صباح اليوم التالي
ريم قومي ساعدي البنات وانتي بس نايمه
ريم بنعاس: يمه وش اساعدهم فيه ماعرف اطبخ
مها عصبيه : الله والفلاحه قومي لا اصب عليتس ماء
ريم : روحي وبلحقتس
مها : خمس دقايق لو مالقاتس حول البنات بالمطبخ مصعت اذانيتس
ريم بعط : من عينيا يامهايي العنيف
كبحت ضحكتها من قامت ريم وشوشتها طايره : انتبهي تدخلين علئ المسكينات بالمطبخ وشوشتس كذا تروعين قلوبهم
ريم : جرحتس وصل يامهايييي اخ اخ
مها بنص عين: اقول ورا ماتذلفين ترتبين نفستس وتروحين تساعدين البنات
..............
لميس تستعبطين كيف عرستس بعد اسبوع
لميس ببرود: يعني اروح اكفخ الرجال والله ليه خليت العرس بدري
توق : ياخبله مايمديتس تجهزين
جتهم ريم : صباحكم انااااا
لميس وهي تقطع الخبز : بالله عليتسسس اقول تعالي سوي الحليب خلي منتس سنع
توق: تخيلي ريم وش اخبار اليوم
رفعت راسها ريم لها : ويش اتمنئ اخبار حلوه
توق : اي وجدا بعد
تركت اللي بيدها وراحت جهت توق: ايه
لميس : تحب العلوم روحي كملي شغلتس
ريم : قاتلت المتعه خل اسمع السالفه
توق: تخيلي عرس لميس بعد اسبوع
شهقت ريم : اما خير مايمدي اجهز
توق بسخريه: ياويحي انتي كلها فستان بس ياحول هالمسكينه مايمدي تجهز شي
لميس : جعل يسكنتس جني وش مسكينه
توق: ههههههههه صح نسيت انها عندكم سبه
لميس : اذلفن كل وحده لشغلها لازم تعلمن السنع ماعاد بتحصلن احد يغطي علئ رفلاتكن
توق:اللي يسمعتس يقول بتهاجرين وبعدين انتي ماتغطين علي انا سنعا لو قلتي ريم قلت معتس
لميس وهي تغمز لها: انا اقصدي ريم بس من ورا التريلات
ريم : والله بالاخير كلامتس انتي وياها ماهز فيني شعره
بعدين بنات خالي. فهد ليه بيديهن حنا مايجون يساعدونا
لميس : بنات فهد ياكلن ببيتهن مالهن شغل بهذا البيت
توق: امهن التفخه تجي تاكل وتمسح يدها بالجدار المفروض يجن ويساعدن عن امهن
لميس: اقول شلن الفطور ودوه يلا ولاتنسون انهن بنات اخوي وزوجته ما ارضئ عليهم
ريم بسخريه: اوه نسينا انتس مها مصغره ماترضن عليهم وهن مايعترفن بكن
لميس بعصبيه: مالتس شغل اعترفو او لا بلا قلت أدب عاد طلعت وهي معصبه وواجه هداج وملهم عند الباب جت من بينهم ودزتهم وكملت طريقها
هداج: شبلاااها
ملهم وهو يضحك علئ وجه هداج المصدوم: مدري عنها
هداج: يابنت ترا بندخل
توق : تعال
دخل وهو يناضرهن: وش بها لميس
رفعت كتوفها توق: ليه
هداج: طلعت من المطبخ معصبه
ملهم بضحك: هداج قول دزتني عن طريقها
توق : اما كيف دزته
قعد يشرح لها ملهم كيف دزته وهو ميت ضحك
هداج : مايضحك ياسخيف لف لتوق اي شبلاها
ريم بسخربه: بس اننا قلنا بنات خالي فهد ليه مايشتغولون معنا
هداج بشك: بس ترا بروح اسألها
ريم بتور : قلت انتي ماترضين عليهن وهن مايعترفون بتس
هداج بعصبيه: تستهبلين توق وش ذا الكلام
مسكت يد توق : انا اللي قلت كذا بس ماتوقعت تزعل
هداج: لا بالله صح المفروض تحب فوق راستس علئ هالكلام وبعدين انتي وش شايفه علئ بنات خالي
ريم: ماشفت شي بس......
هداج بعصبيه: بس وش ها
ريم : لا تصرخ علي انا مادانيهين... قاطعها ملهم اللي انفجر ضحك : تذكرت شليويح لا تصرخ علييي
توق وهي تضحك: ملهم احبك قسم
ملهم وهو يهز راسه بغرور : ادري فديتني من مايحبني
هداج وهو ياخذ الفطور : انا ما احبك امش لا خالي فهد يكوفنك
ملهم وهو يمشي وراه : انت الوحيد الللي مابي حبك
...............................
وش اللي ماتقدرين ابيها توافق غصب عنهااا ادري نواف مابيغصبها
وجد : صاحي انتتت كيف اجيب صور البنت
صقر : شوفي وجد ادري العن منتس مافيه حاولي تدبرين صورها
وجد: عشان ذا الأسلوب مستحيل اساعدك
مسكها صقر بحزن: والله اموت لو راحت لغيري لا تخلين لتس يد بموتييي
وجد : بسم الله عليك لا تقول كذا خلاص بساعدك حتئ لو انها ماتستاهل حبك
صقر بخبث: روحي الحين اجلسي معها
وجد بتفكير : اي بس كيف اخذ جوالها
صقر : قولي بكلم امي وجوالي طافيييي
وجد : بالله عليك بتقول روحي لامتس ببتها
صقر: لا انا بودي امي لخالتي
وجد: طيب انت شتبي بصورها
صقر : انتي جيبيها وبعدين اعلمتس
وجد : من عيوني.
صقر : كفو ياخت الصقر
.......... بعد المغرب ١
بغرفتها جالسه تتمايل علئ اللحان الاغاني وتتجهز لعزيمه البنات لها دخل عليها سعود : خير اقصري بصوت الاغاني العالي الحاره كلها اسمعته
ميهاف بابتسامه : من عيونيي
رفع حاجبه بدهشه انها ماتحلطمت: شعندتس
ردت عليه وهي ماتدري شيقصد وتحسبه عشان كشختها: بروح معزومه
سعود: ايه بشور من بتطلعين
ميهاف برجاء: تكفئ سعود والله طفشت من البيت ماصدقت لقيت صديقات بروح اسمر عندهن
سعود : لا بعد بتسمرين فوق شينه قوات عينه
ميهاف : بيتهم مو بعيد ثالث بيت من جهه اليمين
سعود: منهن بناته ذيلين
ميهاف: مدري بس اللي اعرف انهن حفيدات خاله شيمه ام فهد
سعود بتذكر : اها يقربون فهد صقر؟
ميهاف : ايه يصير خالهن
سعود بأعجاب : ونعم بهم من عيله زين بس مو تروحين ولاتعزمين
ميهاف: افا وانا اخت سعود مو انا اللي اروح ولا اعزم
سعود بسخريه: كفو كفو ياخوتس
ميهاف : كفوك اءء طلع وتركها قبل تكمل كلامهااا
خير طيب خلني ارد علئ اقل ناضرت نفسها المرايه : انتي أحمدي ربتس انه عطاتس وجه وفتحتو موضوع مع بعض ايهه الله يرزقتس ياتوق انتي وريم خليتوني افتح موضوع مع اخوي ولي أول مره علئ حسكن
........
ملهم والله العضيم لو ماعقلت الناقه صح لا اخليها تبرك عليك
ملهم : ماعليك عاقلهااا صح
بتال بهمس : انا احس بروح بيتنا
ملهم : اعقب والله ماتروح وتخليني
بتال : وش دخل امي بنياقكم انا
ملهم : ترا لك عندنا وحده لا تخليني انحرها
بتال : اللي يسمعك يقول انا ميت عليها اخر همي
ملهم :الله يرحم ابوي ويسامحهه مالقا الا انت يعطيك ياسلتوح
بتال وهو يناضر بفهد اللي جاي ومعه الصيخ بيوسم الناقه : سد حلقك تكفئ اخوك جاء لا يوسمني بدال ناقته
انفجر ملهم ضحك : هههههههههه تخيلته عاقلك عشان يوسمك
فهد : ملهم هو انت جاي معي بس عشان تفتح فمك يمين ويسار تعال اوسم انا مابي حيلل
ملهم : اكيد مابك حيل شايب
فهد بصدمه: ولدك يابوي ولده الله وطولت اللسان
ملهم وهو منصدم من نفسه : دعابه ياخوك دعابه ض
فهد : انت وش ترطن
ملهم : اقول نمزح معك يالغالي
فهد: لاتعوده من مزح
بتال: ابشر
ملهم بضحك : صالح شدخلك بالسعوديه
بتال : كل تبن توترت قلت اللحين يوسمك بدال هالمسكينه
ملهم وهو يحمي الصيخ : حيي الرفيق اللي يخاف علئ رفيقه
فهد بعصبيه: انت ورا ماتشوف شغلك وانت بس تهذر
ملهم :سَم
...........................عند البنات بالمطبخ
ريم : لو لميس مو زعلانه كان سئلتها عن الطريقه
توق بطفش: ريم والله لنا ساعه وحنا نبحث ترا كلها كيك
ريم : يلا يافالحه سويها دامها بس كيك
توق وهي تحك راسها: شيعرفني اناا انتي تبينها بليمون ومدري ويش
دخلت وجد عليهم : هاي بنات شتسون
توق : اهلين عليكم السلام
طقتها ريم وهي تهمس: عيب توق
توق: وش اعلمها السلام تحسب داخله علئ يهود
رفت راسها ريم لوجد: والله شوفت عينتس نسوي كيك بس ماعرفنا الطريقه
وجد:سهله تبون اسويها لكم
توق بهس : ياويلي ويلاه صدقيني بتسممنا
قرصتها ريم: يعني لو معليتس امر
وجد بحماس: يلا بس شغلو اغاني شي انا ماحب اشتغل الا كذا
توق: حشا مصريه
ريم: انا بعد كذا
توق بسخريه : انتي تشتغلين
ريم :حرام عليتس ترا اشتغل
توق : وش تسوين غير غسل المواعين
ريم بضحك : ارقص
وجد : حرام عليتس ترا غسل المواعين بحد ذاته شغل
ريم: وجد زي كلام نواف لا جا يهدي امي اني ما اشتغل يقول ترا المواعين هي أكبر شغله ثم حولت عليه تكرشه انه هو اللي مدلعني وماي خلني اطبخ
توق: انا اكثر شي راحمه نواف كل ماغطئ عليتس حولت عليه
جتهم ام هداج:يابنات ضيفتكم جت رحن عندها
توق : انا برح كملي شغتس انتي
ناضرت ام هداج بشكل ريم الطفولي وجها ولبسها مليان : ياحول يابنتي انتي لتس ساعه علئ كيكه حشئ لو انها بعير
ريم ببرائه: خال شسوي ماعرفت
ام هداج وهي طالعه من المطبخ : ما اقول الا الله يعين اللي بياخذتس عز الله مات جوع
ريم وهي تعلي صوتها: معليه ياهدئ جرحتس وصل
وجد بضحك: ماضن سمعتس اطلبي الله بس
ريم : هذا اللي بيصير
وجد وهي تحط الكيكه بالفرن : اسمعي ريم بالله دقي علئ امي جوالي بالبيت عاجزه اروح اجيبه
ريم وهي تعطيها الجوال: خوذي سجلي رقم امتس مو عندي انا بروح ابدل
وجد : تمام انا بدق بجيبه لتس
ريم بعدم مبالاه: خذي راحتس وراحت ماتدري بالنيه الي بقلب وجد
أنت تقرأ
الحب لعبة موت بيدين جهال
Randomمو كل ودنا فيه يحصل *هنا بتعيشون مع أشخاص مو بيديهم قراراتهم أشخاص اتعبتهم طيبت قلبهم أشخاص تجرعو الغدر من أقرب الناس لهم..
