سنين حب ويوما هجر

6

[ 8:30 ]
بعد مده من محاولتهم للنوم انقطعت الكهرباء وقعدت نجم وهي عاقده حاجبها باستغراب وهزت ليال الي جنبها : ليال قومي، المكيف خرب؟
قعدت ليال وهي تحك عينها وتتلفت للبنات الي كانوا راقدين: مو طبيعي!
قامت روز وهي تتافف: بنات حر وش صار؟
نجم هزت كتفها جاهله الوضع: مانعرف شكله المكيف خرب او الكهرب طفى
التفتوا لدانه ومياده وميار ومها الي قاموا بهدوء وهم يطلعوا برا واصوات الامهات الي تعالت بصاله بكلامهم الي كان غير مفهوم لهم، رجعوا ومعهم اطراف كرايتين ماء واردفت مها وهي تدق ميار: قومي ميار هوي الاطفال
ناظرتها ميار وناظرت الاطفال وهي تبتسم بسخريه: خلفتهم علشان اهتم فيهم؟
مها وهي تطير عيونها: بس هويهم ياخي ماقلنا شي
رفعت ميار كتفها: مالي دخل شوفي غيري
لفت عيونها مها والتفتت لباقي البنات: مين يهويهم؟
والتفتت تناظر بنجم ببسمه: تقدرين؟
ردت عليها نجم الابتسامه بتسليك وهي تهز راسها: اهويهم بايش؟
مدت لها مها نصف كرتونه واخذتها نجم وهي تخبي صدمتها حسبت انها بتوجه المروحه اليدويه عليهم وخلاص وتوجهت تجلس قدام الاطفال وهي تهويهم
اردفت ليال وهي عاقده حاجبها: وش صاير؟ المكيف خرب؟ ولا هاذي الكهرب طفت
ضحكت مياده وهي تهز راسها: الكهرب طفى
تشكلت الصدمه بوجهها واردفت روز: وشو؟
ضحكوا ميار ومياده: مو متعودين على الحر؟ ياعمري
رمتهم دانه بالمخده وهي متنرفزه من الحر: يمين الله لو ماتسكتوا ماتشوفوا خير
ضحكوا ميار ومياده بشماته وكملوا سوالفهم والي كانت حش ببنات الحضر حسب كلامهم.
-
بمقلط الرجال كانوا قاعدين كلهم ويسولفوا ما بينهم
وانقطع كلامهم من انطفت الكهرباء وبعد دقايق ودخل رافي: السلام، ردوا عليه السلام وقعد جنبهم واردف: الكهرب طافي بس بدق على الشركة بشوف وش السبب
رفع هاتفه وهو يدق وتكلم اهم بعد ماقفل: عطل في عامود وبينحل قريب ان شاء الله
علي وهو يتتافف: الحين وش بنقعد كم ساعه كذا يعني؟
مناف ببسمه ساخره: اي ياعيونوا لين يرجع الكهرب
رفع حاجبه علي من اسلوبه معاه ولف راسه وسكت