رفع جواله يتصل علئ هداج دقايق ووصله صوت هداج: ارحبب
ملهم: البقئ علومك
هداج: والله ابد علومك انت
ملهم: انا رفعت البلاغ
هداج : خير ملهم مو قلت انتضرني.
ملهم بقهر: عجزت اتحمل عجزت وانا اشوفه يضيع
هداج: طيب وض صارر
ملهم : هذاني اراقبهم انتضر الجهات تجي
هداج : وش يجلسك غبي انت اطلع من الموقع اللي هم به لا تدخل اشتباه معهم
ملهم : واذا راحو قبل تجي الجها.... قاطعه وصول الجهات هداج وهو يسمع الأصوات عنده: ملهم اطلع لاتوهق نفسك بشي انت بغنااا عنه
ملهم : لا ابي اشوفهم وهم ممسوكين
هداج بعصبيه : ماهي لعب بزران هييي اطلع
ملهم وهو يناضر اللي يطلعون من الباب الخلفي: هداج هربووو
هداج بحده: اطلع سريععع لاتوهق نفسك
طلع يركض من شافهم مسكو واحد من الشله
هداج: طلعت؟
ملهم : ايه طلعت
زفر براحه: حسبي عليك كانك وترتنيي
ضحك بعبط: تخاف عليييي اويلييي صدق
هداج: اذا ما اخاف عليك اخاف علئ مين
مسح علئ شاربه : يمكن ريمم
ضحك هداج : هذي تعقب توصل مواصيلها عندي
ملهم : اخسس ضاعت علومك اجل
هداج : تخسي انت وياها تضيعون علومييي هذي اللي بقيي
ملهم : اقول متئ بتجييي
هداج : ليه اشتقت لي
ملهم، : تخسي بس اشتقت لغزاليييي.
رفع هداج حاجبه: اوباااااا عيد عيد غزالك مننن
ملهم : ريم غزالييي
نطق بحده: ورعع وراا ما تلبخ
ملهم : حلووو ليكون غيراننن
هداج : اغار من وشش منك انت
ملهم بعبط : زين حاول تستعجل شوقيي طفحح لغزاليييي ضحك بصوت عالي من فصل بوجهه : ويقول اغار من وش ياشيخ دزز جاه عمير : الحين اعزمني علئ القهوه
ملهم : اقنعني انك تبي القهوه مو العلوم
عمير بنص عين: كلهممممم
ملهم : اي كيف قدرت علئ بتال
عمير : ياخيي بالله عليك كيف متحمل انت انا ساعتين بغيت اموت
ابتسم ملهم بحزن: اخويي كيف ما اتحمله فتح الباب يدخل يدخل وراه عمير لف له : اقلط وانا شويات وجايك
عمير:ابد خذ راحتك يالحب
ملهم وهو يمشي : يع ياشينها من حلقك
عمير بصوت عالي : اخ منك ياضالمم
......
مسكوه اللعن شكلهم
طارت عيونه بصدمه : من اللي انمسك
راشد بقهر: ضاريي اللي انمسك مستحيللللل اكيد فيه احد معلم
يوسف: من يعني بيعلمم
راشد : والله لاابكيهم دمم لا ألعن خيرهم
يوسف: انت شاك بأحد
لف له راشد : لنا حول ١٠ سنين نشتغل ليه ما انمسكنا الا يوم دخل معنا بتال
يوسف: يعني بتال هو اللي ورطنا
رلشد: يخسي يورطنااا الرخمه ذاا خله علي انا اوريه.
يوسف: يمكن مو هو
راشد بغضب: اذا مو هو اجل انتتت
طارت عيون يوسف بصدمه: انت وش قاعد تقولللل انا ولد عمك ما اسويها
راشد بسخريه: وش يضمنيييي دام كل شي يسويه ضاري اكيد بتعلم
يوسف بعصبيه: غير اني ولد عمك انا من ال السفاح اللي حرام عندهم الغدر
دزه راشد بعصبيه : اجل جب اللي بلغ اذا مو انت ولا بتاللل الرخمه من بيكون
يوسف بتفكير : بتال مستحيل يبلغ وهو بأشد الحاله لنااا لاكن فيه واحدد كل شيي يقول انه هو
راشد: منن!
يوسف :ملهم مافيه غيره
رفع حاجبه: وش دخلللل ملهم؟
يوسف: ماحد كان ضدنا ويخرب كل شي غير ملهم ولا تنسئ انه كان يحاول يبعد بتال عنا
راشد: بس لو يبي يبلغ كان بلغ من زمان قبل يدمن بتال
يوسف :يمكن ماكان عنده دليل ومن مسك الدليل بلغ
راشد : والله لأخذ حق ضاريي من عيونه
يوسف : وش بتسوييي
راشد : كل شي بوقته حلو.
........
توق شوفيييي والله حلو خلاص فريتيي مخيي
توق بعبط : ياروحيي انتي تختارين لييي حق متزوجات
غمضت عيونها ريم بقهر: توق تدرين لو مخليه هداج يختار لتس ابرك من ذوق المتزوجات اللي مو عاجبتس
طارت عيون هداج : خير وش دخلني تصقطين علييي
ريم : سببت ليي دوخه اختك ذييي دور لهااا.
توق: احسن من ذوقتس تراه ياخايسه
ريم : اجل حلوخليه يختار لتس
توق: انننننن عادييييي
لفت له : انتم متأكدين انها بلغت لن اللي اشوفه بزره
اخذ الجوال منها : توق اسمعي بجيب لتس طقمهااا
طارت عيونها من نطقت توق بشماته: تممم نصير طقم فناجيل
ريم : دزيييي يلااا بس تراه بيكون علئ ذوق المتزوجات علئ قولتس فصلت بوجهها قبل تتكلم زفرت براحه : احس انتصرت
هداج : امشي وتو تسئلين اذا توق كبرت وانتي مو بعيده عنهااا
ريم : انا كبيرررره.
ضحك بوجع من اللم ضهر: كبيره وين تراها أكبر منتسس
ريم بنص عين وهي ترفع يدها : انا اكبر خلاص تزوجت قبلها
هداج: الفضل لي تزوجتس وخليتس كبيره
ريم بسخريه : لو مو انت كان صق... قاطعها من نطق بحده: بنت انتي وش تشوفيني عندتس رجل كرسي كل مازانت الجلسه قلتي صقر وصقر عديت الاولئ بمزاجي واللحين بعديها بمزاجي وبعدين تزعلين صدقيني مشا يتعدها لحقته بهدء تدري لو بتتكلم بيكفر بهااا
..........
عمير : اسئلك بالله
ملهم بقهر: اي والله كنت بلحقهم بس هداج قالي اطلع لايخلونك اشتباه
عمير : كيف اشتباه وانت اللي رافع البلاغ
رفع كتوفه ملهم : مدري صراحه اكيد ماقال كذا من راسه هو يفهم بهالمور
عمير : وش يعرفه بهااا
ملهم : هو استخباراتييي يدخلون بالمواضيع اللي كذا
عمير: طيب وش وضع بتال
ملهم : وش به
عمير : لازم يتعالج قبل يدخل حاله إدمان.
تنهد ملهم : قده دخلهااا له شهر وهو يتعاطئ
عمير: اح الله يعين طيب وكيف امه
ملهم : دايم ازورهااا وحتئ هي ملاحضه تغيره.
........ بالبيت ٨:٣٠
لف لها وهو يشوفها طلعت : ها مقاستس؟
ريم : ايه مقاسييي
هداج : وتوق كيف
ريم : قالت لي نفس مقاستس..
قام بهدؤ : اجل اجهزي انا بروح اشيك علئ السياره وتسري للديره
ريم وهي ملاحضه انه صار هادي ولايسرلف واحد : تمام
طلع وهي راحت تجهز ونصف ساعه ودق عليهاا تطلع قامت تطفي الانوار وتسكر الباب ضحكت بسخريه : كنت اتمنئ اسكن هنااا وتحقق مناي بس ليه مو فرحانه غمضت عيونهااا بقهر من افكارهاااا :اخ ليتك ماخيبت ضنييي تنهدت تتجه لسياره ركبت ومدت المفتاح لهداج : خذ سكرت كل شي
هداج : خليه معتس انا معي واحد
ريم : وش اسوي به.
هداج بعصبيه وهو يبيلها تستوعب انها زوجته : وش مفتاح بيتس وش تسوين به مدري انتي ما استوعبتي
انتس تزوجتي خلاص حتئ مقدر اقول صغيره ماتفهم
غمضت عيونهااا تمنع دموعها تنزل تنهد يعرف انه بيتعب معهاااا حيلللل :اذا هذا اولها اجل كيف تاليها
فركت يدينهااا بحزن همست لنفسها:اهلتس ماتحملوتس تبينه يتحملتسس
..........
ملهم : يلااا ابيي حلاا تكفين نفسي به
توق : نووو ذا لعرسانييي بس
ملهم : ترا اخلي ريم تخلعه
توق : ملهم انت شبلاك مشفوح
لميس بصراخ: خلااص ولعنه صجيتو راسي ورعان انتم
ملهم : ابك ذي علامهااا
توق بهمس: من قرب عرسها وهي نفسيه
ملهم : خبله وهي ماعرفت تنفس طول ٢٣سنه الا يوم قرب عرسها عز الله فلح
توق : رحمته يحوللل
لميس وهي تشوفهم يتهامسون : اذلفو لا أعلم امييي
ملهم : تفووو عليتس انتي والنفسيه الخايسه
مها : وش عندكم.
ملهم بهمس : كملتتت
مها :وش تقول انت
ملهم : سلامتس
مها وهي تمد له الورقه: رح جبهن من البقاله،
ملهم : وصي نواف والله اني تعيبب
مها: نواف ماهو فيه واَلو فيه مايروح الا انتت
ملهم : هذا وانا القعده ماترحمينييي
مها : القعده عند اميي ماهو عندييي واللحين رح لا تخليني اعصب
ملهم : انتي متئ بتروحين لبيتسس
رفعة حاجبهاا : تطردني ياملهموه
ملهم بتمثيل : افا من قال لاتقولينييي شي ماقلته
توق بضحكه : ايه ياخاله ترا ما قال شييي
مها بضحكه : انتي مالتس دخل بين الاخوان
ضحك ملهم يبوس راس توق : يانها قشطتسسس
ضربته : ثاني مره اتفل بوجهي اذا تدخلت بشييي مالي دخل به
لميس : حلووو جعلتس الجنه يمهاويي فكيتيني منهم ازعاججج
ضربها ملهم وهج ضحك وهو يسمع صراخهااااا
أنت تقرأ
الحب لعبة موت بيدين جهال
Randomمو كل ودنا فيه يحصل *هنا بتعيشون مع أشخاص مو بيديهم قراراتهم أشخاص اتعبتهم طيبت قلبهم أشخاص تجرعو الغدر من أقرب الناس لهم..
