طلعت له وشافته يدخن عند السياره هو من شافها طش دخانه وركب حرك
ريم: ليه مو نواف
هداج : عنده شغل
سكتت هي سرحت به صح ماتحب بروده ولا تحب صيطرته هي بالمختصر تكره اسلوبه وجلافته بالحكي صح هي تدري انه حنون وحيل بعد لكن جلافته تغطي
قطع تفكيرها صوته : ودتس بشي من البقاله
هزت راسها بالنفي: لااا
ناضرها : خلاص انتبهي للسياره مابطول ونزل
ريم بقهر: يع ليه السياره اهم مني مافيه انتبهي لنفستس انتبهي لسياره تافه اانا قايله
ماطول دقايق وجاء هو اخذ أغراض لتوق وماء لخاله
بس ...... طول الطريق ساكتين يسرق انضاره لها هاديه تسرح واجد وده يسئلها وش بتس بس يراجع نفسه بمالك شغللل سد حلقك
وقفو عند قسم الحريم
هداج:اسمعي خوذي الماء حطيه بالثلاجه عندكم
ناضر لها وهو يشوف الكرتون ثقيل عليها وماراح تقدر تشيله بيوجعها : لااا خلاص انا اشيله
ريم: ليه عادي اشيله معي
ضحك هداج وهو يناضر حجمها: ياويحي انتي يالله تشيلين نفستس بتشيلين ذا الماء
ريم وهي تشمق : ليه طايحه من عينك
هداج بسخريه : لا ياقلبي فاضختها لييي
صنمت ليه تحس العالم وقف علئ كلمته ماتدري هو قاصدها ولا كلمه عفويه طلعت منه✨ياقلبي✨
هداج : يابنتي الله بصلحتس انكسرت يدي
ريم بفهاوه: هاه...
هداج : اففف روحي شوفي لي الطريق بحطه بالثلاجه
ريم : زين امش وراي
ضحك وهو يهمس بينه وبين نفسه هذي اخرتها تشوف لك الطريق ذييي ياسوء المنقلب صدق
ريم وهي تسمع همسه بس واضح : وش تقول
هداج : اقول ياسوء المنقلب صدق
ريم : وش السوء
هداج : انتي اخلصييي علي يابنت
ريم وهي تلف عليه: وقف صبر بدخل
دخلت ومالقت احد قدامه
رجعت له ريم : مافيه احد ادخل
هداج : طيب لو معليتس امر جيبي أغراض توق نسيتهن بالسياره
ريم : طيب فاتحه؟
هداج : ايه
راحت وقابلت صقر اللي من شافها جا عندها علطول
كانت بتتعداه لكن استوقفها صوته : ريم
لفت له : هلا
صقر : بكلمتس بموضوع
ريم، باستغراب: ضروري ولا عادي تقوله بوقت ثاني
صقر: لا بقوله لتس اللحين
ريم : اسمعك
صقر : انا بخطبتس لاتقولين صغيره عادي نملك وقت ماتتخرجين نسوي عرس
ريم بصدمه : اسفه صقر الله يرزقك بغيري انا مابي
صقر بأنفعال : وش اللي مابي والله يسعدك مع غير ريم انا ودي بتس انتي تفهمين
ريم : طيب الله يوفقك انا مابي وحنا مانصلح حق بعض ابد وكانت بتمشي لو ما استوقفتها يد صقر : قلت انتي مابي غيرتس رضيتي ولا لااا مايهمني تسمعين
ريم وهي تحاول تفك يدها منه : فك أيدي يامعتوه غصب اخذك يعني مابيك
صقر وهو يقربها له : تحسبين اني مدري انتس ودتس بخلف ولما خاف الدجاجه حولتي علئ هداج تدرين علئ رخصتس الا اني أحبتس
مدت يدها وهي تعطيه كف بكل قوتها : انا مو وحده من خواتك عشان تقول عني رخيصه تفهم
صقر بعصبيه وكان بيكفر فيها لو ماجاء هداج : فيه شي
ناضره صقر وهو يحس هداج صار عائق له كل ماكان بيقرب لها يطلع له بوجهه عطاء هداج نضره وراح
لف هداج لريم اللي ترجف من خوفها : بنت وش كان يبي
هزت راسها بالنفي وكانت بتمشي بس هداج مسكها من يدها
ريم ببكاء وعصبيه: حرام عليكم انا مو حلال لكم كل من جاء مسك يدي ابعد الله ياخذكم
هداج بعصبيه: وش سواااا تكلمي
ريم : مايهم ابعد
هداج : لا تخلين اعصابي تتلف تكلمي
ريم : انا ماهمك مو صح وش تغير اللحين
هداج ببرود : صح ماتهميني ومشئ وخلاهااا
اكرهك اكرهك انا اكرهكم كلكم الله ياخذكم وارتاح
حاولت تهدي نفسها عشان تدخل عند الحريم
...................
توق : كم عمرتس انتي
ميهاف وهي مستانسه علئ توق: السنه ذي تخرجت ١٨ عمري
توق : اها العمر كله ياقلبي انتي اكبر مني بسنه
مهياف : امانه عبالي عمرتس ١٥'١٤ كذا
توق : تكفين كلهم يقولون كذا ماحد مصدق ان عمري ١٧ بس معليه ملامح البزره حلوه
مهياف بتعزيز : حلو عشان بكره لاصرتي عجوزه يحسبونتس بنت العشرين من ملامحتس
توق بضحك: ياخي انتي وينتس عني من زمان
مهياف : دايم اجي عند لميس انتي ماتكونين موجوده
توق : بالله عليتس كيف تجلسين معهاااا
مهياف: حرام عليتس والله حبوبه
توق: حبوبه ماقلت شي بس مهبوله ملهم اعقل منهااا
جاتهم ريم وهي سمعت اسم ملهم : توقوه تحشي بملهم
توق وهي تناضره :تكفين ملهم لو احش به عند العالم كله قليل بحقي
ريم : حرام عليتس
توق وهي تلف لميهاف: هذي ريم بنت خالتي مها نكديه دلوعه بس تبكبك
مهياف وهي تضحك : حرام عليتس والله احسها عسل
توق وهي تكش علئ ميهاف: انتي كل النا تحسينهم كيوت تكفين
ريم وهي تمسك يد ميهاف وهي تشر علئ بنات خالها فهد : ذوليك وش تحسينهم
ميهاف : احس مغرورات مدري
ريم وهي تصفق: اهنيتس علئ النضره اللي عندتس
توق: بنات احس خلنا نروح نتمشئ بالمزرعه
ريم : لا أخاف اضيع المزرعه كبيره
توق وهي تناضر ميهاف : شوفي بالله عليتس مو نكديه
ريم : اقول امشي بس لا صار شي انتي المسؤوله
توق: معليتس امشن بس
مهياف: وأمهاتنا
توق : ليكون بتقولون لهن اكيد يقولون لاااا امشي بس
.................... .. ........
بتال وهو يناضر للي بيد ملهم: ياغبييي اللحين اخوك يزعل
ملهم: وش يزعل موب داري بنروح ورا
بتال: مايسمع الصوت
ملهم : معليك بس امش
وراحو ركض عشان محد يقفطهم
خلاص يارجال تعبت وانا امشي
ملهم: خلاص بجلس هنا
جهزو جلستهم وجلسو
ملهم : وش ودك قصيد ولا اغنيه
بتال : ابي قصيده اذا عندك جديد
ملهم وهو يعدل جلسته :
ليت المشاعر توصلك دون كلام
وتدري اني اسهر الليل واحتريك
أنت تقرأ
الحب لعبة موت بيدين جهال
Randomمو كل ودنا فيه يحصل *هنا بتعيشون مع أشخاص مو بيديهم قراراتهم أشخاص اتعبتهم طيبت قلبهم أشخاص تجرعو الغدر من أقرب الناس لهم..
