سنين حب ويوما هجر

2

[ جده، 1:30 م ]
الكل مجتمع بصاله والتعب والنعاس ذابحهم بسبب سهرهم لوقت متاخر من اليل اردف متعب: متاكدين ماخذين كل شي؟ ترا بنقعد شهرين
نجم: وشو؟
متعب رفع حاجبه: قلت لكم الاجازه كلها، صح ولا لاء؟
تكلم سراج وهو يبغى يخلص ويمشوا: اي اي، متى نمشي خلاص جاهزين
متعب قام: خلاص اجل مشينا
الكل ركب للسيارات، باهر-نجم-ليال-سراج-رايف بسياره وحده وامال ومتعب بسياره لحالهم
باهر تقدم من الخلف يكلم رايف الي يسوق: بالله وقف عند ستاربكس حر والطريق طويل
ليال وهي تناظر فيه: بليييز ريوفييي
تنهد رايف: طيب طيب اقعدوا، التفت يسوق لطريق ستاربكس واردف: تبغوا نمر مكان ثاني؟
نجم وهي حاطه يدها على راسها بصداع: البقاله والصيدليه وماك
ناظرها سراج بضحكه: ليه بتقضين لدهر؟
نجم: هاه؟
ضحكوا واردفت كتبرير: البقاله ناخذ سناكات الطريق والصيدليه لاني ابي بندول وماك لان تبغوا نموت جوع؟
ضحك رايف: حسستيني وديناك بر بدون اكل
نجم: الديره كذا طيب كل اكلهم لحم
ليال تاففت وهي تضرب كتفها: اسكتي لا تقرفيني من الان
باهر: اتفق مع نجم مر كل مكان قالته
وقف رايف عند ستاربكس: الله يصبرني بس
الكل بداء يطلب واخذوا طلباتهم وشروا كل الي يحتاجوا وانطلقوا لخط الديره وهم مستانسين ويضحكوا يتناسوا الوضع الي بيعيشوا فيه
—
[ الديره - 6:40 م ]
بعد مسير طويل اهلكهم وصلوا لديرتهم، كان الكل بالخلف نايم من التعب عدى سراج الي كان قاعد جنب رايف يونسه علشان لا ينعس، تمدد سراج وهو يلتفت لهم يحصيهم: هييه قوموا وصلنا خلاص تمددوا ونزلوا من السياره واردفت نجم: سياره بابا وماما وين؟
التفت رايف خلفه من لمح سيارتهم واشر لها: شوفيهم
دخلوا ورحب فيهم الكل واردف الجد خالد ببسمه على وجهه: ياهلا بولدي ياهلا بعيالي حياكم
اقتربوا البنات يسلموا على جدهم الي كان مستنكر اشكالهم بعباياتهم المزركشة وشعورهم المفتوحه بدون غطاء ،ثم تبعوا امهم للداخل عند الحريم، ليال شدت على كفوفها بهمس لنجم: ماراح اتحمل لو تكلمت ذيك العجوز
اقتربوا يسلموا على عماتهم وكملوا يمشوا خلف امهم لين وصلوا للجده الي توسطت المجلس ونطقت زهرة: ياهلا بمره ولدي وبناتها حياكم
ابتسمت امال وهي تحب على راسها: الله يحييك يا عمتي
ناظرت الجده للبنات الي لابسين عبايات ملونه وفاردين شعورهم وعقدت حاجبها: اشوفكم كبرتوا ماشاء الله
ابتسم نجم وحكت كتفها ترد بعد ما وقرصتها ليال: تسلميلي يا تيته
الجده استنكرت الكلمه وناظرتها بعقدة حاجب: وش قلتي؟
نجم بارتباك: تيته...
الجده ناظرتها بحده وعصبيه: وش هالكلام وش ترطنين؟؟
امال ابتسمت ترد بترقيع لبنتها الي تورطت: تقصد جده ياعمتي تيته تعني جده
الجده ناظرتها من الاعلى للاسفل هي واختها: خليها ترطن بلساننا وتترك مساخه الكلام ذي، وكملت بحده: وتتستر هي واختها
امال ببسمه مصطنعه: ابشري ياعمي
وقعدوا مع البنات بهدوء
—
[ مجلس الرجال ]
الجد خالد: يالله حيّه يالله انك تسعدك زي ما اسعدتوني بجيتكم حياكم حياكم
ابتسم متعب وهو يحب راس ابوه ويده ويضمه: الله يحييك يبه
رايف وهو يسلم على جده ويحب راسه: ماتقصر ياجد
الجد بابتسامه ماتفارق وجهه: ادخلوا العيال هنا وصرخ ينادي مطلق: قم يا مطلق قهويهم قم
قام مطلق يقهويهم وهو يسلم عليهم: حياكم الله
سراج ببسمه وهو يصافحه ويضمه: الله يحييك يا ولد العم
وكملوا سهرتهم بضحكات ودقت العود