سنين حب ويوما هجر

7

[ 8:10 ص ]
كانوا قاعدين بلغرفه والحر ذبحهم وشواهم كانوا نجم وليال ودانه يهووا الاطفال وروز وورد قاعدين يدوروا شي يسووه وميار ومياده يسولفوا ولاهمهم احد، حطت يدها نجم على صدرها بضيقه وبدت تهف على نفسها وناظرتها ليال بقلق: تعبتي؟ اكلم باهر يجيب الجهاز
هزت راسها لنفسك ورجعت اخوي الاطفال وهي هاديه من التعب والحر الي اكلوها، ليال بقلق: متاكده؟ ماتبين تطلعين برا؟ او اكلم باهر يجيب الجهاز؟
هزت راسها بنفسي: الشمس تحرق تبيني انشوي؟
هزت راسها بنفي وقبل تتكلم قاطعتها:خلاص مافي شي كملي
ناظرتها ميار بشماته ورجعت تطقطق بجوالها
—
كانوا العيال قاعدين وفاتحين الباب وكل واحد بجهه علي الي كان ميت حر ويحس بخنقه وسراج الي يهوجس بينما الباقيين قاعدين يسولفوا، سحب جواله مناف من ناظر رساله من ميار: تعالوا عندنا بنلعب
ناظر مناف العيال واردف: ميار تقول نروح لهم بيلعبوا
مطلق ضحك: اخرتها منابولي
ضحك معه مناف: يعرفوا غيرها هم؟
تعالت ضحكاتهم واردف باهر: ماعليكم اكلم ليال او نجم تلعبكم جاكارو
عقد حواجبه رافي: وش ذي؟
باهر ببسمه: مثل البلوت حلوه مره
هزوا راسهم واردف مطلق: خلاص تم مشينا
قاموا وناظروا علي: بندخل عند البنات تجي؟
هز راسه وقام معهم والتفت رايف لسراج وهزه: قوم بندخل عند البنات بتجي؟ هز راسه سراج والتفت رافي عليهم: فيه شي؟
هز راسه رايف بنفي: مصدع لا اكثر
ابتسم له رافي: سلامتك هز راسه سراج وقام معهم
—
دخلوا ونقز علي عند ورد واخذ الكرتونه يهوي نفسها بينما سراج قعد بعيد شوي يقلب افكاره ويحارب صداعه ورافي الي قعد قبالها يناظرها بشكلها المبعثر شوي وصدرها الي صعد ويهبط نتيجه لعدم اتزان نفسها والباقي التفوا بشكل دايره منتظرين ليال تجيب اللعبه
ونطقت ليال وهي تفتح شنط نجم: نجم جبتي اللوح؟
نجم وهي تهز راسها: اي اي بشنطتي الكبيره افتحيها
طلعت ليال اللوح والكرات والورق وقعدت تشرح لهم
ليال رفعت نظرها لهم: زين فهمتوا؟
مطلق حك حاجبه: تقريبًا
ابتسمت روز: بس تلعب اول قيم بتعرف
بدوا يلعبوا واول دور كان رافي،مناف،روز،دانه
صفقوا ايادي بعض روز ودانه من قاربوا للفوز: يسس باقي بس وحده
مناف وهو يدعي الهدوء: انتم غشاشات كيف كذا؟؟
روز بضحكه وهي تستند على كتف دانه: لاء بس انتم ماتعرفوا تلعبوا
مطلق ناظرها بطرف عين: لا بالله؟
دانه وهي تبتسم: اي والله شوفنا خلاص فزنا
صرخوا ودخلت روز اخر وحده وهي تضحك
روز وهي تقهرهم: قهررر شوفوا فزناا
مناف هز راسه: احنا تركناكم تفوزوا اصلا اص
مطلق بتأييد: صدق ولا كان فايزين من زمان
ضحكت دانه: تتحدى شوط ثاني؟؟
تدخلت ليال بسرعه: لا لا دوري ابغا العب
دانه هزت راسها: نغير البنات وهاذول، واشرت على مناف ومطلق يقعدوا ونشوف مين يفوز
ليال: تمم بنات من تلعب ؟
تقدمت مها: بلعب يلا
قعدوا وهالمره فازوا مناف ومطلق وضحك مناف بشر: شفتوا قلنا اننا نتساهل معكم
ليال وهي عاقده اكتافها: لاء انتم الحين جد غشاشين
ضحك مناف: دليل على كلامك؟؟
تاففت ليال وناظرت باهر: بالله مو غشاشين؟
هز راسه باهر وهو يضحك: مالي دخل
كانت بتنطق لاكنها نقزت بفرح من اشتغل المكيف من جديد معلن رجعة الكهرباء: يسسس اخيرا!
نجم تنهدت براحه وانسدحت: يلا بلا مطرود برا
قاموا العيال وهم خارجين والكل عاد لنومه عدى نجمنا الي تمددت تبعد افكارها من نظراته لها والي كانت شوي وتاكلها ومن نفسها الي مو راضي يتنظم