ياحمار اسكت
................
عند ريم
جالسه عند البنات وهي تسمع البنات وهم يدقونها بالحكي
ساره: هههههههه عاد خلف وهيام كوبلللنا اللي الكل اتفق انه لطيف
هيام بغرور : حبيبي والله جيتو معه اليوم صح
ساره :يعني تسوين نفستس انه ماقالتس انه هو اللي جابنااا ترا سمعت مكالمتكم
نوره وهي مقهور من هيام وساره لن ساره من سمعت خلف يكلم امها انه يبي ريم وقالت لهيام اللي هي محيره اصلا لخلف:بنات ورا ماتغيرون موضوعكم
ساره :شنسوي بالعاشقه الولهانه خليها تقفل الموضوع
هيام :صح بنات تخيلو اننا لما سوا الحادث جلسنا نراسل بعض يمكن حول ساعتين وهي تفتح جوالها بنذاله :شوفي سارونه
اخذت الجوال ساره وهي تدري بنذاله هيام وه اصلااا مخططات من زماننن :جت جنب ريم توريها المحادثات وصارت وهنا انقهرت ريم لنه حساب خلف تعرفه هي زين بس وش مصلحته يوهمهااا انه يحبهااا نوره انقهرت وراحت ريم لما شافت نوره طلعت قامت
ناضرت ببنات خالها فهد وراحت ورا نوره شتبي فيهن هي
كانت متحمله عشانهاااااا
...........
يع يع ياربيييي وش ذوللل اخخخ هذا وهم ماكملو خمس دقايق رفعو ظغطييي
نوره وهي تشوف ريم المعصبه:ريم
لفت ريم عليها وهي تتبتسم لها :اهلين
نوره :اسمعي خلف بيكلمتس
بققت عيونها ريم:هاه وش يكلمني صاحيه انتي وليه يكلمني
نوره : امسكي تكفين انا طفشت منه راسليه وقولي مابي اكلم
ريم :معليش ارسلي له انتي مقدررر
نوره :ياربيييي طيب خليتس واقفه ودقت
هنا ريم انصدمت ليه تدق هي قالت لها ترسل له مو تتصل وكانت بتمشي من حطت نوره الجوال سبيكر الا بصوت خلف اللي يخرج من الجوال :ريم
ريم ووجها يحتقن باللون الاحمر من الاحراج وهي تسر لنوره انو ماراح تتكلم
نور :خليف ماتبي تتكلم
خلف :زين لاتتكلمين براحتس بس اسمعيني زين
حاولي لاتهتمين لكلام ساره وهيام هم بس بيقهرونتس لنهم يدرون بحبي لتس
ريم لاأرادياََ :وليه ينقهرون
ابتسم خلف :لن هيام محيره لي ونا مابيها معليتس عشان كذا وساره الدجاجه تدربي راسها ورا هيام
ريم وهي تتذكر المحادثه وهي تجبر نفسها تتكلم: بس انا شفت محادثتك مع هيام لا تقول تكذب انا اعرف حسابك خلف ماهوب كذب
انصدم خلف هو مستحيل يراسل هيام :بنت وش ذا الحكي وش راسلت هيام تستعبطين
نوره بمقاطه :خلف هيام وسارا اتوقع مسويات محادثه بينك وبين هيام :كيف كيف ريم لايكون صدقتيي
ريم ضلت ساكته :شوفي واللي خلقني وحط الروح فيني اني ماقد ارسلت لهيام جعلني انحرم من كل شي احبه اني اكرها كره بليس جعلني الموت ان ريم وهي تقاطعه : استغفرالله خلاص ماله داعي ذا الدعاوي
ضحك خلف :يعني صدقتينييي
ريم :ايه مصدقتك
خلف :زين يلا استودعتس الله
عطت نوره الجوال وراحت
طبعاً كل الحكي صار تحت مسمع نجد اللي صنمت من الصدمه جاء وهب من وراها :بنت
شهقت نجد :وجع وجع وهب خير
وهب :وش بلاك مصنمه كذا
نجد :اقولك بس ماتعبم احد
وهب :اي معليك وش
نجد :خلف يكلم ريم
طير عيونه :وش وش ريم بنت عمتي مها ماغيرها
نجد :اي تخيل
وهب بحده : نجد وقسم لو يطلع كذب وش اسوي بك
نجد :خير وهب بكذب عليها انا ليه سمعتها والله هي وخلف ولد خالي محمد
وهب :شدراك انه خلف ولد خالي
نجد :لن هي كلمته من جوال نوره
وهب :هين هين
وطلع