دخل نادا البنات حتئ يمشون وطلع ينتضرهن بالسياره ماطولو دقايق ولحقوه : خلاص امشي
هزت راسه توق: ايه
وقف عند البقاله : تنزلون ولا انا اجيب
توق: لا بننزل احسن.
هداج : يلااا قبل تقفل البقاله
نزلت توق وهي تلف لريم : يلا انزلي
هزت راسها بالنفي: انا مابي شي روحي انتي
هداج: انزلي يمكن تلقين يعجبتس
ريم: لا مالي خلق روحو انتم انا بجلس بالسياره
هداج: انزلي مستحيل اخليتس تجلسين اخر الليل لحالتس بالسياره
كانت بترفض لاكن قاطعها حده صوته: انزليييي سريع
نزلت وهي تهمس لتوق: اخوتسذا متئ يعدل حده صوته.
توق بضحكه: هو كذا هداج تحسينه يهاوش من نبره صوته
ريم بسخريه: لو مادري ان هذي حده صوته كان من سولف بكيت
هداج: اخلصي انتي وياها
توق بخرشه: هداج خير طلع صوت انك ورانا
هداج : وين تبين اكون اخت توق اخلصييي سريع
راحت توق وأخذت الأشياء اللي يحتاجونها بالسهره وحطهم هداج يحطهم عند المحاسب وحاسب وطلعو
.................
خذا العود وهو يجلس قدام نواف المصدوم : وش بلاك
نواف: صاحي انت ذا حق من
ملهم بسخريه:حق عامل المزرعه
كان بيتكلم لو ماخرشته صرخت ريم وتوق اللي جلسو جنب ملهم: وجع انتي وياها
ريم بحماس: نواف بعدين ارد عليك اللحين بنسمع بحه الحنجره الذهبيه
نواف: حنجره ذهبيه وملهم لف لهداج : انت تشوف
هداج بضحك: استخف ولد شيوم
ملهم : اللحين اسمع إبداع ولد شيوم
سدو اذانهم هداج ونواف ماعدا ريم وتوق المتحمسات بدا يدق العود علئ لحن الاغنيه نزلو ايديم بصدمه ماتوقع يعرف يدق عود:
لاتصعبها عليا وانت بيديك الحلول
قول بأعلئ صوت احبك واترك الطبع الخجول
لاتصعبها عليا وانت بيديك الحلول
قول بأعلئ صوت احبك واترك الطبع الخجول
انا مابي حب ناقص ارفضه ماله قبول
طول عمري في غرامي مقبل انصاف الحلول
نواف بصدمه : شكلك مبطي تدك عود
ملهم وهو يغمز له : من دخلت هوئ العاشقين
هداج : اعقب اي بالله اعقب
دز نواف هداج : من اللي جابتك علئ وجهك
ملهم : سرررر عيببب
ضحكت ريم :حبيبي فاهم العيب غلط
لف ملهم لها : صح تدري صقر خطبتس
فتحت ريم فمها بصدمه: ها
توق بضحكه : صقر وريم ياوك يالضيم
ريم : تكفئ قول تستهبل
ملهم : قسم
نواف : ملهم مايطيح ببطنك علم
ملهم بسخريه : متئ ناوي تعلمها
نواف : المهم خذي وقتس واستخير ي وردي
ريم بغضب: وش استخير برفضه دون استخاره قله مالك نصيب
نواف: ليه وش فيه صقر رجال شايل نفسه
ريم: مابي مابي تكفئ نواف ليكون بتجبرني
نواف: اخسي اجبرتس ابشري بكره بقوله اقضب الباب
توق بسخريه : انا وملهم بنهدي اغنيه لصقر وريم
ماخلاها ملهم تتكلم من بدا يدق العود وتوق تطبل بعلبه الماء:
انتي عندي احلا من نجوئ كرم
انتي عندي احلا من مص الفصم
اعشقتس لو انتس ريحه غنم
راح عمري وانتي ماقلتي نعم
توق بضحكه وهي تطبل :
يابو صالح ضف وجهك وانقلع
قبل ماحد عيناتك تنفقع
شايب وعايب جعلك الوجع
شيفه وجيفه يمال الوهم
هداج: هوب هوب انت وياها عز الله فلحنا
نواف وهو يصفق : يارجال والله حماس كملوووو
ريم : لا ويع موحلو
ملهم : قطعتو احساس ابو صالح اسكتو بكمل
هداج: والله ماتكمل انت وذا المهبوله
نزل ملهم العود : نبي نلعب بلوت لف عللئ البنات من تعرف تجي تكمل رابع ريم : انا بس ترا ماعرف اللعب
ملهم : عادي تجين مع اخوتس
نواف :لا والله مابيها تخسرني
ريم بزعل : اصير مع من طيب
ضحك هداج : تعالي قابليني
بدو يلعبون : مافيه ملهم غشاش انا شفته سحب ورقه غمزت ريم لهداج وشافته ناضر لها ارسلت له الائكه بينما ملهم كان يبرر لهم انه ماغش ضحك هداج : يجي منتس ياخت نواف يجي
نواف : وش
هداج : اعزز لها تعرف تلعب
ريم بعبط : افا عليك وانا بنت مسلط
صرخ هداج ينزل الورقه : كفو عليتس يابنت مسلط
ملهم : الدنيا راضيه عليتس دام هديج يعزز لتس
هداج بحده: هداج هديج ذي دور لك صرفه معهاااا
ملهم : سم الصراحه مدري من خال الثاني
بدو يلعبون وطبعا فازو هداج وريم اكيد مو بجوهودهم كل شوي واحد يغمز لثاني ويعطيه ورقه حذف ملهم الأوراق بوجه نواف ضحك هداج وهو يحط يده علئ جسر خشمه: طرقققق دقينا خشومكم دق
ريم وهي تقلده بضحك: طرق دقيناكم دق
ملهم بمصلحه: قم نواف خل الريم تقابلني
ناضرها هداج بهمس: ترا عيوني عليتس انتبهي
ضحكت ريم : اصلا انا مليت مابي العب
ملهم : خير يابوي كملي بس
نواف : ترا امي تقول وينكم.
ملهم وهو يشوف الساعه: والله تأخرنا
................
ابيها بكرها تخلص لا تتأخر علي
: ابشر بس ابي تحول لي المبلغ
صقر : انت سوهن واشوف الشغل وبعدها ابشر
: تمام بكره وهن عندك
قفل من عنده : عاد انتي بيدتس تختارين طريقت زواجتس ياغزاليي. انسدح ينام يغرق با أحلامه
.......... المطبخ
تكفون ابي خميعه والله نفسي بها
رفعت ريم كفوفها: انا ماعرف اسوي الخبز ولا والله ماخليها بخاطرك
شمر كمامه : انا بسوي بس انتي سوي الحليب وتوق معي سمن
لميس : لا واللي يسلمك بتخلي الخبز عجين
ملهم : اجل سوي لي
لميس : حبيبي انا المفروض مادخل المطبخ عروس
ملهم بسخريه : والله انتي عروس ولا مرضانه مالها دخل إذا عروس ماتشتغلين
ريم: الا عشان يدها ماتصير جافه من الشغل
ملهم: الله يرزقكن بعقل هاتي العجين
جابته توق عنده وهو يبدأ يحوس والبنات كل وحده تسوي الشغله اللي عطاها ملهم خلص وهو يناضر خبزه اللي صار كل شي الا انه خبز
ريم : الحمد الله علئ النعمه ملهم ويش ذا
رفع كتوفه ملهم ببرائه: اتوقع انه خبز
دخلت الجده شيمه المطبخ انصدمت من المنضر الفرن اللي راح وطي من العجين وملهم اللي ملطخ بالجبن لفت تشوف الخبز اللي بالحافضه : ياويحي ابك ذا ويش
ملهم : كان نفسي بخميعه وقدر الله وطلع حوسه الحين باخذ للنياق
الجده شيمه بصرامه: والله ان تاكلهن وانا بنت ابوي
كتمو البنات ضحكاتهم من وجه ملهم : يمه عجين والله ان يوجعني
الجده : لا ماهو بموجعك
ملهم : طيب ترا حتئ توق وريم كانو معي
لفت لهن الجده : يلا يدكن بيده بتاكلونه
ريم : جده كلن ياكل ماصنع يداه انا مالي صلاح بالخبز
الجده: انا هرجت وقلت تاكلين معه لي المرادد
ريم : سمي وهي تهمس : وانا متهوله مهاي طالعه علئ من طلعت ماهي بعيده
دزتها توق من شافت نضرات الجده لريم : تشهديييي بسرعه
الجده شيمه وهي تناضر ريم :كلموتس عن صقر يابنت
ريم بتوتر : ايه
الجده: وش ردتس
ريم : رفضت
الجده: ليه وش به صقر رجال مير انتي بر ماتعرف مصلحه نفسها
ملهم بمقاطعه: خلاص يمه لا تضغطين عليها وصقر الله يوفقه بنات الحلال واجد.
الجده شيمه : كل وانت ساكت من طلب منك تهذر
انفجرت توق تضحك : وين الجبهه ويييي طارت
ملهم بغيض: سدي حلقتس لا اغمس وجهتس بالعجين
ضريت الجده عصاها بالأرض : كولو حوستكم يلااا
توق بتصريفه: جده ودتس اهمز لتس راستس
الجده بخف وهي تجلس علئ الكرسي : اي بالله تعالي يامتس همزيني
طارت عيون ريم وملهم: يمه ترا يمدحون الثقل
بققت عيونها الجده : وش شايفني يالمخنز ارقل من الخفه
ملهم بضحك: محشومه
توق بطنازه: كل الاكل لايبرد واسكت عن جدتي خل اهمزها وهي مرتاحه
جلسو ياكلون ريم وملهم لين مابقئ شي من الخبز ملهم بتسليك : والله يجي منييي حلو طعمها
ريم بغثيان: تكفئ سد حلقك وين حلو بعينك
ارمش بعيونه اللي مليانه عجين بغرور ورسرعان ما انفجرت الجده ضحك: رح اغسل وجهك الله يصلح قلبك طلعت ولفو كلهم لتوق يمدون الصحن اللي شال لها ملهم عشان تاكل مثلهم : خير ماراح اكل
طرحها ملهم يكتف يدينها عشان ريم تأكلها: والله ان تاكلين
...........بالمجلس الخارجي
فهد وهو يناضر صقر : قالي صقر انه خطب ريم
هز راسه نواف: ايه بس ماله نصيب عندنا
فهد: افا ليه
الجده وهي تناضر مها اللي معصبه علئ نواف انه خالف رايها: البنت صغيره وبتكمل دراستها
صقر: ادري بس عادي نملك ومتئ ماحست انها جاهز نسوي العرس
نواف رفع حواجبه: والله عاد هي رفضت ولا حنا بجابرينها
صقر بهدوء : الله يوفقها
فز من جاه اتصال وهو يطلع من المجلس : ارحب
: الصور جاهزه
صقر بخبث : حطهن بظرف واكتب عليه نواف المسلط
وبرسل لك الموقع وحطه علئ سيارته ارسلت لك الموقع تجي اللحين عشان من ادق عليك تكون قريب
: حاضر
رجع يدخل عندهم ناضره ملهم بشماته: اهلا ابو صالح
صقر بأستغراب: انا
ملهم بطنازه: اي انت ابو صالح
انفجرو ضحك العيال وتوق اللي مستحيل ماتكون معهم بشي به طنازه ريم : مايضحك انتي وياه
وهب:شعندك علئ ابو صالح
ملهم: حسيت يلوق عليك
فهد : لا خلصت انت ياه هذره روحو للبل شوفوها رجعت للمراح
هداج: انا بودي لميس للسوق مقدر اروح معكم
ملهم برجاء: تاخذني خوي معكم
صقر وهو يرسل لراعي الصور يحطها علئ سياره نواف : عادي حنا نكفي انا ونواف ووهب
ناضرهم نواف : عز الله فلحت
هداج بسخريه: اجر وانا اخوك اجر
نواف : اجر يجي من وراهم مابيه
وهب : يلا نمشي عشان العصر نكون خالصين
فزو يطلعون خلفه : ياعيال ترا سيارتي خربانه سياره من نروح
وهب بسخريه: انا ماعندي سياره
نواف : خلاص علئ سيارتي
راحو بتجاه سيارته وكان بيركب لاكن استوقفه من طاح ضرف ابيض من مسكت الباب ناضره وقرا عليه اسمه
وهب بأستعجال : نواف استعجل يلا حط الضرف بمخباته عشان يفتحه شوي
أنت تقرأ
الحب لعبة موت بيدين جهال
Randomمو كل ودنا فيه يحصل *هنا بتعيشون مع أشخاص مو بيديهم قراراتهم أشخاص اتعبتهم طيبت قلبهم أشخاص تجرعو الغدر من أقرب الناس لهم..
