اقبلو عند العيال : سلام عليكم
نواف : عليكم السلام
هداج : جبتو شي يدفيكم
هزت توق راسها بالنفي: لا نسينا نجيب من الربشه
قام هداج وجلس جنبها : ادخلي معي بالفروه تدفي
توق بهيمان مسطنع وهي تهمس : لو مافيه العيال كان شلت غطوتي وبستك
طارت عيون هداج من ضحكو ريم وملهم اللي سمعوهم: وش يضحك انت وياها
ملهم وهو يدز ريم اللي تخبت خلف ذراعه : بيني وبينها
هداج بسخريه: اتمنئ
وهب بسخريه: ليه حتئ الضحك تتحكم فيه
هداج بمجاراه: ايه حتئ الضحك بتحكم فيه
قاطعهم نواف اللي صارت له فوبيا من جلسه هداج وعيال خاله سوا: بس انت وياه محد فاضي لكم.
لف عليه صقر : صح نواف ابيك بموضوع
نواف : سم
توترت ريم وهي تغرس اضافر ها بذراع ملهم اللي استوجع منها وهو يهمس: حشئ وش ذي الاضافر اضافر بس
انتبهت ريم انها كانت تفرغ توترها بذراعه: اسفه
لف لها ملهم وهو يشوف عيونها مغورقه انخرش يحسب بها شي مايدري ان هذا طبع بريم اذا توترت تبكي : بنت شفيتس
هزت راسها : مافيني شي بس بروح شوي وراجعه
مسك يدها : بروح معتس
هزت راسها وقامت وفز معها
نواف بستغراب من قومتهم سوا:وش بلاكم
ملهم : بنروح نسوي شاهي
صقر بأستقعاد: فيه شاهي ب هو
ملهم : ابي من يدين ريم تحكره زين
هداج وهو ملاحظ نفور ريم وتوترها من تكلم صقر وهنا ايقن ان صقر مسوي شي لها اليوم : الله يستر عليكم
مسك ملهم كف ريم ومشئ معا اتجاه المطبخ المنعزل عن البيت : تكلمي
ناضرت فيه ريم : عن وش
سحبها ملهم اتجا مرايه الدولاب وسحب غطوتها : تكلمي عن هذا ريم عن سببها
ناضرت انفها الأحمر واحمرار محاجرها أثر حبسها لدموعها وهي تمسح وجها: لا تخاف مافيني شي انا كذا لا توترت ابكي
ملهم بحده : وش اللي وترتس تكلمي
ريم بتوتر: صقر
ملهم بدهشه: وش مسوي
ريم وهي تشرح له كل شي من خطبها لين ماقال عنها رخيصه وان ودها بهداج
ملهم بعصبيه: انا أوريه ابن اللذينا
مسكته ريم بالقوه: لا ملهم لا تكفئ انا ماقلت لك عشان توترني زياده
ملهم : ليكون ودتس اسكت له
هزت راسها بالنفي تحاول انها ماتبكي معن هذا محاله: ايه تكفئ مالي خلق مشاكل
ناضرها قرب وهو يبوس عيونها : خلاص ابشري ياعيوني بس خففي توتر وارحمي عيونتس
ضمها له يسمح لها بالبكاء كانت مع كل شهقه توجع قلبه صح هو بس يتهاوش معها هي وتوق بس أكثر ثنتين قريبات لقلبه هن ميداني يشوف وحده زعلانه
جلس وهو يجلسها معه ويتكي ضهر الدرج وهي تتكي عليه : تدري خايفه امي توافق عليه وتجبرني
ملهم: تخسي ويخسي هو ياخذتس وانا ولد ابوي
لفت له وهي تضحك : يعني اختك مانقدر نهاوشك وش تخسي
ملهم وهو مستانس انها ضحكت ضرب راسها: وتعقب بعد بعدين انتي ليه ماودتس بصقر
ريم : وع وش صقر وانا ابد مو راكبه
ملهم بأستعباط:الا صقر وريم كلكم اسامي حيونات لايق وجدا بعد
ضربت صدره : ملهم ياعبيط الحيوان انت اي والله الغزال موب حيوان
ملهم وهو يضحك : وش اذا ماهو حيوان
ريم وهي تتبسم حتئ بانت النجوم اللي بوجنتيها: انااااا
ضحك ملهم وهو يبوس راسها: انشهد
داهمتهم توق وهي معصبه : عشت انت وياها بنسوي شاهي ومدري ويش واخرتها جالسين وساحبين عليييي ليتني رحت مع امي ولا جلست مع العيال كني منبوذه كله منكم
قامم ملهم وهو يقوم ريم معه : اسفين اختي توق علئ التأخير بس حصل لنا ظرف ما
توق : ويععع مو لايق عليك الاحترام ابد
ملهم : عادي سبي من هنا لبكره اهم شي راضيه علينا
توق : بشرط
ريم : اول مره اشوف زعلان يتشرط
توق : انتي سدي حلقتس بعدين لنا جلسه مع وجهتس الباكي
ملهم وهو بيضيع الموضوع : ايه وش شرطتس اخت توق
توق ببساطه: ابي تخلوني اضحك لمده يومين
ملهم : بس جعلنا نخليتس تضحكين لين مالتس مدا
ريم وهي ترفع يدها : امينننننننننننننننننننن
توق وهي تضمهم مع بعض : ترا مارضيت بس بعبر عن حبي لكم بعدين ازعل باسو راسها ملهم: حاضرين لتس يأخت هداج اصلا حنا شنبي غير رضاتس.
توق بخجل: ملهم لا تحاول تخاذني بعذب كلامك عشان ارضئ
ملهم : والله مسويه قافطتني انتي وراستس
مسكت يده : ملهميييي
ضرب راسه : افلحنا
توق بعبط : من هي M
ملهم بأستغبا: من ذي
توق : ياحول مو وقت استعباطك
ملهم : شتبين بها
توق : باكلها شبي بها يعني
جتهم ريم : يلا استوئ الشاهي خل نروح عندهم
ملهم وهو ياخذ الشاهي منها: يلا امشن قدامي ياحفيدات امي
طلعو وشافو الجو مشتحن بين هداج وصقر همس ملهم ولي أول مره احس ودي تقبع بينهم ويضيع ملامح صقر هداج
دزته ريم : اصه
ملهم وهو يضحك : سمييي ياعروس
وسرعان ما انفجر ضحك من عيونها اللي شوي وتطلع من النقاب
نواف : ريمي بردانه
هزت راسها بالنفي : لا ماحولي برد
مد ملهم يدها لهه يشوف حرارات جسمها: اف اف كنتس ثلج بالله كيف متحمله
ريم وهي ترفع حاجبها: الله أكبر عساس انت اللحين لابس
ملهم : ياحبيبي انا لابس ملابس ثقيله انتي وش فستانتس وجلالتس بس
نواف : اجل حنا وريم بنمشي
ريم بعبوس: وين تو الجلسه زانت
نواف: يابنتي برد عليتس
ريم برجاء :مافي برد ولا شي بس ملهَم هوالات
ملهم بنذاله : تعال امسك يدهاااا وشف من الهوالات
قرب منها نواف وهو يمسك يدينها : والله بتتعبين
ملهم : بس تشرب شاهي وخذها
نواف: زين حطي يدينتس علئ النار
ريم : من عيونييي
ملهم : جعلها الفضخ
ضربه نواف : استغفر ياحمارررررر
ملهم : خير تضرب خالك قليل ادب.
قام نواف وهو ياخذ جمره بلملقاط ويوجها لملهم اللي يصور : استغفر لا احطها بفمك
ملهم : ابعدها عن خالك ياورع
تشوفين يا مها هذي تربيتس اللي ذليتي ام امي بها عيالتس يحرقون خالهم ياحيف بس
قربها منه زياده ريم بخوف: نواف لا تطيح عليه انتبه
نواف : انا ابيها تطيح وهو يقربها زياده
شهقت ريم : نواف بعدهاااا
نواف : لا زم تخلين قلبتس قاسي ياخوتس داعي عليتس ذا الثور خايفه عليه
ملهم : استغفرالله ها استغفرت ابعدها يامعتوه
نواف : ادب ادب
ناضرها نواف : خلصتي
ريم وهي تمد يديها له : دفيت خلاص شوف
باس يدينها مما ادا الئ خجلها: وين دفيتي قومي ووعد نطلع هنا مره ثانيه
مسكت يده وقامت معه لف عليهم : من وده يمشي معي
صقر : انا بسري معك
كشرت ريم نواف : حياك
وهب : خير صقر سيارتك ماعرف لها
صقره وهو وده بكفه وهب : صح نسيت انك ماتعرف للعادي
نواف : اما ماتعرف
وهب: اي بالله من تعلمت السواقه وانا علئ التماتيك
لفت ريم لتوق وملهم : انتم روحو معنا
قاطعهم هداج : لا توق بتسري معي
ملهم بطقطقه : انت خلها تعطي رايها ماعنده علطول يفرض رايه
هداج : رايها بوش انها تروح مع احد غير
ملهم : انت انسان متسلط اذا ماتدري ترا
هداج بحده: انت ورا ماتمسييي لا اضيع لك ملامح وجهك اللحين
ملهم بأنفعال: رجال تعال
انخرش البنات من فز هداج هم يعرفون انه لا عصب مستحيل يشوف قدامه مسكت ذاراع هداج : هداج هد
خلا... قاطعها من رفسها وطاحت علئ الأرض كان بيكمل طريقه لملهم لو ماجته صرخه ريم وركض ملهم اتجاه توق اللي نزفت يدها أثر قزازه طاحت عليها : صاحي انت
هداج بذعر: نواف شصار لها
نواف بتهديه: ماصار شي معليك
لف عليهم نواف : يلا مشينااا
قومو ريم وملهم توق : يلا جاين
توق : خلاص روحو مافيني شي
ريم : تمشين معنا
هزت راسها بالنفي : بروح مع هداج
قرب ملهم وباس راسها: اسف ماتوقعت بينفعل كذا
توق: معليك حصل خير
ركبت السياره وكانت تنضتر هداج اللي كان يدخن عند السيار ناضر لها وصد يركب يحرك : ودتس تروحين معهم
هزت راسها بالنفي تمد يدها المجروحه : هداج دم
لف لها هداج بقهر : جعلي الكسر
قربت تبوس راسه : استغفرالله هداج
وقف السياره علئ جنب الطريق سحب الاسعافات من الدرج : هاتي يدتس اعقمها لتس
مدتها له: شوف ترا في جانب حلو اني مابكيت
هداج بسخريه : بحاول أصدق انتس مانتي جالسه تحبسين دموعتس
توق بقهر : خير خلني اصير قويه حتئ لو اكذب
هداج : صيري قويه قدام الملا كلهم الا هداج ماتمشي ابد
توق: أكثر شي اكره اني مقدر ابين لك ان اختك قويه
هداج : افا انتي قويه بعيونيييي
توق بفخر : ويلوموني فيك
......
هذا الحمار ليه وقف
ملهم : تلقاه يترضئ اخته
نواف : ترضاها يوقف ليه
ملهم : لازم يكون كل حواسه مع اخته هذولا عيال هدئ اخذو حنان امهم ماهو عيال مها ياويحي
نواف : بالله عليك وش بلاهم عيال مهاااا
ملهم : مافيهم ذره حنان
ترك نواف الدركسون ولف علئ ريم يضمها : ها شوف الحنان علئ أصوله بادلته ريم الحضن وهي تضحك علئ ملامح ملهم اللي ماسك الدركسون : امحق حنان انت وياها بتذبحونيي وانا باقي ماعشت عمري
رجع نواف لدركسون وهو يضحك : ها بالله مو احن من عيال هدئ
هز راسه بخرشه: اي بس خلني اوصل سالم بس
ريم بطنازه: افا ملهلمي طلع خواف
ملهم : اي خواف بتذبحونييي انت واخوتس المعتوه وانا باقي ماعشت الحياه
أنت تقرأ
الحب لعبة موت بيدين جهال
Randomمو كل ودنا فيه يحصل *هنا بتعيشون مع أشخاص مو بيديهم قراراتهم أشخاص اتعبتهم طيبت قلبهم أشخاص تجرعو الغدر من أقرب الناس لهم..
