سنين حب ويوما هجر

21

فتحت عيونها ولقت مو موجود لاكن ما همها وطلعت لغرفه نجم الي كانت جنبها وطقت الباب بشويش وبعد دقايق وصلها صوت نجم: مين؟
ليال بربكه: انا ليال ابغا اكلمك
فتحت لها وهي مبتسمه ودخلتها وهي ماسكه يدينها ببسمه: وش فيك
قالت لها ليال عن كلام مناف لها وابتسمت لها: حلو انه قال كذا ومتفهم الوضع وان شاء الله تزين وننحاش منهم
نزلت نظرها ليال ونطقت بتردد: بس انا خايفه نجم
شدت على يدها: انا معك ومابخليك والتفتت من دق جوالها وردت: هلا باهر
تنهد ونطق: وينه رافي؟ او عمي راشد
عقدت حاجبها: ماعرف طلع رافي وخلاني وعمي اكيد بلمجلس ليش؟
نزل راسه وسكت لثواني ثم نطق: خلي احد فيهم يجيبك انتِ و ليال
نجم: تمام بس في شي؟
باهر: لا بس كذا ولا ماتبي تشوفي ماما وسراج؟
نجم: خلاص تمام بشوف احد يجيبنا وارد لك خبر
قفلت منه والتفتت لليال: يبغانا نروح المستشفى بس صوته ليال ما يطمن كانه كان يبكي
بلعت ريقها ليال: بشوف مناف يودينا
—
وصلوا بعد مده ودخلت نجم تتقدمهم من حست بنغزات اشد على قلبها ولقت باهر قاعد ولاف الشماغ على وجهه بلكامل ومنزل راسه للارض واسرعت بخطواتها اكثر تجاهه: باهر وش فيك؟
تجاهل كلامها يشد نفسه علشان ما تسمع صوته المهزوز ورجعت تكلمت: باهر!
نطق وهو مو قادر يتمالك نفسه اكثر: امي يا نجم امي
ناظرته ودقات قلبها تتسارع واقتربت ليال مع مناف الي كان عارف لاكنه سكت وتكلمت ليال: باهر اشبك؟ صاير شي ليش مغطي نفسك كذا
هز راسه مو قادر يتكلم كيف يوصل فكره انه اخر حضن دافي لهم راح امهم راحت! ماقدرت تتحمل وراحت تاركتهم لحالهم لوحوش الدنيا بدون ضهر يشدهم تمالك نفسه لامنه الان مايقدر مايقدر يتحمل اكثر يشوف نفسه ضايع كله من فكرته بلحفل هاذا يتمنى انه مافكر ولا تكلم كان للان اهله موجودين كان للان امه تضمه بحنانها وتخبيهم بحضنها عن العالم لاكنها راحت مع ابوهم تاركينهم بوسط اوجاعهم وكسرتهم وخذلانهم، شد مناف على كتف ليال وهو يقعدها واشر على نجم تقعد: اسمعوني بس بالله خليكم شديدين
قاطعته نجم الي كان الخوف ماكلها وتهز رجولها بخوف: لا تطول بلمقدمه قول!
شد على كتف ليال الي كانت ترتجف: امكم راحت مع ابوكم ورايف
ماقدرت تمسك نفسها وانهارت تبكي وهي تشد على عباتها بقهر عكس نجم الي كانت دموعها تنهمر بصمت كان الوضع معتم بضيقه والحزن الي اهلكهم وضمها مناف لحضنه شكلها كان يكسر الخاطر ماقدر يتحمل وشد عليها اكثر يدري انها تحتاج هاذا الحضن بهاذي الطريقه.
—
تفاعلكم يحفزني🌟