فهد وهو يبوس راس امه : كيف الحال
الجده :والله بخير وينك أمس ماشفتك
فهد:والله كان عندي شغل
دخل هداج ونواف قربو يبوسون راس الجده وفهد هم كذا تعودو :صبحهم الله بالخير
فهد :صبحكم الله بالنور زين جيت بغيتكم بموضوع
نواف: امر
فهد وهو يلف لأمه :جو خطاب ل لميس
هداج : لميس خالتنا ماغيرها.
فهد :ليه هو فيه غيرها
نواف : من اي عايله
فهد : واحد من اخوياي
هداج وهو يطير عيونه : خويك شايب وش له بلميس
فهد : ولد خويي ماهوب خويي لا عاد تناقز
هداج بأحرج:سم
الجده شيمه :دامه خويك وتعرفه وافق عليه
هداج :وراي لميس
الجده:وش رايه خالك يعرف الرجال اكيد والنعم به مايحتاج رايي
نواف:لا جده لازم رايها حرام
فهد : خلاص خوذو رايهااا انتم وردو لي انا مسوي عزيمه اليوم هنا تجهزو معهم حريم
الجده :خلاص ياوليدي
..............
ريم :لميس ياثوره انتبهي الحليب علئ النار
لميس : انا مو أخطبوط تشوفيني اسوي الخبز
دخل ملهم :يالله صباح خير انتي وياها ايش ذا الازعاج
ريم وهي تشمق له: ملهم روح نام مو فاضين لك
ملهم بحلطمه:يعني هو بكيفي ارجع انا ذا الثور فهد من جاء وانا تقل دجاجه اصحئ الصبح
ريم :الله يصبرك حنا شنقول جدتي تصحينا نسوي فطور للعائله الكريمه
لميس وهي تناضرهم بنص عين: خلصتو حلطمه ياحياه الفهد وسعاد عبدالله
ريم : لميس تكفين لا تخليني اميعتس مع هالسمن وتاكلتس عيده وبناتها
ملهم وهو يتخيلهم ياكلون لميس:هههههههههههههه يع يع لا عت تسبدي وهو خيال كيف لو صدق
نواف:يابنت انتي وياها ادخل
لميس :اذا لحالك تعال
هداج :انا معه
لميس :لا بس نواف مسموح يدخل
نواف :ريم معتس جلالتس
ريم : اي
نواف :سريع تغطي بندخل
ريم:صبر...... يلا تعالو
دخلو ناضرت ريم لهداج وصدت ماراح تهتم تساوت معها هي
نواف وهو يناضر ملهم وريم :اطلعو برا شوي
ملهم: ورع استح خالك انا تطردني عيب
هداج بحده:ملهم مو فاضين لك اطلع سريع نبي لميس
ملهم : وش تبون بلميس
نواف :مالك دخل
جت توق : تكفون فكوني ذي المره ماتقول بس من القهوه
ريم بأستغرلب:مين
توق بتكشيره : من غيرها عيده تدرين لما شفت وجهه وهب دخل علينا كان ودي اذبحه هو ووجه البارد.. كانت بتكمل لو ماطقها ملهم :ااا شسمه شعندكم متجمعين بالمطبخ
هداج : اطلعو انتي وياه سريع
توق : هاو ليه
هداج بعصبيه مصطنعه: انا وش اتكلم اللحين
ريم وتوق ماستوعبو الا لما ركض ملهم برا المطبخ وراحو وراه
هداج بضحكه:تشوفون ذا الورعان ماينفع معهم الاكذا
لميس :اللحين اخلصو شتبون
نواف :ودتس بأجواء عرس
لميس: الله من بيعرس منكم
هداج بدفاشه:انتي
لميس :بصدمه: هاه
ريم :ملهم اسكت ترا عجزت افهم
توق : وش بتفهمين فيه عرس
شهق ملهم :لميس يابنات لميس
ريم بخرشه :وش بها
ملهم وهو يرقص توق : بتعرس قلووووليشششش
هداج وهو يفتح الباب عليهم :وجع انت وياها
ملهم وهو يرقص رقصة المتوهق : وانت قلبك آسي اوي اوي ومش بتحس
هنا هداج ماقدر يمسك نفسه : هههههههههههههههه ياعبيط
وقف ملهم بصدمه : من ذا اللي يضحك هداج
توق : تخيل بس
هداج : بس بعصب اذا ماذلفتو عني
توق وهي تمسك يديهم تأخذهم معهاااا
......................... الضهر
لميس : فكوني مو فاضيه لكم بسوي الغداء
ملهم : لو جاوبتينا بنفكتس
ريم: لو بكلمه وحده
توق : اهم شي نشبع فضولنا
ملهم : شسمه
ريم : كم عمره
توق : وش وظيفه
لميس :هوب هوب واحد واحد ولا ما اجاوب
ملهم :طيب يلا شسمه
لميس : امم ضاري مدري ضافر
ملهم : الله يعينه من اولها نسيتي اسمه
ريم : كم عمره سريع
لميس : كبر هداج
توق : ياويحي ويحاه ليكون من أصحاب هداج الله يعينتس صدز
ريم : اي وش وظيفته
هداج : رقاص اشبعتو فضولكم خلاص
ملهم : حلوئ تطفش لميس يرقص لهاااا
توق : هههههههههههههه ياوك
ملهم : ياليل ضحكت جيري ذي عدليها.
توق : ها ها ياثقل دمك
هداج : اقول خالي فهد يبيك روح شوفه
ملهم بهياط: قله سر امها
هداج برفعه حاجب : ابشر كم ملهم عندي انا
بلهم بوهقه: انا اللي اسري امها محد يطقطق عندك انت علطول بيعلم
طلع ولحقه هداج
............................عند فهد
ملهم والله لو قمت عليك علمتك الرباده زين اشتغل زين
لف ملهم ويشوف وهب يضحك: ياقليل الادب عمك استح لا اكفخك بدال ابوك
وهب بضحكه : ماقلت شي ياعمي
نواف : ملهم ترا خالي فهد والله معصب ورتفع ظغطه لاينفجر عليك
ملهم بحلطمه: هو هذا شغلكم تعصبون علئ ملهم
هداج بضحك: عشاننا نحبك
ملهم :حبتكم القراده يازين الجلسه عند ريم وتوق بس
وهب : هههههههههههههههههههه ملمهم ابوي يناضرك
ملهم : كل تبن انت وابوك زين
فهد : ملهممم
ملهم وهو يدعي علئ العيال : سمم
فهد : تعال
جاه :هلا
فهد : رح جب الحريم للمزرعه هنا
ملهم : زين
راح للعيال : واحد يعطيني سيارته بروح اجيب الحريم
نواف مد مفتاحه : خذ سيارتييي
ملهم خذاها وراح
.................
ريم : جده والله خلاص كافي بروح اتجهز
الجده : باقي ام سعود دقي عليها واعزميها
ضربت راسها ريم هي من الضهر وهي عند جدتها كل شوي طالعه لها بشغله واللحين بيذن المغرب وملهم يقول لهم تجهزو وهي ماجهزت
دخلت مها وهي تناضر ريم : انتي ماجهزتي
ريم بقهر : اي لنو بكيفي انا ماجهزت
مها بعصبيه : وش ملهيتس ها غير الضحك انتي وتوق
ريم : كنت اشتغل عند جدتي وتو خلصت منها
توق :يلا ملهم يقول يلاااا
مها : اجلسي تجهزي ويرجع لتس نواف
ريم : اجلس لحاليييي
مها : انا لازم اروح استقبل مع امي مقدر اجلس عندتس
ريم : خلاص بجهز وادق عليكم تجوني
مها: زين انتبهي لنفستس
..........................
ملهم هو يتطنز: جت سخله باقي سخله وينها
توق : انا سخله جهزت بدري والسخله الثانيه امك أشغلتها ماخلتها تجهز
ضربها ملهم مع راسها:اسمها جدتي مو امك بعدين ريم تجلس لحالها
توق:مافيه حل غير كذا
الجده : ارواححح ياولد
ملهم: يلا يلا
حركو بقت ريم لحالهاااااا
......................................................
راحت تتجهز وهي شبه مروقه
خلصت شعرها بقا بس الميكب وتكون جاهزه
بدت بالمكيب وهي تغني تناضر نفسها بالمرايه وتقلد طريقه احلام وهي تغني :
فرقي عن النجمات اني مجره
نوري انا هوا كل نور حواليك
كيدي عضيم
خلصت وهي تناضر نفسها بغرور : والله انتس مجره صدق وبدت تحصن نفسها وهي تدق علئ نواف يجي ياخذها ماخذ ثواني الا رد
نواف: هلا
ريم : تعال خذني
نواف بأستغراب:وين أخذتس
ريم:للمزرعه
نواف:ليه ماجيتي معهم
ريم: ماكنت جاهزه
نواف: بشوف انا اقدر اجي ولا ارسل ملهم
ريم : زين
...................
جاء فهد وشاف هداج وملهم اللي تكسر من كثر الشغل عليه اليوم رعئ النياق وفرش الزل ويجدد القهوه للرجال ووهب وصقر مجتمعين برا : من فاضي منكم انتم
كلهم اسكتو مايبون الشغل بعدين استحئ هداج علئ وجهه :انااااا
فهد : زين رح شف العشاء شصار عليه عند الطباخ وجب ماء معك
جاء نواف اللي لافه شماغه علئ شكل عمامه والدله بيده : ملهم تروح تجيب ريم
ملهم: خل هداج يجيبها علئ طريقه انا والله متكسر
لف هداج لنواف : خلاص انا اجيبها بس خلها تجهز
نواف : جاهزه بس لاتطول عليها هي لحالها
..........
عند ريم اللي كانت تطقطق بجوالها الا وجتها رساله
:الو
ردت :هلا من
:خلف
ريم : شتبي
خلف: اسف اني صرخت عليتس بالمستشفئ ماكنت بوعيي
ريم : حصل خير
خلف:طيب ابي رقم ابوتس
ريم : ليه
خلف: انا رجال صامل وابي اكلمه واخطبتس
ريم : لاااا
خللف:وش اللي لااا
ريم: لا ماراح اعطيك رقم ابوي مابي مشاكل
خلف بتهديد: انا يمديني أخذه من نواف بس ابي منتس انتي
ريم: طيب مابي انا
خلف : والله اذا ماعطيتنياه لخلي خالتس يبكي علئ ولد اللي خايفه منه الحين هذاني حلفت
ريم: لا تكرهني بك
خلف:اتي تجبريني عطيني اياه سريع
ريم :طيب بس اعرف اني مو راضيه *********050
خلف: اسف ياقلبي
طلعت من المحادثه هي كل مالها تنصدم من شخصيته بس تتمنئ يكون قد كلمته ويخطب حتئ لو ماودها
دخل الحوش وحاول يفتح باب البيت بس هي مسكرته وهو يطق الباب : يابنت
قامت وهي تعرف الصوت مو صوت نواف : من
:هداج
انصدمت شيبي جاي ماتوقعت انه جاي عشان ياخذها
هداج: يلا اذا خلصتي انتضرتس بالسياره
راحت تلبس عبايتها وهي مصدومه
أنت تقرأ
الحب لعبة موت بيدين جهال
Randomمو كل ودنا فيه يحصل *هنا بتعيشون مع أشخاص مو بيديهم قراراتهم أشخاص اتعبتهم طيبت قلبهم أشخاص تجرعو الغدر من أقرب الناس لهم..
