مًلَجّـأّ عٌبًأّدٍ ♡

شلون نغير من يومناا؟؟

العائدون الى طريق اللّٰه .:
بِسْمِ اللَّهِ الرَّحْمَنِ الرَّحِيمِ

بدايةً الأغلب عنده عطلة وكلنا گاعدين على أجهزتنا ناكل وانام صحيح
ف خل نغير من يومنا ممكن احنه عايشين باجر ميتين الأعمار بيد الله ف مانعرف شوكت نموت خلي نترك أثر حلو والله من نتكلم مع نفسنا اخر اليوم شنو سويتي نشعر  احنه سوينه انجاز نشعر بأستفادة  تتغير حياتنا نتوفق اكثر والله شيء جداً جميل الراحة النفسية الي تصير مو طبيعية

شلون نغير من يومنا؟؟
أولاً:- نلتزم بِما أمرنا الله بهِ نلتزم بالصلاة نلتزم في عدم النظر للحرام عدم الأستماع للحرام  عدم التكلم بكلام بشع وبذيء عدم التبطر على نعمة رب العباد وإلى اخره.....
ثانياً:- نقسم الوقت
مثل:
الفجر صليت الصلاة اضغط على نفسي  اقرأ دعاء العهد اقرأ سورة الفجر للأمام الحسين اقرأ سورة الشمس صدقة لسلامة صاحب الزمان روحي فِداهُ وارجع انام او ادرس او الي يعجبكم...

صارت الساعة بـ8:00  نتريك نساعد أهلنا او نتصفح بالجهاز اكعد وي عائلتي اسولف واضحك اغيرلهم جو او اقرا كتاب عن الشهداء واطبق وصاياهم او اطلع محاضرة معينة اشاهدها واستفاد اعرف الكثير عن ديني عن أمامي وابتي الغائب. 

بعدها نصلي صلاة الظهر والعصر ونسوي كم عمل مستحب بعد الصلاة ونتغدا
واكو بعض ينام الظهر واكو يبقى كاعد الي كاعد شيسوي يتعلم قراءة القرآن الكريم بكيفكم والي نايم العصر يتعلم  لأن قراءة القرآن الكريم بشكل مو صحيح نتحاسب بيوم الحساب عليها لأن احنه نعرف نقرأ وتكتب فقط الي مايعرف يقرأ ويكتب مايتحاسب عنده عذر اما احنه ماعدنه عذر لأن اكو دورات تعليم للرجال وللنساء واكو يوتيوب نطلع هم والي يمهم دورات تعليم قرآن حضوريّ والكثير من الطرق
هم تتعلم شيء يفيدك بالاخرة وهم راح تتوفقون ويومكم يكون يخبل وماتهجرون القرآن أبداً

والعصر بكيفكم الشباب  تطلعون وي اصدقائكم البنيات يساعدون الـ ماما يسولفون وياها بكيفكم

المغرب قبل الأذان  اذا تسوون مثل الشهيد أحمَد مهنه  كان يصلي ركعتين ثوابها للموتى المنسيين الذين ليس لهم ذاكر وليس لهم ذرية تذكرهم ولا سائل يسئل عليهم او تسلمون على مولاي الإمام الحسين عليه السلام
بعدها تصلون وتتعشون بعد هم بكيفكم 😅

قبل النوم نحاسب أنفسنا اليوم شنو سوينا النفس لأمارةً بالسوء
اليوم هم جرحنا قلب صاحب الزمان روحي فِداهُ هم هم قرأتوا زيارة عاشوراء؟
اليوم هل ذكرتم صاحب الزمان روحي فِداهُ؟
اليوم نظرتوا نظرة محرمة اليوم تحدثت/ي مع اجنبي/ة ومزحت/ي معها/ه؟
وهكذا يكون يومكم مليء بعبادة الله والسعي لرضا الله سبحانهُ وتعالى

خلوا سندكم إمام الزمان
من عرفت إمامي لحد الان ماحسيت إني وحدي  ،،دائما اشوف عندي حماية ،،ظهر ،،سند ،،قوة ..

وشلون يخيب او يضعف
الي رفيق روحه صاحب الزمان !

مَهمَا كَانَت ذُنوْبَك أرَجَع لَرَّبِ العَالَميْن تُوسَّل بِالحُسَيْن ومَنزِلتَه عِنْد رَبَّ العَالَميْن وكُونَوا عَلىٰ ثِقَه رَبْكُم رَاح يِقبَل تُوبَتكُم ورَاح يِقَربكُم مِن عندَه وْيهَديكُم لَطَريق الصَح طَريْق الهِدَايه الأمَامْ الحُسَيْن (عَ) هُوَ بَابُ الرَحمَه ، النَبيْ صَلَّىٰ اللهُ عَليَّهِ وآلِهِ وسَّلَم لَما عَرَج ألَىٰ السَمَاءْ لَكَه مَكتُوبْ عَلىٰ سَاقْ العَرْش إنَ الحُسَيْن مُصَبَاح اَلْهُدَىٰ وسَفَينَة النَجَاةْ ، شَوفوا شَكَد عَظمَة الأمَامْ عَند رَبَّ العَالَميْن فَتخَيِل انتْ تَتوْسَل لَربَك بالأمَامْ الحُسَيْن تتَوقعَه يِرَّدَك ومَيقبَّل تُوبْتَك؟ لا وألِف لا ..  لَكِن بْشَرط أنَ تَكُون تُوبَتَك قَولاً وَفِعلاً ودَائِميَه مَو وَقت عَند‌َك مَصلحَه يَمْ رَبَّ العَالَميْن وَقت أمتحَاناتْ وَقَت أسْتَلام نَتِيجَه وتِجَي وتَتوسَّل بَربْ العَالَميْن لا تَوبوْا تَوبَةً نَصوحَه حَتىٰ رَبكُم يَوفقْكُم ويَرحَمكُم  ..

نختم بـ الصلاة على محمد وآل محمد

حــيــثُ لـــ آريــا