دخلت المجلس تشوف ابوها جالس ونواف واقف يقهويه فز ابوها من شافها يضمها له يسلم عليها: ياهلا ياهلا بريم ياهلا باللي بتصير عروس
خجلت من ترحيب ابوها وهي تشوف ضحكت نواف الساخره لفت من تكلم ابوها :اجلسي يابنتي خل ناخذ علومتس
نواف بسخريه: اجلسي خلي ياخذ علومتس يابنته
خافت ريم انه يتكلم عند ابوها وزاد خوفها من نطق ابوها بأستغراب : علامك انتتت
نواف بترقيعه: انا من جيت ماقلت باخذ علومك وريم لااااا
ضحكت ريم براحه : لا تقارن فيه فروق
كشر نواف: اي وفروق واضحه حيل يابنته
مسلط: معلينا اللحين متئ بيجي العريس
نواف : قال بعد العصر وهو هنا
حزنت علئ حالها امس تكلم ميهاف ان باقي صغيره علئ الزواج وان باقي لها واليوم هي بتتزوج وهي لسه ماخلصت ثانوي ولا بمين بصقر ياسوء المنقلب صدق
مسلط وهو ركز علئ سرحانها: بتس شي يبه
هزت رسها بالنفي: لا مافيني شي معليك
مسك يدها بشك: انتي ودتس بالزواج ولا مغصوبه
هزت راسها بتوتر من شافت نضرات نواف: لا معليك مو مغصوبه
مسلط: اجل ليه شفيتس
رفعت كتوفها : متوتره عشان كذا
نواف اللي دقت عليه لميس: ريم روحي اجهزي مامعتس وقت
ريم بسخريه: بجلس مع ابوي
مسلط : لاحقه علي روحي اجهزي
.........
هداج : وش باقي لنا
توق: خلصنا محل الذهب وخلصنا محل الحلا وخلصنا الهدايا امممم باقي الفستان واكسسوارات
هداج وهو يتجه لمحل الفساتين: حلو انجزنا
توق بغرور: اكيد بتنجز دام تواااقه معك
ضرب هداج الدركسون بضحك: انا اشهد جعلني ماعدمتس
دقايق و صلو للمحل : يلاا انزلي بس حاولي تستعجلين
توق : اصبر خلني أدق علئ ريم
طارت عيونه : شتبين بهاا
توق ببرائهه : ماعرف اختار دون رايها
ضرب راسه هداج : يابنتي امشي انا اعطيتس رايي بدالها
ضحكت توق بعبط: فستان وراي هداج ابداََ مو ضابطه
هداج بنص عين: ليه ماتكون ضابطه
توق : انزل ونشوف ضابطه او لا
...........
طقت الباب وماهي الا ثواني وفتح ملهم الباب: اهلين
ميهاف بتوتر : توق وريم موجودات
ملهم: توق مو فيه وريم فيه
ابعد عن الباب : حياتس ادخلي
هزت راسها بالنفي: نادها لييي هنا
ملهم : بتجلسين بالشارع ياما تجي ريم الميته وهي حيه معصي ادخلي
دخلت ميهاف واشر لها ملهم بأتجاه المجلس اللي برا: هناك جالسات امي وخواتي روحي لهن وانا بنادي لتس ريم
ميهاف: لا خلاص بوقف هنا لما تجي
ضرب راسه ملهم: انتي ليه عنيده هناك مافي احد غير امي والبنات
ميهاف: وش تبيني ادرعم عليهم انا اصلا جيت اعطي ريم جوالها وبمشي
ملهم بستغراب: وش جابه لتس
ميهاف: نسته عندي امس
ملهم : عطيني اوديه لها انا
ميهاف : ملهم اخلص نادها مابعطيك الجوال
ضحك ملهم : اوبا طلع اسمي حلوو
ميهاف ببرائهه جاهله قصده: اي حلو مابه شي
ابتسم ملهم بعبط: بروح انادي المبدوله ريم لتس
راح ركض ينادي ريم بصوت عاليييي: ريم ياريممممممممم
طلعت ريم من الغرفه وهي شعرها مبلول: خير
ملهم : الخير وجهتس يالحب
ضحكت ريم : حلو وش بغيت
كشر : علطول وش بغيت
ريم : لن اعرف انك تبي شي فأعجل علي بجهز وضحكت بصوت على دامني عروس
ملهم : بلا حتسي زايد ميهاف واقفه برا تحتريتس
دزته ريم : كان قلت وانت بس تحب السوالف الحين صكتها الشمس مشت وتركته ماخلته يرد
ملهم وهو يهرج نفسه : اعقبي ماكأني خالتس يالعاقه
زفر عادي اهم شي ماجلس الكلام بجوفي
جتها ريم : ارحبيييي يالغلاااا
ضحكت ميهاف وهي تضمها: اهلينننن
مدت الجوال لها : امسكييي نسيتيه عندييي
ريم بطنازه : خلي هذا عني جايبه لتس علوممم
ميهاف بحماس: وشش
مسكت يدها ريم تمشيها اتجاه الغرفه دخلت وسكرت الباب: باركي لي اختس الليله عرسها
ميهاف بصدمه: تكذبيننن
ريم بسخريه : افا اكذب عليتس ليه اسئلي منهو العريس
ميهاف: مننن
ريم وهي تحاول تمسك نفسها:صقر ولد خالي فهد
ميهاف : كيف انتي ودتس بها
ريم : لا وش ابي به جعله المرض
ميهاف : اجل ارفضييي
ضحكت ريم : ليت بها السهوله تنهدت تقول لها اللي حصل تحت صدمه ميهاف : نواف اخوتس؟
هزت راسه بالايجاب: تخيلي انه نواف هو سبب كل شي يصير بي
ميهاف: لا تلومينه شاف صور اخته مع شخص غريب
ريم لحزن: يصدق بأخته يصدق بتربيته كيف يصدق وهو انا طول الوقت تحت انضاره وما اروح مكان الا هو معي
ضمتها ميهاف : يمكن خيره لتس صقره
تنهدت : انشاء الله يطلع الحق قبل اتزوجه
تدرين انه مسوي ملكه وعازم اهل الديره كلهم يعني غصب تكشخين ياريم طيب اذا ريم ماودهاااا وش تسوييي
ميهاف : اكشخي لاتشمتين احد بتس وهذا صقر طلعييي عيونه
قامت ريم وهي تقومها معها : اجل كشختي تحت يديتس
ميهاف بحماس : ابشري بييي
ريم : اجل يلا نبدأ عشان يمدي تجهزين انتي
ميهاف: لا وين احضر انا
ريم : افا اخت العروس وماتحضرين
ضحكت ميهاف:صدقتي انتس عروس
ريم بطنازه: اجل ماتشوفين ميته من الفرحه بس صدق لازم تحضرين
ميهاف وهي تبدأ بشعرها :ابشري اول الحاضرين
.......
هداج: يابنتي هذا حلو
توق : حلو بس هي عروس لازم افخم من ذا
هداج بعناد :انا عجبني ذا
توق: خلاص خذه ياعنيد امش بقا الحذيان
كانو يختارون بذمه وضمير يركزون علئ أدق التفاصيل : توق قسم لا افضخ راستس بذا البليه
ضحكت توق: يأبنيي اكسر اللون
هداج : توقوه وش اللي اكسر اللون هذا نفس لون الفستان
توق بضحكه: هداج مو ملاحض انك انت اخترت كل شي انا ادربي راسي علئ الفاضي
ضحك هداج : انا اخذتس عشان ما انسئ شي
توق بزعل : خلاص دز امها عني
هداج بحده وهو مايداني ذا الكلام: بنتتت عدلي لسانتس لا اعدله لتس بكف
توق وهي أدركت انها نست انها تكلم هدا اللي مايحب طوله اللسان نطقت بهدوء: اسفه كنت امزح بس
هداج وهو يمشي قدامها: مو كل شي تمزحين به
توق : تمام
خلصو كل شي تحت مداخلات توق الهاديه ركز هداج علئ هدوءها ندم حس انه شدها بس هي لازم تتعلم
حاسبو وطلعو حط الا غراض وراء يتجه لمقعده لف لها يردف : خلصنا ولا باقي.
توق بهس مسموع: خلصنا بس باقي نستلم الحلا والورد
اتجه لمحل الورد والحلا دقايق ووصلو : يلا انزلي
توق: مايحتاج انزل انت استلمهم
نزل يستلمهم ودقايق ورجع استغربت لما شافت معه بوكيه ورد اثنين حطهم ورا واخذ البوكيه الثانيه يحطها بحضنها استغربت وأخذت الكرت تقرا المكتوب: اجيتس واراضيتس من كل اتجاه
لتس من فؤادي حب ولساني ثنا
لا تاخذين بخاطرتس يمال الغناه
ماعاش من يزعلتس حتئ لو انه انا
هداج: اسف ياروح هداج انتي
قربت تضمه جوّد هداج الدركسون بيد واليد الثانيه يحاوطها بها: ابوتس بنصدم ابعدت عنه تنطق : بس انا مازعلت
هداج : كيف مازعلتي وانتي ساكته
ضحكت : لازم اسولف عشان اكون مازعلت
هداج : لا حبيبتي انتي ماتسكتين الا اذا زعلتي
توق برفعه حاجب: والله يعني انا بنقاليه بس اهذر
ضحك هداج : حشئ ماقلت كذا انا
توق بسخريه: ماقلت انت تلمح من ورا التريلات.
هداج : حلو فاهمه انتس بس تهذرين
توق بطنازه: ايه اضحك علي بس ترا زوجتك تحب الهذره والهرج الواجد لاتتطنز علي
غمز لها هداج: هي مستعد اسمع هذرتهااا
طيرت عيونها: حشئ من قال غرت هذي من اولها سحبت علي
هداج: افا تهقينها منييي انا اسحب عليتس
توق : نشوف لاشفتهااا والله يا هي تضيع علومك.
.......... المغرب
بدو يجون الضيوف والبنات ماجلسو بس ريم اللي بالغرفه جالسه عندهم عاده ماتطلع الا اذا وقعت نارت بشكلها بالمرايه لابسه فستان ماسك لين الخصر ولولو علئ الصدر بلون البينك واكسسواراتها الفضيه حذيانها المخمل بنفس لون الفستان بس اغمق بشوي كانت ايه بالجمال
دخلت توق عليها : ريم نواف يبيتس براااا
تنهدت ريم تقوم:فيه احد غيره اللبس جلالي
توق وهي تعدل روجها : لااا بس هو سريع عشان توقعين
رفعت حواجبها ريم من حماس توق جابت لها الفستان وغصبتها تلبسه ومن الصبح رايحه جايه تشرف: انتي له متحمسه كذا
توق وهي بضنها انها تدري: كيف ماتحمس وهو زواج اغلا اثنين
سفهتها ريم تطلع وهي تحسبهااا تتطنز مشت بأتجاه نواف اللي متكي وسرحان وصحاه صوت كعبها : هلا
نواف وهو يمد لها الكتاب : وقعييي.
ناضرته وهي بترجاه لا خر لحضه: تكفئ نواف مابي
نواف بحسره: كان حسبتي لهااا واللحين وقعي
مسحت دموعها تمسك القلم بيدين راجفه بتوقع علئ موتها وقعت دون لاتشوف اسم الزوج رفعت راسها لنواف: مبروك زواج اختك مبروك ياسندها
غمض عيونه بقهر :اجهزي بيدخل زوجتس اللحين
راحت بأتجاه الغرف لكن قاطع وصولها ام هداج: ريم يابنتي
مسحت دموعها تلف لها: سمي
ام هداج بحنيه: زوجتس داخ يحتريتس
هزت راسها :بشوف شكلي واجي
ام هداج وهي تسحبها: قمر قمر بسم الله عليتس
دخلتها الغرفه وطلعت صدمت ريم بهداج الواقف قاطع صدمتها من نطق: اجيتس ولا تجيني
رجفت يدهااا ماتدري تفرح انه مو صقر ولا تحزن انها طاحت من حفره لدحديره قرب منها يمسك يدها يهدي من رجفه يدها مايدري انه زادها: بسم الله عليتس هدي غمضت عيونها بخجل من ضمها له بقصد يهدي رجفتها : بعتبر الرجفه ذي خجل بس مو خوف مني
شد عليها من بادلته الحضن من حست به راحه فقدتها اليومين ذي مشاء بها لين الكنب يجلس ويجلسها بحضنه كانت بتبع لاكن شدها يمنعها: خليتس
مسحت وجها ترفض تقوم تجلس جنبه : كيف كذا مو عساس صقر
هداج وهو يمسح علئ شعرها بتصريفه : الحمدلله توقعت تشبهين نواف بس يوم امي دخلت وشفت بيديها ملااااك بملامح باكيه وقلت عزا الله فلح قلبك ياهداج ضحك من شاف وجنتيها محمره ويديها خلف رقبتها : اس قاطعه طق الباب وسرعان مادخلت توق وخلفها امها الغاضيه من دخول توق
وقف هداج وقفت معه ريم يسلمون علئ امه :جعله زواج الدهر ياعيالييي
هداج : امين
قربت توق تضمهم سوا: مبروك لايقنننن قسم انا ليه ماركزت من اول
باس هداج رايها: يبارك فيتس وعقبال لتس
توق: هداج وش داعوي الأمهات ذيي
طارت عيون هداج كان بيمسك اذنها لكنها صارت ورا امه: خبله انتي الواحد مايدعي لتس
توق: بدري لاصار عمري ثلاثين ادع الدعوه ذي
هداج : بتعنسين عندنا معصي
دخل ملهم وهو ماساك يدين امه : رحبو بنا ياعرسان
قربت الجده تسلم علئ هداج : مبروك ياوليدي منك المال ومنها العياللل يارب
باس يدها: يبارك فيتس واللهم امين
قربت لريم تسلم عليها تضمها لها واردفت بهمس: مبروك يابنتي ويمكن خيره الزواج لتس
باست راسها ريم: يبارك فيتس انشاءالله انه خيره ياجده
ملهم بعدماسلم علئ هداج: يمه ترا خلص دورتس دوري اللحين
رفعت حواجبها الجده وهي تدز ريم له: ها خذ دورك
ضحك وهي يسحبها يضمها: مبروك عقبال لييي
ريم : اميننن
ام هداج: يلا تعال يمه هداج لبس زوجتك الخاتم
ناضرت ريم لتوق : امي وين.
الجده بتصريفه: امتس كانت بتجي بس جلست هي ولميس عند الحريم
حز بخاطرها انهم يحطون ل أمها أعذار : تمام
صفقت توق : يلااا بتبدأ تصوير ياعرسان
لبسو وخلصو طلعو الجده وام هداج لف ملهم لريم: بروح ابشر هارون انتس تزوجتي..
رفع حاجبه هداج: ورع هارون من
ملهم بضحك: ولدكك.
ضحكت ريم: مستحيللللل انسئ
توق:ملهم لارحت تبشره بروح معك واقوله انا عمت هارون ترا
ريم بغبنه: انسو تروحون له
هداج بعصبيه وفضول: من هارون انت وياها
توق بخرشه: صديق ريم
بققو ريم وملهم عيونهم هداج بحده: ويشششش صديق من
ملهم بعجله: هارون عامل البقاله حقت فهد
ريم توتر لما وجهه نضراته لها: توق غبيه ماتعرف تشرح
مسح وجه: تهرجون بالقطاره وش جابكم لهارون اللحين
ملهم بصدق : لما كنا بنسرق من البقاله وعشان مايكشفنا ريم كانت تسولف عليه تشتته وقالت له اول ولد يجيني بسميه عليك وطار من الفرحه المسكينن
هداج: وش حدكم تسرقون هااا
ملهم بعبط: بقاله اخوي تبي تهاوش هاوشهننن
توق بتصريفه: انتم ليه ماتروحن لرجال
ملهم: من هم الرجال مافيه احد جاء الشيخ وعيا يجلس
توق: يعني ملكه حريم بس
ملهم : ايه عادي اتنكر واجلس عندكم
توق : فكره والله ا قاطعها هداج: صاحيننن انتم عقولكم بها شي
توق : صدقت نطقطق
هداج: عقب البقاله اتوقع كل شي
ملهم : كنا مراهقيننن
ضحك هداج: يعني انت راشد اللحين
ملهم بسخريه: لا عامر
ناضره هداج وهو يقوم : انا بروح قبل أودع الملاعب من ابو هارون
ضحكت توق : خذني معك
طلعو ناضرت ريم نفسها : حتئ، انا بروح
مسك يدها قبل تقوم ينجضع علئ رجولها :تروحين وتتركين ابو هارون يام هرون
كشرت ريم تغير الموضوع : نواف وين
هداج: علمي به بالمجلس
ريم : وابوي
هداج وهو يلعب بيدها: ابوتس راح من عقدنا يقول عنده دوام
ريم بخجل: هداج انا لازم اروح
رفع حاجبه : تروحين وين قولي بروح اللعب مع المهبل توق وملهم
ريم: لا بروح عند الحريم لازم اطلع عندهن
قام يلبس شماغه يتدارك نفسه : تمام روحي
ناضرت فيه تتجه للمرايه الموجوده علئ الجدار تعدل نفسها : لا خلصتي من الحريم قولي ليي ابغاتس بموضوع
ريم بتوتر: تمام
أنت تقرأ
الحب لعبة موت بيدين جهال
Randomمو كل ودنا فيه يحصل *هنا بتعيشون مع أشخاص مو بيديهم قراراتهم أشخاص اتعبتهم طيبت قلبهم أشخاص تجرعو الغدر من أقرب الناس لهم..
